影片
營業時間
今日營業
11:30 - 22:00
星期一至日
11:30 - 22:00
*最後落單時間 21:30
以上資料只供參考, 請與餐廳確認詳情
叫左個鰻魚定食 食上口無味嘅 退左一次 食第二份 又係無味嘅 唔知你地係叫熟貨返黎定係生貨 如果係生貨燒到咁廚房師傅不如盡快轉行 重有你個滑蛋雞個汁太過甜 廚房大佬係唔係覺得是但出餐就算？無人試味？
繼續閱讀
當同同事食lunch諗唔到食咩既時候，一定會黎大户屋。所以尼間餐廳直接成為咗我地既午飯食堂。最重要既原因係因為佢多選擇!!!一大班人，梗係有啲人中意食魚生刺身，有啲人就唔中意食生冷野要叫熱食。尼間餐廳滿足可以一次過滿足晒大家既要求😊今日叫左個燒醬油麴熟成五花腩拼牛肉定食。除左主菜仲跟埋麵豉湯，茶碗蒸，漬物同一碗白飯。五花腩煎到好有焦香，牛扒食落都唔會話好乾，加埋佢附上既沙律岩岩好中和返個油膩感。值得一提既係佢放咗係旁邊唔起眼既薯仔沙律，佢入面撈左啲酸酸地既漬物，食落去好開胃😋Btw 溫馨小提示🔔大廈入面有好多食市，lunch time等𨋢都比較多人，建議早少少去排隊拎位🤣
繼續閱讀
午飯時間黎食過幾次🙈唔知點解今次個員工話呢個時間供應唔到刺身🫠冇得食我最鍾意食嗰樣，唯有叫返個「壽喜燒」食吓，啲肥牛全部黐埋一舊🥹少少偏鹹，整體嚟講都OK拉
繼續閱讀
每次晏晝等到超多人！不過以日本定食連鎖店嚟講質素真係唔錯🙏🏻我叫咗黑醋鱈魚定食‼️我覺得啲飯真係好好食粒粒分明🤓朋友就叫咗燒牛肉豚肉👍🏻我自己覺得油脂分布好平均咬落唔會辛苦🥹最開心嘅係一個套餐配咗湯同沙律菜🤓最鍾意食一碟碟營養豐富嘅飯😹😹午市一個餐都只係$100左右🤓我覺得約朋友食飯唔好食咁頹呢間係幾唔錯，又唔會太貴👍🏻不過希望出多啲燒或者煮嘅款🥹好似好多都係炸好似有啲熱氣
繼續閱讀
等七點半去大會堂聽音樂會，就自己一個黎左大戶屋食晚飯。大約六點去到，有好多位可以選，正～。鯖魚定食108元加一我平時就好憎食魚，但每次黎到大戶屋都會迫自己叫魚，一來吸收下啲營養，二來大戶屋整的魚真係幾好味～鯖魚賣相好得，骨好少，基本上啖啖肉，我食晒碗飯都未食完啲魚～皮又煎得好香，唔似家母煮果啲咁腥～。會員優惠食大戶屋一定要用會員優惠，尤其係中環呢間。有張優惠券係平日夜晚可以用架，我今次就要了炒雜菜，非常大碗～一個人食有點太飽～。服務中環可能人比較少，上菜快，店員態度都ok，好快會幫你斟茶，又唔會趕你走。。改善之處我就覺得細檯之間太近，隔離男人un腳un到我心都煩，如果隔開少少就好喇～
繼續閱讀
您可能會有興趣的...