YAKINIKU KAKURA (Tower 535)

營業中

休息中

今日又嚟到銅鑼灣呢間Yakiniku Kakura食燒肉，真係已經數唔清係第幾次嚟啦！每次嚟都係為咗佢嘅高質燒肉，今次都唔例外。首先一定要講嘅係佢哋嘅大判燒黑毛和牛西冷，真係無得輸！塊肉嘅油脂同肉質分佈得超平均，燒到半熟嘅時候，即刻點落去月見汁度，蛋香同和牛嘅脂香喺口腔入面爆發出嚟，仲要係入口即溶，真係正到冇朋友！今次仲試咗佢哋嘅黑毛和牛刺身盛海膽，上面係好Creamy嘅海膽，下面係超靚雪花嘅和牛刺身，再配上一塊脆卜卜嘅紫菜，一啖食晒，口感層次豐富到不得了！燒肉方面，我哋叫咗三款：黑毛和牛特上嫩肩里肉、黑毛和牛腹柳小排同埋黑毛和牛上肋骨中肉。每一款嘅油脂都係靚到冇得彈，入口即溶，完全唔會失望。尤其係黑毛和牛上肋骨中肉，份量夠多，燒嘅時候外脆內軟，肉質多汁，再點埋佢哋嘅特製醬汁，真係食到停唔到口！食燒肉點可以冇生菜？佢哋嘅生菜新鮮爽脆，配埋燒肉一齊食，中和返牛肉嘅油膩感，真係Perfect！另外仲叫咗冷麵，麵質彈牙，入面仲有好多蔬菜，食落好清爽。而家佢哋做緊Hoegaarden Original啤酒買一送一，凍冰冰嘅啤酒配燒肉，真係爽到爆！最後仲有甜品送，杏仁豆腐同雪糕糯米糍，軟滑又解膩

銅鑼灣有咁多好野食，一定唔可以唔提及呢間日式燒肉店👏 佢係日本九州佐賀人氣嘅燒肉店，所有好高質嘅和牛啦😍 佢午餐有好多燒肉定食，全部都好吸引，我就試左兩款海外店限定嘅套餐😌 除左燒肉之外仲有白飯、沙律、餐湯、小食、甜品同餐飲😊黑毛和牛大判燒盛合 🏆 呢個超豐富😍 有鹿兒島A4和牛西冷、鹿兒島和牛裏腹小排同鹿兒島和牛背末脊肉😇 和牛入口即溶，油花分佈啱啱好😇黑毛和牛大判燒拼US牛板腱肉 🥩 呢個組合就包括鹿兒島A4和牛西冷同牛板腱肉，一樣都咁出色😍 仲可以撈埋蛋漿一齊食添 🥚

翻開menu已經花多眼亂，店員很好，給了提議，還親自替我們燒肉！最難忘的是和牛壽司！真是肉汁與肉香在嘴裏爆發的盛宴！齒夾留香，讓人回味無窮！另外，牛肉的品質也很讚，店舖位置也很方便，是個與朋友聚餐不錯的選擇！

今日叫左午市燒肉定食：黑毛和牛大判燒拼US牛板腱肉$258另加一、牛舌盛合$148另加一。然後每個餐追加多一款燒肉：US牛腹柳小排加$58另加一、牛舌加$48另加一。招牌黑毛和牛大判燒算嫩口，個燒肉汁真係好好味。US牛板腱肉夠厚身又嫩口，口感唔錯啖啖肉。牛舌夠厚身又彈牙，鹹香十足。腹柳小排好易咬開，口感好好。餐配白飯，沙律，餐湯，小食，甜品，好豐富。餐飲可選檸檬茶，檸檬水，咖啡，汽水，可加錢升級至綠茶，烏龍茶或者乳酸梳打。配有獨立包裝飲管。另外喺主餐牌點多份若鷄雞頸柳。餐廳環境舒適，食完唔會成身油烟味。呢餐食得好開心，呢度燒肉質素永無失望，而午餐價錢非常抵食。

