六小館 (已結業)

一入到門口，一睇個裝修就覺得，哇，呢間食中菜架？比起其他中菜館，呢度嘅裝修多咗份優雅同精緻感，座位非常舒服。兩個人食唔多，所以就share一份主菜，我地叫咗冰燒三層肉、法國甘筍燴牛肋肉同兩個甜品:C襪奶涷同窩可(窩夫配焦糖香蕉)聽個名就覺得好中式feel，冰燒三層肉其實係燒煵仔，皮脆，肥瘦均勻，個盤仲擺得好靚好有特色。主菜黎啦，雖然個名係法國，但一黎到就知佢嘅味道一定好中式。擺入口覺得有驚喜，啲肉唔韌，仲煮得好入味，如果有白飯叫黎餸就好啦。最有特色都係個C襪奶涷，擺盤用咗懷舊嘅小巴字牌做裝飾，用咗以前茶記嘅熱奶茶杯黎整個奶涷，就好似一杯真嘅熱奶茶咁，夠哂懷舊吖！最後係個窩可，本身以為係細細舊，點知上到黎一大盤，同個朋友都呆咗😹估唔到咁大舊，仲有朱古力雪糕添，勁抵食吖！呢間餐廳啲員工仲要好好服務，好nice添。啲野又好食，性價比超高！

今日同媽媽黎左東薈城shopping, 呢度真係超大, 鋪與鋪之間都有好多空位 同平時迫爆既香港 好唔同呢 而且仲有戲院啊~ 我諗可以搵日預留全日黎呢度shopping+睇戲+食野都唔錯! 雖然呢度有唔少食肆, 但我地就想揀D非連鎖 同有特色D既餐廳 見到呢間六小館 裝修幾有特色~ 仲有落地玻璃望下海景, 就決定入黎試下 門面好Cyber 入面好闊落~ 環境有特色 仲不時見到唔同既懷舊物件, 幾有feel 座位坐得舒服 : ) 我同媽媽兩個人, 就諗住叫D份量少D既野食啦~ 黑松露手撕雞 $98 雞肉好juicy, 松露味好濃郁 仲有兩片松露係面可以食 比起其他餐廳食到既手撕雞, 呢度真係多肉好多! 性價比高啊 法國甘筍燴牛肋肉 $248 好有特色既一款, 原來都係呢度既Chef Recommendation之一黎架~不過呢個就略嫌貴左D 望落好似無乜牛肋條咁, 但原來都有成7條 (我同媽媽兩個人食到傻左) 好入味又燴得好軟腍啊~ 醬汁味道剛剛好, 唔會過濃 ! 仲有唔少法國甘筍, 薯角同車厘茄呢! 食晒會好飽 最特別係呢隻好似油炸鬼咁既脆脆, 外脆 內裡係有少少煙韌感!!