影片
開飯介紹
餐廳由台灣人主理，招牌菜為紅燒牛肉麵，湯頭帶牛肉香味及少許藥材味；其台式小食及珍珠奶茶亦有水準。
繼續閱讀
營業時間
今日營業
11:30 - 21:30
星期一至日
11:30 - 21:30
公眾假期
11:30 - 22:00
公眾假期前夕
11:30 - 22:00
*截單時間: 21:15
以上資料只供參考, 請與餐廳確認詳情
有關獎賞計劃
相關文章
很久沒吃台灣菜，掛住台灣的味道了，所以今晚跟友人來到這間主打台式小火鍋以及牛肉麵的餐廳，入口位置在地庫又確實比較隱閉，不過店內環境好明亮整潔，卡座位好大坐得幾舒服。台灣本味麻辣鴨血鍋 $138只需一百幾十元左右就可以食到勁多配料的一人鍋其實都算幾抵，可選配西班牙豬肉片或是加$10食安格斯牛肉片，另跟白飯或新竹米粉。呢款麻辣鴨血鍋其實唔算太辣，湯頭好麻香好惹味，配料當然係鴨血最好食，好嫩滑入味；真係好台灣味道的米血糕、芋頭貢丸；其他配料仲有蜂巢豆腐、魚餃、響鈴、娃娃菜等，索滿辣湯汁尤其好食。雙重芝士牛奶鍋 $148好邪惡的雙重芝士，不過食一次半次就無所謂啦！奶白色湯頭上面有大量芝士粒，車打芝士味道好香濃，火鍋配了安格斯牛肉片，牛肉肥瘦適中雪花好靚，估唔到牛肉夾芝士一齊食都幾好食，入口好嫩滑好香。其他配料包括魚豆腐、芝士丸等等，比較特別的竟然有雞蛋，有「營」又好味。鹽酥雞拼夜市小香腸 $48鹽酥雞可能炸粉有點不同，入口感覺沒有太像台灣夜市中的鹽酥雞，當是普通炸雞粒而言都算好食；至於小香腸則已切成片狀再加上蒜頭片同食，都唔錯。綜合滷味拼盤 $56拼盤有齊滷得好入味的滷蛋、軟軟糯糯的滷大腸，以及咬落彈牙的豬耳爽。南投縣百香果QQ $46、宜蘭金桔檸檬蜜 $40其實有見到閏蜜紅豆珍珠奶茶及大甲椰椰芋香都好想飲，但又怕已太飽，都係飲返解喝解膩的百香果及檸檬蜜就好。
繼續閱讀
喺尖沙咀準備去睇演唱會前，想搵個地方快手食晚飯，於是去咗加連威老道希爾頓大廈地庫嘅鐵牛台灣牛肉麵。今次點咗一份柚子雞排拌麵，因為聽講呢款帶有清新柚子風味，感覺好適合夏日夜晚。以下係我嘅食評：味道：柚子雞排拌麵真是一個驚喜嘅選擇！雞排炸得金黃香脆，外皮薄脆而內裡多汁，調味帶有淡淡嘅柚子清香，微微嘅酸甜味同少許胡椒辣度完美平衡，完全唔會覺得膩。拌麵嘅麵條Q彈有嚼勁，配上店家特調嘅柚子醬汁，味道清新又唔失濃郁，帶點麻油同蒜香，每條麵都沾滿醬汁，食落好開胃。份量適中，對於演唱會前想食得輕盈又滿足嘅我黎講，啱晒！環境：餐廳位於希爾頓大廈地庫，雖然位置略為低調，但入到去環境整潔，帶點台灣街頭小店嘅溫馨感。燈光柔和，簡單嘅木系裝潢有種親切感。不過座位稍為密集，旺場時可能有啲迫，但今次平日晚飯時間入座順暢，上菜亦都好快，適合趕時間嘅人。服務：店員態度友善，落單後大概8-10分鐘就上菜，效率真是一個大讚！尤其係要趕去演唱會，時間控制得好好。店員仲好細心，見我攞手機影相仲幫我拎紙巾，服務貼心。雖然餐廳有啲忙碌，但整體體驗依然順暢。抵食程度：喺尖沙咀嚟講算係合理價位。雖然份量唔係好大碗，但雞排同拌麵嘅質素同獨特柚子風味真是一個亮點，性價比不錯。如果想再豐富啲，可以加點小菜像滷味拼盤或飲品如珍珠奶茶。總結：鐵牛台灣牛肉麵嘅柚子雞排拌麵真是一個清新又美味嘅選擇，雞排嘅香脆同柚子醬汁嘅獨特風味令人印象深刻，對於演唱會前想快速食一餐又唔想太重口味嘅朋友，絕對係一個好推介！餐廳嘅快捷服務同舒適環境亦都好加分。
