本場

營業中

休息中

原本諗住同幾個兄弟去食，盡情去食燒肉，點知最後約唔成，同屋企人一齊去食咗個燒肉放題，食物質素都唔差喎，小食區又有爆谷同關東煮，都唔錯又有選擇。正餐，叫咗個比較貴嘅放題餐，M5同M7和牛，油香同牛肉質都十分鮮嫩。其他肉好似豬肉雞肉多春魚嗰啲都唔錯，最後左甜品同雪糕送埋，值得推薦。嗰晚成個場又唔算多人，都坐得幾舒服，位置又夠大，成個場都唔算好多油煙，小朋友去食都唔係問題。下次要約埋都幾個男人，一齊去食多啲肉就最正啦。

呢間餐廳主打多樣化嘅燒烤選擇，有各式各樣風味獨特嘅海鮮同肉類，令每位顧客都可以搵到自己鍾意嘅食材🤤嗰日我同同事食咗美國SRF極黑牛放題，食得好滿足!.👁‍🗨 味付墨魚仔.➰ 經過特製醬汁醃製，食落有微微嘅甜味同鮮味，燒烤後外皮微脆，入面就保持彈牙嘅口感，好啱鍾意食墨魚嘅朋友.👁‍🗨 雞腿肉.➰ 雞腿肉質鮮嫩多汁，燒到外皮微焦嗰陣最能夠鎖住肉汁，咬落口可以感受到醃製醬汁嘅味道同雞肉香濃嘅油脂，帶來獨特嘅風味🫣.👁‍🗨 章魚小丸子.➰ 章魚小丸子嘅外皮酥脆，入面就係Q彈嘅章魚粒，每一粒都帶有微微嘅章魚香味😋燒到外皮金黃 色之後再配埋濃郁嘅醬汁，味道更加好食🤫.👁‍🗨 美國SRF極黑牛.➰ 呢個放題套餐嘅亮點梗係美國SRF極黑牛，佢嘅油花分佈豐富、細緻又均勻，口感細緻軟嫩，香甜多汁，有豐富嘅牛肉味，遠超其他牛肉😎套餐仲包咗其他牛肉，包括牛頸脊、牛板腱、牛脷等 等，每款牛肉都軟嫩適中，牛肉風味十足😇.🔛 整體評分（7.5/10）

「本場」位於旺角瓊華中心，主打日式燒肉放題 ♨️ 選擇幾多 💫 不僅有各種肉類 🥩 還有海鮮 🦐 環境寬敞，充滿日式風格 🎏 每款肉類都新鮮嫩滑，搭配少量的鹽和醬汁 🧂 更能提升風味 🔥▫️️🥩 SRF極黑牛牛質細嫩 口感嫩滑 牛味豐富▫️🥩 牛頸脊肉質略微 帶點油花 油脂較豐▫️🥩 牛板腱牛味濃郁 有點嚼勁 不過於硬▫️🥩 牛舌嫩而不柴 帶有彈性 濃郁肉香▫️🥩 金錢展油香十足 啖啖肉味 咸香可口▫️🥗 中華沙律不算特別 但開胃菜 清爽不膩

「頂級澳洲和牛海鮮放題」梗係要主攻澳洲和牛同海鮮啦！M5澳洲和牛小排、M7和牛胸腹、M7澳洲和牛牛板腱等等可以任拎任食，食到扶牆出門口都冇問題👌最鍾意就係牛小排，極佳嘅大理石油花，燒熟咗之後散發出濃郁嘅牛脂香味，食落去鮮嫩十足，入口即化🤤牛板腱口感就比較實淨，咬落去有淡淡肉筋嘅彈牙口感，都好好食啊！食厭咗肉肉，就可以攻略海鮮喇！海鮮都有好多選擇，每一件都鮮美無比，各位可以放心食😋香草牛油帶子：帶子燒烤後微微焦香，溶化咗嘅牛油帶住濃郁嘅奶香味，滑嫩多汁嘅好特別😍多春魚：外皮香脆，魚肉仲好鮮嫩，略帶淡淡嘅鹹香🤤日本原隻生蠔：生蠔我鍾意燒到半熟，食落去仲保持住鮮嫩嘅口感，一點異味都冇，可見有幾新鮮🤩

