Mango Tree

以前同朋友勁鐘意食Mangotree既蟹肉農夫包，可惜之後轉左帶子蟹肉同走唔到芹菜後，就好配冇再去食了。今次經開Element，諗唔到食咩就去左食～荔枝沙冰傳遞出濃厚的荔枝果香，既清新又不膩。細細品味，每一口都能感受到荔枝的甜美，伴隨著沙冰的清涼感。脆炸蟹肉卷外層的炸皮金黃酥脆，裡面的蟹肉餡料鮮美豐潤，幾乎每一口咬下都有蟹肉。炭燒豬頸肉的肉質鮮嫩，每片也切得很薄，配上醬汁食更好食。紅咖哩比目魚的咖哩醬香濃而不過重，魚肉鮮嫩。搭配米飯/蒜蓉包享用都很合適。最後以香芒糯米飯作結～糯米飯的黏性與香芒的清甜相結合，好食～…查看更多

今日去依間餐廳食下午茶，確實無失望，叫左三個菜，雜菜粉絲煲、海鮮炒河粉、腰果炒雞柳、芒果沙冰，幾款菜式都非常好味，辣度都非常配合，店的服務員亦非常好，坐位亦濶落，仲有海景睇，不過盡量唔好坐窗邊，因爲下午時，太陽有點勁，所以都係選擇離窗邊坐。最後,此餐廳雖然是港鐵商場，但有關消費是不能上載MTR APP賺取續分。…查看更多

很久之前聽過不少朋友對Mango Tree的讚賞，所以一直都很想嘗試Mango Tree的下午茶，今次是朋友的生日，所以選擇到Mango Tree慶祝，餐廳的裝修很有泰國feel及令人感覺很舒適，食物都是正常水準，沒有特別驚喜，如果鹹點可以加熱相信味道會更加好…查看更多

前兩日，同四個好朋友去Mango Tree食晚餐，之前未去過，係朋友介紹，因為唔係太熟圓方商場，指示又唔太清晰，有啲難搵，不過如果記得佢係喺ICC嗰區，就容易好多。我哋一早訂咗位，如果唔係都應該冇位，因為見到佢都幾爆，去到發覺個氣氛比一般泰式餐廳再優雅一啲，我哋book咗窗邊枱，有景，唔係好特別，不過都幾開揚，張枱好闊落，坐得舒服，唔似而家一般嘅西餐廳啲枱都係好細，擺完嘢食逼到連杯水都擺唔落，呢度就闊落，同埋枱同枱之間嘅距離都比較遠，幾個好朋友八八卦卦，係咁傾多過食，都係一個好地方。雖然話顧住傾偈，我哋都叫咗好多嘢食，個小食拼盤好值得推薦，裏面有豬頸肉、炸蝦餅、魚餅、竹葉包雞、軟殼蟹米紙卷，幾乎都囊括晒每一個人都會啱食嘅嘢，一個拼盤全部有齊，唔使散叫咁麻煩，另外我哋叫咗青木瓜沙律，一般般啦，仲有一個豬頸肉炒河粉，我就覺得略為油左，朋友就覺得味道好，仲叫咗酸甜泰式雞柳，都係普普通通，唔算特別，食物嘅份量都OK，唔會太細，所以我哋四個人都覺得好足夠啦，價錢就大約係250一位左右，我哋都坐咗好耐，而且亦都覺得個環境唔嘈、又闊落，都坐得舒服，傾得開心，所以都值嘅，不過會唔會再嚟第二次呢，我就要再諗吓啦，因為呢個價錢，都可以喺第二度食到更好嘅菜式。…查看更多

西式下午茶食得多，今日轉為食泰式下午茶。天際100下面嘅呢間泰式餐廳，我哋下晝三點準時入座。四個人食飯，叫咗一個一個二人下午茶set，另外加咗一個泰式明爐魚同埋大蝦炒金邊粉。下午茶set好豐富，有燒蠔，炸蝦，咖喱包，串燒，芒果糯米飯，柚子沙律等等。全部都好好味，賣相精緻。大蝦炒金邊粉都好夠味，蝦嘅份量好多👍🏻泰式明爐魚等咗好耐，佢係用咗石斑，出面嘅泰式餐廳通常係用烏頭或者盲鰽，所以佢都幾特別，佢嘅湯好好飲，最後飲晒…查看更多