YAKINIKU KAKURA (黃埔天地聚寶坊)

營業中

休息中

隔咗好耐冇食過燒肉每次我想食燒肉，就會諗起佢😚已經多次光顧，依然保持水準👍🏻今次我哋唔想諗😅於是就點咗個二人set”椿”鹽味牛舌👅和牛腹柳小排🐮👍🏻和牛赤身🐮特上牛胸腹肉若雞雞雞胸🐥牛腸若雞雞腿🐥 肉質好彈牙海老🦐另外加咗個冷麵 配燒肉最啱 酸酸地好開胃同埋泡菜三點盛(青瓜/泡菜/蘿蔔)當然唔少得嘅 就係必食嘅大判燒🔥🥩推介‼️甜品：雪糕糯米糍同埋杏仁豆腐空間闊落 舒適 唔使同人迫👍🏻

🫶🏻天寒地凍，正正係適合食燒肉暖一暖身既時節～約埋朋友近近地係黃埔呢間日式燒肉店享受假日中既午餐 😇 🔹黑毛和牛大判燒拼US牛板腱肉午市套餐之一，附有白飯、沙律、湯與沙律。事實上大判燒係日本直送既黑毛和牛，係餐廳既招牌菜，入眼可見西冷粉嫩而佈滿均勻雪花既表面 ❄️怕自己燒得衰，請求店員幫忙燒呢塊西冷，果然高手出馬唔同啲，燒得熟度剛好。燒完可以將西冷放係溫泉蛋上一齊食，口感軟熟而入口肉汁澎湃，肉味與油脂兼備，並帶有陣陣炭火香 ❤️‍🔥🪵🔸牛舌盛合午市套餐之一，附有白飯、沙律、湯與沙律，餐後甚至有甜品❗️一個套餐包有厚切及薄切牛舌，燒後易嚼並富有牛肉味，就算係手殘黨都可以燒得好食 😆 🔹US牛腹柳小排套餐加大概50大洋就可以額外加配牛小排，牛腹柳既油脂較少，入口不顯油膩，口感偏軟稔，肉味不俗，加上醃製後多添左微甜既風味，燒後食味道豐富 ❤️‍🔥🔸雞腿套餐加配，雞肉燒後軟嫩，炭火雞肉味道，相當美味 😘🔹🔸🔹🔸🔹🔸🔹🔸🔹🔸🔹🔸YAKINIKU KAKURA (黃埔天地聚寶坊) (紅磡)📍紅磡黃埔天地聚寶坊(第11期)地下G1及G3號舖💸$ 600 / 2人

▫️ 黑毛和牛刺身盛海膽（$98)👉🏻 黑毛和牛質感柔軟冇筋，牛味突出，配埋鮮甜海膽同超脆紫菜，口感層次豐富🫢⭐️⭐️⭐️⭐️⭐️.▫️ 火炙黑毛和牛壽司盛海膽（$98)👉🏻 黑毛和牛薄薄一塊，油脂分佈平均，店員幫我哋燒到5成熟，趁和牛啱啱燒起熱辣辣，配埋壽司飯同海膽，一啖擺落口真係冇得輸⭐️⭐️⭐️⭐️⭐️.▫️黑毛和牛腹前小排（$248)👉🏻呢款和牛油脂比較多，真真正正做到入口即融🤤食落質感柔軟好嫩口，亦都好重牛味⭐️⭐️⭐️⭐️⭐️.▫️大判燒！黑毛和牛西冷（$178@)👉🏻和牛非常大塊油脂分佈平均🤭店員幫我地燒5 成熟火候控制得啱啱好，食落牛味好重，肉質嫩滑，配埋蛋漿口感更加滑溜冇得輸，要一人獨食一塊先夠喉🥰⭐️⭐️⭐️⭐️⭐️.▫️ 塩味牛舌👅（$88)👉🏻牛舌好爽口，塩味咸度適中⭐️⭐️⭐️⭐️⭐️.▫️ 牛腸（$58)👉🏻牛腸好嫩滑食落煙煙韌韌好有咬口！燒到微微燶最惹味😎⭐️⭐️⭐️⭐️⭐️.▫️ KAKURA牛肉飯（$98)👉🏻厚身牛肉配洋蔥絲同甜甜哋嘅醬汁，撈埋日本溫泉蛋食，口感豐富☺️⭐️⭐️⭐️⭐️.▫️ 甜品👉🏻雲呢拿雪米糍超濃雲呢拿香味，糯米糍皮超薄同煙韌，杏仁豆腐布甸超Creamy 同香滑⭐️⭐️⭐️⭐️——————評分：9/10.平圴消費：～$57

