影片
港鐵上環站 E5 出口, 步行約2分鐘
繼續閱讀
電話號碼
84945854
開飯介紹
【龍味館】的前身為【龍麵館】，2018年香港【龍麵館】開業，首年榮獲米芝蓮指南餐盤獎，當選評語為：新鮮食材，細心準備，美味佳餚。次年榮獲米芝蓮粤菜指南推介，躋身全球粤菜推薦榜。
【龍味館】致力讓用餐的客人穿梭於古今的潮流及文化中，為客人提供一個真正獨特的用餐體驗，讓他們透過品嚐【龍味館】精心準備的佳餚，及悉心打造的環境中，體驗中菜的味道。龍行天下，我們希望把龍味帶到全國，走向世界！
繼續閱讀
營業時間
今日營業
11:30 - 15:00
17:30 - 22:00
星期一至五
11:30 - 15:00
17:30 - 22:00
星期六至日
11:30 - 16:00
17:30 - 22:00
公眾假期
11:30 - 16:00
17:30 - 22:00
以上資料只供參考, 請與餐廳確認詳情
有關獎賞計劃
相關文章
提到中菜，總會想起大圓桌上的大碟頭菜式，位於上環的龍味館 就可找到精緻二人套餐，交通方便，上環E3出口2分鐘，如果泊車，可以泊林士街停車場或永安中心停車場，裝潢一洗中菜館的俗套老氣，注入時尚氣息，散發摩登的東方韻味，今次就選擇了套餐B $498 兩位用，包括熱湯、三款點心、主食和甜品，比單點更抵食。宮廷酒爵暖胃湯熱湯以半透明仿古爵杯盛載，造型古雅，味道清甜，入口暖胃順喉。龍味點心拼盤包括龍蝦蝦餃、蟹子鮮蝦燒賣和卡邦尼小甘筍，一次過淺嚐三種款式，點心即點即蒸，確保新鮮熱辣辣，龍蝦蝦餃晶瑩剔透的外皮以金邊點綴，造工精細，包裹著矜貴龍蝦肉，爽滑彈牙，燒賣舖上大隻鮮蝦，蝦肉與豬肉比例掌握得宜，卡邦尼小甘筍外型超可愛，表層像鹹水角般酥脆中略帶煙韌，內餡則裹滿白汁火腿芝士，中西合璧卻完全不違和。脆米波士頓龍蝦湯鮑魚海蝦帶子泡飯上桌時倒下脆卜卜的金黃脆米，即使放久了亦沒有輕易被浸淋，軟脆相間帶來雙重層次的口感，盡吸湯底精華，龍蝦湯色澤紅潤油亮，味道濃郁鮮甜，加上新鮮爽彈的龍蝦肉、鮑魚、帶子和海蝦入饌，真材實料。紅粉玉露番石榴果香酸甜清爽，消暑解膩，揉合粒粒果肉和滑溜西米，層次感豐富
繼續閱讀
今日返夜班，晚飯時間又係公司附近周圍覓食🥰。行下行下發現間好多朋友都介紹我去嘅龍味館，原來咁近我公司，一直都冇為意添😆。餐廳以黑色為基調，裝潢簡約華麗，加上燈光昏暗柔和，突顯尊貴味道🥰。2️⃣人套餐分A/B/C/D 4️⃣款，最平$276 真係好抵，我當然係叫最貴啦😂，其實都只不過係$568。套餐A 2位用 $568 🌟湯品宮廷酒爵暖胃湯湯品器皿好靚又別緻，用上磨砂玻璃仿古爵杯，橙黃色的青紅蘿蔔湯😍，味道清甜又香濃，口感濃稠，熱辣辣暖胃又好飲😋。🌟前菜魚躍龍味館一品頭拼青芥末海蜇頭 - 口感爽脆，青芥末獨特的辛辣味🌶刺激味蕾，十分醒胃😋。香橙白玉蝴蝶 - 冬瓜用上柚子蜜糖醃製，味道香甜，口感爽脆，好驚喜🤤！桂花蜜餞鮮冬菇 - 鮮冬菇炸過後，再混上一層桂花蜜餞糖膠，味道香甜，口感軟滑多汁😍。🌟招牌菜招牌龍蝦鬚擺盤相當吸引，原隻龍蝦造型🦞，龍蝦身用蘿蔔絲酥替代。酥皮鬆化香脆，包住清甜的蘿蔔絲及鮮甜的龍蝦肉粒，香甜多汁，鮮味無窮😋。🌟主食波士頓龍蝦湯燴手工拉麵幼身麵質感爽滑，湯底龍蝦味濃郁🦞，十分鮮甜😋，配搭生蔥絲一齊，增添鮮香味。鮮龍蝦肉身飽滿，質感爽滑彈牙，鮮香味十足🤤。🌟甜品紅粉玉露香甜爽口番石榴粒，混入打磨成蓉的番石榴汁😋，再加入軟糯的西米，口感豐富，味道香甜😍。
