影片
開飯介紹
餐廳由台灣人主理，招牌菜為紅燒牛肉麵，湯頭帶牛肉香味及少許藥材味；其台式小食及珍珠奶茶亦有水準。
營業時間
今日營業
11:30 - 22:00
星期一至日
11:30 - 22:00
*截單時間: 21:15
以上資料只供參考, 請與餐廳確認詳情
有關獎賞計劃
亞洲菜系中，食得最多嘅就喺台灣菜，最鍾意飲嘅就珍珠奶茶，所以，今晚約咗老友出嚟食飯兼「開會」，因為嚟緊禮拜日搞活動，順便傾下啲細節嘢，佢話就我地點，所以，揀咗晌公司附近嘅「鐵牛」。好多人都話中環一入夜就好靜，其實睇下邊個位置，蘭桂坊、半山自動扶手電梯呢幾截其實好多遊客，而入到嚟「鐵牛」近乎可以講座無虛席嚟形容，只不過喺平日晚上，都坐到咁爆。講返個環境，一室木系，光猛整潔，而講到最佳位置非卡位莫屬，因為零舍闊落，舒服好坐。枱側就放齊豉油、豆瓣醬、辣椒醬俾大家自行再作調味，仲有牙簽、紙巾放晌度自由取用。先翻一轉餐牌睇吓有咩揀，餐牌製作幾精美，大部分菜式都圖文並茂，以分類而言包括臭臭鍋、台灣便當、湯麵、拌麵、小食、飲品，而惠顧任何火鍋套餐、便當、麵食，飲品都有減$10優惠。天氣仲有少少寒，所以，目測所見，有唔少人嗌火鍋套餐。鹽酥小拼盤 $56小食都有好多地道台式嘢，而呢一款拼盤就可以試勻3款小食：台農57號甘梅地瓜、逢甲鹽酥雞、酥炸花枝丸。啲嘢炸得唔錯，食落唔喺好油，地瓜粉甜，灑咗啲甘梅粉，酸酸甜甜幾好食，鹽酥雞外脆內軟，花枝丸好有魷魚味，整體確喺唔錯。綜合滷味拼盤 $56另一款小食亦喺台式嘅經典滷味拼盤，又喺一次過可以試到3款滷味小食：豬耳爽、滷蛋、滷大腸，每樣嘢都滷得好入味，豬耳果然好爽口帶脆，滷蛋好香，仲帶少少溏心，大腸望落去好脆，內壁仲有好多肥膏，但咬落唔覺好油膩，亦無嗰陣陣臊味。總舖師私房牛肉麵 $88主食方面，老友喺牛魔王，所以，一眼就相中呢款集金錢腱、牛肋條、牛筋及牛肚絲嘅私房牛肉麵。先呷口湯，香而不濁，幾款「牛」都好好食，牛肋條非常鬆化，牛筋軟腍有咬口，仲有浸透嘅甘筍同蘿蔔都好好食，麵條份量亦多，果然有質素，抵食。蜜汁芝麻雞髀乾拌麵 $82今晚飯癮唔大，改試試乾拌麵，亦因為較少食，亦好想試試，就揀咗款配雞脾。果然配上大大隻雞脾，燒得幾靚仔，糝滿芝麻，最好喺雞脾已一開三，方便夾嚟食，味道香濃，肉質嫩滑；麵條加咗好多滷肉、青瓜絲同蔥花，撈勻嚟食，味道、口感都非常之好。宜蘭柑桔檸檬蜜 $30老友揀食濃味嘅牛肉麵，所以，佢就話專登揀柑桔檸檬蜜嚟中和一吓，佢就話杯嘢飲酸酸甜甜，感覺好唔錯。閨蜜紅豆珍珠奶茶 $36小弟向來喜歡珍珠奶茶，加埋紅豆就更加好，不過，有段小插曲，飲咗好耐都未啜到珍珠，再撩兩撩睇睇，發覺真喺無，侍應都唔好意思，即時幫忙加番，可謂忙中有錯。講番啲奶茶，幾醇香，珍珠好咬口，紅豆又綿又甜。整體嚟講，環境舒服，出品有水準，其實我都幫襯過尖沙咀店，但已經好多年前嘅事，能屹立多年之久，就連疫情都捱得過，自有其實力。
