劉興記生煎包專門店

營業中

休息中

呢間生煎包人氣小店相信荃灣嘅街坊都食過，除咗菜式選擇多之外，仲有豆漿任飲。🥟招牌生煎包一定要點，煎到外脆內軟，咬開入面充滿肉汁。🐔蔥油雞扒菜飯$42雞扒新鮮即點即炸，炸到金黃酥脆，口感軟腍。菜飯都好夠鹹香。🌶️雞絲酸辣湯$35呢個係我最喜愛嘅菜式之一，每次都會點！真係好足料㗎，材料包括有冬菇、豆腐、木耳、筍同雞絲等等。🍲雞湯小雲吞12粒$35小雲吞包到細細粒，但係食到鮮甜嘅肉味，肉質扎實！🥒麻醬青瓜雞絲粉皮$42 （醬汁另上）呢個由雞絲、粉皮、青瓜同麻醬製作而成，食落真係好清爽開胃。