影片
港鐵旺角站 E2 出口, 港鐵旺角東站 B 出口
繼續閱讀
電話號碼
31089192
開飯介紹
主打日式燒肉放題套餐，包括不同肉類及海鮮，配料逾過百款選擇，價錢豐儉由人。裝修以木為主材，並以日式風格掛畫作裝飾，環境舒服，是聚餐的好選擇。
繼續閱讀
營業時間
今日營業
12:00 - 23:00
星期一至日
12:00 - 23:00
公眾假期
12:00 - 23:00
公眾假期前夕
12:00 - 23:00
以上資料只供參考, 請與餐廳確認詳情
有關獎賞計劃
相關文章
周末約咗男朋友一齊去咗旺角，跟住就去咗呢間本場食日式燒烤buffet，真係覺得好抵食，真心推介俾大家參考一下。 我哋好耐冇食過日式燒烤啦，一直都搵緊啱嘅餐廳同地方，偶然間就喺男朋友屋企附近搵到呢間，睇下放題嘅菜品同價錢都幾公道，於是決定試下。上品牛肩胛放題套餐已經可以食好多款高級燒烤，真係好抵食。主角肩脊肉真係主角，牛油分佈好靚，燒完之後口感非常好，香味十足。唔止肩脊肉，牛肋肉同埋牛胸腹都係頂級品質，肋肉味道比較濃郁牛肉香，牛胸腹就油香味重啲。 男朋友好鐘意食內臟，佢要咗啲豬大腸、雞肝同雞腎，食得好開心，佢話佢哋有特製醬料，唔會有腥味，而且醬香味唔單止去腥，仲可以加添啲風味。 除咗肉類，仲叫咗啲粟米同菠蘿嚟燒，味道真係好正，燒粟米味道更加濃郁，燒菠蘿就更加酸甜。我哋試完一次之後，真係好鐘意呢度！
繼續閱讀
到咗我嘅休息日，我想好好犒賞自己。我約咗幾個朋友，決定挑戰呢間以高品質肉類同海鮮聞名嘅放題餐廳，一齊試吓。-呢度嘅牛肉，和牛小排嘅油脂均勻，稍微烤後肉汁四溢，入口即化。和牛胸腹嘅油花都好正，肥而不膩，滿口都係牛肉香。和牛牛板腱口感緊實，啱晒鍾意嚼勁嘅朋友。每款牛肉都展現出唔同嘅風味。-海鮮部分唔輸畀牛肉部分，海車老嘅肉緊實，有住淡淡嘅海水咸香。生蠔肥美鮮甜，配檸檬汁，非常清爽。鰻魚嘅肉質軟嫩。蜆湯頭入面有清酒嘅甘甜，蜆肉吸滿咗湯汁，鮮美無比。-冷萃天山菊花茶係意外驚喜，入口清香，解膩又養生。-整頓飯食落嚟，真係一場絕佳體驗，牛肉同海鮮完美搭配，加埋清新嘅飲品，真係一場奢華嘅味覺盛宴。
繼續閱讀
前幾日同屋企人一齊去咗旺角嘅【本場】食午餐，餐廳環境簡潔舒適，服務都算唔錯。今次試咗佢哋嘅「上品牛肩胛放題」，整體感覺都幾好。 首先，講返「上品牛肩胛」，肉質真係幾嫩，唔會過硬，咬落去好有彈性，配埋燒肉醬食，味道唔錯，又唔會太膩。呢款肉係整個放題嘅亮點，食完之後真係有滿足感。跟住係牛胸腹，呢塊肉比肩脊肉多啲肥肉，咬落有啲油香，但唔會太肥膩。至於骨附牛肋肉，肉質嫩滑，咬落去唔會過硬，肉味濃郁，又唔會乾柴，真係好滿足。 除咗燒肉，小食方面都唔差，章魚小丸子外脆內軟，外面炸得香脆，內部則保持住啲章魚肉嘅嫩滑，味道適中，配埋醬汁一齊食，味道啱啱好。雞腿肉亦都算唔錯，外面烤得香脆，內裏保持住肉汁，口感鹹香，配埋啲香料更加突出肉質嘅原味，食落去都幾好味。 【本場】嘅食品質量都唔錯，肉質嫩滑新鲜，份量亦都夠，啲小食亦都唔會太油膩，食得好開心。價錢方面性價比幾高！😊
繼續閱讀
今日同老闆去咗旺角本場食午餐放題，老闆請客，試咗好多唔同嘅和牛同海鮮。首先，和牛方面，M5澳洲和牛小排同M7和牛胸腹都好嫩滑，肉味濃郁，每一啖都好滿足。特別係M7和牛牛板腱，口感比較實在，好有咬勁，幾好味！至於海鮮方面，清酒煮蜆味道清新，唔會太鹹，配埋蜆肉食，開胃又舒服。味淋魚乾帶有鹹香味，魚肉唔會太硬，口感啱啱好。墨魚片嘅口感彈牙，搭配香草牛油後，香氣十足。另外，鹽燒鯖魚魚肉嫩滑，魚皮脆口，好惹味。半殼鮑魚同半殼青口都好鮮美，青口特別嫩滑，鮑魚帶有自然鲜味，口感十分滋潤。日本原隻生蠔就更加新鮮，每一口都可以感受到海鮮味。最後，牛油廣島蠔肉、香草牛油帶子同香草牛油蝦仁都係香濃十足，牛油嘅味道同海鮮嘅鮮味配搭得好好，味道相當豐富。
繼續閱讀
一次同屋企人嚟慶祝細佬生日，我哋就試咗呢度嘅燒烤放題，真係好好食。放題有好多牛肉可以食，有各種部位，然後最正最靚嘅就係美國SRF極黑牛，口味稍微會比較濃厚，咬起嚟嘅時候就感覺到明顯唔同嘅口感同口味。雖然最正係極黑牛，但係其他牛肉牛頸脊、牛板腱、牛舌，亦都算係極品，絕對冇諗到原來牛舌燒烤後香氣十足，然後牛板腱就咬勁十足，咬嘅空間裏仲品嚐得到牛油嘅香。然後呢度亦都有幾樣特色食材，胡麻醬豆腐同杏鮑菇，兩種食物都係好好食，豆腐特別滑嫩入口即化，然後杏鮑菇富有本身好香好特別嘅口味。呢個時候嚟上一顆燒菠蘿，真係極品，燒烤後嘅菠蘿甜味更加濃，好好食。呢度甜品嘅選擇都係非常多樣，有好經典嘅日式麻糬，同比較西式嘅泡芙，兩樣甜品都係甜度適中，食咗會想再嚟上幾個。芝士蛋糕同西米椰汁糕都有一番風味，芝士蛋糕好有奶香味，然後西米椰汁糕椰香特別濃烈，食完肉再食上呢啲，味道特別好。
繼續閱讀