上次同家人嚟過呢度食咗一次，感覺特別好，食材服務都非常到位，體驗咗一次晚餐就對佢哋印象深刻。 呢度主要係以燒烤為主，我要咗佢哋最頂級嘅放題，然後加48蚊仲有新鮮嘅海鮮。先嚟講講加錢嘅海鮮，選擇非常豐富，然後都係真材實料，都係高級嘢。海鮮選擇非常豐富，然後都係真材實料，都係高級嘢。印象最深刻就係青口、生蠔，都係非常大隻嘅，滿滿嘅都係肉，而且新鮮到仲可以微微嘗到海嘅鮮味，真係好好食。 蝦嘅只頭都好大，烤起嚟鮮香四射，而且肉質非常富有彈性，可以大口食蝦。 入面仲有佢哋富有特色嘅牛油廣島蠔肉同明太子蕃茄，口味同普通原汁原味嘅好唔一樣，更加鮮美香甜，牛油嘅香味已經滲透蠔肉嘅每個部位，每咬一口都能嘗到牛油香，然後番茄滿滿都係明太子，非常好食。然後就係主角和牛，有M5同M7嘅級數，個人最鍾意M7胸腹，肉質非常鮮嫩，而且仲會流油，鮮香無比，M5小排嘅口感都係頂級嘅，非常爽口。然後就係牛板腱，雪花非常漂亮，油香喺烤嘅時候就撲鼻而嚟。 我同家人都好享受呢一餐，我哋對呢度嘅印象都好好，下次仲會再嚟。

午餐時間到，我同同事搵緊一個可以盡情享受美食既地方，要滿足我地呢兩個大胃王既需求。今次，我地揀咗呢間餐廳，聽講呢度既牛肉質素極高，料理種類豐富，實在令人期待。店內燈光顯得非常溫馨。呢間店既牛肉令我眼前一亮，黑牛肉既油花細膩，烤一下就感受到濃郁既肉香。牛頸脊有嚼勁，肉汁豐富，食落口時仲有甘甜味。牛板腱更係意外驚喜，入口柔嫩，帶住獨特既肉香，令我忍唔住夾多幾塊。牛舌處理得唔錯，牛舌輕輕烤到微焦後，配檸檬汁非常美味。除此之外，豚五花肥瘦岩岩好，再配上醬料，五花既味道更上一層樓。除咗肉類之外，海鮮同小食都好吸引架。墨魚仔味道鮮美，口感彈牙，味道岩岩好。炸芝士年糕外脆內軟，每一啖都有芝士香氣。牛油本菇帶住獨特既菌菇香味，喺鐵板上烤咗之後更加鮮甜。整體嚟講，呢次午餐既食材新鮮度令人驚艷，價格合理，絕對值得再次來訪。

繼續一齊出去食燒肉🥩今次去到旺角本場食燒肉放題🍽️鍾意食牛嘅我哋今次選擇咗頂级澳洲和牛海鮮放題，仲可以追加任食其他海鮮添。餐廳主打M5澳洲和牛小排🥩M7牛胸腹、M7澳洲和牛牛板腱🐮。平時鍾意食牛小排嘅芷娸，今次竟然係揀牛板腱❤️佢話夠晒肉味又唔肥。媽咪我就全部都鍾意。牛小排入口滑嫩，牛胸腹味道多濃厚🐄追加任食海鮮，種類都唔少，半殼鮑魚口感彈牙，日本原隻生蠔🦪味道鮮甜，香草牛油帶子大大隻超新鮮。另外，小食同熟食款式都好多，食到飽飽哋嘅我哋叫咗冬陰功湯，酸酸辣辣用嚟暖胃👍🏻 不得不提佢哋嘅甜品，甜品除咗cheese cake之外，仲有泡芙同抹茶麻糬，另外每人仲一杯 Movenpick 雪糕，店內仲有爆谷機，唔係好多燒肉放題做得到㗎，阿女仲拎咗幾杯嚟食添

