影片
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
一生懸麵 Issyokemen📍旺角通菜街73號地舖眾所周知，我同朋友都好鍾意食拉麵，雖然唔算食得密，但每次見到有新口味或期間限定嘅拉麵，都想一齊去試試。藉着一生懸麵・拉麵祭、旺角店推出牡蠣沾麵，整個ig都被洗版，我哋都專登夾咗一日去旺角探店。介紹食物前，我想特別講下個店名，「一生懸麵」其實係取日文「いっしょけんめい」嘅讀音命名，呢句意思簡單代表努力、拼命、盡全力去做，日本人多數用嚟形容重視做事態度嘅人，或者用嚟表示自己嘅決心。當一間拉麵店用呢個詞語改店名，可想而知師傅們對自家出品有幾大信心，亦因為咁令我哋特別期待造訪呢間出名專心一致、做好拉麵同沾麵嘅「一生懸麵」。 💰$138広島県の牡蠣沾汁麵 🦪牡蠣沾汁麵配料豐富，炙燒廣島蠔、炙燒豚肉、慢煮雞叉燒、慢煮豚叉燒、半邊半熟蛋、一片燒洋蔥同1／4隻青檸，一碗全收！呢款沾汁麵有冷熱麵可選，如果想食更掛汁嘅麵條，可以好似我哋咁選擇熱麵。因為熱麵比冷麵多咗一次加熱嘅工序，所以麵條先可以保持冷麵彈牙嘅口感，同時變得更能吸附醬汁！偏粗身嘅麵條入口柔順，咬喺口更為Q彈，整體非常掛汁，同超濃郁牡蠣嘅沾湯汁融合！呢款麵會比其他拉麵店出色，相信係因為師傅更有心思，落足心力煉製牡蠣鮮油，再用嚟撈麵，令麵條充滿光澤唔黏膩之餘，淨食麵條都品嚐到日本牡蠣嘅風味。多層次嘅牡蠣豚骨沾汁以日本金蠔每日自家熬煮，搭配豚骨高湯製成，加上碎洋蔥提鮮，味道濃鬱，令人回味無窮。將麵條沾上濃汁，可以一次過感受到沾汁嘅香甜、濃厚同鮮美！配料方面，炙燒廣島牡蠣肥美飽滿、鮮美甘甜，微微炙燒後更能帶出牡蠣天然嘅鹹鮮味，亦有外脆內軟嘅感覺。滿有期望嘅朋友追加咗三片慢煮豚叉燒，連同本身嗰一片，我哋呢碗足足有四大片豚叉燒！呢個決定真係無錯，雖然要加$20，但呢個味道、呢個質素真係值回票價。首先，豚叉燒比較薄身，因採用慢煮技術，所以肉色偏粉嫩，肉質亦更鮮嫩，連帶輕輕嘅黑胡椒味，好食到停唔到口！厚身豚肉經過炙燒，所以多咗一份焦香，脂肪存在感不太，入口即化，油香滿溢！另一邊廂嘅雞叉燒，亦以雞胸肉慢煮而成，口感鲜嫩爽滑，感覺比較健康。食麵之餘，仲可以大啖食肉、大啖食牡蠣，話係世界級享受都不為過！ 💰$95鶏白湯ラーメン 🍜而我自己就揀咗係上年全新推出嘅雞白湯拉麵，香濃嘅雞白湯配上嫩滑豚叉燒同雞叉燒，相比下較為清淡溫和，更適合要習慣改食重口味嘅我。係我心目中，雞白湯拉麵穩佔拉麵排行榜頭幾位，經常同魚介豚骨拉麵、海老拉麵爭第一。我愛食雞白湯，主要都係個湯底。一般而言，拉麵師傅都會採用雞骨，以長時間燉煮後萃取出高湯作湯底使用。雞白湯乳白色嘅濃郁來自雞骨，係燉煮過程雞骨會釋出精華乳化湯底，令湯底變得濃厚、帶有獨特香氣。只要湯底煮得好，配上嫩滑嘅叉燒同半熟蛋，再加埋幼身拉麵，就一定食到碗配搭得宜又美味嘅雞白湯拉麵！講咗咁耐，其實都係想講一生懸麵嘅雞白湯拉麵唔單只做到上述嘅程度，更因為選用咗兩款肉類製成嘅叉燒，令味道、視覺同口感都帶來新一番滋味，大家必定要親身試試！ 💰$35フライトチキン 🍗至於小食，我哋就揀咗唐揚炸雞，皮脆肉滑有肉汁，配上日式鹹味沙律醬，還原日本地道炸雞風味！
繼續閱讀
