208
5
4
| 餐廳: | Surasang 수라상 |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
港鐵九龍站 C2 出口, 步行約1分鐘
繼續閱讀
電話號碼
25199182
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
優惠
| 餐廳: | Surasang 수라상 |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
👌🏻最近係圓方搵到一間高級韓國餐廳，呢間餐廳有用料新鮮、食材產地直送等優點，入內可見格局裝修雅緻，同朋友係到享受左個久違既高質晚飯 😇😇 坐低無耐店員就送上餐單及前菜，泡菜、魚餅、芽菜等等，邊食邊等，發覺前菜味道都幾地道 👍🏻👅 海鮮煎餅呢道菜以蝦、蜆、魷魚等新鮮既海鮮為主，煎得金黃酥脆，內裡鮮嫩多汁。每一口都充滿海鮮的鮮味，令人回味無窮 🌊🌊👅 韓國鮑魚釜飯鮑魚既鮮甜與米飯既香氣完美結合，入口就可以明確地感受到鮑魚既新鮮與彈性，香菇、芝麻、紫菜及青蔥帶黎既芳香，以及飯粒既焦香味，出色既食材令呢道鮑魚釜飯成為了一道口感豐富、味道鮮美的佳餚 ❤️🔥👅 韓牛大蔥卷配泡菜炒飯嫩滑的韓牛包裏住大蔥，侍應上前為我地煎香，入口可知韓牛口感柔軟細嫩，與大蔥既清香相互融合，絲絲入扣。搭配香氣四溢的泡菜炒飯，炒飯既香氣與泡菜既酸辣風味濃烈，營造出一種令人垂涎欲滴的味道。🍸 Snowing Night混合韓國燒酒、酸橙汁、薑醋汁以及菠蘿汁既一杯明黃色Cocktail，味道清新並帶有頗為強烈嘅酒味，味道亦較為酸，相信不是每個人都適合飲，不過個人認為配搭韓牛食用幾相宜 🥩🍸 Lavender Seoul 127以韓國特色桑子酒，配搭檸檬汁以及薰衣草糖漿而成既一杯 Cocktail，味道清甜冰帶有豐富嘅果香味，十分適合配搭海鮮食用 💕▫️◾️▫️◾️▫️◾️▫️◾️▫️◾️▫️◾️▫️◾️▫️Surasang 수라상 (尖沙咀)📍尖沙咀柯士甸道西1號ELEMENTS圓方水區1樓1028B號舖💸 ~ $ 1700 / 2人
繼續閱讀
周五收工緊係要食好D😎位於圓方嘅高質精緻韓國居酒屋「Surasang」絕對係Happy Friday好選擇❣️富有情調環境下，食韓牛飲韓酒，爽YY🤪.🍴韓牛大蔥卷配泡菜炒飯💰$880油花滿佈嘅韓牛包裹著綠嫩大蔥🥩店員即場係餐檯上煎香，望住韓牛脂肪慢慢融化已經垂涎三尺🤤韓牛卷入口油香四溢，嫩滑多汁💦內裡大蔥香甜有點爽脆口感😚好味到停唔到口😆額外可蘸少少麻油，更香口😋煎完韓牛卷後會用同一鍋底整泡菜炒飯，因此炒飯都帶韓牛油香，少少泡菜微辛感，大滿足🥰.🍴海鮮煎餅💰$226平時食海鮮煎餅最怕成口粉，呢度就唔洗驚😌煎餅比坊間更香酥，入口卜卜脆😛而且內有大蔥、魷魚、小魚乾、蝦等，每啖都超足料👍🏻.🍴韓國鮑魚釜飯💰$185兩大隻鮑魚放於釜飯上，周圍置滿其他配料，非常精緻💕拌入韓式辣醬就食得😉鮑魚爽彈鮮美，加上本身已切得片食得好方便😚釜飯米香十足，鍋底仲有少少飯焦正😝.🍶Cculseam16 Honey Mead💰$380餐廳另一特色就係提供一系列韓酒選擇，食飯飲返杯適合不過🥂呢款韓式蜂蜜酒既有蜂蜜香甜外，更帶檸檬清新感🍋雖然酒精濃度有16%但都相當容易入口😌食比較油膩嘅嘢時候襯都唔錯😜
