一生懸麵

去開旺角又想食拉麵？依間一定係首選，唔洗過百，味道又高質。不過就係太出名，次次都要係出面排隊。食過幾次，都係覺得沾麵最正，麵份量夠多，湯夠香夠濃，食到一半仲可以加檸檬或醋，解膩之如又會變咗第二隻湯底，十分滿足。首先嚟個推薦既魚介豚骨，雖然菜單寫清湯底，但都夠晒濃，又有魚香。再嚟就海老，個湯底同豚骨差唔多，但好重蝦味，啲櫻花蝦又多，鍾意食蝦一定唔可以錯過。最後叫多碟餃子，普通豬肉餃子，冇咩特別又唔平，可以skip🫣…查看更多

收工同朋友經過通菜街，見到一生懸麵，睇到都好多人排隊一定非常好食㗎喇。我哋點咗🔸 海老沾麵 (熱麵 + 慢熟豚叉燒): 呢款麵真係唔錯！蝦味濃郁，沾汁鹹香可口，配上軟腍嘅豚叉燒，入口即化，真係好滿足😋🍜。🔸 雞白湯拉麵: 湯底濃厚，帶有濃郁雞味，麵條彈牙，食落口感一流。呢碗拉麵係夏天吃落去特別開胃🔥🍲。小食方面我哋要咗🔸 章魚燒: 章魚燒外脆內軟，餡料豐富，仲有濃郁嘅章魚味，每一口都充滿驚喜🦑👌。🔸 雞軟骨棒: 雞軟骨脆口香口，外皮香脆，食落口感真係唔錯，非常適合做小食🍢👍。最後要咗兩支札幌啤酒🍺， 真係一個完美嘅搭配！冰凍啤酒配埋熱辣辣嘅拉麵，小食，真係無得輸🍺❄️。一生懸麵提供嘅食物質素高，環境舒服，位置一流，係一個值得再去嘅好地方，如果你鐘意食拉麵同日式小食，呢度真係唔可以錯過！🌟 一生懸麵地址 旺角通菜街73號地舖G/F, 73 Tung Choi Street, Mong Kok…查看更多

星期五晚收左工行去餐廳剛好6點半，估唔到已經要等位。等左大概15分鐘就可以入座。我睇過D食評，幾乎每個食評都會叫海老沾麵，而且評價唔錯，所以我地都點左一個。沾麵可以揀熱麵或者冷麵，我想食彈牙D嘅麵，所以揀左冷麵。海老沾麵$88麵條好粗，乜都無沾嘅情況下食左一條，無乜麥香味，口感偏硬；蝦湯有好多蝦皮仔，仲有幾粒豬肉粒、大量京蔥，以沾麵湯嚟講，個鹹度可以接受，唔係死鹹。餐廳嘅筍好好味，甜甜地，唔會有果陣臭筍味；溏心蛋得半隻，仲要蛋香偏弱；火炙叉燒好香，肥瘦均勻。雞白湯拉麵$95自從之前喺東京食過銀座雞白湯拉麵後，就中意左佢。見餐廳有呢款麵之餘，定價仲要比海老麵貴，我估應該係落左唔少力夫研究出嚟。拉麵用上幼麵，索汁力更高。我揀左硬麵，口感正合我心意。湯底杰身少少，濃郁雞香，但略鹹；面頭嘅京蔥、洋蔥絲，雖然有味道提升嘅效果，但太生太多，反而有少少喧賓奪主，蓋過雞味。兩塊慢煮雞肉肉質柔軟，而兩塊叉燒就略顯普通，而且偏瘦、無肉香。個人覺得沾麵比雞白湯麵好味，如果唔駛排隊都可以考慮再食佢嘅海老沾麵。餐廳無加一，可以信用卡付款。食完晚餐喺附近行街，晚上8點半再經過餐廳都依然有人排隊真係好誇張!!…查看更多

