影片
電話號碼
23300316
開飯介紹
融合英國與印度風味的餐廳，設計風格復古優雅，營造出濃厚的殖民時代氛圍。餐廳的招牌菜式包括皇家海得拉巴手抓飯，提供羊肉、鴨腿和素菜選擇。米飯經爐火慢煮並以藏紅花調香，羊肉保留骨香，味道濃郁。
繼續閱讀
營業時間
今日營業
12:00 - 23:00
星期一至四
12:00 - 23:00
星期五至六
12:00 - 23:30
星期日
12:00 - 23:00
公眾假期
12:00 - 23:30
公眾假期前夕
12:00 - 23:30
以上資料只供參考, 請與餐廳確認詳情
有關餐廳
餐廳告示
有關獎賞計劃
朋友介紹呢度有好抵嘅 Happy hour 又有歌聽又有好味咖哩，一次過滿足幾個願望！即約~Arancini Tikki Chaat - 印度街頭美食 Chaat 嘅 fusion 版本🥠炸得香脆嘅Brie cheese 薯球，下面有鷹嘴豆咖哩加埋羅望子、薄荷酸辣醬、酸奶、石榴，酸甜清爽又開胃Tenderloin Skewer - 牛肩肉串燒用上自製香料醃製，濃郁嘅風味好惹味，豐富嘅炭火香🔥點埋個Chimichurri 辣辣的簡直係送酒良物Chicken Tikka Masala - 呢間嘅調味比平時嘅更加香濃，雞肉帶煙燻香味，汁底又 rich 又 creamy。一定係配 naan 食 （佢哋足足有5 款口味，正）🫓我哋叫咗 Garlic Coriander Naan + Butter Naan~大滿足！Pistachio Burnt Basque Cheesecake - 估唔到印度餐廳嘅開心果甜品都咁有水準~每啖都充滿濃郁嘅堅果味，順滑又有奶香，好正式。唯一就係勁飽肚適宜分享~而且估唔到喺 Elements 價錢一啲都唔貴反而幾相宜，Happy Hour 最平28 蚊起咋，仲去到8點，不得了🤑🤑
繼續閱讀
好耐無食印度菜，今次搵左間係圓方商場，整體望落較Premium嘅British Indian Restaurant，裝潢幾High-end，同一般高級商場嘅西餐廳差唔多。下層係British style嘅bar area，上層就係西餐廳設計，儘管如此，價錢無話特別貴，同係普通印度餐廳食飯差唔多價錢，性價比唔錯。Mango Lassi ($68): 印度菜必點嘅Mango Lassi (芒果乳酪)，口感醇滑，味道酸酸甜甜，但飲落唔會太甜，就算減緊糖都照飲! Soft-Shell Crab Roll ($178): 炸軟殼蟹捲餅，每件捲餅內都有大大件嘅軟殼蟹，酥脆鮮甜，內有時蔬，減低油膩感。Afghani Ribs and Chips ($188): 留意返，呢款阿富汗肉排係羊肋骨，並唔係豬肋骨，其炆至非常軟腍，但肉質仍保持嫩滑而有肉汁，脂肪含量高，油花味超香，鍾意食羊肉嘅不能錯過。Chips係香辣嘅焗鮮薯，薯仔綿滑，辛香微辣，都幾香口好食。Chicken Tikka Masala ($178) & Truffle Ricotta Cheese Naan ($38): 印度菜著名嘅咖喱香料烤雞，每間用嘅香料同味道都有少少唔同，一般都係深橙色，加入番茄、椰奶及印度香料煮成嘅咖喱，質感比較Creamy奶滑。由於一般會伴印度薄餅或飯，所以味道會偏濃郁，望落幾油，但食落唔太膩。Naan都有幾款可選，除左一般牛油、蒜香薄餅，呢度仲有款黑松露芝士薄餅，一客共有兩塊，新鮮烤起，口感脆香，松露味突出，配咖喱食非常惹味。
繼續閱讀