識我地嘅人都知我地超鍾意食燒肉🔥🥩呢日我地就去咗銅鑼灣嘅YAKINIKU KAKURA度燒燒燒🔥🥩黑毛和牛大判燒拼US牛板腱肉 $258鹿兒島A4和牛西冷/牛板腱肉套餐跟白飯|沙律|餐湯|小食|甜品和牛腹柳小排 +$98巨峰提子乳酸梳打 +$20鹿兒島A4和牛西冷超正🤩入口即溶，肉質鮮嫩，食落啖啖油脂香😍配搭埋溫泉蛋一齊食口感更嫩滑👍🏻US牛板腱肉牛味香濃，肉質有彈性，額外加嘅和牛腹柳小排肉質軟嫩，油脂分佈平均👍🏻食落滿口油香😋🥩美國穀飼牛盛合 $198牛板腱肉|腹前小排套餐跟白飯|沙律|餐湯|小食|甜品白桃乳酸梳打 +$20牛板腱肉味道濃郁，肉質結實👍🏻 腹前小排肉質軟熟，口感嫩滑😍套餐沙律汁味道微酸幾開胃，食完燒肉再嘆埋杏仁布丁同雪糕糯米糍真係超滿足呀🤩

今日約咗位好耐冇見嘅朋友嚟食燒肉，揀呢間係因為記得日本九州佐賀都有呢間同名嘅No.1燒肉店，淨係睇menu都覺得啲肉好有質素！🔸大判燒黑毛和牛西冷呢款幾大推，口感簡直係可以用入口即溶，一食難忘，朋友都食到合埋眼歎😆🔸黑毛和牛特上嫩肩里肉&黑毛和牛腹柳小排兩款黑毛和牛部位都係幾入口即溶，不過相對上比較有肉地，口感都係好滿足！🔸若雞雞柳幾有肉地，又唔會好難咬，燒完之後幾濃嘅雞味～🔸鹽味牛舌肉質幾爽口，簡單地用鹽去調味已經好夾，好帶到牛味出嚟，仲搵返喺仙台食牛舌嗰種感覺🤤🔸野菜拼盤免得全餐淨係食肉咁悶，於是嗌咗呢個拼盤平衡一下，都幾多款式，有齊冬菇、粟米、洋蔥同南瓜🔸佐賀紫菜飯面頭已經有大量嘅紫菜，入面仲有溫泉蛋同XO醬，好滑好惹味，加埋彈牙嘅日本米，必嗌！

同朋友食咗餐豐富嘅✨OMAKASE COURSE ✨ღ OMAKASE沙律｜泡菜三點盛開餐前食個清新嘅沙律先🤗再嚟一碟三款嘅開胃前菜有泡菜、醃青瓜同醃蘿蔔ღ 塩味上牛舌｜蔥鹽味若雞精選2種｜海老塩味上牛舌油花均勻，肉質軟嫩juicy，帶點嚼勁，有咬口😋 雞肉肉質鮮嫩，搭配蔥鹽調味，美味可口而海老就有兩大隻，燒到香噴噴好鮮味！肉質仲好爽彈ღ 大判燒！黑毛和牛西冷 ｜黑毛和牛特選2種黑毛和牛西冷勁吸引🤩油花細緻，入口嫩滑鮮美，點埋個溫泉蛋更嫩更滑黑毛和牛特選2種有和牛赤身同黑毛和牛腹柳小排，和牛赤身油花細緻豐美，肉質鮮甜而黑毛和牛腹柳呢款油花分佈均勻入口順滑另外仲有野菜跟盤，燒完肉肉食一流ღ KAKURA 冷麵小 再配埋個冰涼嘅開胃冷麵，清新又解膩最後甜品有杏仁奶凍同冰凍嘅雪糕糯米糍大滿足❗️

就快情人節🩷當然要同另一半食返餐正既😎另一半話想食日式燒肉，就搵左呢間🤓，超級正呀！必食名物大判燒！黑毛和牛西冷 超級大塊，仲有職員既專業技術幫手燒，食落軟腍得黎勁juicy，牛香係極級濃郁，非常好食😋牛方面仲叫左壺漬 KAKURA牛胸腹肉同腹前小排 前者完全係一塊大牛塊咁，燒到差唔多再自己剪開佢，一剪就知好軟熟，幾厚身咁，食落肉香滿溢肉類仲叫左黑毛豚頸肉同若鷄雞脛柳，豚頸肉勁有咬口，一咬爆汁咁，口感Q彈爽，雞脛柳都好出色，嫩滑得黎都夠爽海鮮拼盤既大蝦好高質，剝殼果時勁鮮香，肉身好厚夠彈😎主食就叫左個辣牛肉麵share，牛肉份量好多，上枱滑蛋同牛肉完全遮蓋麵條🤣，食落蒜香味濃，辣辣地咁，好惹味飲品一定要啤酒🍻配燒肉啦，雖然我自己就飲可樂🤣