繼續閱讀
龍味館 (中環)中環優質粵菜最近我去咗中環一間高性價比嘅粵菜餐廳，試咗佢哋嘅Set Menu A，兩個人只需HK$598，真係超值！一入到去，餐廳環境優雅，服務人員親切，讓人感覺好舒服。餐前湯首先上嘅係「宮廷酒爵暖胃湯」。呢碗湯頭真係好鮮甜，味道清淡而不失香氣，喝完之後，整個人都覺得暖和，為接下來的美食做好準備。頭盤接住上咗頭盤，包括「青芥末海蜇頭」、「香橙白玉蝴蝶」同「桂花蜜餞鮮冬菇」。每一樣都好精緻，海蜇頭清爽可口，青芥末嘅味道帶有一絲微辣，配搭得恰到好處。香橙白玉蝴蝶嘅口感滑嫩，香橙味道令整道菜更加清新。而桂花蜜餞鮮冬菇就係甜中帶鹹，味道非常獨特，令人驚喜。招牌龍蝦酥然後就係「招牌龍蝦酥」，外表做得好靚，真的有啲似成隻龍蝦，打卡一流！咬落去外脆內嫩，龍蝦肉鮮美，真的好有水準。主菜之後上咗「波士頓龍蝦湯燴手工拉麵」。湯底真係非常鮮美，配合手工拉麵，兩者相得益彰，味道濃郁又不膩，食落去非常滿足！甜品最後，甜品係「紅粉玉露」，即係Guava cream soup，口感滑順，清甜可口，是完美的結尾，清新而不會過於甜膩。😋靜靜雞指數 🐥🐥🐣🥚🥚🔂再偷食指數 ✅✅✅✅☑️💲減荷包指數 💸💸💵💵💵——————————————————店舖資料📍 中環德輔道中173號南豐大廈2樓3-5號舖#eatstealthily #靜靜雞食 #香港美食 #美食 #food #hkfoodie #foodiehk #instafoodie #hongkong #topcitybiteshk #hkfood #hkig #foodporn #discoverhongkong #foodlover #hkrestaurant
繼續閱讀
聽朋友介紹，龍味館嘅二人餐幾抵食，賣相幾精緻，我揀左套餐C宮廷酒爵暖胃湯（眉豆湯）宮廷酒爵係用精緻的器皿嚟盛載眉豆湯眉豆湯的淡淡清甜、飲落可以飲到少少軟爛眉豆適合飯前飲用**龍蝦蝦餃**龍蝦的鮮味頗突出，蝦餃的皮夠晶瑩剔透口感Q彈，內餡龍蝦肉好飽滿 龍蝦大大隻👍🏻**蟹子鮮蝦燒賣** 蟹子好鮮味和蝦肉夠彈牙燒賣的皮都好軟糯內餡飽滿又多汁**卡邦尼小甘筍**食落口感似鹹水角賣相幾可愛，細細粒紅蘿蔔**炭燒蜜餞黑豚肉叉燒**黑豚肉好軟嫩、肥瘦比例平均炭燒後的焦香氣息，食落真係幾唔錯**紅粉玉露**呢款係番石榴甜品番石榴粒配上粉紅玉露淡淡的甜味、清爽解膩
繼續閱讀
果日接老公放工去上環食埋晚飯E3出口行兩分鐘到南豐大廈2/F 龍味館😌餐廳設有全日套餐好方便唔洗自己諗餐死🤣揀左C餐兩位$398✅ 宮廷酒爵暖胃湯裝湯既容器好有特色好趣致😄好似個鼎咁 飲完啖湯暖暖肚 酸酸地開左個胃就食主菜啦✅ 點心拼盤有三件 (燒賣/蝦餃/紅蘿蔔🥕形既點心)前兩件都好足料 蝦好大粒 燒賣又飽滿🥕點心就似咸水角咁 不過裡面就係火腿洋蔥等咸咸地既stuffing 幾特別✅ 炭燒蜜餞黑豚肉叉燒 (有白飯跟)叉燒上枱仲有個火暖住 夠細心半肥瘦 好juicy 肉質仲好淋👍🏻蜜餞做得出色 送飯一流✅ 紅粉玉露 (aka番石榴西米露)依款甜品第一次食 幾fresh粉紅色已經好靚 引起少女心番石榴酸酸地 黎個首尾呼應😋仲有粒粒西米爆珠增加口感
繼續閱讀
您可能會有興趣的...