灘五郷

走入居酒屋，好似瞬間穿越去日本小巷。木質裝潢及暖黃燈光，帶出一種靜謐而親切嘅感覺，係一種慢活氛圍，令你自然又放鬆😌.🇯🇵Weekend Brunch （$588/ 2人）.【前菜】🥢鰻魚玉子燒蛋卷柔軟，甜味輕盈，鰻魚油香滲入其中，入口有種層次感😌🥢煙豬肝配胡麻醬汁煙燻香氣先行，胡麻醬帶出堅果甜香，口感細滑，完全冇腥味😌🥢芥末八爪魚爽脆又彈牙，芥末刺激感令味蕾瞬間醒神😌🥢螢光魷魚漬鹹香微酸，魷魚柔韌，係典型居酒屋小食嘅味道😌.【沙律】🥢野菜田園沙律蔬菜及牛油果新鮮，口感清脆，係整個套餐嘅淨化劑，令味覺重新歸零😌【卷物】🥢青瓜卷飯粒黏度適中，青瓜清爽，簡單卻解膩😌.🥢鉄火卷吞拿魚赤身鮮味突出，酸度平衡，經典之選😌【串燒】🥢明太子紫蘇葉豚肉卷紫蘇清香及豚肉油脂互相中和，明太子鹹香令味道更立體😌🥢自家製月見日本免治雞肉串雞肉扎實，炭火香氣明顯，配生蛋黃入口更滑潤，係全餐亮點之一😌【天婦羅】🥢海老炸漿輕薄，蝦肉彈牙😌.🥢舞茸菇菇香濃郁，炸後仍保留水分😌.🥢沙𩺬魚外脆內嫩，魚肉細膩😌.🥢番薯及南瓜甜味突出，炸漿輕盈，口感鬆軟😌【爐端燒】🥢鮮魚一夜乾魚肉實淨，鹹香濃縮且帶焦香😌.魷魚一夜乾🥢煙韌有嚼勁，唧少少檸檬汁令鮮味突出，配酒一流😌【炸物】🥢吉列廣島蠔蠔肉厚實，炸漿酥脆，入口乾身唔油膩😌🥢土佐豆腐外脆內嫩，配搭木魚碎及蔥花等，另有一番風味😌【主食】木魚湯烏冬湯底清甜帶木魚香，烏冬滑溜有嚼勁，為整個套餐劃上溫暖句號😌整個Weekend Brunch好似一場味覺旅程，由清爽前菜到炭火串燒，再到溫暖烏冬，層次分明。另餐廳唔止係食物，仲係一種週末慢活體驗，令你暫時忘記城市嘅急速節奏，享受鮮味與靜謐😌…查看更多

🎏實在係太耐太耐太耐無同B豬出黎食飯，咁難得肯應約，當然要揀間睇得上眼又美味可口的日本餐廳先襯得起佢。📌灣仔船街多野食到都可以話出名係食街，各國的美食雲集、中、西、泰、日、酒吧餐廳樣樣有，而《灘五鄉》更位於船街中央位置，零零舍舍一間掛滿燈籠🏮的日式餐廳絕對搶哂眼。📌掛上日式燈籠的日式餐廳就知一定係居酒屋。門口係排滿一個個寫上字的燈籠，居酒屋應有的刺身、壽司、燒肉、天婦羅、爐端燒等等，簡單易明，一目了然又有設計，确實夠特別。📌黎到星期六，營營役役左一個星期，終於放下假。放假當然要輕鬆下，餐廳都迎合呢個放假氣氛出左個weekend brunch，簡直係延續週末遲起身的美好時光！📌呢個二人前的weekend brunch係好多野食，可以話係8道菜午餐，包前菜6選4，卷物4選2，沙律2選1，串燒7選2，天婦羅拼盤，炸物3選2，爐端燒3選2及主食2款，$588兩位價，真心抵到爛，另加$228有任飲酒精飲品放題，千杯不醉的B豬即刻心心眼😍。Weekend Brunch，$588/二人前前菜鰻魚玉子燒剛燒起的玉子燒包裹住厚切鰻肉，鰻魚肉係淋身款，慢慢滲入鰻魚汁係玉子燒，淡淡的蛋香再食出濃烈的鰻魚口感，熱辣辣夾埋一齊食确實滋味。芥末八爪魚螢光魷魚漬辣鱈魚腸沙律自家製煙燻豚肉薯仔沙律驚艷到熊妹同B豬都一致認為係成套餐的MVP！別怪它其貌不揚，望落平平無奇，一碗好普通的薯仔沙律，筆一啖入口，真係不！