RUE DU LIBAN

老公嘅男友人RK請老公食生日飯，都叫埋我去，咁我就諗食乜啦，無意中見到呢間食黎巴嫩菜，中東菜我就食過土耳其同以色列，未食過黎巴嫩，呢啲地方我應該唔會去，就趁呢啲特別嘅機會食啦。咁啱呢喥網上訂枱做優惠，訂星期一至四，日可揀全單九折或慶生送蛋糕，星期五，六就只有慶生送蛋糕。我哋約前（22-11-2025　Sat）晚食，所以只係慶生送蛋糕，不過佢哋條款又冇話邊段日期生日，要否出示出生日期證明，於是我打電話嚟問，答案係唔使出示。我哋嚟到後睇Menu，要咗：1. $108.00嘅Barry Mint Jungle莓果薄荷叢林成份有紅桑子，藍莓，蔓越莓汁，橙汁，櫻桃糖漿賣相好靚，飲落，酸甜嘅果汁令薄荷味冇咁寡咁哽，幾好味，可惜冰粒太多，好快淡同飲晒。4.5分2. $98.00嘅Passion Fizzle Cooler熱情氣泡冷卻器成份有薄荷，百香果糖漿，橙汁RK飲嘅，佢冇咩comment。3. $78.00嘅阿拉伯薄荷茶端上嚟時，侍應問要唔要砂糖？老公答唔使。而呢個係熱同成壺上，壺同杯都好靚，但原來得半壺，呢個味道就係正常濃薄荷茶，食完所有嘢後飲就解到膩。3分4. $128.00嘅薄脆紅石榴醬沙律正常酸酸甜甜，蔬菜新鮮冇問題，味道balance。3分5. $208.00嘅黎巴嫩雞肉卷我哋拮嚟食時，發現佢哋已經好貼心地切成3件，呢個有雜錦堅果同黎巴嫩飯，一食，味道溫和，飯粒濕潤，原來個卷係雞肉，幾特別。3分6. $428.00嘅海鮮燒烤雜錦拼盤有青口，虎蝦，盲鰽魚柳，三文魚同魷魚由於唔係將食物排好，所以唔知咩打咩，拮到咩就食咩，我唔鍾意食青口，所以得兩個嘅青口，由佢哋兩個食就啱。魷魚，虎蝦都係有兩件，口感正常；三文魚一拮就散，亦冇問三文魚味；盲鰽魚柳都冇乜問題。不過如果話係燒烤，又唔多覺有燒烤風味，或者因為佢哋嘅番茄醬掩蓋咗啩。2.8分7. $588.00嘅招牌混合燒烤有羊肉餅，羊架，牛肉串同雞肉串，每樣都有3件，羊肉餅原來係係成腸狀，同樣好貼心地已經切成3件。我先食牛肉，口感較嚡，牛肉味係咀嚼到最後至滲出嚟；羊肉餅口感都有啲嚡，味道普通；羊架就口感唔錯，亦冇羶味；雞肉都普通正常。2.8分8. 米布甸呢個係最後叫上，送贈嘅生日優惠蛋糕，冇諗過會唔係蛋糕而係米布甸，佢哋會插上生日牌同洋燭，不過我唔記得喺老公share前影相。第一啖食落有椰汁味唔太甜，口感有啲煙韌，但都有啲脆餅增加口感，但一路食落，味道就淡到近乎冇味，而且中間仍好凍。2.7分總括嚟講，黎巴嫩菜味道溫和，極易接受。服務：好好，上每碟食物都必定跟一套刀叉，會自動斟水。我哋自拍時，店員行過都主動問使唔使幫我哋影。環境：好靚，距離感夠，不過我個位冷氣唔算好夠。價錢：收$1,802.00，但我計埋加一都係$1,799.60，唔知點計。最後，店方送咗一張年尾到期嘅100元coupon。…查看更多

呢間黎巴嫩餐廳嘅環境真係好吸引，每個位置都係影相位，岩哂中意打卡嘅女仔～食物比我想像更易入口同埋好特別，融合了多種特色食材，製作出別具一格嘅風味，睇得出好有創意同好用心。Arabic Mint Tea（阿拉伯薄荷茶）呢個盛住薄荷茶嘅茶具真係好優雅，好似係皇宮被招待咁。薄荷茶好清新，解膩又透心涼，岩哂依家咁熱嘅天氣。CHICKEN SHISH TAWOOK（烤雞肉串）呢個係lunch set，有湯， 小食包括鷹嘴豆蓉、紅菜頭鷹嘴豆蓉、薄脆紅石榴醬沙律同炸鷹嘴豆餅，賣相同味道都好獨特。雞肉醃制入味，濃郁中東香料味完美滲透其中，孜然、肉桂等香料都營造出特別且層次豐富嘅味道。Shrimp Fatteh（金沙蝦乳酪拌飯）勁欣賞呢個，蝦肉飽滿彈牙，乳酪撈飯一齊食真係幾夾，酸酸甜甜，真心好味喎。配料有松子仁同脆片，口感層次豐富。Rice Pudding （米布甸）軟糯，入口即化，係獨特嘅口感，又唔會好甜，輕輕加左肉桂粉就令味道更昇華。…查看更多