自從名古屋食爆拉麵之後，返到香港都冇食過之前因為佢嘅雪糕拉麵而得知呢間拉麵店，一直想試見佢價錢合理同埋有多款沾麵，食返碗先😚平日lunch time去要排隊等位，等咗大概15分鐘入去落單剔紙仔，簡單方便，好快上菜▶️ 牡蠣沾汁麵 ($138)🔥每日限量30碗🔥可選熱定凍麵，麵條軟硬度鍾意挺身麵嘅我揀咗「較硬」同凍麵 (即係常溫)麵底係有小麥粒嘅粗麵，扁身非常掛湯，回感彈牙煙韌唔過硬😍呢款配料最豐富：兩粒炙燒廣島蠔、一片慢煮雞叉燒、一片慢煮豚叉燒、一塊厚炙赤燒豚肉、半隻半熟蛋、紫洋蔥廣島蠔一咬爆漿🦪勁重腥味，不過好食慢煮雞叉燒同慢煮豚叉燒軟腍，雞肉會乾少少厚炙燒豚肉扁瘦冇咩肥膏🐷自己幾鍾意半熟蛋就正常發揮另外可以自己加青檸🍋‍🟩帶清新味道牡蠣沾湯底用日本金蠔自家熬製，好濃郁！重蠔味而唔腥配上切粒洋蔥提升味道🧅質感creamy，有啲似蘑菇湯添▶️ 海老沾麵 ($88)麵條同上面一樣配料有兩塊厚炙赤燒豚肉、荀、半隻半熟蛋、青檸海老湯底係另一番風味～鍾意佢有超多脆口櫻花蝦米🦐可以黏住麵條入口入面仲有大量香蔥、洋蔥粒、兩粒豬腩肉，好足料味道比牡蠣湯鮮甜，似西式龍蝦湯😋完全唔會太鹹/口乾，而且冇一般湯底油膩，飲多幾啖都好OK▶️ 雞軟骨棒 ($29)唔係一般居酒屋見到嘅樣貌，呢個粗身多肉地食落似雞肉丸，夾雜少許爽脆軟骨👍🏻夠juicy面頭淋上沙律醬同照燒汁、香蔥同芝麻粒調味，非常和風🐔推介加配嘅小食！▶️ SAGE 冷泡茶- 白桃烏龍 ($20)香港製造但用上台灣嚴選自然栽培茶葉，無加工、無糖，全天然頭幾啖會飲到清香白桃味道，底部就較重苦澀茶味有美白肌膚、消暑消滯之用🍵▶️ SAGE 有氣茶- 蘋果桂花 ($22)連個罐都精心設計飲落似有氣嘅蘋果汁🍎鍾意飲有汽飲品人士可以一試-兩款沾麵一樣出色🍜麵質湯底拿捏得好👍🏻難怪午市時段排長龍，超多後生仔女幫襯服務好好，侍應有禮貌環境OK，唔似一般拉麵店用吧枱形式，因此適合幾個人一齊去食👫👭性價比以香港拉麵店嚟講算抵食，平均$150/人，有小食有嘢飲非常滿足嘅一餐，值得回頭！…查看更多

