影片
港鐵旺角站 E2 出口, 步行約4分鐘
繼續閱讀
電話號碼
28700618
開飯介紹
壽喜燒專門店以高質的鹿兒島A5和牛作招徠，肉片蘸上蘭王蛋蛋漿倍添滋味。而製作壽喜燒時會加入一大球棉花糖，加上餐廳以武侍圖案及日式燈籠裝飾牆身，不論食物及環境都打卡一流。
繼續閱讀
附加資料
專營日本鹿兒島A5和牛壽喜燒，串燒，炸物和日式 cocktail
營業時間
今日營業
16:00 - 00:00
星期一
全日休息
星期二至四
16:00 - 00:00
星期五至日
12:00 - 00:00
公眾假期
12:00 - 00:00
*逢星期一休息 (公眾假期除外)
以上資料只供參考, 請與餐廳確認詳情
有關獎賞計劃
相關文章
位於旺角呢間牛壽喜燒專門店一直都想食好耐㗎啦，呢到最大嘅特色就係用自家製嘅棉花糖加埋壽喜燒汁去整成一個獨一無二嘅自家製壽喜燒醬汁，真係超爆吸引啊～壽喜燒二人前💰HK$898落完order冇幾耐之後，店員就會幫忙準備壽喜燒鍋，首先會將壽喜燒汁倒落去自家製棉花糖到，棉花糖會立刻溶化，將棉花糖同壽喜燒汁攪拌至均勻，就會開始幫助將黑毛和牛逐片逐片煮熟，再放到碗入面！真係任何人都完全唔需要擔心自己會煮衰咗啲靚靚牛肉啊～✨前菜擺盤精緻有大根同埋南瓜～✨日本蘭王雞蛋最適合就係用來點牛肉，令肉質入口更順滑柔軟，更豐富多汁！店員仲推薦中可以將用唔晒嘅蘭王雞蛋倒落去壽喜燒鍋入邊同其他材料一齊煮，湯汁嘅味道會更香甜～✨鹿兒島A5黑毛和牛西冷肉眼每一片黑毛和牛都呈淡粉紅色，遍佈住好似大理石一樣均勻嘅紋理，賣相極其誘人🤤黑毛和牛西冷肉眼本身已經肉質細膩，而且極具濃郁嘅牛肉香氣，非常之馥郁芬芳！點知將啲用壽喜燒汁煮過嘅京蔥夾埋去牛肉中間一齊食會更加突顯和牛嘅香味，完全係將牛肉嘅層次再昇華咗，令人一試難忘～✨季節野菜盛盒有京蔥、燒豆腐、腐皮、娃娃菜、蟹棒、菇類等等，賣相色彩豐富，全部材料全部都好入味，每款都充滿住濃濃嘅日式壽喜燒風味～✨讚岐烏冬烏冬係偏幼身果一種，口感煙韌有嚼勁，掛汁能力亦好高，吸收晒壽喜燒汁嘅精華～✨自家整柚子味雪糕味道唔會太甜，口感幼滑，仲有少量柚子粒粒，比人一種好清新嘅感覺～
繼續閱讀
上星期同三個朋友去咗十侍·棉花糖A5和牛壽喜燒專門店慶祝生日。餐廳裝修走簡約日式風，感覺好舒服，仲有包廂設計，適合朋友或者屋企人聚餐。🎉🔥牛肉質素冇得輸！四人餐最大賣點係A5和牛，果然冇令人失望，肉質鮮嫩，油花分佈完美，入口即化，好滿足～職員貼心幫我哋燒，每人想要幾成熟都照顧到，完全唔需要自己郁手，超方便！👏🥬但蔬菜份量就真係…可能係我哋預期太高，發現四人餐嘅蔬菜份量竟然同二人餐一樣，冬菇得兩粒，其他蔬菜份量少得可憐，幾個人分嚟分去都好尷尬。如果可以加返啲蔬菜就會更加完美啦～🍲湯底味道偏淡啲湯底一開始味道有啲淡，好似加水加得多咗，最後要求職員加返啲自家製壽喜燒汁，味道終於提升返，成鍋即刻好味好多！呢點大家可以留意吓，唔夠味記得即時提出～🎂生日服務加分！因為當日係慶祝生日，職員特別準備咗生日小立牌，仲幫我哋將蛋糕擺設得好靚，最後仲有附送嘅自家製甜品，味道清新唔膩，為整體體驗加咗好多分❤️總結：整體體驗唔錯，A5和牛真係值得一試，但四人餐嘅性價比唔算高，特別係蔬菜份量偏少。如果鍾意食高質素壽喜燒，呢間餐廳可以試吓～但建議唔好太大期望喺配菜方面。🤔評分：•食物：4/5•環境：4.5/5•服務：5/5•性價比：3/5希望呢篇食評幫到大家～如果有咩唔滿意，記得主動搵職員，佢哋都好樂意幫手！😊
