影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
相關文章
今日（25-1-2025 Sat）老公唔舒服，但佢係都要落荃灣食晏，我哋先喺大班攞兩個年糕，然後至諗食咩嘢，我記得呢喥新開咗一段時間嘅生煎包，於是行嚟。我哋嚟到睇，格局係我哋曾經帶過爸爸食餃子嘅嗰間舖（https://www.openrice.com/zh/hongkong/r-%E5%9B%8D%E9%BA%B5-%E8%8D%83%E7%81%A3-%E6%B8%AF%E5%BC%8F-%E7%B2%89%E9%BA%B5-%E7%B1%B3%E7%B7%9A-r791381），我哋重坐去嗰時同一張枱（食評係2023年4月23日刊登嘅呢篇：https://www.openrice.com/zh/hongkong/review/%E9%9D%9E%E4%B8%80%E8%88%AC%E6%B9%AF%E5%BA%95-e4796703）。坐低睇完menu後，要咗：1. $54.00嘅3號餐麻醬手撕雞粉皮+生煎包一隻嚟到睇，份量同size都唔多同大，先食生煎包，個皮係脆同爆汁，但唔太熱，同平平無奇，冇驚喜。3分麻醬手撕雞粉皮，有麻醬就知會好膩，所以份量少都會好滯，食落，麻醬味道濃我得嚟唔好食，雞絲有膻味。2分2. $34.00嘅小雲吞湯麵6粒睇見小雲吞皮薄，老俾咗一粒我食，個餡係冇蝦，一般。3分豆漿，堂食係免費任飲，由於老公唔舒服要飲熱嘢，我哋見到menu寫冷／熱豆漿，所以放心有熱豆漿，店員會自己送上，飲吓先，唔係熱，更比我預期嘅凍啲，佢唔太甜，有豆味同渣，唔通係自家製？不過之後嗰啲都冇咁凍。2.8分服務：我哋要小雲吞湯麵6粒，但個男仔落咗$35.00嘅雞湯小雲吞12粒，好彩我睇得切張單，即刻改返正。女店員見杯豆漿飲咗，就會自動斟滿。4.5分抵食係2.5分
繼續閱讀
今次嚟到荃灣又再食多次幫襯嘅劉興記生煎包專門店🥟，水準依舊，冇令我失望👍！我哋叫左生煎包，一個肉碎拌麵，同埋一個午餐：12粒小雲吞斤配兩粒生煎包🍜。小雲吞一啖一粒，好方便，啲皮都好滑😍，拌麵肉碎份量超多，撈埋一齊食好好食😋。生煎包一如既往嘅爆汁同埋熱辣辣🔥，再配埋任飲嘅豆漿🥛，食得好滿足！✨最後唔夠喉，叫多一籠小籠包，佢地小籠包有D特別，個皮比較煙煙韌韌，裡面既肉汁比生煎包濃縮，都非常推薦！🥰劉興記生煎包專門店地址：荃灣荃灣街市街37號地舖📸
繼續閱讀
朋友不停話生煎包好好食，令到我都決定要一試點知真係有驚喜🥰當日叫咗兩個餐加額外生煎包✨S1上海排骨湯麵＋生煎包（1隻）配（凍）豆漿✨S2 蔥油雞扒麵＋生煎包（1隻）配（凍）豆漿✨招牌生煎包（4隻）總共有六隻生煎包，都食得乾乾淨淨😂豆漿仲要係任飲 好良心生煎包除咗肉汁多，下面個底都好脆👍🏼雞扒同排骨，個粉都好薄，入面個肉好軟.❗️❗️小心❗️❗️生煎包入面真係超級多汁，但係真係要小心小心小心❗️小心熱❗️小心着白色衫當日唔小心，滿滿肉汁，好難洗😅
繼續閱讀
想試呢間生煎包專門店好耐，小店會坐得迫少少，價錢實惠，最正係豆漿任飲，店員會不時幫你refill豆漿，豆味幾香濃好飲~🔘鮮雞湯小雲吞+生前包 （2隻) $54有12粒小雲吞，自己好鍾意食呢款上海小雲吞，餡料比較少豬肉為主，主要係飲湯同食滑溜溜嘅雲吞皮，另外必試係招牌生煎包，個底非常香脆，一咬落去就爆汁，比想像中大隻~🔘蔥油雞扒菜飯＋生煎包（1隻） $54炸雞扒外皮香脆，估佢唔到啲雞肉非常嫩滑，菜飯一大碗唔會太油膩，呢個餐我覺得可以encore~🔘原味上海小籠包 $40外皮厚薄適中，啲摺痕都幾靚，一咬落去湯汁爆出，抵食~
繼續閱讀
《劉興記生煎包專門店 - 荃灣》唔知你地知唔知生煎包其實係有分兩派別既呢?一種係比較厚皮的, 個皮係有D似蒸包既感覺, 但底部都係脆脆, 保留左鮮肉既肉汁; 而另一種就係相對薄皮, 輕輕一咬就會爆汁的, 湯汁會比較多, 就好似係大型既小籠包咁。而我係較為喜歡後者的, 特別之前去上海食過正宗既爆汁生煎包之後更加番唔到轉頭, 一試就愛上啦。不過, 喺香港多數都係食到前者較厚皮既生煎包多, 所以當我知道劉興記係專製作薄皮爆湯既生煎包後就經常去幫襯, 有一期一星期仲食兩三次添呀🤣近期我多數都去荃灣呢間分店, Lunch 時段會勁多人, 搭枱當然係在所難免的🥴如果一個人食的話我就推薦叫佢個套餐, 入面有一個主食再配埋一個生煎包, 豆漿可以任加, 所以每次都食到我好飽好飽, 有見及此, 今次我同同事反而散叫左幾樣我地成日食既小食, 同樣都係豆漿任飲😚💁🏻♀️蟹黃生煎包 2隻 $38蟹黃生煎包入面明顯食到好多蟹粉架，入面流出黎既湯汁都有濃濃既蟹油同埋蟹肉，個肉都好大件，食一件都已經好滿足😌喜歡重口味既就一定要試下啦💁🏻♀️招牌生煎包 $20雖然蟹黃生煎好好食，但我始終覺得原味係最啱自己口味，生煎包件件都有爆汁效果，肉汁唔會太肥膩，襯熱食就最啱不過💁🏻♀️原味上海小籠包 4隻 $40小籠包都係呢度既人氣產品，個皮薄薄的但入面有熱熱既肉湯，點埋浙醋可以解膩之餘仲可以清清味蕾💁🏻♀️麻醬青瓜雞絲粉皮 $42我覺得佢呢度既麻醬好好食，建議叫多醬食番夠本，粉皮可以掛滿麻醬，配埋青瓜絲同雞絲食口味十分清爽💁🏻♀️手功豆沙窩餅 $28而最後我地仲叫左個甜品，個皮煎到脆脆的，口感軟糯，如果啲豆沙可以再多啲就好啦
繼續閱讀