影片
港鐵灣仔站 B2 出口, 步行約5分鐘
繼續閱讀
電話號碼
59680586
營業時間
今日營業
12:00 - 14:30
17:30 - 23:00
星期一至四
12:00 - 14:30
17:30 - 23:00
星期五至六
12:00 - 14:30
17:30 - 23:30
星期日
12:00 - 14:30
17:30 - 23:00
以上資料只供參考, 請與餐廳確認詳情
有關獎賞計劃
《灘五郷 - 灣仔》灣仔都好嘢食就係人都知，但係估唔到巷仔入面有一間咁有日本feel嘅居酒屋喺度，仲要有日本廚師坐鎮有得睇住佢即燒鰻魚同埋生燒雞翼😋近排多咗個灣仔呢邊做嘢， lunch 放飯就同咗個同事去左船街呢一間我想去好耐嘅日式餐廳食飯☺️ lunch time嘅Menu價錢比較實惠，最平$138就可以叫到一個套餐，一般都係見到食客叫佢哋嘅午市定食，相信夜晚嚟呢一度會好好feel，好有日本屋台嘅感覺👍🏻我同個同事每人叫咗一個定食，每份定食入面有齊醃菜、前菜小食、主食同麵豉湯先唔好講其他配菜，淨係個茶碗蒸同埋麵豉湯都誠意十足，茶碗蒸有蟹肉同蟹籽喺面，食起上嚟好濃郁嘅蛋香😌而個麵豉湯都飲得出絕對唔係坊間即沖嗰一種，佢係用咗紅麵豉製作，唔會過鹹但係飲到回甘嘅甜味，簡簡單單嘅配菜都已經食得出心思🥰有機會都要夜晚過嚟試吓佢嘅燒鳥串先得😍我好似見到仲有得食提燈添💁🏻♀️蒲燒鰻魚丼定食 $268我嚟呢度之前其實已經一早睇定咗佢個Menu，知道佢個鰻魚係即席醬燒，坐到老遠都已經聞到鰻魚嘅香氣，果然係冇揀錯的，佢呢度嘅鰻魚同平時食到嘅口感絕對唔同，令人回想起喺日本老字號鰻魚店食到嘅鰻魚丼飯，佢個質地係有啲彈牙，底下層皮嘅位置燒到好香脆，師傅特登放咗紫菜喺底下吸埋鰻魚嘅醬汁，配埋佢個日本米飯真係令人停唔到口👍🏻💁🏻♀️是日廚師推介日本和牛牛扒定食 $328同事發咗達，lunch time已經食和牛啦🤷🏻♀️不過呢個價錢絕對物超所值👍🏻唔好睇佢個牛扒好似平平無奇咁，入口嘅感覺都令人幾印象深刻😍以為日本和牛實係好油膩好滯嗰種感覺，但係佢呢一個牛扒反而係食到牛肉嘅香味，當然佢個質感都係和牛嗰種軟嫩感覺，有油香但係絕對唔肥膩，可以配搭柚子胡椒、竹炭鹽、岩鹽又或者炸蒜片一齊食，個人覺得竹炭鹽同埋柚子胡椒嘅味道都好適合用嚟點個牛扒，我個人建議用竹炭鹽配Wasabi點個牛扒就最正👍🏻
繼續閱讀
今日去完買麵包就附近搵嘢食假期前要食好啲 去到船街見到灘五鄉唔使排隊就即刻安排入座呢度有分室外室內座位 我就安排坐室內吧枱 🥰Lunch meun 花多眼亂 有成16款套餐揀最後揀咗日本和牛牛扒定食定食會包埋麵豉湯 蒸蛋 漬物等緊食物嘅期間 一路望住師傅喺吧枱後預備食材同埋喺度燒緊食物 令本來肚餓嘅我 越聞越餓🫢和牛定食到喇 賣相已經好吸引🐮肉呈pink pink 粉嫩 食落多汁油脂分佈平均on side有幾款唔同調味醬汁 炸蒜 胡椒 海鹽 柚子辣醬最特別係黑媽媽嘅竹炭鹽 出面比較少見我個人最鍾意炸蒜+醬汁+竹碳鹽 夠晒重口味一啖牛一啖白飯 well balanced不過就咁食牛已經重牛味 想原汁原味可以就咁食🥚蒸蛋夠晒滑連埋蟹籽一齊食 雙重口感食完之後好滿足 lunch set仲有好多想試 可以嚟好多次🤭
繼續閱讀
一間充滿日本feel嘅居酒屋，由日本廚師駐場，環境舒適，設有吧位、卡位同埋戶外座位，座位選擇多。我同朋友分別試咗兩個定食——牛扒定食同刺身定食，每個定食都附有茶碗蒸、麵豉湯、白飯同醃製配菜，整體搭配豐富又均衡。 是日廚師推介和牛牛扒定食 ($328)雖然外表平平無奇，但入口絕對令人印象深刻！以為日本和牛會好油膩，但呢個牛扒完全冇嗰種滯悶感，反而食到濃郁嘅牛肉香味。質感保持和牛嘅軟嫩，油香十足卻唔肥膩，配搭柚子胡椒、岩鹽、竹炭鹽或炸蒜片都別有風味。個人最愛柚子胡椒，辣得幾爽，味道層次鮮明，絕對係點睛之筆！ 是日刺身五種盛定食 ($328)刺身肥美厚切，鮮味十足，如果油脂再多啲就更加完美！特別係帶子，鮮甜彈牙，令人印象深刻。 .🌝🌝🌝🌝🌝🌝🌝🌝🌝🌝🌝
繼續閱讀
對自己好一點，要食好西😋😋本人非常鍾意食鰻魚飯，見到有人介紹呢個餐廳鰻魚好出名，咁就梗係去睇下係咪咁正先😋😋蒲燒鰻魚丼定食（爐端燒製作需等候20分鐘）即叫即燒，我坐喺bar枱位，可以對正師傅燒鰻魚，好治癒😂見到條鰻魚燒到香噴噴，真係睇見都流口水🤤🤤Lunch set包沙律、蒸蛋、漬物同麵豉湯條鰻魚好大條，夠厚份量又夠多😍，個鰻魚汁調味調得啱啱好👍🏻👍🏻鰻魚邊燒到有少少脆，但又唔會過火喉，拿捏得啱啱好，師傅有啲功架👍🏻見到隔籬枱叫串燒，都好似好吸引，下次可以試吓👍🏻
繼續閱讀
灣仔發現咗一間日式餐廳，入面裝修好精緻，好有氣氛，忍唔住要去試下，果然有驚喜！⭐️季節のお刺身丼定食 $268一早做晒功課，上網見到呢個刺身丼好吸引，點都要試下😂😂有好多款刺身，賣相都好靚！尤其係海膽，食得出好新鮮😋😋可惜太少唔夠喉😂每款刺身都係厚切，非常大方！好滿足！🥹🥹刺身下面係紫菜白芝麻配暖飯，睇個出師傅有心思，每一啖刺身飯都好好食🤤🤤套餐仲會包麵豉湯、沙律、漬物同蒸蛋，非常豐富！服務好好，舖頭細細，全場坐滿，最好要預先booking，唔係要等位！
繼續閱讀