一生懸麵森仔今日旺角收工，忽然間好想念家鄉:日本🇯🇵就搵左間出名嘅日本🇯🇵拉麵🍜店黎食😉😉拉麵愛好者一定知道呢間店: 一生懸麵❤️🧡佢嘅沾麵更加係熱賣之選！網上紅店真係網上紅店🤣遠遠已經見到門口排有長長嘅人龍。森仔以為要等好耐，但係餐廳🍴限制🚫客人大約吃45分鐘左右，所以都係15分鐘左右就入到店進食😍呢期餐廳🍴大推廣島縣嘅牡蠣🦪沾麵（$138），森仔緊係試下😚佢個牡蠣🦪沾麵十分有誠意！個牡蠣🦪湯汁極濃，滿滿牡蠣嘅鮮甜味，同時帶有特色嘅惹香味🩵滿滿嘅蠔精華，超級正！而配料亦十份充足，除了兩隻炙燒過嘅牡蠣🦪外，仲有三件不同嘅肉類：嫩雞肉，炙燒生牛肉，炙燒叉燒。經由火槍炙燒過嘅配料帶有香脆外皮和香氣，不得了😍而沾麵粗度恰好，彈牙非常，沾上湯汁，森仔真係食唔停口👍🏻👍🏻同場，女朋友👫叫左白雞湯拉麵（$95）呢個又係日本🇯🇵經典嘅拉麵🍜，餐廳🍴成功做到creammy又重嫩雞味道👅比起外間專做白雞湯拉麵嘅餐廳，一生懸麵也有其白雞湯拉麵版本嘅特別性🤌🏻值得一試👌🏻另外，森仔仲叫左兩個小食💙，全部都係熱辣辣上枱，炸得外脆內軟😎：1️⃣章魚燒🐙（$29）燒得香脆可口，滿滿嘅內涵，大大粒嘅章魚粒🤩配上惹味沙拉醬和木魚絲，不得了😌2️⃣唐揚炸雞🍗（$35）此個炸物炸得外脆內軟，雞🐓肉保持應有嘅嫩滑和肉汁，極為難得！而粉層也不會太厚，值得encore ！份量也值得一提，足足有五大件，抵食🙌🏻咁熱嘅天時，都忍唔住點了一個冰凍嘅飲品🥤：SAGE 有氣茶蘋果桂花味（$22）消暑解渴之餘，茶味也出眾，特別是蘋果桂花香在味蕾上帶有回味嘅感覺😙
繼續閱讀
今日見多面滿座，行去通菜街逛一逛，發現一生懸面麵難得排果廿幾人，立即上前霸返個位！好好彩，原來有醬油味雞湯、鹽味雞湯 ，立即兩個都試，兼加麵加叉燒，果然冇令人失望，最欣賞係加麵等你食到一半近尾才上枱，整體禮貌又衛生，食完又唔會口渴。不過價錢唔算平，舖頭入邊空間唔算大。
繼續閱讀
2025.1.18為左買工作用品特登搭車出黎旺角，餓左成日差唔多3點幾先諗住揾野食，就咁啱行到一生懸麵旺角分店，見到有期間限定既鹽味同醬油味雞湯拉麵，所以就諗住試下。我點左期間限定既鹽味雞湯拉麵，🍲🍲🍲湯底係淺黃色，油份睇落都比較多，咁做係為左保持温度，飲落就係清雞湯既味道，但係！温度。非。常。之。高！！🌡🌡條脷被咁“”熱情“”款待真係一秒變阿古獸😵🌡🍜🍜🍜麵係中細麵，食落煙韌冇鹼水味，可能啲湯太熱，食多兩啖啲麵開始淋得滯。🍥🍥🍥配菜唔多，只有一塊薄叉燒，一塊雞叉燒，叉燒，竹筍，糖心蛋，紫洋蔥碎，以及好似係碗豆苗既物體。薄叉燒有手掌咁大塊，食落彈牙冇腥味，邊邊位有黑椒碎，有黑胡椒既香味，又唔會搶左叉燒既肉香。雞叉燒係雞胸位，目測似係低温煮成的，食落嫩滑唔會柴，冇腥味都冇血水啱啱熟。糖心蛋流心大，因為係鹽味拉麵，所以係糖心蛋而唔係味玉（我覺得😂）旺角店已經係黎左3次啦， 一而既往一樣地方乾淨整潔，枱面都好乾淨唔會 油冧冧👍👍店內客人都係以年輕人為主，我覺得氣氛幾好😃😃😃而家仲轉左用手機落單，仲方便左🤗🤗🤗💸💸💸價錢方面，哩碗麵要78蚊，冇另加配菜同飲品，就咁睇價錢係唔係貴，同我平時食開差唔多。但個日唔知係太餓定係點，我覺得份量偏少，好似加多份替玉都得！我幾乎冇試過係拉麵店要加替玉😮！！下次可以再試返其他既拉麵😃😃😃
繼續閱讀
今日好想食拉麵，結果搵到間方便既，來到兩點幾係門口有一枱人排緊隊，係門口點好菜入到差不多有得食，我點左牡蠣沾麵，家人點咗豚骨沾麵同埋魚界沾麵，仲有雞湯醬油拉麵。牡蠣沾麵-湯底濃郁，有兩隻生蠔，豚肉，同埋雞肉，仲有半隻溏心蛋。料足好飽滿嘅感覺，超好味！再加多粒章魚小丸子同埋多兩片豩肉，大滿足！
繼續閱讀