一家人開開心心食烤肉🍖 每人一杯Movenpick雪糕🍦超開心🥳一入到去裝修好舒適好有feel 💜我哋叫咗: 頂级澳洲和牛海鮮放，自助bar來個關東煮先👋🏻再用手機落order ，M5澳洲和牛小排、M7和牛胸腹M7澳洲和牛牛板腱、美國極黑牛頸脊真係必叫之選，油花滿滿，滿足感十足🤤。唔食牛嘅朋友可以有好多選擇豚五花、日本白豚梅肉、汁燒豚大腸、雞翼、雞腿肉、芝士雞腿肉、博多雞肝、博多雞腎等等，食物種類好豐富！海鮮方面我哋叫咗日本原隻生蠔、半穀鮑魚、車海老樣樣都好新鮮 #soyummy ，甜品我推介焦糖大褔和日式麻糬！多款飲品可以選擇，重有好多熟食可以叫👍🏻

除夕夜，一家人去食燒肉，今次嘅燒肉放題我地揀左頂级澳洲和牛海鮮放題，另外加$48可以追加任食其他海鮮。餐廳用QR code落單，M5澳洲和牛小排雪花平均，入口滑嫩。牛胸腹油脂豐厚，肉味濃郁。牛板腱脂肪少，肉結實，我地encore左幾次。必加$48，有日本原隻生蠔、半殼鮑魚、車海老、香草牛油帶子等等，海鮮很新鮮，半殼鮑魚必食，口感彈牙，餐廳已幫我地離殼，所以唔難燒，生蠔鮮甜、香草牛油帶子大大隻。甜品竟然有鯛魚燒，燒到外面脆卜卜，鯛魚燒豆沙餡都好多，而且不會好甜。其他甜品有西米椰汁糕、日式麻薯、焦糖大福等。每一人仲送一杯Movenpick 雪糕添！小食熟食款式都好多，有清酒煮蜆、炸蝦、炸雞軟骨、螺肉、泡菜等等，估唔到餐廳會有冬蔭功湯，很足料，冬天飲好暖胃。

我們叫左頂級澳洲和牛海鮮放題，肉類都好多款，但我超愛食牛肉，所以都係主攻M5澳洲和牛小排，M7和牛胸腹，M7澳洲和牛牛板腱，肉味香濃，油脂分佈算平均，薄切牛舌燒起來都好嫩，當然仲有其他肉食我最後亦叫咗日本白豚梅肉，肉質鮮嫩，唔怕燒得太柴口。加$48 有日本原隻生蠔，車海老，半殼鮑魚，大大粒嘅香草牛油帶子，海鮮都真係好新鮮，我哋都叫左幾轉生蠔，記得係要燒既，鮑魚鮮美，車海老真係好大隻。無諗過有一鍋既冬蔭功，湯料都好足，隻蝦都好大隻，唔會話太辣，岩香港人口味。甜品竟然有鯛魚燒，車輪餅，小朋友一定好鍾意，我都好鍾意，開至細既火，燒到脆卜卜就食得，鯛魚燒既豆沙勁爆，車輪餅餡料是滿滿既吉士醬，真係要留肚食。另外，都有唔少甜品都可以叫，但每人只有一杯movenpick 雪糕，都滿足到嗜甜既我們。仲有冷盤，小食等等，真係好多野食。

2025年1月2日17：00未夠，但又肚餓想食燒肉，誤打誤撞嚟咗本場試下。真係禮貌超好，全程照顧周到，食物質素都ok, 款式都唔算少，淨係甜品都有5-6款，仲有爆谷食😋我地因為唔食牛，所以揀嘅比別人少，不過都夠食❤️值得推介

