影片
電話號碼
23296244
98573918
開飯介紹
營業至凌晨的港式火鍋店，湯底提供養生、香辣等口味，而火鍋配料逾70款，另有刺身、小菜供應，選擇多元化。
繼續閱讀
營業時間
今日營業
16:00 - 02:00
星期一至日
16:00 - 02:00
以上資料只供參考, 請與餐廳確認詳情
有關獎賞計劃
______________________________新蒲崗超過15年老字號懷舊本土火鍋店！本地牛切封門牛柳 罕有自家黑松露肉丸好有人情味 家庭式經營嘅火鍋老店🫶🏻個日去食 老闆和老闆娘超級好客熱情海鮮食材都好新鮮 仲有仼食丁麵•蔬菜優惠!______________________________< 手切封門柳懷舊火鍋二人餐 > 好多野食 食材又新鮮 只係$𝟯𝟴𝟴 抵食!/ 懷舊沙嗲 • 海底椰鮮雞 • 生拆蟹肉 / 火鍋湯底 有三款選擇海底椰鮮雞鍋由新鮮椰子煮成 加埋大大份新鮮雞 🫶🏻/ 手切封門柳 /二人份量十足 肉味濃 軟腍又新鮮!/ 海鮮拼盤 /鮑魚 • 帶子 • 蝦 • 生蠔鮑魚可以凍食 配wasabi就咁食已經好好~帶子大大粒 生蠔大大隻 蝦肉鮮甜又有膏全部都好新鮮!!🫶🏻/ 雲吞 • 水餃 • 手打黑松露丸 /呢度嘅手打丸全部都係自家製 大大粒好足料咬開就好重黑松露香 又彈牙 高質!!!💯/ 蔬菜 • 出前一丁 /最後食埋個出前一丁同蔬菜拼盤 滿足！每人可加$𝟏𝟖可以無限追加一丁同蔬菜！
繼續閱讀
當香港食肆面臨結業潮，曾經熟悉的城市景色正在慢慢轉變，希望香港人多多留港消費。充滿濃厚嘅人情味開咗16年嘅家庭式火鍋店老字號「金筷子火鍋小廚」，老闆同員工都親切友善；主打火鍋、本地手切牛肉同黑松露墨丸等手打丸。今次我揀左佢哋$388嘅星級手切封門柳懐舊火鍋二人套餐。湯底揀左生拆蟹肉海鮮鍋，腐皮包住湯料，湯用沙白蜆、素翅、蟹柳、鮮蝦、冬瓜煲，湯底鮮甜呀。手切封門柳（2人份量）封門柳厚薄剛好，色澤油花又靚仔，2人份量都好多，好滿足呀。海鮮類冰鎮鮑魚用雞汁醃製，我就配wasabi同豉油咁凍食，好彈牙好滋味。巨型帶子真係大過手掌，咬落鮮甜又爽口，超正👍🏻。仲有大大隻生蠔同可口彈牙嘅鮮蝦，大滿足😌。雲吞拼水餃係人手包架！雲吞餃子用木耳、豬肉同白菜包，好大隻好好咬口。皮薄餡靚嘅雲吞將豬肉同蝦仁融為一體，好好味😋。手打黑松露肉丸丸丸好彈牙，食到微微鹹香，仲要係即叫即做勁有誠意。依家只需加$18就可以無限追加出前一丁或時蔬，抵食丫！@lifestylekitchen_spk #金筷子火鍋小廚新蒲崗衍慶街40號衍慶大廈地下10號舖
繼續閱讀
小妹係鍾意打港式邊爐多過日式嘅 鍾意港底湯底同啲手切牛不過普遍港式邊爐都係單點 兩個人單點一碟牛加埋湯底都已經每人兩舊水 個價已經食到任食日式/台式火鍋 就過唔到自己個關😂😂今次想分享嘅係每人兩舊水都可以港式邊爐成枱野 有靚湯底有牛有海鮮有手打丸有菜有麵 史上最抵😎😎咁當然啦做到咁抵因為係街坊小店 就要預左環境會逼啲細啲嘈啲🤣當晚都好多街坊 果然係新蒲崗屹立超過15年嘅老字號懷舊本土火鍋店！餐廳主打本地牛切封門牛柳同埋罕有自家黑松露肉丸 二人餐都係包曬嘅 唔洗再另外叫黎試🙆🏻♀️🥘火鍋二人套餐($388)呢個餐賣$588我都信 食材新鮮之餘 食完仲好飽 不過如果你係大食之人驚唔夠飽 仲可以加$18 無限追加公仔麵或者時蔬 食麵食菜食飽你😂😂🍲生拆蟹肉海鮮鍋痴線湯底 除左蟹肉喺面 仲有成包腐竹包住一堆海鮮 有蜆 蝦 同魚肉 仲有幾隻雞腳熬湯 湯底本身已經超足料 唔食海鮮可以要椰子雞湯或者呢排連冬瓜湯都有😂😂可以當湯飲嘅湯底 我最愛！！