繼續閱讀
朋友住新界，比較遠，通常大家的中間點都是旺角或尖咀搵食，最近朋友上網搵到呢間喺圓方的餐廳，非常吸引，覺得地點稍遠，但因為太想食，所以就答應了朋友。餐廳環境氣氛很好，燈光暗得來可以開枱燈補光，很舒適的感覺。一開始餐廳會提供韓式前菜。餐廳選擇都很多，我們點了以下食物。韓式炸雞（$208）最多可選兩款口味。原味：外皮炸得香脆，雞肉嫩滑，因為是原味，更能突顯雞肉本身的甜味。炸雞是無骨的，方便進食。蜜糖味：蜜糖味炸雞淋上蜜糖醬，帶有蜜糖甜味，亦能減低熱氣感覺。烤風川鰻魚釜飯（$185）：打來蓋，看見烤鰻魚和蔬菜，七彩繽紛很美觀，可配上韓式辣汁進食，鰻魚的肉質柔軟多汁，帶有淡淡的烤的香味，和飯很配襯。提供麥茶倒在飯焦裡吃，另有一番風味。韓牛肩肉（$852）：最期待是這個肉了，肉非常大塊，本身已煎了很漂亮的格紋，之後職員會在我們面前煎熟，再幫我們剪開，肉的油脂很香口，分佈均勻，是高質的牛肉。配上麻油鹽很香由牛肩肉的油再炒皇帝菜，令菜更香口。之後亦會炒泡菜飯，微辣很開胃。柚子梳打（$48）：很多柚子肉，味道清新，帶酸甜風味。冷壓橙汁（$68）：味道鮮甜，橙汁冷壓後，可以保留橙中的營養價值和天然香氣。
繼續閱讀
裝修高級時尚😍，而且有格調， 附送嘅前菜係有五款，泡菜好正。春天做緊櫻花主題Menu🌸，以櫻花蝦入饌🫶，再叫埋招牌的韓牛大蔥卷和cocktails，真係好滿足。🔹️綻放的櫻花生牛肉 生牛肉超新鮮和嫰滑🐄，入口即溶😋，配料有櫻花蝦、雪梨、泡菜、蒜蓉、洋蔥、青瓜、松子，撈埋後食放上脆脆紫菜上面，好味🔹️韓牛大蔥卷配泡菜炒飯 頂級韓牛🐄，油脂分佈好靚😍，卷著爽脆嘅大蔥，店員會負責燒，而且留返兩舊大蔥卷剪開來炒個泡菜飯，好好味。🔹️大邱櫻花蝦煎餅🦐超多料，鋪滿煎餅，而且都幾大份量，煎到好香口😆🔹️櫻花蝦蕈菇釜飯櫻花蝦加上菇等配菜，成個釜飯都好香。🔹️Lavender Seoul🔹️Snowing Night兩杯用咗韓國酒嘅cocktail 都係甜甜地，好易入口。
繼續閱讀
如果你想在名店林立的園方商場，用餐時享有令人讚嘆的海景，同時又希望品嚐髙質美食。Surasang是絕對值得你嘗試。一進入餐廳已感受到燈光營造出的獨特氛圍，再加上輕柔音樂，為用餐帶來了額外的愉悅感。在職員推薦下，點選了幾道精緻的菜品，每一款都十分高質，味道豐富且獨特，令人難以忘懷。櫻花蝦生牛肉嫩滑的他他牛肉，搭配了櫻花，松子仁、青瓜等等以花朵拼盤裝飾，視覺上已經增添了不少美感。他他牛肉質地柔軟，入口即化，再配上脆脆入口，是一個絕佳開胃菜。韓牛大蔥卷這是一道充滿風味的菜品。韓牛肉的質地鮮嫩，搭配大蔥的清爽口感，肉質的香氣與大蔥的香味交織在一起，形成了清新與濃郁的完美結合。這道菜帶來了令人愉悅的味覺體驗。大邱櫻花蝦煎餅櫻花蝦獨特的鮮味與蔬菜煎餅的酥脆相互襯托，口感豐富多樣，帶來了令人驚喜的口味體驗。櫻花蝦蕈菇釜飯是一道豐富的主食選擇。釜飯中加入了櫻花蝦和蕈菇，賦予了米飯獨特的海鮮和蕈菇的風味。米飯煮得香糯，櫻花蝦和蕈菇的鮮味完美地融入其中，使這道釜飯成為一道美味而滿足的料理。Surasang每道菜品都展現了韓國料理的精髓，用上新鮮的食材和精湛的烹飪技術來呈現，強烈推薦喜愛韓國料理的人前來品嚐。
繼續閱讀