鐵牛台灣牛肉麵 (翡翠中心)

若果想在香港吃台灣牛肉麵，不知大家會想起哪間店?吃過 鐵牛台灣牛肉麵 覺得還不錯的。沒想到原來中環有分店，之前吃過尖沙咀店不過味道來說其實更港式一點吧✦ 牛頭沙茶貢丸新竹米粉 ($59) - 米粉很幼身，口感頗有咬勁還帶點米香。而且還完全吸收了沙茶獨特的鹹香味道，還有顆粒感～整體十分惹味。不過貢丸就一般囉✦ 鮮番茄鹽酥雞麵 ($66) -朋友說番茄湯底幾濃郁的，但那鹽酥雞的份量看起來有點少的一碟呢✦ 招牌紅燒牛肉麵 ($63) -這個之前有吃過，都是湯底很濃郁的。✦ 香滷滑牛筋 ($49) - 滷得很入味，口感亦很軟稔。✦ 百香果QQ冰茶、荔枝冰紅茶 & 珍珠奶茶 -凡惠顧麵類點台式特飲的話只需 +$18 飲品甜度不算很高，這點頗不錯。…查看更多

之前一路都想食，但係見到成日都要排長龍，今日終於早少少係gulu app 攞定飛，黎到等5分鐘就有位，入到去坐底左，但要自己出去先俾錢買野食，都好既慳返加一，等左5-10分鐘野食就到，好快食，我今次就試左招牌紅燒牛肉麵$62，熱檸茶唔使加錢。賣相：非常吸引，首先個碗好大，望落幾足料，麵係寬身，牛肉似係牛筋比較多，仲有d雪菜。氣味：好香牛肉味，湯底有d醬油味。味道：牛肉好淋，似係煮左好耐，筋既位都好易咬，個湯底好正，但少少偏鹹，不過我飲左好多啖，都冇覺得口渴，應該唔係味精，係醬油味比較重，好好食。整體黎講，抵食好食，飲品仲好多選擇，+$6已經有珍珠奶茶，都幾平，下次會再幫襯。…查看更多

本人係「紅燒牛肉麵」粉絲！好鍾意食台式嘅紅燒牛肉麵，今次去「鐵牛」試試，比我預期中好味道！😋除咗符合晒我基本對紅燒牛肉麵嘅要求之外（湯底味道要夠濃、麵要夠煙韌、夠林同入味、醃菜蔥花配料要適中、唔辣），佢湯底嘅味道，跟一般牛肉麵有少少分別，比起其他，佢略帶甜一啲，但味道毫不遜色。牛肉份量適中，比起另一間出名連鎖店的紅燒牛肉麵嘅牛肉件數多。價錢方面，相比那間連鎖店，價錢更實惠。唯一美中不足，會建議增添紅蘿蔔或者白蘿蔔配料。…查看更多

喺中環做完運動，隨便在附近搵食。 鐵牛在往中半山自動扶梯出口旁，非常方便。今晚就食佢啦。晚上8:30去到，食客很少，可坐在窗旁卡位。招牌紅燒牛肉麵 - 一嚟到即急不及待試一口熱湯，入口先飲到藥材味，之後就係鹹味了。牛肉同埋麵都OK。 吃麵時不用配上一口湯，已很夠味。如果湯底不是這麼鹹就 perfect.紅燒牛腩配黃金地瓜飯 - 紅燒牛腩比紅燒牛肉麵無咁鹹。地瓜飯非常足料，滿滿地瓜，而且鮮甜。 本人覺得比牛肉麵還要好吃肉燥伴青菜- 整個生菜都被油浸住。 肉燥味一般。整體今次點的東西都很油，偏咸。 看來之前做的運動白廢了。 😭希望店家可以減鹽減油，就比較健康了。…查看更多

那天晚上，颱風將近，我們下班後都仍然賭一賭這間餐廳會否提早關門，因為當晚我們需要留在公司過夜，晚飯也是要吃的。幸好餐廳還在營業，當然客人很少。這是同事介紹來吃的，那我就要了台灣湯麵的招牌紅燒牛肉麵($63。麵的份量不多，有點不夠飽；麵質正常發揮；湯底味道不錯，濃度適中；牛肉有4-5件，份量十足；味道合格)，再要一杯珍珠奶茶(跟餐+$18。珍珠可以再更加彈牙；奶茶濃度就正常，不濃不淡)，還要了一份台灣小食，麻辣豬爽耳($38。挺爽口，正常辣度，不夠麻)。同事就要了台灣便當的逢甲鹽酥雞滷肉便當($59。看到滷肉都有一定的油脂，而鹽酥雞就有6小件，味道就正常發揮)，和一杯珍珠奶茶(跟餐+$18)再加胚芽(+$5)。餐廳裡的食物都均是正正常常，沒有特別驚喜，不過不失。平均每人$100左右，價錢合理。…查看更多

行完大館，因為有5個小朋友，擔心嘈到人，所以沒留在大館的餐廳午餐。沿著中環扶手電梯下去，看見有一間未食過的台灣麵店，加上我很喜歡飲珍珠奶茶，所以就入來試試。員工服務好，沒嫌棄我們多小朋友。每人叫自己喜歡的餐，我很想試地瓜飯，地瓜不是太甜，個飯好似沒什麼特別。我的餐牛肉不多。反而我老公的牛肉伴麵有很多牛筋。麵很彈牙，醬汁是一般的牛肉湯麵汁。另一邊叫了3碗蕃茄豬軟骨麵的女孩們讚不絕口，差不多整碗吃掉。下次有機會一定再來。…查看更多