得！了！係充滿多重層次感的一道前菜，薯仔蓉係充滿超香濃的煙燻味，鹹香與酸味交織再帶點攻鼻的味道，原來加入了法式芥末粒，口感超豐富，而這層次分明的味道會由口腔昇華致鼻腔內縈繞著又揮之不去，after taste味道更勝一籌，令人不捨得吃掉，係熊妹同B豬暫時吃過最出色的薯仔沙律！卷物加州卷滿滿蟹籽的加州卷仲有最愛的牛油果！😻鐵火卷即使包係卷物內的吞拿魚都好新鮮，絕不hea貨！串燒明太子紫蘇葉豚肉卷一串兩件的豚肉卷燒得好香口，帶點肥肉的豚肉咬落去會爆油脂汁，紫蘇葉又能中和油膩感。自家製月見日本免治雞肉棒從來都係熊妹最愛的日本串燒，雞肉棒燒到完全不見焦但又完全熟透，加入了雞軟骨增添了爽脆口感，點埋帶甜的日本蛋黃月見汁，成件事美味到極點😋。天婦羅拼盤有沙𩺬魚、南瓜同海老，每樣兩件。剛炸起的天婦羅炸皮唔厚又唔油膩；海老非常彈牙，有海蝦味，沙𩺬魚係成片魚柳無骨，食落啖啖肉；日本南瓜味道甜甜，薄薄一片軟綿綿。炸物吉列廣島蠔吉列酥炸皮沾滿麵包糠好酥脆，唔係好大隻但炸到鎖住蠔汁，咬落去炸皮超脆口，點埋沙律醬食夠滋味。土佐豆腐係其中一樣熊妹同B豬都愛的日本小食，經油炸過的水豆腐再浸入特製醬汁，豆腐勁嫩滑，細膩嘅味道就可以反映出師傅每一步細緻的烹飪步驟，大讚！爐端燒魷魚一夜乾有B豬在，一定要點魷魚乾。魷魚燒到乾身又唔燶，口感好有嚼勁，慢慢咀嚼慢慢食出魷魚香味，熊妹同B豬都認為唔需要點醬汁蓋過原味道。照燒雞扒上碟擺盤好靚，切成四等份的雞扒雞皮燒到收乾油脂，雞肉嫩滑，燒烤味香濃，啖啖肉無骨食落大快朵頤！主食茶漬飯類似泡飯的茶漬飯連湯底一齊食，比較濕潤易入口。木魚湯烏冬木魚湯加入了海帶比較鹹一點，但湯底好清，烏冬煮得非常彈牙！食落係Q彈口感！Alcoholic Drinks Free Flow ，$228/ person有Asahi、House Sake、House Whisky、Highball、Red Wine、White Wine and Sparkling Wine，暢飲兩小時真係岩哂班酒鬼們👻。📌靚境、靚裝、靚食材、靚氣氛，仲要包咁多野食，Weekend Brunch二人價真心抵，性價比咁高，絕對為呢個weenkend起了一個愉快的開始。…查看更多

🍢灘五郷 🔍灣仔船街18號地下4號舖-----呢間日式居酒屋係灣仔區紅咗一排，最近終於抽到時間黎試下。餐廳有室外同內，星期日12點黎仲有得walk in，大概一點幾就好full，唔想撲空建議提早預約。坐咗係Bar檯位置可以睇到師傅係面前燒烤，睇到人差d流口水。餐廳氣氛熱鬧，但又因為係半開放式，所以唔會太嘈雜，幾適合同朋友聚會。 Weekend brunch set（$588 二人份）前菜方面，鰻魚玉子甜度同鹹香平衡得好，蛋卷軟滑；煙燻豬肝入口帶粉綿口感，肝味濃郁不苦澀；螢光魷魚漬帶少少黏口，鮮味突出，幾清爽一款；辣炒鱈魚腸調味類似泡菜，口感脆脆的。沙律係自家製煙燻豚肉薯仔沙律，薯仔綿密，煙燻豚肉切得細碎，味道滲入薯仔入面，食落唔會太膩，帶少少鹹香。串燒款式都幾多，三心兩意下，揀咗比較多人揀嘅免治雞肉棒，同埋雞中翼。