影片
港鐵東涌站 B 出口, 步行約1分鐘
繼續閱讀
電話號碼
23828633
營業時間
今日營業
10:00 - 15:00
18:00 - 21:30
星期一至日
10:00 - 15:00
18:00 - 21:30
公眾假期
10:00 - 15:00
18:00 - 21:30
公眾假期前夕
10:00 - 15:00
18:00 - 21:30
以上資料只供參考, 請與餐廳確認詳情
有關獎賞計劃
喺東薈城outlet買咗幾對波鞋後,去佐一間環境幾靚嘅六小館晚飯😋裝潢清雅悠然,令人好relax♡叫佐個優惠價皇牌2人晚餐：(A)前菜三小品(冰梅鐵棍淮山、陳醋小雲耳拌青筍、冰爽水魷魚)3樣都好清新開胃,魷魚爽口,帶些辣幾過癮😅湯品◆雪影金粟魚肚羹(2位)熱辣辣,魚肚好足料,好鮮甜暖胃🤤主菜◆鮑魚蝦乾小炒皇勁多料,有蝦乾,菜脯鹹香,大蝦,帶子爽口,,鮑魚彈牙同好入味超級惹味~食到海鮮嘅鮮味,韮菜花好嫩冇渣,加上炸腰果口感好豐富😋◆拔絲爆珠咕嚕極黑豚肉賣相已好靚,黑豚肉脆而不膩,連同爆珠一齊食酸酸甜甜好特別！◆魚蝦蟹鍋燒豆腐好有鑊氣,豆腐好軟滑,魚肚及蝦仁同蟹柳絲索曬啲精華好入味,好快KO晒👍套餐加$6.6優惠 ◆生浸上湯菜膽走地雞(半隻)走地雞肉質爽彈不鞋口,連皮食都不覺油膩,大件夾低食。主食◆六小館燴飯(羊肚菌,流浮山蠔,滴漏雞油)燴飯係由桶蠔同埋香 蔥作為配料炒成燴飯,餐廳完全冇吝嗇到佢哋嘅材 料,大大粒嘅和食落好鮮味一啲都唔腥,加上羊肚菌嘅菇香味令到燴飯更好入味更多層次！甜品- 廚師是日甜品◆桂花糕桂花糕口感爽滑清甜,入口又有淡雅桂花香,,食到好飽好滿足!♡六小館係openrice做緊優惠,,可66折優惠享譽午餐2位用套餐及六小館66折優惠享譽午餐4位用套餐及$6.6加購優惠價**搵日再嚟試下午市先😋
繼續閱讀
屋企人之前去大澳前黎過呢間位於東涌東薈城六樓的六小館飲茶，番到屋企讚不絕口😆今日同我老友慶祝生日🎂，就襯六小館有666優惠，黎試下係未真係有我媽讚到咁好味🤣🤣🥰🥰六小館的666優惠涵蓋午市和晚市，除咗午市二人和四人餐可以有66折優惠，仲有$6.6 點心和$66.6 大激賞加配優惠😃😃我同朋友兩個人叫咗個二人晚市套餐😃😃，真係無呃你地，碟碟都好好味，我地食得好滿足🥰🥰前菜三小品萵荀木耳涼拌青瓜胡蘿蔔豆乾話梅鮮淮生非常開胃，我最喜歡話梅鮮淮生！大家一定要試下😍😍😍瑤柱海螺燉野山竹笙湯- 好味🤤 足料！紅燒開邊石岐乳鴿皇- 好脆皮呀😃😃又大隻又多肉😍😍😍蜆芥薑淮山安格斯牛頸脊煲- 嘩😆😆😆好有鑊氣呀🥰🥰🥰好足料！ 有數之不盡的牛肉同淮山同配菜👍🏻👍🏻👍🏻 上菜時，待應仲會幫手撈下防黏底😃細心！抵讚😍😍養生黑杞子浸時蔬 （菜芯）- 雖然主角係菜芯，但黑杞子好甜😄😄仲有雜菌！呢度菜好好味又好健康😊😊金華雞汁扣原隻花膠撈粗麵- 最重要係位上🤣每人一碟，每人一大隻厚身長花膠唔洗打交😂😂 本身好少食飯麵既話，都一口氣清哂😂😂😂招牌胡麻醬珍寶明蝦球- 呢個$66.6 一定要食！蝦球真係珍寶size! 每一個我要咬起碼三啖先食得完！唔好睇只係賣$66.6，我數過一碟有六粒🤣🤣 胡麻醬沾上蝦球原來係咁好味☺️☺️ 好彩有叫😄😄😄😄廚師節日甜品- 心形杞子桂花糕😍呢間中菜館食物同服務都係做足100分！😆😆 待應好好態度又有禮貌，喺香港真係好少見喇…襯而家有666優惠，大家快啲把握機會試下🥰🥰六小館 (東涌)東涌達東路20號東薈城名店倉6樓601號舖
繼續閱讀
