本場

營業中

休息中

一次同屋企人嚟慶祝細佬生日，我哋就試咗呢度嘅燒烤放題，真係好好食。放題有好多牛肉可以食，有各種部位，然後最正最靚嘅就係美國SRF極黑牛，口味稍微會比較濃厚，咬起嚟嘅時候就感覺到明顯唔同嘅口感同口味。雖然最正係極黑牛，但係其他牛肉牛頸脊、牛板腱、牛舌，亦都算係極品，絕對冇諗到原來牛舌燒烤後香氣十足，然後牛板腱就咬勁十足，咬嘅空間裏仲品嚐得到牛油嘅香。然後呢度亦都有幾樣特色食材，胡麻醬豆腐同杏鮑菇，兩種食物都係好好食，豆腐特別滑嫩入口即化，然後杏鮑菇富有本身好香好特別嘅口味。呢個時候嚟上一顆燒菠蘿，真係極品，燒烤後嘅菠蘿甜味更加濃，好好食。呢度甜品嘅選擇都係非常多樣，有好經典嘅日式麻糬，同比較西式嘅泡芙，兩樣甜品都係甜度適中，食咗會想再嚟上幾個。芝士蛋糕同西米椰汁糕都有一番風味，芝士蛋糕好有奶香味，然後西米椰汁糕椰香特別濃烈，食完肉再食上呢啲，味道特別好。