🥩手切封門柳+手切霜降牛選擇困難嘅關係 肉肉+$10可以雙拼 肥瘦都試曬佢 封門柳就係深紅色少啲脂肪但好濃牛味 霜降就係油花較多油香重啲嘅牛 冇話邊樣好啲 係個人喜好 我喜好係肥所以鍾意霜降多啲🤭🤭🦪鮑魚 帶子 廣島蠔 火鍋蝦點解$588都個呢因為啲海鮮好新鮮又大隻 尤其帶子係連殼超大隻 鮑魚係冰鎮嘅可以當前菜 會比埋豉油wasabi沾黎食 好鬼開胃🤩🤩蠔都係肥美大大隻 熟左都creamy嘅正蠔 本身湯底都有蝦 再有蝦 蝦蝦蝦蝦蝦蝦蝦蝦😬🍢手打黑松露丸唔鍾意黑松露可以問下老闆轉其他丸 因為有好多種類嘅手打丸 我最愛係手打芝士墨魚丸 係有啲真芝士喺入面 唔係芝心丸個啲 最搞笑係仲有胡椒豬肚丸 老闆表示好鍾意試打唔同丸 臭豆腐都打過做丸…有冇人想試🥗蔬菜盤🍜出前一丁唔夠飽就加$18狂食生菜同出前一丁啦💁🏻♀️好耐冇食過啲咁懷舊本土邊爐 雖然耳膜真係就穿 但的確好有氣氛 啤酒好似都好抵飲 成班朋友啤啤佢都幾好feel 不過店面唔大 真係每晚只做到幾枱 所以一定要訂位！！訂位⬇️https://bit.ly/4bjAbmt金筷子火鍋小廚 @lifestylekitchen_spk新蒲崗衍慶街40號衍慶大廈地下10號舖#美食 #優惠
繼續閱讀
餐廳：金筷子火鍋小廚 (新蒲崗)地址：新蒲崗衍慶街40號衍慶大廈地下10號舖有時人生太攰、返工太忙，放工嗰陣都只喺想食餐好西慰勞一吓自己，不過自從疫情之後好多餐廳都好咗關門，唔好話夜繽紛，夜少少喺條街度都真喺鬼影都冇隻，新蒲崗呢間開咗16年嘅家庭式火鍋店老字號——金筷子火鍋小廚，就每日由下晝4點開到凌晨2點，仲做緊早鳥同宵夜正價火鍋料8折優惠👍🏽，加上免茶芥同加一、$38湯底、$38兩枝啤酒等優惠真喺吸引咗唔少人幫襯。雖然餐廳細細，枱都喺得嗰幾張，但老闆同員工嘅親切友善，同埋濃厚嘅人情味足以令人念念不忘💕餐廳主打火鍋、本地手切牛肉同黑松露墨丸等手打丸🍢，12款正價湯底都喺由$78起，最貴嘅翅群花膠鮮雞鍋都只喺$118咋🤩，而我今次就叫咗佢哋$388嘅星級手切封門柳懐舊火鍋二人套餐，嘢食多到我地捧腹而歸🫃🏻，而坐低無幾耐就已經座無虛席，建議大家去預先訂位費事摸門釘🈵 我地揀咗老闆推薦嘅生拆蟹肉海鮮窩🍲，上檯時會用塊腐皮包住澎拜豐富嘅湯料，造型夠曬特別😜，裡面有大量嘅沙白蜆、素翅、蟹柳、鮮蝦、冬瓜，老闆仲加咗兩條瀨尿蝦比我哋🦐，令湯底鮮甜至極✝️手切封門柳 (2人份量）紅潤光澤嘅封門柳厚薄適中，雲石油花細緻均勻，淥幾秒就食得🥩，肉質嫩滑有咬口，富有甘甜濃郁嘅肉香同牛脂香，食落肥而不膩👏🏽✝️鮑魚拼盤冷凍鮑魚以雞汁醃製，就咁食或者放入去煮都得✅，個人就鍾意凍食，配埋wasabi同豉油就好似食刺身咁，仲品嚐到最彈牙嘅滋味同口感😎，另外仲有鮮蝦同大大隻嘅帶子，巨型帶子份量十足而且鮮甜多汁💦 ✝️雲吞拼水餃餐廳人手包製嘅餃子用咗木耳、豬肉同白菜，一啖咬落肉汁四溢🥟，皮薄餡靚嘅雲吞將豬肉同蝦仁融為一體，層次感相當豐富💯✝️手打墨魚丸即叫即打嘅墨魚丸紮實飽滿，除咗彈牙嘅墨魚漿之外仲食到粒粒墨魚肉🦑，芝士墨魚丸帶微微嘅鹹香，而墨汁墨魚丸，味道相比下更重墨魚嘅鮮味🖤蔬菜同出前一丁公仔麵喺打邊爐缺一不可嘅食材，吸滿曬湯底嘅精華後每啖都令人回味無窮🤌🏽，依家只需加$18就可以無限追加出前一丁或時蔬，啱哂大食嘅朋友仔😉
繼續閱讀
嘩😍～ $𝟑𝟖𝟖 二人份火鍋，那裏找呀?! 去新蒲崗的 🇭🇰 金筷子火鍋小廚，就可以啦～家庭式經營的餐廳，好有人情味😆。地方不大，大部分都是熟客。老闆和老闆娘好熱情💕，吃得好開心呀!☆ 火鍋二人套餐🍲$𝟑𝟖𝟖/𝟐位▽ 海底椰鮮雞鍋🍗用新鮮椰子🥥去煮的海底椰鮮雞鍋，鮮甜不已，一次過喝了好幾碗呀～雞有半隻，份量十足，煮久也不會結實呀!▽ 星級手切封門柳🥩封門柳比想像中更好吃，肉腍又鮮美，好高質!▽ 鮑魚、帶子、生蠔🦪、蝦🦐鮑魚預先煮熟，可以凍食。帶子大大粒，生蠔激大隻，蝦肉鮮甜，全部都好新鮮唷～ ▽ 雲吞、水餃🥟、手打黑松露丸雲吞大隻，肉餡鮮美。黑松露丸是手打的，好彈牙!▽ 蔬菜🥬▽ 出前一丁🍜最後一人一個出前一丁，超級滿足呀(≧▽≦)/即日起，每人可加$𝟏𝟖無限追加出前一丁及蔬菜哦🥳!
繼續閱讀
您可能會有興趣的...