今晚接完朋友收工，就黎左呢一間位於Elements bookmark 左好耐的印度菜餐廳到食飯。餐廳原來係有上一層，坐一上層空間感仲闊落，枱與枱之間一啲都唔迫。Prawns Pakora Basket 炸蝦好香口又彈牙，Onion Potato Pakora有兩大舊，外面係一條條薯絲包住，好香口入面仲係keep 到濕潤。👍Tenderloin Skewers有兩串，每串有三舊牛，點埋個mustard oil & ginger garlic 食又幾夾喎。食印度菜一定要食下間餐廳嘅Chicken Masala，唔好睇佢好似好細兜，入面的雞肉份量都好多，個調味亦都做得好好，適當的辣，好開胃。食Masala 當然要點埋Roti 同Butter Naan，Roti 好香脆，Naan 口感煙韌，面頭仲有啲黑芝麻，呢兩樣配埋Chicken Masala 黎食永遠都係咁夾。Tamarita 用Tequila 做base 的cocktail，味道好清新，酒精濃度唔會太重，唔會覆蓋到食物嘅味道。Ras Leela 杯cocktail係女士們心心眼的粉紅色，用Gin黎做個base再加raspberry，入口甜甜的，好適合女仔飲。如果中意食印度菜又中意係啲靚靚環境用餐的，幾推介黎呢度食飯gathering。
繼續閱讀
Element上層一向美食選擇多，今次黎左呢間印度🇮🇳菜餐廳，而且都幾熱鬧幾多人！Truffle Ricotta Cheese Naan很濃郁香噴噴的黑松露香味，麵包的質感很鬆軟，全部都是即叫即做！真材實料！Chicken Tikka Masala雞肉很嫩滑，咖喱🍛汁濃郁且帶點少辣🌶️配上Naan一齊食絕對是perfect match！Keema Masala Tacos🌮 表面放上各種調味料，中間配上雞肉🍗醉夾在一起吃，層次感很突出，吃下去絕對是滿滿的幸福感！Arancini Tikki Chaat薯仔🥔球炸得很酥脆，旁邊上配上一些鷹嘴豆，味道帶微微的辣味～挺好吃的！Sticky Toffee Pudding店員會在面前淋上toffee醬，打卡拍照📷絕對一流！雪糕是雲尼拿味道，配上拖肥布甸🍮一起吃，冰涼的感覺立刻湧現！Punjabi Lassi (Mango)甜味適中～很濃郁的芒果🥭香味，感覺猶如在吃楊枝甘露hahaMocktail (Masala chai Punch)有淡淡得茶香味，表面放上cinnamon，記得放在飲品一起吃，會慢慢散發出肉桂香味～
繼續閱讀
今晚同男朋友兩個happy friday，想食間特別d 嘅餐廳，黎到圓方商場，金區頂樓有一層餐廳，感覺好chill，氣氛幾好，好多人嚟happy hour～ 呢間係食印度菜，我應該算係第一次食印度菜😋😋 我哋叫咗兩個main，食得印度菜就想試吓佢嘅Naan～ Chicken Kadai $238 呢個係成隻Queen size 新鮮雞肉整成，雞肉醃得好入味同埋炆得好腍，基本上一切就開，但同時又唔會令到成個雞肉煮得好鬆散👍 個人覺得佢個醬底都有幾多蔬菜，差唔多大半係蕃茄、洋蔥同埋青辣椒，減少油膩感！ 佢個醬汁唔覺唔覺就令到我哋食咗好多Naan 🫣 Lamb Shank Rogan Josh $238 呢道菜係全晚嘅驚喜，佢個羊腿炆得好腍，幾大隻，又係一切開基本上就已經輕易脫骨，但係羊嘅肉質仍然保持嫩滑，廚師嘅烹調技巧好好，羊味好香；咖喱醬料方面，用咗唔少香料，偏微辣，又係用嚟送Naan 一流！Butter Naan $30 + Garlic Coriander Naan $30 個人最鍾意係butter naan，Garlic 就比較重口味～ Mango Lassi $68食得印度菜，一定要配返杯芒果乳酪，味道酸酸甜甜，佢呢杯芒果乳酪都幾真材實料，飲得出冇加水同埋冰去打，食Naan 一定要叫，中和返重口味！Strawberry Lassi $68 士多啤梨乳酪都唔錯！入口順滑，清涼解辣同埋油膩感😝 Sticky Toffee Pudding $138 最後叫咗個拖肥布甸做甜品，呢款屬於英式嘅甜品，個布甸蛋糕係軟綿綿嘅甜軟糯蛋糕，質地煙煙韌韌，彈彈地，上面係雲呢拿香草雪糕，一冷一熱嘅口感交融，仲可以淋上拖肥醬打卡，味道唔錯～ 整體嚟講，都係幾有驚喜嘅餐廳，價錢中上，可以用嚟慶祝紀念日或者生日都幾浪漫坐得幾舒服～
繼續閱讀