影片
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
影片
相片
和牛忌廉牛肉餅二味牛御膳朝
蕃茄相撲味噌蠔鍋御膳
+1.2K
+109
食家推介
相關文章
📍喺地鐵站入去轉左就會見到京都勝牛，夜晚都幾多人食，佢哋定食仲可以無限添加白飯、椰菜絲同麵豉湯，見到店員都好主動拎住盆椰菜絲問使唔使加菜食～揀咗四品牛魔御膳($328)，入邊包咗吉列菲力牛、西冷、翼板牛同醬味薄牛。牛肉大約炸到三成熟，如果想再熟啲嘅話可以問店員再拎熱板整熟啲。翼板牛肉質最軟嫩，油脂分布均勻，配上三成熟食入口即化，旁邊仲有咖喱汁味噌等幾種醬料可以加。勝牛喜燒鍋膳($188)有壽喜燒包晒嘅配料，個湯會比較清，相對起御膳會較健康。建議煮耐啲等到個味濃啲先食配菜，見到除咗日式鍋物，仲有特別啲泡菜雞肉鍋都幾吸引！甜品嘅特濃抹茶小豆流心蛋糕($52)好啱鍾意食抹茶，因為抹茶味勁濃郁！仲要係焗熱咗配埋隔離嘅雪糕昇華晒。沖繩黑糖雞蛋布丁($58)嘅黑糖味同蛋味都好出。做緊promote有幾款啱打卡嘅sparkling drink，奇異果熱情果梳打同菠蘿奇異果有汽特飲($48)都幾靚，仲可以request少甜同少冰。
繼續閱讀
餐廳充滿日式和風感, 卡座位闊落坐得幾舒適。𓆹 四品牛魔御膳 $𝟹𝟸𝟾𓆹 勝牛喜燒鍋膳 $𝟷𝟾𝟾𓆹 特濃抹茶小豆流心蛋糕 $𝟻𝟸𓆹 沖縄黑糖雞蛋布丁 $𝟻𝟾𓆹 菠蘿白桃蒟蒻冰茶 $𝟹𝟸𓆹 清酒雞尾酒 $𝟼𝟾四品牛魔御膳有齊菲力牛, 翼板牛, 穀飼西冷同醬味薄牛4款唔同牛肉, 每片牛肉上枱時已經係三至五成熟, 如果想食熟少少, 餐廳會提供鐵板比你自己輕輕煎幾秒。菲力牛同翼板牛肉質結實; 穀飼西冷油脂比例豐富, 肉質軟腍; 醬味薄牛已經調配好味道幾嫩滑。另外套餐仲提供白飯, 京椰菜同麵豉湯, 都係可以任添。勝牛喜燒鍋膳有一碟牛肉, 鍋裡面有豆腐, 椰菜, 金菇, 本菇, 芋絲等, 壽喜燒湯底清甜, 牛肉肉質偏結實。套餐同樣提供任添白飯, 京椰菜同麵豉湯。特濃抹茶小豆流心蛋糕賣相精緻, 蛋糕上面有紅豆, 側邊有忌廉同雪糕, 配搭一齊食口感好豐富。沖縄黑糖雞蛋布丁口感綿密, 上面淋上黑糖醬, 甜甜地幾好食。菠蘿白桃蒟蒻冰茶有淡淡嘅菠蘿同白桃香氣, 裡面好多蒟蒻粒, 唔太甜, 好好飲! 清酒雞尾酒賣相精緻, 酒味香濃。
繼續閱讀
這間來自日本京都的吉列牛排專門店位於啟德的AIRSIDE，主打御膳及鍋膳，其中季節限定約每兩個月更換款式，有提供多款酒精飲品。店內環境寬敞舒適，裝潢採用時尚的日系為主，牆身掛上日本傳統紙傘，又畫上和風壁畫，如置身日式居酒屋。四品牛魔御膳(溫泉玉子．青唐辛子味) - $328還原日本總店的味道，以日本技術乾麵包糠、麵粉及雞蛋黃金比例調配炸漿，再以190度的高溫快炸60秒，內裡維持著三成熟，可再自行以熱鍋再煎香。醬味薄牛採用秘製醬汁所醃製，肉質鬆軟多汁有層次；翼板牛類似牛小排，纖維也比較細，油脂含量均勻好柔軟；菲力牛是牛腰內側最嫩的部分，肉質極度細嫩，幾乎不含脂肪；穀飼西冷結實帶有適量的油花，嚼勁及嫩滑兼備，風味濃郁；其中白飯、京椰菜及味噌湯均可續加。附上的七種蘸料，包括玫瑰鹽、綠芥末、七味唐辛子、鰹魚和風露、咖哩醬、招牌牛排醬和日式溫泉蛋，味道變化多端。