繼續閱讀
今日朋友請我食好西，去左「十侍」，出名食和牛壽喜燒，迫不及待想去試下一入門口就見到「侍者」，差啲嚇親環境非常好有日式加酒吧既feel，燈光柔和舒適又放鬆菜單當然主打A5和牛壽喜燒，可以叫套餐再加小食，另外亦有好多款唔同sake同cocktails一坐低已經有小食同茶，好細心，係蘿蔔同南瓜，味道都唔差呢到用鹿兒島A5和牛，見到啲花紋都覺得好靚，色澤鮮艷，油花分布均勻，一眼就感受到佢高品質，即時垂涎三尺！staff會係桌邊現場製作壽喜燒，整完配埋啲日本蛋液一齊食口感更加順滑，肉味勁出，可以感受到牛肉係口中融化，甜甜地好出色，真係人間美味，不由自主地想再瘋狂食除了和牛，套餐仲有豆腐、蘑菇同新鮮蔬菜，全部食材都吸收晒湯底壽喜燒精華，食落勁鮮甜最後仲有烏冬，同樣吸收晒啲汁，彈牙又好食，食到完全停唔到口，最後抱住個肚走！
繼續閱讀
生活需要一點儀式感！閨蜜生日，普通壽喜燒或涮涮鍋都食過，今日帶佢試新野，就係期待已久的棉花糖壽喜燒😍 餐廳有高級居酒屋的感覺，環境舒服有格調，最喜歡一入門口的特色燈籠擺設🤩棉花糖同壽喜燒原來係個perfect match 嘅組合，棉花糖可以提升壽喜燒汁嘅香味，中和返個味道，避免壽喜燒過鹹架😆✨十侍棉花糖鹿兒島A5和牛壽喜燒 $898✨十侍 棉花糖鹿兒島A5 和牛肉眼約360g季節野菜盛合自家製壽喜燒醬汁日本蘭王雞蛋手打稻庭烏冬首先將棉花糖放喺鍋入面，慢慢淋上壽喜燒汁，睇住啲棉菓子快速融化成醬汁，超級治癒啊🥰配上十侍鹿兒島A5和牛，細膩嘅油花分佈，入口即融，唔夠仲可以追加‼️食完和牛，仲有一大盆新鮮季節野菜，最後食埋手打稻庭烏冬同埋雪糕，呢個壽喜燒餐CP值超高，真係大滿足呀😋餐廳仲有串燒，精緻的雞尾酒以及多款日式威士忌、Gin 、燒酌和清酒🍶 叫左幾串串燒，必食推介有牛舌，選用牛舌心，超嫩又juicy，一定要試啊！食串燒點少得飲酒😆 叫咗兩杯Cocktail 青之海和熱情林檎，又靚又好飲！
繼續閱讀
下年先有得飛日本，急不及待同朋友仔去咗旺角呢間人氣棉花糖壽喜燒餐廳，一入餐廳就見到個超大武士像，好有氣勢！和牛質素超高，全程有人服侍，可以解放雙手好爽呀！🐮鹿兒烏黑毛和牛A5 二人前壽喜燒 $898套餐有🐮A5鹿兒島黑毛和牛西冷肉眼6塊、🥬季節野菜盛合、🍜手打稻庭烏冬、🐣2隻日本蘭王雞蛋店員會先喺棉花糖機製作棉花糖，再將棉花糖放入鍋，再加入壽喜燒醬汁煮京葱，之後就係主角A5鹿兒島黑毛和牛西冷肉眼！我哋揀左和牛5成熟，霜降分佈均勻，肉質有彈力，口感有咬勁，每一口都擁有濃郁的牛肉香氣，肉質嫩而多汁，再蘸埋日本蘭王雞蛋，回味無窮！煮晒和牛之後，再加湯煮野菜盛合同烏冬，有豆腐、娃娃菜、冬菇、蟹棒等，配料同烏冬索哂壽喜燒湯嘅精華，超入味好食！除咗食壽喜燒仲標咗幾串串燒，有牛舌、雞橫膈膜、秋葵、南瓜和冬菇. 串燒放係炭爐上面保溫，上枱傳來陣陣炭香味，特別推介牛舌，爽彈有口感！叫咗兩杯Cocktail ，青之海有菠蘿汁，飲落好清新！另外一杯熱情林檎，薑汁加上蘋果熱情果，鍾意薑味嘅朋友一定要試試！
繼續閱讀