62
2
1
港鐵東涌站 D 出口, 步行約7分鐘
繼續閱讀
電話號碼
28363888
開飯介紹
餐廳設計以70至90年代的香港為靈感，如知名影星劇照、香港景點等作裝飾，讓你享受正宗川菜、火鍋及燒烤菜式時，也能感受本地情懷。
繼續閱讀
營業時間
今日營業
11:30 - 23:00
星期一至日
11:30 - 23:00
以上資料只供參考, 請與餐廳確認詳情
-
網上訂座服務暫停
行完昂坪360, 落東涌不妨系纜車站隔離近期新開的食肆~花椒八角食埋個四川菜才走人, 反正也要吃晚飯, 就來試試新食店吧。食店裝修光猛企理, 富特色, 樓底高, 空間感十足。機乎大路四川菜菜式, 花椒八角都有提供。最正係全日生啤happy hour, $48/500ml, 超級低飲, 惠顧小食兼送1664支裝啤酒, 真識做生意, 食川菜就係要冰凍的啤酒解辣, 咁優惠嘅價錢, 飲多兩杯都不覺心痛日本札幌生啤 ($48/500ml)夠曬冰凍, 行完街來一杯, 真爽, cheer香油海蜇頭 ($118)除咗麻油, 還加了芫茜、芝麻及脆口青瓜粒提香增口感, 海蜇頭就係食佢嘅爽脆, 真係索索聲, 送酒一流, 如果再重少少口味會更正。涼拌海帶 ($35)海帶是營養豐富的海藻類健康食品, 海帶絲用蒜片、麻油、芫茜及麻辣油撈起, 鹹鹹香香, 麻麻辣辣。水煮鮮牛肉 ($198)嘩! 顏色艷麗, 睇見到食指大動, 望落好辣, 我地叫左小辣, 食落其實辣味很溫純, 一啲都唔搶喉, 麻辣湯底惹味得嚟唔會太重味精, 辣得嚟味道幾有層次感, 誠意之作。材料豐富, 新鮮牛肉肉質嫩滑微彈、 芽菜及青瓜脆口、鮮筍片嫩口, 還有嫩滑豬紅, 最正當然是底下吸盡精華的透明狀軟滑彈牙薯粉吧四川煙燻樟茶鴨 ($158/半隻)今晚我地一致認為這個四川煙燻醬茶鴨最好食, 煙燻香味入曬鴨肉, 鴨肉鹹香結實得黎還能保存到其肉汁, 有嚼口, 卻不會柴硬, 那層薄薄的鴨皮超鬆化香口, 推介!鴨皮薄薄一片, 又香又脆口, 比乳豬皮更薄更鬆化食店晚市免加一、免茶價之餘, 食滿$100 仲有印花儲, 指定日期前儲夠印花可免費賞你一款自選四選一食品, 今時今日香港咁嘅環境仲咁有心思做食肆, 自強策略值得支持! 更何況餸菜的食味很不錯, 下次行完山再嚟幫襯
繼續閱讀
乾鍋小龍蝦 芥末海葡萄我間中會到東涌逛街購物, 順道晚飯再回家! 早前到東涌乘坐昂平360纜車, 突然發現原來纜車站旁有家餐廳, 下車時立即去試試! 路口有招牌但不算顯眼, 但在泳池旁的纜車站旁走入去便是, 閃閃的燈飾很耀眼! 花椒八角, 應該是四川菜為主題吧, 這菜種在東涌不常見呢! 落地玻璃, 以香港昔日情懷作主題, 坐位寬敝舒適, 還設有大圓桌、酒吧, 讚!不得不說, 全日祭Happy Hour 歡樂時光, 啤酒很划算呢!招牌蒜泥白肉 $58/小 ~ 擺盤像花一般! 蒜泥很大一份, 但不會很嗆, 很新鮮! 白肉及青瓜切得很薄, 剛好掛滿醬汁及蒜泥, 微微辛辣, 超開胃! 芥末海葡萄 $88 ~ 想不到這有海葡萄, 配上醬油同吃, 爽爽脆脆又清新, 沖淡了一點蒜泥的味道, 別有一番滋味! 雙魚座 $388 ~ 酸菜魚及水煮魚! 用上鱸魚, 肉很厚身, 肉質嫩滑細膩, 味道鮮美無細骨, 是吃得出的鮮味!酸香湯底很清甜, 配上黃耳、秀珍菇等, 一啖一滿足! 水煮辛辣但不嗆喉, 配上鴨血、筍片、薯粉、大豆芽、青瓜等! 2種食法完全不同, 但同樣配料也極多, 魚肉也多, 一魚兩食十分豐盛, 超值! 乾鍋小龍蝦 $218 ~ 香氣奪人, 未上枱已陣陣飄香! 龍蝦份量還真不少, 意想不到滋味不止在殼面上, 連肉也很入味! 鮮甜香辣並存! 清炒萵荀絲 $78 ~ 其實可選熗炒或青椒炒, 但我們想來點清淡的! 萵荀絲清脆嫩綠很爽口, 清新解膩又爽甜!擂沙芝麻湯圓 $38 ~ 黃豆粉夠多, 湯丸皮幼滑煙靭, 芝麻餡很香!四川鮮果冰粉 $38 ~ 我很喜愛冰粉, Q彈爽滑! 有別於一般搭配乾果, 這是配上新鮮甜美芒果, 增添了一份香甜, 吃完齒頰留香，又清涼又美味。芒果沙冰 & 熱情果茶 ~ 甜甜的, 完美! 臨離開前, 抬頭再看看纜車, 夜景又另有一番景緻!
