龍味館

好耐無食中菜，今次揀左間主打中式點心同精緻中菜餐廳🍴最近仲推出咗兩款二人套餐，有成八道菜咁多，真係好抵食！二人套餐 C $598前菜上海烤麩經典嘅上海冷盤小食，以烤麩作為主料，加上木耳、香菇等等嘅配料製成。每樣食材都吸收哂醬汁，食落口感豐富，味道香濃。芥末香脆萵荀萵荀炸到金黃香脆，加上芥末令到萵荀食起上嚟更惹味，食落口感爽脆同時帶點咸香。西班牙黑毛豬叉燒叉燒烤到外層有點焦香，同時色澤亮麗，非常吸睛。食落肉質嫩滑多汁，口感好juicy，醃得非常入味。燉湯姬松茸竹笙燉雞湯飲落雞味香濃，姬松茸令個湯更鮮。主菜咕嚕蝦球蝦球好大隻，食落口感滑溜彈牙，鮮味十足，醬汁味道酸酸甜甜，非常開胃。水煮牛肉上菜時香氣撲鼻，麻香味十足，牛肉份量都幾多，食落口感非常嫩滑，鐘意食辣嘅朋友絕對唔可以錯，唔太食得辣嘅朋友亦可要求少辣。主食點心拼盤呢間餐廳嘅點心非常精緻，啱哂打卡影相。點心拼盤有五款點心，包點同炸物都有，可以一次品嘗哂餐廳最出色嘅點心，真係超滿足。甜品芒果布甸食落口感滑溜，甜度啱啱好，仲有好多芒果。木瓜燉雪耳飲落好香甜嘅南瓜味，雪耳好足料，滋補又美味。…查看更多

位於中上環的粵菜館。早前在社交平台看到網友分享的精緻菜式照片，  當時已默默地將其列入必訪清單上。  適逢友朋自遠方而來，想品嚐地道中菜之餘又要夠精緻，  （畢竟在現今社會，「打卡度」也是重要考量嘛~便立即想起了這家餐廳。 ⋆_____ᴛᴏᴛᴀʟ ᴏʀᴅᴇʀ______⋆✿ 龍蝦蝦餃 (3件) $98晶瑩剔透的餃皮包裹著鮮甜彈牙的龍蝦肉，  搭配傳統蝦仁與竹筍，層次豐富。  雖顯貴氣，但以份量而言價格稍高，下次還是揀選普通的蝦餃好了。.✿ 懷舊黑松露蝦多士 $98外層酥脆不膩，蝦膠厚實爽口，  黑松露的香氣畫龍點睛，  將傳統小食提升至新境界。  .✿ 芝麻脆皮吊燒雞 (半隻) $198吃膩了傳統的風沙雞嗎？那這道芝麻脆雞更見特色。雞皮香脆帶芝麻香，肉質嫩滑多汁，蘸上酸辣醬油更是開胃。.✿ 黑椒牛仔骨 $148牛仔骨肉質軟嫩易離骨，再加上黑椒醬濃郁惹味，口感略帶微辣，超好送飯。.✿ 滋味海皇炒粉絲 $98粉絲乾身不膩，配料有帶子、蝦仁、蟹籽等十分豐富；粉絲雖調味偏清淡，但更能突顯海鮮鮮味。 惟用了傳熱的不鏽鋼鍋盛著，才不過一會兒拍照的時間，底部已傳出粉絲焦糊的味道，如轉用瓷器盛著，相信可更有效地保留風味啊。…查看更多