睇OpenRice食評幾好，諗住無乜伏，中意食牛嘅我都幾期待。去到叫咗個「雅」Set，唔知係咪我今次食嘅牛唔夠新鮮定來貨問題，幾種牛燒落就算五成熟都好韌，咬到牙較都軟埋，唯獨牛扒唔知係咪油脂部分較豐富，最淋係佢，另外牛舌切薄身都還可以。但總括嚟講，成餐最好食係另外嗌嘅泡菜、青瓜同蘿蔔，要食牛嘅話就…。。。。。。。。。。。。。。。。。。。。。。。。。。。。。。

黃埔地鋪，地點方便，門口位子，很容易找到。進去位子空間稍嫌窄小，空氣不流通，有點混濁。點了很多食物，價錢不算友善，但食物並沒有令人驚艷的，真的很普通：食物味道和自己去郊外燒烤差不多。唯一有印象的是甜品-杏仁枸杞凍，因為比較少見。雪米糍也很普通。總體來說，價錢偏貴，CP值不高，沒有特別出彩的食物，無需抱有期望，相同價位可以選一間環境好一點的、味道好一點的、服務親切一點的。這是唯一有印象得杏仁位甜品。

Yakiniku Kakura🌟黑毛和牛上嫩肩里肉🌟黑毛和牛刺身盛海膽🌟大判燒！黑毛和牛西冷🌟華味鳥雞肩肉🌟海鮮拼盤🌟日本蠔🌟宮崎黑毛豚香腸想食d 高質韓燒，去左黃埔嘅Yakiniku Kakura 食dinner。因為餐廳出名食和牛，所以都叫左幾款試下。個人最鐘意黑毛和牛西冷大判燒，覺得同上環嗰間Yakiniku great 一樣咁好食，和牛肉味濃郁但係又不失油脂感，配埋日本雞蛋好似食緊壽喜燒咁。黑毛和牛上嫩肩里肉都一樣出色，肉本身嘅質素高，加上每一片都係厚切，食落好有滿足感。除左和牛之後，我都推薦大家order 海鮮拼盤同日本蠔。海鮮拼盤入面有大海蝦，超厚切墨魚同埋帆立貝，連埋日本蠔一齊，真係一個海鮮feast ar。

YAKINIKU KAKURA (黃埔天地聚寶坊) (紅磡)聖誕就嚟到啦🎄🎄！要食餐pre聖誕大餐😆最近天氣咁凍，食燒肉就最啱啦！~😋大判燒！黑毛和牛西冷 ($178)呢塊高級和牛會由店員幫忙燒😍，確保燒得完美！店員事前亦會詢問我哋想要幾成熟，我哋就揀咗5成～燒完後會放喺溫泉蛋上，篤穿溫泉蛋沾滿蛋漿，首先係熱辣辣嘅燒肉同凍嘅溫泉蛋嘅冰火交融，再食到和牛溢出嚟嘅油脂，再融喺口腔，超級滿足呀😍😍Omakase $398x2我哋兩個人叫咗兩set Omakase，一次過就可以試晒多款牛及海鮮，仲有前菜同甜品🤤前菜有沙律及泡菜三點盛；塩味盛有牛舌、雞肉及海老；燒肉汁盛包括特上牛胸腹肉、牛扒腱肉、黑毛和牛裏腹小排及黑毛和牛腹柳小排。我最鍾意嘅就係黑毛和牛兩款肉，明顯油脂比例更高，入口即溶😍但就會易膩！胸腹肉同腱肉嘅牛味就更加重，亦都可以咀嚼到牛嘅肉質，但絕對唔會韌！海老肉質新鮮彈牙，牛舌亦爽口。除咗燒肉外，套餐仍有石燒泡菜鍋飯，份量正常，太多就會食唔晒🤣有足料嘅紫菜、泡菜、菠菜等，非常豐富！最後有甜品作結，有杏仁豆腐及雪米糍，refresh一下食完heavy燒肉嘅胃😜乳酸梳打&青森蘋果乳酸梳打📍