呢間野幾出名，不過一直都唔知一生懸麵🍜係咩意思，原來係攞日文「一生懸命」既意思，係指要努力不懈將事做好，佢地抱住呢種心情整拉麵🍜幾難得，今次亦都感覺到好食😋過之前，希望佢地可以繼續加油💪🏻 雖然鋪頭細左啲，但唔影響野食應有盡有～(5 😍 係滿分，🤩係半分）海老沾麵 🦐🍜 - $88 (好味指數：😍😍😍😍)個蝦湯🦐🥣既顏色明亮，原來係用左豬骨🍖、鰹魚🐟、雞肉🐥、野菜🥬等食材熬製12個鐘，之後赤蝦乾🦐先做到個沾汁，幾用心👍🏻 唔怪得之味道幾濃郁醇厚，蝦味🦐幾鮮甜惹味，係略嫌鹹左少少，同埋可以杰多少少～ 上面放左靚靚既炙燒叉燒🔥🐷，係用左半肥瘦既五花腩，有油香之餘唔會好肥，肉既部分質感軟腍，有焦香又惹味～ 配料仲有半隻香甜既溏心蛋🥚、爽脆既冬筍，同埋可以提鮮解膩既青檸🍋‍🟩，麵🍜方面小編揀左熱麵🍜同標準硬度，啲麵🍜係用全粒粉製成，幾有咬口、有麥香🌾又掛湯🥣～雞白湯拉麵 🐥🍜 - $95 (好味指數：😍😍😍😍)湯🥣既顏色係奶白色，佢地會用雞🐥既唔同部位去熬湯🥣，會有雞肉🐥、雞骨🦴同蔬菜，所以味道清香鮮甜，雞味🐥濃郁～ 加上所謂既白湯⚪️🥣就係用比平時煮清湯🥣更高既溫度🌡️去煮，大火大滾先可以滾爛啲肉，迫啲鮮味出黎，乳化個湯🥣，令到個質地都濃稠黏口啲，連埋上面輕盈綿滑既泡沫🫧一齊品嚐幾正🤤 至於麵🍜就揀左同之前一樣，幾掛湯🥣～ 肉方面主要有慢煮雞胸🐥同慢煮豚叉燒🔥🐷，啲雞胸🐥嫩滑juicy, 雞味🐥濃郁～ 慢煮豚叉燒🔥🐷 既脂肪會少啲，肉味更加濃郁，質感軟嫩都唔錯，所以加左20蚊要多3片😜 另外仲有香甜既原隻半熟蛋🥚、爽脆既蘆筍、清新既粟米芯🌽、洋蔥粒🧅、蔥粒同冬筍，感覺幾豐富章魚燒 🐙🔥 - $29 (好味指數：😍😍😍🤩)章魚燒🐙🔥係經典既日本小食，呢到既版本粉漿比較多，粒粒飽滿，厚實飽肚，質感幼滑軟熟，配埋香口既木魚絲、紫菜絲、酸酸甜甜既沙律醬🥗同埋香甜既燒汁都唔錯，如果面頭再脆啲同章魚粒🐙可以多啲就更加好～煎餃子 🥟 - $29 (好味指數：😍😍😍😍)上枱既時候仲係熱既，煎到金黃色，皮唔會好厚，晶瑩剔透，口感酥脆，裡面既豬肉🐷同椰菜🥬都幾多，香口惹味，而且都爆汁，配埋酸酸地既汁就更加開胃🤤SAGE 桂花烏龍冷泡茶 🌼🍵 / SAGE 白桃烏龍冷泡茶 🍑🍵 - $20 (好味指數：😍😍😍😍)除左麵🍜同小食之外，小編仲叫左兩枝無糖冷泡茶☕️，味道清新芳香，可以解渴消膩，同埋唔甜感覺會健康啲好味指數：😍😍😍😍推介指數：😍😍😍😍…查看更多

星期日下午突然下起大雨，窩夫與蝦子餅在旺角女人街找地方避雨兼吃飯。愛吃蠔的窩夫與蝦子餅被「牡蠣沾汁麵」吸引進店。其他沾麵和拉麵看來都很吸引。坐下來看到牆上的海報，有窩夫至愛的白桃烏龍茶。一碗麵一張落單紙，可按個人口味選擇麵的硬度。飲品方面，點了白桃烏龍冷泡茶($20)和蜜桃紅茶有氣茶($22)，原來都是香港製造的，值得支持，個人比較喜歡白桃烏龍冷泡茶。主食方面，點了一碗期間限定的牡蠣沾汁麵($138)，配料非常豐富，有兩隻炙燒廣島蠔，廣島蠔輕輕燒過，口感嫩滑，鮮味十足，肉類有三款之多，分別是慢煮雞叉燒、慢煮豚叉燒和炙燒豚肉，三款當中窩夫最喜歡慢煮雞叉燒，還有半熟蛋、燒洋蔥和青檸。牡蠣豚骨沾汁的蠔味濃郁，不會太鹹，厚度亦適中，一試愛上。另一碗點了海老沾麵($88)，配料有兩塊炙燒豚肉、半熟蛋和青檸。天氣酷熱，選了標準硬度的凍麵，凍麵沒有預期那麼凍，麵條偏粗，掛汁效果不錯，軟硬適中，口感彈牙。清湯底的海老沾汁跟牡蠣豚骨沾汁同樣出色，蝦味香濃，加入大量櫻花蝦，令口感更豐富。小食方面，點了煎餃子($29)，一客五隻，細細隻脹卜卜，薄薄的皮包著切得不太碎的豬肉，口感比免治豬肉好。…查看更多