繼續閱讀
人住東涌有時想吃辣菜真的不好找！如想吃一頓正統的川菜選擇就更加少了，不過最近試了間質素不錯的型格川菜店感覺良好，以後辣癮起的時候就不用長途跋涉外求搵吃了。這間位於東涌昂坪360纜車站旁邊的花椒八角已經開了一段時間，作為街坊的我還是第一次來捧場呢！擁有落地玻璃的餐廳內以懷舊風情作裝潢，早上來肯定是陽光充沛活力滿滿的餐廳，晚上則以型格作招徠皆因於週五餐廳有Live Band駐場，品嚐中菜有現場音樂還是第一次見相信必定很有氣氛。飲品點上我喜歡的青檸梳打$38，走甜的青檸梳打非常清爽用來配火辣的川菜最適合不過。餐廳實行全日制Happy Hour！車爸爸即時點上來自意大利的Peroni$48Chill Chill，早前於意大利餐廳品嚐過這啤酒口味蠻不錯，這兒的價錢平了足足$20真的超級抵飲。打頭陣是一系列的川辣涼菜！夫妻肺片$98辣度溫柔內臟沒帶上丁點異味，連怕羶的我也能夠品嚐得到很不錯。這客烤椒鵝腸$98擁有酸辣的味道，鵝腸烹得非常脆口還很甘香味道超讚。吃川菜點蒜泥白肉是常識吧！這兒的招牌蒜泥白肉$98賣相非常精緻，特製的蒜蓉醬蓋著爽而不膩的五花肉再襯上清甜的青瓜片，吃下口感豐富之餘味道亦非常濃香可口。喜歡有嚼勁的您這道香油海蜇頭$118就必定要點！脆卜卜的海蜇頭加上鮮爽青瓜粒口感超棒，麻油的香氣令菜式增添美味的神韻。近來頭痛多了見有川芎天麻燉魚頭湯$108即點來補補，打開盅蓋那藥材香氣濃罩於空氣之中，呷一口燉湯濃郁鮮美絕對值回票價。這兒剛推出了酸菜水煮雙魚座$388，即可以一次過嚐盡酸菜和水煮魚兩款經典川菜太貼心了吧！急不及待先享用酸菜魚率先嚐到香甜的高湯底，而且酸跟辣的味道也非常平均甘醇鮮美，內裏除了有滑溜的桂花魚件外還有秀珍菇及特別的繡球菌陣容非常豐盛。另一邊紅彤彤的水煮魚也不是省油燈喔！同樣佈滿嫩滑的桂花魚但配菜就變成了滑溜鴨血、爽甜鮮筍和清新的青瓜，水煮魚吃下去味道挺香但辣勁對我來說有點兒不足，下次再來吃的時候必定要加辣才行。超喜歡水煮魚內裏的煙靭薯粉沒有坊間一般似橡膠的口感，索盡了香辣的湯頭非常吸引好吃。這兒除了川菜其實粵菜也非常出色！點了看似簡單的聖女鳳梨咕嚕肉$138來品嚐，很喜歡調教得酸甜味恰好而且滿有鑊氣，咕嚕肉不是超脆口但肉質很有彈性，除了菠蘿外還特意加添了山楂及蕎頭味道天然吃得非常舒心。接下來是香氣撲鼻的霸王辣子雞軟骨$138，看上去辣度十足吃下卻味道溫柔，雞軟骨粒粒香脆可口車爸爸食得超開心。喜歡吃黃鱔的我看見有芹香黃鱔絲$188當然第一時間點下來！黃鱔肉好紮實而且沒帶上泥味好鮮香，加上大量唐芹支持下帶出清香味道好誘人。吃了那麼多濃郁菜式後來一客萵筍絲$78正好！萵筍炒得非常香口質感也爽脆，用來清新味蕾非常適合。主食來碗四川擔擔湯麵$38跟車爸爸分享！