今天來分享早前好友跟我慶祝的異國風情生日飯吧。這夜來到尖沙咀黎巴嫩餐廳RUE DU LIBAN！內裏的裝潢充斥中東熱情味道，天花板的花海裝飾更是吸睛而且氣氛超好。我們選上了兩款凍開胃菜及一款主菜！加埋飯後甜品已經足夠我倆捧着肚子走。飲品我們選上了薄荷茶$58！除了喜歡薄荷味道之外這個茶具亦是令我們選上它的原因。經典鷹嘴豆蓉$98！鷹嘴豆蓉混入了芝麻醬及檸檬汁，吃下口感細滑香中帶酸的味道非常開胃。煙燻茄子蓉$98！茄子香軟柔美第一口就吃出幽幽的煙燻香氣，再來就品嚐到奶香及芝麻香味，整體味道非常平衡很可口。以上菜式包有麵包籃！內裏包括有熱辣辣的Pita Bread及Tortilla Chips，前者口感酥軟帶有嚼勁後者則香脆可口。幸運地選了星期五來晚餐可以欣賞肚皮舞表演，一超感受熱情奔放的異國風情氣氛。主菜我們選了非常有特色的香滑雞乳酪拌飯$178！入口Creamy的乳酪拌飯味道好香濃，內裏除了滑溜雞肉外還混入脆片、松子仁及神石榴口感超豐富。多謝好友安排了生日甜品為我慶祝，感恩身邊的朋友也是充滿愛的人，米布甸$88！米飯質感黏稠充滿奶香的味道，撇除我不喜歡的肉桂粉這道甜品其實非常好吃。另外再點上一客蜂蜜芝士焦糖餅$128！金黃酥脆的焦糖餅由纖細如髮絲的碎屑小麥餅製成，中心藏滿了柔軟的拉絲芝士，內餡的微鹹乳香跟外層香甜形成鮮明對比，拼湊出一道非常有特色的甜品。這間黎巴嫩餐廳非常適作為慶祝的好地方，食物很有特色而且充滿熱情的氣氛會令人留下深刻難忘的印象。…查看更多

香港貴為美食集中地，想試咩國家嘅菜式都有，今次就試吓去黎巴嫩菜～🌖Classic Hummus 經典鷹嘴豆蓉 $98前菜叫咗個冷盤，雪凍咗嘅鷹咀豆蓉，加入咗檸檬汁，口味清爽酸酸地幾開胃，啱曬而家夏天嘅天氣。🌕Signature Lamb Shank Clay Pot招牌慢煮羊腿煲 $278100%確認佢係慢煮！羊腿真係超軟淋！用餐刀輕輕劃過就可以切出羊肉，而且仲好juicy，羊肉嘅羶味唔重；松露薯蓉香滑唔膩又重松露味，絕對係色香味俱全！🌖Lebanese French Toast with Brioche 黎巴嫩法式多士 $98麵包超鬆軟！中間夾有開心果醬，夾層嘅Nutty味好突出；面頭有開心果碎同埋石榴粒，配搭新奇。餐廳環境企理舒適，大量花花草草喺你附近，令人心情愉悅。最緊要係侍應熱情有禮，除咗推介餐點之外，仲會主動為客人分餐；見我嘗試吸啜羊腿骨髓時，瞬即為我遞上吸管，非常細心！…查看更多

《黎巴嫩風情畫🕌》———————————————-#RUE DU LIBAN 🕍-同男朋友食到口寡寡，就想去搵吓啲特別啲嘅菜式！餐廳充滿異國風情，主打黎巴嫩菜，感覺有渡假feel😍-🐮 BEEF SHORT RIBS 牛肋骨好大舊，非常足料，肉質軟嫩，味道濃郁，醃製得剛好，仲有一啲香料嘅香味，底層鋪咗厚厚一層幼滑嘅薯蓉，超正😝-🐔 CHICKEN FATTAH雞肉Fattah非常特別，係黎巴嫩嘅傳統菜式～底層有香噴噴嘅米飯，上面鋪滿咗嫩滑嘅雞肉，撈埋一層濃郁嘅奶酪醬，味道層次分明🥳-⭐ 參考價錢︰（另收加一）BEEF SHORT RIBS：$268CHICKEN FATTAH：$178🍌 抵deal 指數：7/10🐮 BEEF SHORT RIBS 牛肋骨好大舊，非常足料，肉質軟嫩，味道濃郁，醃製得剛好，仲有一啲香料嘅香味，底層鋪咗厚厚一層幼滑嘅薯蓉，超正😝-🐔 CHICKEN FATTAH雞肉Fattah非常特別，係黎巴嫩嘅傳統菜式～底層有香噴噴嘅米飯，上面鋪滿咗嫩滑嘅雞肉，撈埋一層濃郁嘅奶酪醬，味道層次分明🥳-⭐ 參考價錢︰（另收加一）BEEF SHORT RIBS：$268CHICKEN FATTAH：$178🍌 抵deal 指數：7/10…查看更多