呢間餐廳嘅老闆係由日本學藝後開創，走平民路線，主打各款湯拉麵同沾麵🍜💗海老沾麵（$88）海老沾湯落咗勁多櫻花蝦，非常濃郁，充滿蝦鮮味🦐粗麵條彈牙有嚼勁，超級掛汁🍜配有兩塊炙燒厚叉燒，肥瘦相間，有燒香嘅味道🍖配料仲有筍同糖心蛋🥚💗白湯豚骨拉麵（$72）豚骨湯底濃厚而且唔肥膩🦴配上順滑嘅幼身拉麵，選用薄切慢煮叉燒，肉質嫩滑🐖 配料同樣有筍同糖心蛋🥚💗燒餃子 （$29）煎餃子皮薄焦脆，入面係簡單嘅豬肉餡，蘸上餃子醋減低油膩感🥟💗唐揚雞 （$35）唐揚炸雞炸得金黃香脆，內𥚃肉嫩多汁🍗…查看更多

旺角的人氣拉麵店，朋友專登要來試雪糕拉麵 食物 : 店舖不大, 但有很多人排隊, 食物質數都幾好, 雪糕拉麵是有特式, 味道不錯 環境 : 小店地方較窄, 但坐位都舒服乾淨 服務 : 職員有禮貌 價錢 : 花生醬雪糕拉麵 HK$108.00 海老沾麵 HK$88.00 白湯豚骨拉麵 HK$72.00 煎餃子 HK$29.00…查看更多

我今日去左喺旺角嘅一生懸麵食麵，週末比較多人排隊，食物質素真係好好，值得推介！🦐海老沾麵佢哋嘅麵條係有啲Q彈，真係好好味！沾醬係用啲櫻花蝦同魚介嘅配搭，濃郁而唔會太甜，海老嘅鮮味同麵條嘅口感真係好搭！如果你鍾意食海鮮同麵條嘅話，一定要試下佢哋嘅海老沾麵！🐖極濃豬骨湯沾麵呢碗麵係以豬骨熬成嘅湯底，濃郁而富有層次感。麵同湯底嘅搭配都好岩！叉燒煎得香脆，令呢碗麵更加豐富！🍢雞軟骨棒同唐揚炸雞都非常好食！雞軟骨棒好鬆脆，肉汁都好多，唐揚炸雞就炸得香脆，肉汁又好多，大滿足！總括而言，一生懸麵嘅食物質素真係好好，啲麵條同各種沾醬都好好味，小食都係好好食！如果你係一個鍾意食麵嘅人，一定要嚟試下佢哋嘅麵啊！…查看更多

下雨天總是個令人想吃拉麵的天氣。和朋友約會一整天後，就走進了大家一直想嘗試的拉麵小店。這間拉麵最近掀起雪糕拉麵熱潮，花生味雪糕拉麵。但吸引我們倆目光的卻是菜單上看上去十分足料的海老系列拉麵！·🦐海老沾麵🍜·（✨4/5）個人偏好吃粗身有好咬口的麵底，所以這個海老沾麵十分適合我胃口！海老湯底濃郁而厚重，每次把麵條浸入湯汁時，湯汁也能充地掛在麵條上。重口味得來又十分滿足！·🦐海老拉麵🍜·（✨3.5/5）湯麵麵底比沾麵的幼，而它配上的是海老湯底，口味比沾麵的清淡，但也不失濃郁風味。兩碗海老拉麵同時會配上解膩甘香的筍片，半隻溏心蛋，以及兩大片肥瘦均勻的叉燒，叉燒上更有炙燒的痕跡，令味道更上一層次。·🍗唐揚炸雞·（✨4/5）外皮香脆可口，咬開外皮後，大量肉汁從肉內流出來，肉質也十分嫩滑。炸雞總共有四塊，以小食份量來說剛剛好。…查看更多