雞肉棒調味淡雅，蛋黃加上去之後滑溜滑溜的，亦提升咗濃郁感；雞中翼燒到外皮微脆，肉質保持嫩滑，鹽燒嘅香氣令人欲罷不能。 天婦羅質素有被驚艷到，整體用料上乘，沙𩺬魚炸得外脆內軟，肉質細嫩；蝦天婦羅好彈牙，而且炸漿薄，唔會搶晒蝦味；南瓜帶自然甜味，炸完都仲保持到粉糯感。 炸物揀選咗吉列豬扒同廣島蠔。豬扒外層金黃酥脆，肉質厚實而唔乾，咬落有肉汁；廣島蠔吉列咬開後有濃郁鮮味，炸漿薄身，入口先脆後爆汁，好鮮。重點之一嘅爐端燒亦無失望。鮮魚一夜干帶微微鹹香，魚皮燒得焦香，魚肉油脂感豐富；魷魚一夜干煙韌有嚼勁，燒香味重，但都食到鮮甜味，搭配清酒🍶好夾。 主食方面，茶漬飯湯底清淡，帶少少昆布香，加入少許飯素提味，食到尾用嚟清味覺幾舒服；烏冬則麵條煙韌，湯底同樣比較清爽，適合用黎收尾。PS佢地有Free flow飲野Plan～清酒很不錯🥤Plan A +$88-Japanese Apple Juice / Soft Drink🥂Plan B +$228-Asahi / Sake / Highball / Red / White / Sparkling Wine單比大家參考：…查看更多

週四晚約咗幾個豬兄狗弟聚一聚，地點就大佬留返喺灣仔，揀咗間大家都未幫襯過嘅「灘五郷」。網上訂座流程簡易，成功後可與專人以WhatsApp聯絡作進一步嘅安排。居酒屋嘅簷位擺放著多個燈籠，和式風味濃厚，喺船街上尤其光亮突出。延伸至後行嘅室外座位相信最受煙民歡迎，XO仔出名怕熱，所以訂位時講明接受唔到。室內嘅用餐大堂樓底極高，木造枱櫈都好整齊衛生。最中央位置為兩位日藉師傅嘅大舞台，一邊燒串燒，另一邊則玩爐端燒，上週四碰巧串燒師傅放假，所以未有緣一見。六口子被安排入座最後方嘅房仔入面，私人空間多啲，但係就偏暗同窄，坐得唔係特別舒適。酒鬼們埋位第一時間當然係叫酒酒飲啦！底面兩頁嘅食物餐牌可於網上下載。是日精選推介則寫喺黑板上。每位席上都擺有自用嘅餐具。刺身5種（$488/客）：一客刺身拼盤可視為三人份量，因為每款都有三片。個人覺得帶子同吞拿魚嘅質素都比較一般，海膽就有啲腥，反而橙白紋理分明嘅海老最為爽脆鮮甜。胡麻醬油甘魚刺身（$178）：喺胡麻秘醬內浸浴中嘅油甘魚刺身每片均厚薄適中，肥美柔潤，惹味香濃，好食過個刺身拼盤多多聲！岩手縣氣仙町活蠔（$138/隻）：日本直送嘅生蠔體積大就好大，亦都好滑溜，無奈鮮味欠奉，咸咸嘅海水味仍難蓋過蠔隻本身嘅腥味，性價比極低！炸雞軟骨（$88）：新鮮炸出嘅炸雞軟骨金黃熱辣脆卜卜，送酒佳品也！本地雞中翼（$56/串）：串燒雞翼皮層香脆，肉質尚算軟潤，不過就好似瘦咗啲。雞肝（$38/串）：意外地，雞肝完全唔乾唔嚡唔硬，幾隻酒鬼都係第一次食到咁柔潤兼且有彈性嘅雞肝，食到要追加，咁係咪一定要試呢？！雞腎（$38/串）：雞腎偏咗少少乾同硬，但都仲有啲爽爽地嘅口感嘅，未至於唔合格囉。雞蠔肉（$48/串）：印象中食過嘅雞蠔肉都好爽彈，唔似嗰晚嗰串咁實同冇彈性，好彩係廚房最後一串咋！雞尾（$57/串）：雞尾脂香豐沛，Q彈多汁，就連起初有啲抗拒嘅E先生都話好有驚喜，證明依個pat pat真心食得過！