鐵牛台灣牛肉麵 (希爾頓大廈)

營業中

休息中

今次喺【鐵牛】試咗【紅燒牛筋腩麵】、【麻辣牛筋腩麵】、【鹽酥小拼盤】同埋【荔枝冰紅茶】【紅燒牛筋腩麵】無論牛肉定係麵底都份量十足，牛肉牛筋夠淋夠晒入味，麵條有咬口，湯底入口有陣陣藥材香，食完都唔會口渴【麻辣牛筋腩麵】除咗多咗少少雪菜之外，兩碗麵食落無乜分別，都唔係好覺有辣味【鹽酥小拼盤】有花枝丸、蕃薯同埋鹽酥雞；個人覺得花枝丸最有驚喜，爽口彈牙，有少量花枝粒粒蕃薯表面有話梅粉，加埋一齊食都幾特別鹽酥雞炸得比較乾，普普通通，好在唔會過咸。【荔枝冰紅茶】唔會太甜，清清哋好解渴整體嚟講，以呢個價錢都算抵食，起碼食物質素唔差又坐得舒服，而且食完唔會唔夠飽

同朋友去尖沙咀行街必定步行去紅磡站坐車返屋企，咁就唔洗轉車咁麻煩，每次路過都會見到呢間店，次次都好想試下，但每次都係食飽先記起，今日朋友竟然點名指定食呢間，終於試到了店員帶位時會比埋個餐牌同點餐紙，畫好後就到櫃面落單及比錢，有啲快餐店既感覺，但就有送餐服務招牌紅燒牛肉麵，個湯底好好味，啲麵硬度啱啱好麻辣牛筋腩麵，個湯底好好味，啲牛肉就瘦左啲，但牛筋就好淋好味道薄荷咖啡及珍珠朱古力，我唔飲咖啡所以無試到咖啡嗰杯既味道，而朱古力嗰杯個味道唔夠濃，啲珍珠唔夠淋仲有啲硬

好多朋友都同我講係香港千奇千奇唔好隨便食牛肉麵。因為真係好多間好銀難食咁話wo...但今日呢間真係唔係平時果D質素架，所以個標題我都叫做最強之老牛！第一時間係咪應該叫返個牛肉麵先，我比較喜歡食筋腩。呢碗麻辣牛筋腩麵就最岩我。$64，價性比高，大大碗，我一個女仔人家根本食唔完。牛筋好軟，仲煮得好入味。辣味同酸菜完美咁溶入係湯中，一個字，好正!男朋友就叫左個小碗滷肉飯。係驚喜價$30... 你以為佢細細碗但實情飯既量都多。如果你係想節食既都係唔好叫，因為肉肥美，入口香甜回甘。食完仲心思思想叫多碗。 (不過無奈叫左好多小食呀!)男朋友見成日都無大便去，當然要叫返個菜食下。蔥油淋青菜真會油小小，不過菜新鮮色澤又青，仲要只係$26，真係要大大力推薦。食食下緊係要飲返杯野，你以為我會叫奶茶嗎? NONONO....我叫左杯桂花梅汁，$22。同一杯香濃朱古力，$21。 價錢方面出面是旦搵間TW野飲店都貴過佢啦!桂花酸酸甜甜，朱古力滑漏而不膩。佢地既飲品突破左以往想像中TW既死甜之伏，正呀!其實呢間老牛最大既優點都係抵食又大件，食物飲品質素好之餘仲係咁既價位。小妹我非常佩服呀

尖東雖然酒店林立，可是食肆一向不是連鎖快餐店就是茶餐廳。不過近來好像稍稍地冒起了不少餐廳，如富士山55沾麵、Crema、I Cafe等等，而鐵牛也是其中之一，且就在百佳地庫層，佔頗大的舖位，中銀旁走數級下去便能看見。店員會安排座位，平日晚上來基本都能找到位子。坐下後看餐牌自己寫下單紙，再自己到外邊收銀處下單和付款，便能坐回位子等，食物準備好後則由店員上菜。一張紙兩版的下單紙如下： (另有有相片的餐牌供參考)其實第一次吃的時候跟著推介點菜，很好印象，所以都不夠兩個月又再來過。以下會將兩次吃的經歷一次過寫。夏日炎炎，在紅磡火車站尖東橋走過來已經有點流汗，先來兩杯凍飲解解暑吧。不知道為何很多人推介焦糖珍珠奶茶，口味不大特別，不過水準也不錯。焦糖味不重，不過也不會過甜，奶味多於茶味，也是一般台式奶茶的味道。值得一讚是用的珍珠是較小粒，煮得剛好熟透仍有咬口，煙煙韌韌的。點了兩款推介小食，兩款都出奇地好吃。本以為肉燥茄子不會有甚麼特別，想不到也做得頗出色。茄子選用的是長和幼身的品種，相對比較爽脆，也沒有過份煮至太林身。外皮仍然鮮紫色，是有經過稍稍油炸後才能保持不氧化的顏色。肉燥是偏瘦的豬肉碎，加上

朋友介紹左我幾次 知我鐘意食辣叫我黎試下佢個麻辣牛肉麵 話我一定鐘意出開尖沙咀就去試下啦店鋪開於地庫 先攞位 自行出收銀購買食物之後坐返埋位 員工自然會為你送上食物 枱比較多 人滿坐時都幾迫下 又係迫住聽隔離枱講咩麻辣牛筋腩麵湯底牛味很濃郁 可惜麻辣不能隔入感覺就似食茶記牛腩河 自己加辣椒油牛筋入汁好林 可惜牛腩有一件好硬 咬唔開 似未煮好另一件又好林麵質有彈性 比油麵幼身 不錯鹽酥雞即叫即炸 雞肉好干好瘦食到一絲絲既肉出黎 唔得

出開尖沙咀，突然想食台灣麵，重拾一下上月到台灣用餐的味道。搜羅下發現這間評價不俗的台灣麵食，便來食個早的晚餐。進店時，店員頗有禮地為我帶位。六點三左右到，人不太多，坐下十五分鐘左右已愈來愈多人，差不多半場滿了。到七點半走的時候已接近全場滿座。店內裝橫頗有格調，餐桌地板以木為主調，店的兩邊設有黑色皮梳化坐位。因為得兩個人，所以被安排坐單邊梳化的坐位撘枱坐。這裏的點餐程序係先自行在點餐紙點菜，再帶點餐紙到收銀處付款，之後返回坐位等店員送餐。店員送齊餐後會收回單據。我們一行兩人，點了兩碗麵和兩杯飲品。麵的質地彈牙，不會過稔。招牌牛肉，夾落好似好實，但咬落軟稔，不錯。牛筋軟滑，牛腩則不夠鬆化，但兩者味道皆不俗。湯底尚算濃郁。兩碗牛肉麵的湯底應該一樣，麻辣那碗應該係喺原味湯底加上辣調味而已。飲品普普通通，冇乜特別，唯感覺清潤。如想飲熱水可以向店員索取。整體來講，性價比尚可接受。見鄰座點的便當、撈麵和小食物，賣相都幾好，可再來試試其他菜式的食店。