一生懸麵今次克服排長龍嘅心理關口，的起心肝試一下呢間人氣拉麵店，等咗10分鐘左右就有位了QR code 落單，選項方便，沾麵可以揀冷/熱，麵嘅硬度都有得揀海老沾麵一杯滿到瀉咁濟嘅櫻花蝦，食果時麵條被大量櫻花蝦裹住，蝦味超級香濃。麵質揀左硬，厚實口感覺勁滿足。魚介豚骨沾麵湯底有叉燒粒，湯汁肉味突出濃稠。麵條煙靭彈牙，掛汁力極強。小食order 左雞軟骨棒同章魚燒：章魚燒上台熱辣辣，粒粒章魚，可以一試。雞軟骨棒雞肉包住雞軟骨，有驚喜。…查看更多

旺角女人街左右兩旁都是食肆，常常都會走到這街上「搵食」😋今天難得早收工，便光顧這家入夜後常常大排長龍的麵店👍🏻本來想吃拉麵的，但見到他們的招牌沾麵又忍不住想試。之前一直吃魚介豚骨口味的，今次試試海老沾麵🦐海老沾麵的沾麵汁上方佈滿櫻花蝦，但蝦味的來源不單靠櫻花蝦，沾麵汁本來亦有濃郁的蝦湯香味，調味亦不會過鹹，偷偷當湯喝了幾口也沒問題呢🤭朋友點了我之前愛吃的魚介豚骨沾麵，沾麵汁與海老口味完全不同，感覺有點像味噌的味道。兩碗沾麵的麵條有一定粗度，掛汁又有咬口，上面的叉燒肥瘦均勻，入口不會有騷味。糖心蛋是呈完美的半熟狀態又入味，整碗沾麵都沒甚麼可挑剔呢🫶🏻…查看更多

週六放工專登同先生嚟朝聖，未去到門口已經見到長長嘅人龍，可見人氣幾咁強。大概等咗二十分鐘左右終於可以入座，驚訝嘅係隔嚟枱仲坐住一對日本情侶，睇嚟人氣程度不容小覷。餐廳用傳統嘅落單紙點菜，主打沾麵同拉麵，最平嘅白湯豚骨拉麵都係七十蚊左右，價錢非常相宜。雖然見網上好多人推薦海老拉麵同期間限定嘅沾麵，但嗜辣嘅我最後都係決定試下較少人提及嘅辛辣拉麵。一飲個湯底就知道冇揀錯，濃郁嘅湯底帶上辣勁，配上筍乾超級惹味，令人不禁想飲哂成個湯底！叉燒帶點厚度，肥瘦相間，表面輕輕燒過，帶有微微嘅焦香，入口腍滑到近乎即溶，質素極高！先生點嘅海老沾麵亦好足料，熱湯表面鋪滿櫻花蝦，麵底同樣配上兩大件厚叉燒同半隻溏心蛋。口感彈牙嘅麵條遇上濃郁嘅湯頭，夾埋櫻花蝦一齊食，令口感更豐富。唐揚炸雞質素亦係超高，一客大概有五件，即叫即炸係基本，入口鬆脆入面仲好juicy，調味亦唔會過鹹，連先生都大讚，非常推薦！章魚燒雖然冇炸雞咁驚為天人，但同樣即叫即整熱辣辣送上枱，質素亦唔錯。飲品方便除咗有我至愛嘅波子汽水，仲有Sage嘅冷泡茶同有汽茶，非常清新。餐廳嘅食物果然冇令人失望，小小嘅食店座位唔算多，亦冇花巧嘅噱頭吸引食客，憑嘅絕對係優質同令人難忘嘅美食，難怪連日本人都要嚟朝聖。…查看更多