雞皮（$38/串）：串燒又乾又韌皮，仲黐咗好多肉，似乎唔係咁對辦喎！免治雞肉棒（$58/串）：脹卜卜嘅雞肉棒嫩脆尤甚，大量黏上月見蛋黃醬油後，更覺芳香滑溜。掌中寶（$46/串）：廚師推薦嘅掌中寶話說係雞腳個爪位最中間嗰塊肉，肉地厚得黎又好似雞軟骨咁卜卜脆，好骨膠原。雞背頂天（$48/串）：屬稀少部位嘅雞背頂天可視為雞嘅膊頭位，每隻雞只有兩塊。平心而論，質感軟腍嘅雞肉唔可以話佢嚡，但絕對唔可以形用為嫩；反而黐住嗰塊細細件雞皮係串燒雞中最肥美香滑嘅靚皮！雞冠（$42/串）：雞冠好似縮哂水咁乾噌噌，雖然冇骨但膠膠地，唔係咁啱自己口味囉！年糕豬肉卷（$48/兩件）：卷物外層片豬肉燒得好香脆，中間件年糕則煙煙韌韌，都幾得意。澳洲和牛橫隔膜（$228）：和牛橫隔膜賣相就似乎幾得，可惜食落牛味唔出，入口仲幾油，加配蒜片只得個咸字，貴得冇道理！牛舌芯（$78/串）：厚厚地身嘅牛脷偏韌，牙力少啲都食到牙骹軟哂。雞頸肉（$42/串）：XO仔都係之後睇相先發現，原來其中一串雞頸仍呈粉紅色，明顯未熟，只係第一次食雞頸嘅兩個「小朋友」唔識，所以成條食哂後淨係話雞頸肉怪怪地，好在飯後佢地冇肚痛咋，可能大家飲得夠酒幫助腸胃消毒啦，始終食咗生雞依家野可大可小嘛！爐端燒鰤魚鮫（$188）：全枱人都彈個燒魚鮫啲肉比較嚡，唔得肥美，唔明點可以被列為廚師推薦項目！燒喜之次（$580）：根據愛食魚嘅豬弟所描述，燒喜之次雖然係比個燒魚鮫鮮香同幼嫩啲，但其實水準頂多都只可以話係正常一般。背脂雞鹽拉麵（$128）：拉麵個樣好清嘅湯底味道好淡，白雪雪嘅厚切雞肉又唔可以話佢嚡嘅，腍腍地但絕不稱得上嫩滑，最奇怪就係加咗啲雪菜入去，格格不入到有啲似阿茂整餅咁囉！小肥近日啲牙仔食襯甜野都痛痛，所以唔咁試，不過有食嘅人就話「紫蕃薯大福」（$56）好食過「綠茶大福」（$56）。灣仔居酒屋「灘五郷」嘅半露天設計入夜後十分熱鬧有人氣，服務生專業好客，食物質素就有點兒參差，其中串燒遠比海鮮菜式出色，兄弟們都同意平均千幾蚊一個人的話，區內不乏更好嘅選擇。…查看更多

位於灣仔嘅🏮日式居酒屋🌟灘五郷🌟，採半露天式嘅設計，裝修佈置勁有Feel😍！餐廳會按季節食材調整Menu，最近推出咗🆕週末早午餐，可以試齊餐廳主打嘅正宗爐端燒🔥、博多串燒🍢及和食🍤！🍱週末早午餐 $588/2位🥗前菜｜沙律套餐包含四款前菜及一款沙律，漬鱈魚腸、螢光魷魚、八爪魚都係滋味十足！沙律清爽美味！🍣卷物自選卷物都唔錯，我哋揀咗鐵火卷同埋加州卷！🍢串燒由下田師傅親自操刀，雞翼嘅鹽燒香氣真係幾正！而自家製嘅免治雞肉棒醬香怡人！🔥天婦羅拼盤｜炸物即叫即炸，天婦羅做到外脆內Juicy，師傅功架十足！土佐豆腐係先炸再用高湯浸，十分美味！吉列豬扒同樣係外脆內嫩，正！🐟爐端燒揀咗兩款一夜乾，將魷魚同埋黃花魚嘅鮮味放大！🍚主食有美味嘅茶漬飯，亦可選滑溜嘅湯烏冬！🥃飲品放題（有酒精）$228/位店員推介嘅Whisky Highball入口清爽有酒香，係夏日微醺之選！同時可以任飲啤酒、清酒、紅白酒、氣泡酒等！…查看更多