一直係澳洲心心念念嘅日本和牛😭番到香港，即刻又去yakiniku kakura 食！佢嘅和牛西冷冇得輸！我地叫左個omakase $398 per head 嘅套餐，另外再加個招牌大判燒-和牛西冷！上次嚟食係叫《雅》個個套餐。兩個人食到最後會覺得有啲太多牛。所以今次叫個omakase就會咩都有啲。除咗和牛，仲有日本雞肉同蝦蝦，泡菜，沙律，拌飯，海藻湯同甜品。見佢仲新岀左個叫《海》嘅套餐，有埋鰻魚。如果唔係早幾日食完燒鰻魚，都會想試下。職員會幫手燒個大判燒。燒之前會問你想要幾成熟，之後就會喺你面前表演燒牛肉😂睇佢燒到噴哂火咁，未食已經大飽眼福。燒完職員會擺落隻半熟蛋到，加埋一齊食會好淋滑，唔使點咬已經吞左落肚。另外套餐嘅和牛一如既往地出色。套餐有上牛舌（真心係好食過牛舌，愈上嘅位置係越肥同香），胸腹肉，板腱牛排，牛腹柳小排同腹小排！個雞都出乎意料地好食，同係日本當地買嘅雞有得揮，唔鞋，肉甜！

餐廳：YAKINIKU KAKURA地點：紅磡黃埔天地聚寶坊菜式：來自佐賀既日式燒肉餐牌：賣點係由日本直運九州產既A5黑毛和牛。有套餐，黑毛和牛單點，牛豬雞單點，海鮮單點，蔬菜單點，沙律，涼拌小食，湯同麵飯，飲品有酒類同非酒精飲品。落單掃QR code。大判燒！黑毛和牛西冷 $178 另加一大判燒！黑毛和牛西冷係海外店限定。一大塊薄切黑毛和牛西冷好搶眼，燒一陣好快食得。燒完就將塊牛放係溫泉蛋上面。黑毛和牛西冷好嫩口，個汁好好味。點溫泉蛋食可降溫同有壽喜燒風味。牛板腱肉 $98 另加一牛板腱肉一客五件，非常嫩口，帶黎完全唔同口感。燒肉汁豐富，好味道！鹽味牛舌 $88 另加一鹽味牛舌一客六件，厚度適中，好有咬口，簡單加上鹽調味，建議可以加枱頭酸汁同食。壺漬 KAKURA牛胸腹肉 $138 另加一壺漬 KAKURA牛胸腹肉係用一個大壺上，面頭大大塊切割好既牛胸腹肉，灑上蔥花，下底係洋蔥圈。餐廳用自家製麵豉醬調味，味道調得唔錯，味道較濃，好惹味。肉質唔會韌，好嫩又少少彈牙。好味道份量又多。燒洋蔥好味吸左d汁。若鷄雞脛柳 $80 另加一若鷄雞脛柳一客五件，口感非常爽脆，燒得脆皮多汁，再點辣醬食好

得知這間是九洲佐賀第一人氣燒肉店, 有多款不同類型的牛肉, 另外也有豚肉跟雞肉選擇, 突然心血來潮想吃燒肉, 所以亳不猶豫就決定在敝店用餐 ☺️ 餐廳位置上並不好找, 最近的出口是黃埔C出口附近的電梯, 向船的相反方向走就會找到。餐廳空間蠻大的, 座位之間都有不少距離, 私隱度算高。大判燒! 黑毛和牛西冷 $178可謂另類西冷, 有別於一般西餐厚身的西冷扒, 薄薄一大片, 油脂分布均勻, 提供三款秘制醬汁, 分別甜酸辣三種口味可供選擇 😁 店中專人代為效勞, 燒時火焰大, 食時與攪拌好的蛋一起吃, 和牛非常嫩滑, 味道濃郁, 有入口即溶之感 🤤黑毛和牛腹柳小排 $148特上牛胸腹肉 $128柳小排肉質比較軟腍, 口感相當細緻嫩滑; 牛胸腹肉相對厚身, 口感相對粗糙, 但並非“嚡口”, 兩款和牛味道同樣濃郁 😋黑毛和牛上肋骨中肉 $198由於牛肋條比較厚身大條, 建議用剪刀剪成一件件, 易於燒烤。雖然厚身, 但並不韌, 除了“啖啖肉”之外, 一咬肉汁澎湃流出 🤩 若雞雞脛柳 $80多款和牛外, 還點了一碟雞肉, 也一樣新鮮嫩口, 比期待出色 😊Kakura牛肉飯 $98將蛋攪拌後與牛肉一起