今次到中環米芝蓮推薦嘅「龍味館」，主打精緻粵菜玩出新花款！試咗四道招牌，款款有驚喜，食到lamlam脷～ .頭啖湯～🍅蕃茄蟹肉湯：用宮廷酒爵裝住，未飲先打卡！蕃茄濃滑，仲撈到絲絲蟹肉🦀，酸香鮮甜三重夾擊，飲完成個胃暖笠笠～1️⃣ 卡邦尼小甘筍：鹹水角變身意大利風？外皮係甘筍炸成嘅金黃波波，咬落脆卜卜，入面塞滿鹹香芝士煙肉餡，中西crossover得嚟零違和，邪惡到想encore！ .2️⃣ 炭燒黑豚肉叉燒：招牌果然名不虛傳！明爐🔥上枱霸氣十足，叉燒油脂如雪花咁勻稱，焦邊帶炭香，肉質彈牙唔韌，食落仲有啲蜜甜焦香😍.3️⃣ 爆汁嫩酥魚：炸魚就食得多，爆汁嘅真係第一次！外皮脆到「咔嚓」聲，裏面魚肉嫩過豆腐，一啖咬落去真係有魚汁飆出嚟，熱辣辣香到暈～ .4️⃣ 金不換啫雪花牛肉：上枱仲「吱吱」聲！鑊氣爆棚，金不換香氣攻鼻，牛肉雪花紋靚到呢～熟度啱啱好，入口即化又juicy，送飯簡直無敵！ .總結：米芝蓮光環無呃人，傳統粵菜玩得精緻又過癮，每道菜都有「嘩」位，中環打工仔慰勞自己必mark！ …查看更多

呢晚嚟到位於上環嘅《龍味館》，一間米芝蓮推介嘅中菜館，主打新派粵菜和多款精緻點心，裝修典雅，環境舒適，朋友飯聚好選擇🥢明爐燒味拼盤•芝麻脆皮吊燒雞外皮超級香脆，芝麻香氣滿滿，雞肉嫩滑多汁•西班牙黑毛豬叉燒油脂分布均勻，肉質彈牙又帶點焦香，甜中帶鹹，完全唔膩•北京片皮鴨皮脆肉嫩，配埋醬汁一齊食，層次感十足🥢點心拼盤•卡邦尼小甘筍：外型超似真甘筍，餡料鹹香帶甜•流沙奶黃包：一咬爆漿，奶黃香濃順滑，甜而不膩•叉燒包：豬仔造型超療癒，叉燒餡鹹甜適中，包身夠鬆軟•流沙荔枝球：荔枝造型，外層微脆，內餡流沙香甜順滑•鴿吞鳳梨：造型精緻，鳳梨餡酸甜開胃，配搭新鮮🥢獅城貴刁炒米粉米粉炒得夠乾身，爽口有層次，配料有蝦仁、芽菜、洋蔥和紅椒絲等，米粉吸收了醬汁精華，滋味無窮🥢蝦膏啫唐生菜唐生菜翠綠油潤，吸收了蝦膏嘅鹹香味，入口爽脆又惹味✨宮廷酒爵暖胃湯酒爵杯裝著暖胃南瓜湯，滿滿儀式感！飲落暖笠笠，還有健脾養胃之效…查看更多

龍味館屬米芝蓮推介新派菜館，將經典粵菜重新呈現，創意點心同自家製手工麵條，位於中環南豐大廈內！設有多款套餐，但難得黎到當然將招牌通通全拿下～～送ge凍湯龍蝦酥 $98單憑上碟龍蝦酥還原度已經值回票價，打卡影相必點！口感似羅白絲酥外皮再加龍蝦肉內餡點心拼盤 $168將所有特色創意點心一個拼盤有齊，荔枝球、睇住流奶、一籠八戒、卡邦尼蘿白仔同鳳梨酥雀仔 造型cutecute 外 味道都唔錯芝麻雞 半隻$198芝麻皮更香脆，傳統手工芝麻雞已經唔多地方有得食，將近失傳，脆皮肉質嫩滑juicy!咕嚕肉 $138咕嚕肉啖啖肉，食得出選用爽彈肥瘦均勻靚部位，調味香甜唔會過酸，仲有新鮮菠蘿擺盤…查看更多