色澤艷麗的擔擔麵湯底很香甜，是可以飲用的質素非常令我有驚喜，而它絕非滿滿麻醬味道的版本反而覺得更為濃香味美，加上爽滑拉麵這碗擔擔麵超能討我歡心。平時吃的擂沙湯丸大多以花生作配襯！但這客擂沙芝麻湯圓$38則以黃豆粉包裹自家製的芝麻湯圓，煙韌軟糯加上黃豆粉後味道不會過甜又香口好好吃。真的太開心於東涌內有間這麼有質素的川菜館，還有很多菜式想吃是時候相約辣局好友相聚一刻了。
繼續閱讀
又俾我發現筍野‼️#花椒八角 $78 就可以任食前菜、任飲果茶同豆漿😍😍星期六日入香港後花園 - 大嶼山玩下。係大嶼山巴士站🚏旁邊嘅達東路花園💐，一入去就有間高質四川菜午市套餐（只限星期日及公眾假期）包括任食前菜，白飯同自助飲品午市套餐 $78💡四川回窩肉💡螞蟻上樹💡乾鍋椰菜花豆干💡勝瓜零耳豬頸肉午市套餐 $98💡水煮牛肉💡酸菜魚💡咕嚕蝦💡香油鹽水雞💕酸菜魚🐟大大碗嘅酸菜魚，魚肉厚身柔軟。酸菜湯酸香濃郁，好想再飲多碗😍💕 乾鍋椰菜花豆干🥦唔太辣但勁香辣椒🌶️香味，每種材料都炒到好乾身爽脆💕 咕嚕蝦🦐蝦肉大大件，酸酸甜甜好開胃🤤💕任食前菜當日係雞軟骨同涼拌木耳，爽脆好食💕任食白飯同紅米飯夠健康，我哋屋企未試過煮紅米飯，即刻裝俾阿仔食💕任飲果茶當日有荔枝紅茶☕️、水蜜桃茶🍑同豆漿🥛，我最愛就係荔枝紅茶，甜甜地又夠香，阿仔就好中意豆漿🥛📣最最最緊要一定要食佢個粥，粥底綿滑，同我最愛嘅雲泉仙館粥底一樣咁綿滑夠火喉！ 一定要試（任食的）
繼續閱讀
同男朋友坐廉航去台灣，當然無啖好食，所以一落機就拖住喼去東涌搵食。餐廳地方寬敞闊落，沙發座又大又舒適，最特別是牆壁的設計，係不同電影嘅劇照，仲有幾部大電視播緊有關電影資料，唔通老闆係電影迷？週末供應半自助午市套餐，可自由享用自助餐區的前菜 、米飯和特色飲品，好豐富咁！而主菜就有十款選擇。前菜 有兩款，香辣雞軟骨好爽脆；涼拌雲耳豆皮又爽口又入味，兩款都咁惹味。飲品就有四款，凍飲有熱情果茶、荔枝紅茶，而熱飲就有玫瑰金菊花茶和豆漿。熱情果茶（$0/跟餐）酸酸甜甜又有茶香，好好飲；玫瑰金菊花茶（$0/跟餐）就好甘香，無糖順喉。米飯（$0/跟餐）就有三款，有白飯、紅米香草飯和小米肉碎粥，有誠意嘅製作。紅米加咗香草又香又有益；小米肉碎粥加了小米和肉碎又香又有口感，兩款都係健康之選。麻辣口水雞（$95）半浸着辣油，舖了香脆的花生粒和甘香的芝麻，睇落好火辣。嫩滑嘅口水雞有少許油脂，既滑溜又唔太肥，跟醬汁同食，香辣惹味，男朋友極之喜歡。酸菜龍脷柳 （$95）大大碗，有大量酸菜和芽菜，而魚片的份量亦唔少。酸菜湯辣中帶酸，好喝得很，越喝越滋味，而酸菜和芽菜都酸酸辣辣，又入味又爽口脆身；龍脷柳就啖啖肉，好嫩滑，正！是日甜品（$0/跟餐）係蛋花大菜糕，清新微甜！
繼續閱讀