繼續閱讀
之前都食過中環分店，上星期經過尖東，裝到地底原來都有一間，裝潢簡單但都幾有feel，就同朋友入去食個簡單dinner台灣牛肉面牛肉面之前都試過中環分店，湯底濃郁得嚟唔會太油膩，飲落去有層次感，牛肉係炆得夠腍。麵條粗身帶嚼勁，唔錯。泡菜豆腐火鍋最驚喜係佢哋居然有火鍋！我叫咗一份泡菜豆腐火鍋，百零蚊份量真心唔細，唔止得豆腐同泡菜，仲有蔬菜、粉絲、其他火鍋料。泡菜湯底帶微辣，唔會過鹹，牛肉質素都唔差，好味。鹽酥雞我每次食台灣菜都必叫。喱到既雞粒炸完外皮唔會太厚，一啖咬落去真係脆卜卜。木魚炸豆腐最後要大讚佢哋嘅炸豆腐，我第一次食，豆腐外脆內嫩，鹹香味濃，係一道有創意嘅小食。
繼續閱讀
朋友聚會，在附近同類餐廳之下選出這間，其中一個是好評及價錢的因素。經openrice訂枱後，準時到達入座。店員服務禮貌周到，過程中呈現出多次禮貌語句，顯出店家對訓練員工口碼的重視。環境光猛、整潔而坐得舒服，略嫌播歌大聲咗啲，稍為蓋過咗想傾計客人嘅輕量聲線。三款口味的牛肉麵都擺盤整齊，重點係湯底夠熱，而味道上係傳統台式味道，冇特別大的驚喜或驚嚇。飲品呈現方式係入樽處理，味道控制得宜，冇因為少甜而影響產品材料的味道。三人惠顧掛住吹水，感到唔好意思而每人前後嗌咗兩樽飲品，得出埋單人均$160，可算物有所值。
繼續閱讀
😎首先一定要大推佢哋嘅鐵牛台灣牛肉麵，我今次特別轉咗新竹米粉，一上枱就聞到濃郁嘅紅燒牛肉湯香！湯底用牛骨同多種香料熬製，味道醇厚得嚟唔會過鹹，飲落仲帶少少甜味，好有台灣夜市feel。 😎牛肉方面，選用牛肋條，燉到超級軟腍，一咬就化開，仲帶少少筋位，口感滿分！新竹米粉吸湯能力一流，掛住湯汁之餘又保持彈牙，唔會糊口，絕對係驚喜之選。🍹 解膩首選：宜蘭金桔檸檬蜜呢杯宜蘭金桔檸檬蜜真係不得了！金桔嘅酸甜同檸檬嘅清香完美結合，蜂蜜甜度剛剛好，唔會假甜，飲落順喉又解膩。尤其係食完牛肉麵之後飲一啖，即刻refresh晒個味蕾，絕對係必點配搭！ 🧋嚟到台式餐廳，點可以唔試珍珠奶茶？呢度嘅珍珠奶茶，茶底用台灣茶葉沖泡，茶味濃郁帶少少炭香，奶香滑而不膩。珍珠煮得剛剛好，煙韌有咬口，唔會搶咗奶茶嘅風頭。如果鍾意飲凍嘢，建議少冰，咁先可以飲到最原汁原味嘅台式風味！ 😎雙重享受：香蔥肉燥排拼乾拌麵呢個香蔥肉燥排拼乾拌麵真係超抵食！肉燥排煎得香脆，外皮帶少少焦香，咬落去肉汁爆出，配上香蔥同醬油，鹹香惹味。乾拌麵用嘅係台灣關廟麵，彈牙有嚼勁，撈勻肉燥同醬汁，每啖都充滿油香，但又唔會太膩。😎鹽酥雞拼夜市小香腸小食方面，鹽酥雞拼夜市小香腸絕對係邪惡之選！鹽酥雞炸得外脆內嫩，醃得好入味，咬落去juicy唔乾柴，真係停唔到口！夜市小香腸帶少少甜味，咬落去有油香，配埋生蒜片食，嗰種衝擊真係令人上癮。呢個拼盤送珍珠奶茶都一流！ 😎最後要推介嘅係木魚炸豆腐，外表平平無奇，但一入口就知有料到！豆腐外皮炸到金黃酥脆，入面超嫩滑，配上木魚片同醬汁，鹹甜交織，口感層次豐富。最驚喜嘅係，豆腐完全冇豆腥味，證明店家揀料用心，絕對係高質！
繼續閱讀