新一年午餐都要食豪氣啲🙂‍↔️帶朋友去食一人燒肉套餐😋🍴午市仲包飯SET，已包含白飯🍚麵豉湯、沙律🥗漬物及甜品🍮真係好抵食呀🙊1️⃣黑毛和牛大判燒拼US牛板腱肉大判燒！鹿兒島 A4和牛西冷薄切🤩一塊好似我塊臉咁大！油脂豐富，入口即溶！好味😋2️⃣美國穀飼牛盛合牛板腱肉油脂較少，肉質較為結實；而牛腹前小排肉質細收而口感鮮嫩多汁！👍🏻3️⃣蔥鹽味牛舌薄切牛舌只需燒單邊就已經差不多熟透了，口感彈牙實且少油脂4️⃣杏仁奶凍及雪米糍奶凍真的帶點杏仁味，口感很滑👍🏻而雪米糍是雲呢拿味5️⃣青森蘋果及巨峰提子乳酸梳打每次吃燒肉都必點乳酸梳打，很解油膩感！

日本高質和牛😍今次同母親大人再一次食和牛餐，叫咗二人前既 樁。絕對夠飽我哋額外加咗一份黑毛和牛上嫩肩里肉，有五大塊好厚！肉質好柔軟滑溜，和牛味濃郁✨極力推介! 冷麵口感，煙煙韌韌，很特別，能夠中和和牛的油膩感👍🏻怕食到膩既朋友建議點一份冷麵，咁就吾會太快食飽啦！最後仲有免費一人一份甜品，杏仁奶凍加雪米糍。簡直係大滿足。整體嚟講，性價比高，環境整潔，工作人員會主動幫手換燒烤網樁 $698 ✨黑毛和牛上嫩肩里肉✨✨✨👍🏻冷麵✨✨👍🏻

呢度啲燒肉質素超高，午餐好多選擇，絕對值回票價！首先，個黑毛和牛大判燒盛合已經係一大亮點！A4黑毛牛西冷、鹿兒島和牛果腹小扒、和牛背脊肉，三款和牛各有特色，但同樣嫩滑多汁，油花分佈均勻，入口即溶，簡直係和牛控嘅天堂☺️大判燒嘅份量都非常足夠，絕對可以滿足到想食和牛嘅慾望。牛舌盛盒嘅鹽味及蔥鹽味牛舌，同樣非常出色，牛舌爽口，鹽味恰到好處，蔥鹽味更添一份香氣，好正！另外追加嘅雞腿肉都相當嫩滑。除咗主菜之外，套餐仲包埋沙律、前菜、湯、飯同甜品，份量都唔少，沙律新鮮爽脆，前菜開胃，湯底暖胃。呢個午餐真係令人非常滿足！

今晚又想食燒肉，諗起 YAKINIKU KAKURA，上個月食過紅磡分店，今個月決定去銅鑼灣，坐得舒服啲，享受一個悠閒嘅晚餐😌大判燒！黑毛和牛西冷🐃呢個必叫💁🏼‍♀️肉質滑嫩，油花分佈得恰到好處，燒完後香氣四溢，撈埋附上嘅蛋汁一齊食，真係令人無法抗拒🤤黑毛和牛裏腹牛柳🐃 肉味香濃而且完全唔鞋唔靭，先燒到外面微焦，剪好食用size再燒多陣已經好正😋黑毛和牛內橫隔膜🐃 最中意食呢個部位，肉質緊實又富有彈性，燒到微微焦脆時，味道更加出眾，真係無得輸😍黑毛和牛上肋骨中肉🐃 壺漬夠晒入味，肉質鮮嫩，每一啖都令人回味無窮🤤食燒肉當然唔少得配返個溫泉蛋紫菜飯，溫泉蛋滑溜，搭配紫菜飯，口感相得益彰，一啖燒肉一啖飯🤤再飲杯梅酒，酸酸甜甜，整個晚餐無比完美🥃食飽唔好走住，仲有個甜品附送架📣我仲見到餐廳做緊新年祭，日日有唔同優惠架🤩🤑 人均消費：～$500🤩 推薦指數：8 / 10📍 餐廳資料：YAKINIKU KAKURA (Tower 535) (銅鑼灣)銅鑼灣謝斐道535號Tower 535 1樓101-102號舖☆.。.:*・°☆.。.:*・°☆.。.:*・°☆.。.:*