繼續閱讀
👐🏻鐵牛臭臭鍋配安格斯牛肉片這是一道豐富的火鍋料理，結合肉類、海鮮、豆腐和蔬菜，味道濃郁且多層次，安格斯牛肉片肉質鮮嫩，帶有濃郁的牛肉香氣，入口即化，大腸經過滷製後，口感Q彈，蟹柳帶有海鮮甜味，口感柔軟，魚餃外皮Q彈，內餡鮮美，魚豆腐口感滑嫩，有魚肉的鮮甜味，臭豆腐獨特的發酵香氣，外酥內軟，蜂巢豆腐質地鬆軟，更正吸收湯汁來食，鴨血滑嫩細膩，亦吸收湯汁後味道鮮美，芋頭貢丸外層彈牙，內裡帶有芋頭的香甜味，米血糕軟糯帶有米香味，配合同湯食，響鈴酥脆的外皮吸收湯汁後變得柔軟，味道濃郁，粉絲吸收湯汁後，滑順且有嚼勁，冬菇香氣濃郁，口感厚實，金針菇有菇類香氣，口感脆嫩，蘿蔔清甜多汁，入口即化，娃娃菜清甜爽口，蔬菜提供清新口感，能中和鍋物的太濃郁嘅味道。👐🏻總舖師私房牛肉麵這是一道經典的牛肉麵，湯頭濃郁，牛肉部位多樣，令口感豐富，牛肉湯湯底是牛肉麵的靈魂，以牛骨、牛肉熬煮，加入香料八角、桂皮、花椒等，增添層次感，金錢𨫡肉質緊實帶筋，口感Q彈，牛肋條帶有油脂和筋膜，燉煮後軟嫩多汁，豐富口感，牛筋富含膠質，燉煮後軟糯滑嫩，增加湯的濃稠度，牛肚絲口感脆嫩，為麵條增添獨特風味。👐🏻鹽酥小拼盤這是一道經典的台灣小吃拼盤，外酥內嫩，適合分享，鹽酥雞是拼盤的主角，雞肉經過醃製後裹上地瓜粉炸至外皮酥脆，內裡多汁，撒上椒鹽、胡椒粉等調味料，味道鹹香酥脆，脆薯外皮酥脆，內裡鬆軟，搭配椒鹽或番茄醬，口感豐富，花枝丸炸過後外皮酥脆，內裡彈牙，帶有海鮮的鮮甜味道，通常也會撒上椒鹽或胡椒粉調味。👐🏻綜合滷味拼盤這個滷味拼盤味道香濃，適合喜歡重口味的食客，滷蛋吸收了滷汁的香氣，口感綿密且帶有濃郁的醬香和五香味，滷大腸口感軟嫩帶有嚼勁，滷汁的香氣滲透其中，帶有甜味和五香料的複雜風味， 豬耳爽是滷味拼盤中的經典食材，口感脆爽有嚼勁，帶有膠質的滑嫩感，滷汁的鹹香與豬耳的天然風味結合，加上微微的辣味，吃起來非常開胃。
繼續閱讀
今日放工同朋友嚟咗食平日中環嘅lunch time經常爆滿嘅台灣嘢—鐵牛😋✨原味石頭小火鍋配安格斯牛肉 $118+ $8配芝麻海苔飯，火鍋配料，好豐富，有腐皮、蜂巢豆腐、娃娃菜、蟹柳、魚皮餃等，除咗本身一個主食之外，火鍋入邊都有粉絲，真係非常夠飽！