📍本場 🔍旺角彌敦道628號瓊華中心16樓-----冬至剛好家人沒空，所以週日就與家人來到這間旺角烤肉店來一餐放題補足一下，餐廳排煙系統做得不錯，燒肉過程中無油煙滿布嘅感覺，天花板有日式的燈籠裝飾，搭配柔和燈光，整體氣氛不錯。燒肉放題價錢由一百多到二百多不等，可以加$48追加海鮮，選擇都幾豐富，以下同大家介紹下個人特別想推薦嘅某些食物。🐟海鮮類-半殼鮑魚必食嘅半殼鮑魚，口感彈牙細嫩，亦唔難燒，encore好多次。-日本原隻生蠔生蠔鮮甜無沙，滴上少許檸檬汁提味，就已經很不錯。-味付墨魚仔墨魚仔已經預先醃製入味，燒烤過後鮮香多汁，滑滑嫩嫩的。🥩肉類-上品牛肩胛牛肩胛肉油脂分佈均勻，不會過於肥膩，燒好後肉香濃郁，口感柔嫩。-頂級肩脊肉肉質紮實且帶有細緻的油花，也不錯-日本白豚梅肉白豚梅肉頗厚身，豬肉味濃，雪花分布均匀，不輸牛肉。-汁燒豚大腸大腸經過醬汁醃製，燒烤後外皮微脆，內裡仍帶彈性，而且沒有內臟腥味。-博多雞肝食材用得不錯，色澤粉嫩，質感帶點粉粉綿綿，肝味頗濃。🥬蔬菜-牛油金菇金菇本身吸味力強，加入牛油黎烤之後變得非常香。搭配燒肉好適合。-蒜番牛油蘆筍蘆筍爽脆清甜，蒜香和牛油簡單調味，已

開學到而家，讀書嘅節奏真係冇停過🙌🏻捱到嚟放聖誕假真係要好好放鬆！帶佢哋嚟放題，兩個女都表示很滿意🥰餐廳用QR code落單，很環保👍澳洲和牛+海鮮嘅放題真係無敵，主打食M5澳洲和牛，牛小排、牛胸腹、牛板腱都係我哋陸續encore之選，牛小排就最多雪花，肉質柔軟多汁。牛胸腹筋膜脂肪較多，肉味香濃。牛板腱肉質較為瘦，肉質有韌性！海鮮類有今次燒得最多嘅係半殼鮑魚，隻隻目測都有6,7cm長，燒8分鐘左右，加一點岩鹽就食得，入口很有鮮味，口感彈牙！另外仲有鰻魚、香草牛油帶子、牛油廣島蠔、海蝦、墨魚片，款式應有盡有。小食和甜品類款式都多，等候時間少、上得好快，唐人炸雞、日式小丸子、牛油粟米、壽喜燒烏冬、焦糖大褔、日式麻糬、泡芙、芝士蛋糕，最like焦糖大福，外面焦糖皮很彈牙，內裏餡料係吉士，很有日式風味。仲每一人送一杯Movenpick雪糕添。

想食肉見OpenRice咁多好評～就諗住去試下～結果食到人生最差既燒肉🫥🫥.揀左晚市最貴個餐～ $448一個人另加一。諗住食好啲！！！😶有幾大期望就幾大失望！失望甚至比期望仲大。本身啲前菜 小食 都算正常既..無特別好食同差…到啲肉上到黎.. 有啲未溶晒雪..特別係啲牛肉..係暗啞色架….紫紫黑黑咁～問店員係咪壞咗～佢哋話係咁架～.肉質係梅～ 味道又唔好～咁既價錢 咁既質素 ～ 絕對無下次😖🤯🤢.最後大家都係餓住咁走😮‍💨😮‍💨😮‍💨😮‍💨

今日同男朋友食dinner慶祝三週年。佢特登約我去食呢間位於旺角嘅本場，好採有一早book咗位，到個度就見到人潮系度排隊！我哋試咗頂級澳洲和牛海鮮放題套餐。肉品滑溜，香味濃郁，一啲騷味都冇！基本上一放入口就自然滑入口腔，又香又滑！雖然人多，但係份量絕無馬虎！仲要質素高。極品牛小排同埋M8和牛封門柳就更加吸引，肉香四溢，口感鮮嫩，油花平均，切嘅厚度每片幾乎一模一样😍！同埋點少得我哋超級鍾意嘅海鮮。吉列蝦同車蝦，每一隻都烤到好爽口，real fresh 呀。😉仲有炸物炸到外脆內嫩，一定要趁熱食，咁就perfect。食物擺盤都非常講究，廚師就喺我前面前整，呢種視覺嘅享受同味覺嘅結合，真係物超所值✨️。本場日式燒肉放題，真心推介俾大家👍🏻👍🏻，感受呢家餐廳嘅美食同優質嘅服務！簡直就係唔容錯過嘅選擇！