餐廳：一生懸麵地點：旺角通菜街菜式：日式拉麵餐牌：沾麵5款，拉麵4款，另加配菜，小食同飲品。可選麵條硬度，走葱走蒜。海老拉麵 $88海老拉麵面頭好多櫻花蝦仔，好香蝦味。色水呈淡橙色，先飲一啖湯，蝦味唔錯，唔覺油膩。拉麵係幼身，蛋香唔錯，我叫左標準硬度，浸耐左食都唔會一pat野。配料有兩片叉燒，係烤過架，明顯見到烤印，半肥瘦，豬味濃，有返相當厚度，唔會太薄，唔錯。糖心蛋半隻，個心又淋又甜，好味道。伴有扁筍同少少蔥花。海老沾麵 $88海老沾麵個湯好熱，色水呈紅色，面頭係滿滿櫻花蝦仔，飲落好香蝦殼味，但係唔會太鹹，而且有少少甜，麵條浸一浸就食都好夠味。個湯入面有兩件豬肉。麵條我叫左凍同硬，比較粗身d，係我鍾意既口感，唔會太硬。沾麵可選熱或凍，唔想個湯越食越凍，就一定要選熱沾麵。同海老拉麵一樣，伴有兩片叉燒，糖心蛋半隻同扁筍。仲有一件青檸。唐揚雞 $35唐揚雞一客4件，炸得皮脆肉嫰，伴有沙律醬，令入口更滑溜。配有一片檸檬，下底墊有椰菜絲。雞軟骨棒 $29雞軟骨棒一客兩條，面頭係滿滿邪惡沙律醬，再灑上蔥花同白芝麻粒。食落主要係雞肉丸口感，味道係滑溜沙律醬。忌廉 $10忌廉夠凍，附上獨立包裝飲管。蜜桃紅茶有氣茶 $20呢度都有日本進口蜜桃紅茶有氣茶。總括而言，呢度蝦湯都唔錯，個蝦湯夠清又有蝦味。上菜快速，半個鐘食完。…查看更多

｛一生懸麵｝旺角超人氣拉麵店.第三次回訪呢間位於菜街（近先達）嘅拉麵店🍜假日晚上6點鐘 排咗10-20分鐘就入得今次係衝住限定 #牡蠣沾麵！試試佢「蠔」唔「蠔」食🦪(*ﾟ▽ﾟ)ﾉ.✎  期間限定 牡蠣沾麵 HK$128     #推介.ᐟ .ᐟ大癲！一上碟時 已經聞到濃郁蠔味～碗沾麵汁十分濃稠(♡˙︶˙♡)飲左啖湯 彷彿用咗100隻蠔去打出嚟咁香濃！面上有3隻蠔 1片叉燒 半隻糖心蛋蠔夠鮮甜 叉燒入面半溶 加分呢(♡ơ ₃ơ)麵條本身好彈牙 掛汁效果一流麵上mix咗啲小顆粒 豐富咗口感(´•̥̥̥ ᎔ •̥̥̥`) 不過可能啲湯濃得濟 食唔到最後✽好味指數：★★★★☆/5.✎  海老沾麵 HK$85 沾面汁上滿滿嘅櫻花蝦～ 配以清湯底 聞起來香 就咁飲亦不會太咸面上3片香燒叉燒 十分惹味(*´˘`*)♡ 及蛋半隻麵條爽彈掛汁 朋友都大讚出色！✽好味指數：★★★★☆/5.⚐ 一生懸麵 地址：旺角通菜街73號地下人均消費：HK$100 (2ppl)回訪指數：🤤🤤🤤🤤🤤/5環境舒適：🪑🪑🪑/5…查看更多