安格斯牛肉都有五至六片，好鮮嫩，今次揀咗清湯湯底，但其實仲有蕃茄湯、麻辣等選擇👀✨總舖師私房牛肉麵 $88有金錢鍵、牛肋條、牛筋、牛肚絲，另外轉咗台南刀削麵🤙🏻湯底唔算好濃，但係個面好入味，而且配料都好入味，刀削麵好薄身，都幾煙靭，個人覺得值得轉刀削麵試吓😋👍🏻✨鹽酥小拼盤 $56鹽酥雞、脆薯、花枝丸，三種炸物滿足晒所有嘅願望！鹽酥雞果然係推介之選，大大粒，外脆內軟，雞肉好鮮嫩多汁！另外花枝丸好香，非常彈牙，而且唔會好油膩👍🏻😋✨魚酥皮蛋豆腐 $45醬汁豆腐配上份量好充足而且好香嘅肉鬆😋✨鴨屎香狂打檸檬茶 $38最近好興嘅鴨屎香檸檬茶，味道好香，而且唔會死甜✨嘉義檸檬冬瓜茶 $28冬瓜茶好鮮甜
繼續閱讀
中環嘅鐵牛台灣牛肉麵係中環打工仔其中一個最佳飯堂~ 因為性價比高, 唔使$100 就食到台灣嘢~今次係星期五晚上黎，人流都好多呢~先叫左份 "雙重芝士牛奶鍋配安格斯牛肉片"鍋中嘅芝士融化後，濃郁嘅奶香味會痴住所有配料，例如芝士丸、芋頭貢丸等，讓人感受到多層次嘅口感。特別係蜂巢豆腐同米血糕，吸收咗湯底嘅香氣，增添咗風味～安格斯牛肉片質地鮮嫩，搭配濃厚嘅芝士湯底，好出色~鐵牛台灣牛肉麵（紅燒半筋半肉）更係絕對唔可錯過牛肉筋肉相間，肉質軟嫩而唔油膩，紅燒醬汁香濃入味，令整碗麵都充滿咗肉香~酥炸花枝丸外脆內軟，鮮味十足每一口都爆出海鮮嘅鮮甜，伴隨著香脆嘅口感，食到停唔到口~鹽酥雞拼夜市小香腸亦係一個令人驚喜嘅組合~鹽酥雞外皮金黃酥脆，肉質鮮嫩，撒上香料之後，味道更加出色；而小香腸則帶有微微嘅甜味，再有蒜頭提味，搭配一齊食用，令人感受到濃厚嘅台灣夜市風情感恩珍珠奶茶同大甲椰椰芋香珍珠Q彈，奶茶濃郁，正宗台式～椰椰芋香清新可口，香芋唔會好膩，配帶椰子香氣，好清爽值得encore~
繼續閱讀
好耐好耐冇食鐵牛近期見到鐵牛幾間分店重新裝修過眼前一亮！相比起以前燈光昏暗 偏型格路線如今 燈光非常光猛 木系裝潢可愛畫風既餐牌封面可以QR code落單 清晰方便快捷上菜速度快一下子已經上齊餐點 可以影到‘全家福’香酥排骨肉燥湯麵 $75清湯 另外仲各有2款湯底/ 麵類選擇排骨外層酥脆 味道小咸 肉質小乾蜜汁芝麻雞髀乾拌麵 $82燒雞髀上灑左芝麻乾拌麵加左蔥花 肉燥 青瓜絲2款麵質正常鐘意清淡既朋友可以揀清湯麵乾拌麵比較惹味夜市小香腸 $42份量十足而且每香腸片上都放左一薄片蒜頭鹽酥小拼盤 $564 鹽酥雞 一口外脆內嫰3 脆薯 外脆內軟 略嫌調味粉過多2 花枝丸 叫左主食 飲品減$10可以選擇少冰/ 少糖熱大甲椰椰芋香 $46 > 36淺紫色既芋頭奶茶 淡雅香甜😋嘉義檸檬冬瓜茶 $38 > 28檸檬味突出 冬瓜茶冇掟企😂由於幾年冇食鐵牛只記得食物質素差唔多 都唔錯多左火鍋選擇 下次有機會再黎埋單時候 發現店舖卡片仲係舊時型格機車形狀唔知仲有冇人記得呢張特別形狀既卡片呢
繼續閱讀