因為價錢唔貴，位置都方便既關係，鐵牛係午市時間長期都好旺，要第大約15分鐘先有位，亦都一定要齊人先入得。4個人有卡位坐，望出窗係中環上soho區既長電梯，有微微陽光照到入黎，感覺都好舒適😊食物方面，招牌紅燒牛肉麵，麵既份量唔多，牛肉就好大塊都炆得好林，湯底都好濃郁。牛頭沙茶貢丸新竹米粉就失色d, 雖然佢既米粉份量真係好多，但係就痴埋一餅野咁，令到食起上黎有d麻煩，而貢丸好dry可能係用比較瘦既豬肉黎整健康d, 不過始終都係覺得有d juicy既肥膏會好味好多。另外，個set跟野飲既，覺得佢地個奶茶好有茶味，唔會太過奶!…查看更多

平日午飯時間要係中環搵到一間同時滿足“環境唔太侷促“、“唔太遠“、“唔太貴“、“唔太熱氣”、“有少少名氣可以post IG交功課”、“一個人去食排隊有優勢”六個條件嘅餐廳，我R爆頭諗左廿分鐘，終於揀左哩度。【戴頭盔：我本身極其抗拒紅燒牛肉麵，所以以下評論帶有強烈主觀色彩】回頭率：🌕🌕🌗🌑🌑環境：🌕🌕🌕🌑🌑服務：🌕🌕🌕🌑🌑份量：🌕🌕🌕🌑🌑味道：🌕🌕🌗🌑🌑等待時間：15min價錢：HKD60/Pal◆Summary◇座位多，但要排好耐隊，牛肉出色，湯底同麵都普通———————————————————————— ◆招牌台式紅燒牛肉麵◇HKD60 🙃牛筋腩👉🏻 手指長，1.5cm粗，共三條。煮得軟腍入味，肥瘦適中，最滿意嘅地方係唔黏牙。湯底👉🏻冇咩油花，入口甜，可惜之後鹹味過於突出，最後飲落得個醬油嘅鹹味，連我唔中意嘅紅燒汁味(可能來自滷包？八角？)都好淡，唔知係咪反而反映出唔夠濃？麵👉🏻微曲的圓麵，煮得略硬，但完全唔彈牙。唔彈牙又冇口感的硬麵，全無靈魂可言。💁🏻‍♀️其實今日或多或少有啲掛住茶木嘅手作麵，先會諗到試下鐵牛嘅紅燒牛肉麵，畢竟朋友之前話過好出名，點知個麵反而係最令我失望嘅地方💁🏻‍♀️雖然唔中意食牛腩，平心而論今日嘅牛腩又真心整得出色，煲得咁腍一定用左唔少時間💁🏻‍♀️服務就一般啦，一放低筷子飲杯水，就即刻過來收盤，趕客趕到咁我都好少見💁🏻‍♀️最後，希望本身好中意台灣牛肉麵嘅朋友唔好因為我哩篇食評而抗拒哩間餐廳，各花入各眼我諗再好味嘅牛肉麵我都未必識得欣賞。…查看更多

食過哂尖沙咀、旺角同中環既鐵牛，始終最鐘意中環呢間呢間雖然係樓上鋪，但晚飯時間去都唔冷清，但又未至於其餘兩間分店咁多人香港既台灣牛肉麵入面，鐵牛都算係數一數二既好食牛肉係用左金錢鍵做，炆得夠淋夠入味，而且每舊都好厚肉湯底有少少藥材香，豆醬味濃，調味咸淡適中而佢既麵底係幼麵，軟硬度都岩岩好，唔會好淋，幾彈牙配料仲有蔥花同酸菜，拼埋微微辣既湯，少酸少辣味道好夾有時放左工一個人靜靜地上去食碗麵都唔錯呀：）…查看更多

今日探望朋友，傾談一下，轉眼間已是晚上8時，朋友便提議吃台灣牛肉麵， 這正合我心意。「鐵牛」台灣牛肉麵位於中環蘇豪威靈頓街翡翠中心2樓，我們來到的時候，店內坐著不少食客，很旺場我們坐近靠窗的卡位，店內簡潔舒服。看著食物圖片吸引的餐牌，再望望，價錢不貴，又不用加一 ，感覺抵吃，加上肚子的呼喚，便立刻叫了很多食物。先來的是小碗滷肉飯， 吃了一口， 正如餐紙上所說，最原始的感動。肉燥小茄子的賣相很好，與圖片一樣。甜甜的味道深入香軟的茄子中，再配上肉燥，吃起來很滋味。芝士花枝丸，濃濃的芝士加上彈牙的花枝丸，很匹配。黃金梅子脆薯， 炸後香軟的甜薯，正合我胃口，加上逢甲鹽酥雞， 鹽酥脆外皮加上嫩滑的雞肉， 全吸引了我的味蕾，三款都是不可缺少的小吃。招牌台灣牛肉麵賣相吸引，但我今次加了三元轉為新竹米粉，來到的時候把我嚇了一跳，分量真是很多，我覺得可以足夠2個人吃，真是抵吃。 牛肉入味鬆軟，湯底味道恰到好處，不會太濃味，不錯。奮起湖燒雞腿扒便當， 簡單豐富，價錢實惠。木盆盛載著滷肉飯，鹵水蛋、生菜再配上香燒雞扒，給眼睛及肚子滿足感啊!為我帶來驚喜的是百香果QQ冰茶，開胃清新的感覺令我煩悶盡消， 靠著窗，望著自動扶手電梯上來來往往的人群，感覺時光停留，自己忽然悠閒下來了 。點左咁多嘢食，埋單都係三百多元，仲要係中環地區，多謝友人推介…查看更多