好耐無食燒肉，趁住今日收去辦年貨特登去食個日式燒肉 lunch （抵啲嘛~ lol）今次嚟到日本九州佐賀NO.1超人氣燒肉店 - 日本燒肉 KAKURA ，一定要食佢哋招牌嘅 🇯🇵鹿兒島黑毛和牛大判燒!盛合：🥢大判燒! A4黑毛和牛西冷🥢鹿兒島和牛裏腹小排🥢鹿兒島和牛背末脊肉個亮點一定係呢個係油花超靚嘅黑毛和牛西冷脂肪分佈均勻燒完之後一定要混合個溫泉蛋漿令個口感更加細膩豐盈~滿口油香加蛋香，勁正和牛裏腹小排肥美得嚟仿似入口即融~另一個 set 要咗美國穀飼牛盛合平衡下：🥢牛板鍵肉🥢腹前小排牛板鍵肉嘅牛味重，肉質結實會多啲嚼勁~另外追加咗一份鹽燒牛舌~爽彈香口牛味濃~lunch 嘅燒肉set 都有跟白飯、沙律、餐湯、小食、甜品同餐飲好欣賞佢哋連個白飯都係粒粒飽滿兼夾亮晶晶嘅日本米，軟糯香甜配燒肉係一流！仲有最緊要係個爐火候夠，抽氣強，食完唔會成身一浸味，呢個細節位係好加分~今餐一路食都係幸福滿滿，大滿足~

講起香港最好食既日式燒肉餐廳，係我心目中一定有銅鑼灣既Yakiniku Kakura 份～首先我地order 左三樣和牛類第一樣係大判燒！黑毛和牛西冷 - 輕輕兩面燒到均勻就食得，點埋跟埋既日本蛋，肉質好高質滑溜，入口即溶既，絕對係必點之一！😋第二樣係黑毛和牛上嫩肩里肉，有五大塊仲要係好厚切呀😍，咬落完全唔洗用力😆，肉質好柔軟滑溜，會忍唔住繼續燒黎食😂 第三樣係黑毛和牛裏腹小排，依款肉汁豐富，比起上面兩樣再有咬口多d, 亦都係高質之選😌另外我地都有叫黑毛豬頸肉，燒到微微焦香，做到外脆內軟既感覺！😌食咁多肉都要叫下野菜拼盤，有粟米，南瓜洋蔥圈，再加上雜茸錫紙包有驚喜，直接放係爐邊慢慢燒，燒到d 菇有牛油香真係好正👍另外七味豆腐鍋都好特別，豆腐好滑嫩，湯底味道香濃唔辣，係寒冷天氣嘅最佳選擇。而石燒肉泡菜鍋飯就更加係今晚既驚喜，泡菜嘅酸辣度岩岩好，完美結合其他配菜加上有飯焦係邊邊，好食到停唔到口。🫶🫶叫左杯清新解渴既青森蘋果乳酸梳打，最尾會有甜品送埋，係杏仁奶同埋雲呢拿雪米糍，好完滿既一餐呀😋😋

今日銅鑼灣食燒肉，呢間餐廳主打高質和牛，有好多款都可以選擇，🥩肉質鮮嫩。餐廳座位都幾闊落，職員服務態度親切。🌟黑毛和牛拼雞腿🍗 $198午市套餐包沙律🥗、餐湯、小食、甜品🍮同飲品+$8轉神戶茶房烏龍茶 有四片花紋勁靚嘅🥩黑毛和牛，肉質真係好鮮嫩，入口充滿油脂嘅香味，而且好軟腍🤩，套餐配嘅沙律🥗個醬汁食落都好開胃。個甜品最正，係好滑口又充滿杏仁味嘅杏仁豆腐。再加一粒雪米糍。🌟石燒肉泡菜鍋飯$88凍冰冰最好就係食個石鍋飯🌶️暖吓身，呢個飯都幾足料，而且配菜好夠味。🌟大判燒！黑毛和牛西冷$178係一大塊好長而薄片嘅肉，燒完之後點埋旁邊嘅生雞蛋🍳食超Juicy😚😚。🌟特上牛胸腹肉$128肉質厚身，充滿濃郁嘅牛味