勝牛喜燒鍋膳 - $188關東風壽喜燒的鍋內有香菇、豆腐、粉絲及皇帝菜，湯頭有醬油的鹹甜；兩塊色澤紅潤的牛肉，油花分佈豐富且平均，中間的嫩筋富彈性，可蘸上日本生蛋增添順滑感。味噌湯濃厚的豆香，又有昆布及香蔥。草莓小豆雪糕三文治 - $58士多啤梨雪糕球幼滑細膩，雲呢拿雪糕更以炸衣包裹著，有強烈的溫差及口感，加上綿密的紅豆蓉很香甜，淋上濃稠的焦糖醬。沖繩黑糖雞蛋布丁 - $58採用日本蛋製成，紮實挺身的布丁充滿彈性，表層有香脆的焦糖，軟綿細膩得幾近入口帶化，濃郁的蛋香有點黑糖的焦香。紅豆宇治抹茶 - $36三種顏色層次分明，優雅醇厚的抹茶茶香，伴隨順滑的鮮牛乳，又有綿密的紅豆蓉。
繼續閱讀
呢間京都嚟嘅過江龍一路都聽過佢嘅大名，可惜抽唔出時間來試，今次終於約到朋友去食！四品牛魔御膳 $328一共有四款唔同嘅牛肉，包括有穀飼西冷、菲力牛、翼板牛以及醬味薄牛。整個套餐仲有湯、白飯、椰菜、溫泉蛋，飯同埋椰菜仲可以refill！當然唔少得調味醬料，比如有醬油、咖哩汁等可以轉換口味。除咗醬味薄牛，另外嗰三款上枱時候都只係整咗三至五成熟，不過仲會有個煎pan畀客人自己調節熟度，西冷油脂最明顯，菲力牛、翼板牛肉質就相對結實啲，醬味薄牛事先調味過，肉質軟淋有味道。牛肉愛好者必試呢一款！勝牛喜燒鍋膳 $188另一款就揀咗常見到嘅壽喜燒，套餐同樣有湯、白飯。壽喜燒鍋本身入面擺咗唔少蔬菜，比如有豆腐、粉絲、椰菜、菇菌等，牛肉片就分開上，俾客人慢慢涮熟，記得要點生蛋汁，牛肉片加蛋汁，口感滑順，送飯一流特濃抹茶小豆流心蛋糕 $52好鍾意呢款蛋糕，側邊有雪糕同埋忌廉，抹茶蛋糕上面有紅豆，蛋糕本體係熱！帶有明顯嘅抹茶香氣，配合冰涼嘅雪糕食，冰火兩重天好正沖繩黑糖雞蛋布丁 $58布丁表面淋上黑糖醬，平時食開嘅布丁口感滑溜，但係今次食嘅呢款雞蛋布丁相對比較綿密，但同樣美味！！山楂荔枝乳酸 $38期間限定飲品，入口有明顯嘅荔枝甜味，篤多幾下山楂就會有酸味湧出嚟，口感變得更清爽沖繩黑糖薑茶 $38暖笠笠嘅黑糖薑茶，味道唔甜，薑味明顯
繼續閱讀
同朋友喺airside 揾嘢食，見到呢間餐廳都多人幫襯，就入咗嚟食。🥩 四品牛魔御膳 $398呢個御膳包括四種不同部位的吉列牛，包括：穀飼西冷、菲力牛、翼板牛和醬味薄牛，每款都各有特色。牛肉嫩滑，特別係西冷，肉質最腍。如果想食熟啲，餐廳仲會提供煎pan俾你自己再煎熟。呢個御膳配有白飯、沙律菜同湯，唔夠仲可以再添，係任添嘅！🥓 熟成厚切豚肉鍋膳 $158呢個厚切豚肉鍋膳份量十足，豬扒炸得香脆，底層嘅蛋汁滑嫩，非常好味！呢個餐同樣配有任添嘅白飯、沙律菜和湯。🍰 特濃抹茶小豆流心蛋糕 $52抹茶蛋糕有少許嘅流心效果，味道香濃，再搭配一球雲呢拿雪糕，冰涼嘅雪糕同溫暖嘅蛋糕口感對比下，有冰火交融嘅口感。🍓 草莓小豆雪糕三文治 $58三文治外層炸得酥脆，裡面包住一球雲呢拿雪糕，軟滑嘅雪糕同酥脆的三文治形成特別嘅口感對比，旁邊仲有士多啤梨味雪糕球做伴碟。🍵 紅豆宇治冰抹茶 $36呢杯紅豆抹茶好有驚喜！本來驚會好甜，點知完全唔洗怕，抹茶無落糖，散發住天然甘香味道！無糖嘅抹茶中和咗底層嘅紅豆甜味，絕對適合所有抹茶愛好者！
繼續閱讀