久不久就喜歡到東薈城逛outlet，每回出發前都會搜索一下有甚麼好東西吃。這次偶然發現六小館於openrice出了不少優惠，套餐有66折的折扣。由於向來對這個集團的食肆相當有信心，加上這家於去年光顧午市時，對食物和服務都留下好印象，因此這回相當有信心地於網上先行購買66折的套餐。二人套餐非常豐富前菜三小品--陳醋小雲耳拌青筍、涼拌椒香棒棒豆乾和魔鬼冰爽水魷魚皆有水準。雪影金粟魚肚羹溫熱足料。熔岩沙茶原隻鮑魚豬手煲有4隻鮑魚，鮑魚和豬手都入味腍滑。櫻花蝦牛乳滑蛋炒日本帶子，特別欣賞滑蛋，滑溜且蛋味濃。養生黑杞子浸杞時蔬，清淡健康，喜歡。桂花鮮蝦炒新竹米粉，炒得相當乾身，大蝦扎實爽彈。桂花糕清甜，充滿桂花香。其實2人餐的份量已相當多，惟因為餐廳可以$6.6加配一夜情，即清蒸原條本地鮮魚，見價格太吸引就加配了，水準沒有將貨就價，個人覺得這條魚是整餐中最驚喜的，其中一邊更起了骨，可謂啖啖肉，而且嫩滑不帶腥，必試！環境不錯，為新派粵菜館的裝潢，清雅悠然，枱與枱之間能保持一定的距離。
繼續閱讀
上次經過已經覺得呢度幾靚，今次見佢做緊優惠幾抵！本身想through Openrice買佢個66折優惠享譽午餐套餐 (2/4位用都有），有點心、前菜、主食同甜品乜都有啲。但夾唔到時間，最後今次就買咗個皇牌網購2人晚餐（B) 前菜三小品🔺冰梅鐵棍淮山：粉粉地嘅淮山加埋梅粉，甜甜地幾得意🔹陳醋小雲耳拌青筍：爽口開胃🔸涼拌椒香棒棒豆乾： 意想不到豆乾同花椒油幾夾，會想追住食🍲瑤柱海螺燉野生竹笙湯燉湯有瑤柱, 海螺, 竹笙, 雞腳同瘦肉, 好足料, 飲落幾清又夠味。🐏巴蜀燒紐西蘭頂級羊鞍架（2支骨）孜然味重，一入口就feel到巴蜀情懷🤣 肉質唔錯，而且唔會有羊騷味。🍤蝦籽海參燒珍寶明蝦球煲超足料！！ 珍寶蝦球大到佔滿隻匙羹，食落爽口。海參厚身，滿口都係Collagen。 雖然呢道菜偏濃味，但唔會過咸，出色👍🫛蜜糖豆山珍菌炒日本帶子蜜糖豆夠甜又爽口，帶子啖啖肉且份量又多。🦈金湯燒鮑翅 🍲 (另外再用優惠價加購）金湯係濃濃嘅金華火腿雞湯味😍 鮑翅味好重又大件，同金湯好夾。金華鷄汁扣原隻花膠撈粗麵原隻花膠好長好震撼！ 花膠忠於原味, 味道偏清淡，粗麵就調味比佢濃少少，夾埋啱啱好。廚師是日甜品是日係好有少女心嘅桂花糕❤️飲品套餐仲包兩杯飲品, 可以揀鮮橙汁/汽水。 後記： 套餐仲可以用$6.6優惠價加購菜式，超抵，不過實在太飽🤣
繼續閱讀
於openrice 看到東涌六小館有66折套餐優惠，原價＄1342，現在只需$885便可以享用了！有前菜、湯、點心、主菜、甜品等，相當抵食，加上每次到東薈城逛街都能滿載而歸。二話不說，今天就相約同事一行四人到東涌六小館吃午餐。果真是大滿足！「午市網上四人套餐」前菜小食冷泡冰梅鐵棍淮山口感清爽，淮山的香脆質感和冰梅的酸甜味道很搭配。日式味椒鹽燒雞脆骨外酥內嫩，椒鹽的香氣突出，雞軟骨非常爽脆，令人吃不停口。湯品：瑤柱海螺燉野生竹笙湯非常足料，有雞腳、海螺、竹笙等，湯底濃郁而鮮甜，絕不肥膩。點心：黑松露蝦餃皇包餡飽滿，蝦非常大隻。黑松露的香氣襯托出鮮蝦的甜味。小館醬皇蒸鳳爪肉質鮮嫩軟糯，醬汁很入味。子薑陳皮牛肉球口感嫩滑，牛肉入味，子薑和陳皮的清香提味很棒。蜜汁黑豚叉燒腸黑豚肉叉燒肥瘦適中，肉汁飽滿，蜜汁醃製得非常好味。腸粉拉得很滑，入口非常綿密。小館時蔬：法式龍蝦湯魚肚雜菌浸時蔬龍蝦湯很濃郁，魚肚爽滑，菜心很嫩綠，以上湯浸着吃，非常清爽清甜。主食：金箔養生黑蒜醬油肉未炒飯飯粒分明，與黑蒜醬油及肉末的香味完美融合。上面還有金箔點綴，炒得夠乾身，亦十分惹味。甜品：心形杞子桂花糕甜而不膩，杞子的香甜和桂花的清新很攰，口感細緻。極品煲仔金湯燒鮑翅我們最後加多了兩鍋翅，翅以煲仔放在鍋爐上，上枱熱騰騰的，濃稠可口。套餐還有鮮橙汁或各式汽水共4杯。除了網上套餐優惠外，餐廳還有「六小館午市熱點自選組合」和「六小館午市四人商務套餐」供選擇。這間餐廳無論裝修、食物質素、服務、景觀皆非常優秀，絕對要再來光顧。
繼續閱讀