放工同朋友去左黃埔呢間日式燒肉店係來自日本九州佐賀既超人氣燒肉店首先叫左份大判燒!黑毛和牛西冷西冷大大片，職員會幫手燒呢塊西冷燒完油脂滿滿，配生雞蛋食好滑難怪可以成為餐廳既招牌菜再叫左碗細Size既佐賀米飯配住食叫左腹前小排同黑毛和牛腹柳小排黑毛牛係滑過腹前小排而且肉質再比較軟淋腹前小排肉質都唔錯，可一試亦都叫左特上牛胸腹肉同蔥塩味上牛舌牛舌唔會好似牛肉咁多油脂肉質燒完仲幾JuicyKAKURA牛肉飯醬汁好惹味最後仲會送上甜品，滿足

位於黃埔既日式燒肉店，一入門口已經聞到陣陣既燒肉香🤤餐廳環境以黑色為主調，座位寬闊，坐得幾舒服👐🏻🍴大判燒！黑毛和牛西冷($178)店員可以幫忙代燒，和牛西冷脂肪比例均勻，雪花幾靚😍肉質軟嫩，食落有油脂香👅加埋蛋汁一齊食🥚更加香滑，配白飯食一流😋🍴黑毛和牛腹柳小排($148)油花分佈幾靚，充滿油香👍🏻🍴黑毛和牛內橫膈膜($188)油脂相對冇咁重，牛味比較濃，食落有嚼勁👄🍴黑毛和牛上嫩肩肉($198)口感幾鮮嫩，有肉汁💦肉味幾香🤤🍴鹽味上牛舌($88)牛舌厚薄適中，幾爽口👍🏻簡單用鹽調味已經好食~🍴黑毛豚脛肉($88)色澤鮮嫩，紋理細緻，爽口有肉香😋餐廳仲會附送甜品，係杏仁奶凍同雪米糍，清爽解膩💁🏻‍♀️

一早訂左張6人枱同朋友慶祝生日，泊好車朋友入晒餐廳坐低，我要同女朋友去附近買少少野先入去，點知我入到去居然要分開枱坐。如果我係 walk in嘅話，你full house 要我分枱，我會接受囉。但我係早成個禮拜前book，而且你哋晏晝打電話俾我 reconfirm booking 都無同我講要分枱坐。好啦，叫佢哋要換返張枱比我哋(當然有比面色我睇啦)，話有人埋緊單，好….我等。等嘅時候，我見嗰枱客走晒，我好禮貌地問一聲張枱得未，因為我哋都齊晒人等左半個幾鐘，居然會好串嘅態度覆未執好張枱。心諗我都係做服務行業未試過咁對客，唔知以為我係西客。後面埋單，好彩有 check 單，有啲野無黎到都照收錢。成個飲食業比你哋搞灣晒

母親大人話想食燒肉，梗係帶佢嚟黃埔這間Yakiniku Kakura日式燒肉店，質素好好，交通方便，因為未有book位，所以早啲到，6:30嚟到已經坐滿咗半場🙈必點菜式：「大判燒！黑毛和牛西冷」，非常高品質，由店員親自主理，會按要求食客的熟度去燒，薄身，但肉質鮮嫩多汁，搭配日本蛋，非常滑溜好味😋「黑毛和牛腹柳小排」和「黑毛和牛內橫膈膜」兩個不同和牛部位，兩者都含有豐富油脂香，腹柳小排非常鮮嫩，入口即化，而橫膈膜就有咬口，筋膜比較多✨特上牛胸腹肉係比較精瘦部位，但同樣有豐富肉汁和牛脂香☺️牛舌肉經過調味，口感嫩滑，肉質鮮美，燒肉必點菜式👍🏻食咗咁多款牛，就叫咗碟若鶏雞腿，雞腿肉肥嫩多汁，保持鮮嫩，香口彈牙✨食完燒肉，就叫咗凱撒沙律清清口腔，沙律菜新鮮，配上凱撒醬和麵包丁，十分清新🥬之後就到甜品時間，雪糕糯米糍和杏仁豆腐，非常香滑✨✨巨峰堤子乳酸梳打&青森蘋果乳酸梳打冰涼酸甜，食燒肉解渴一流👍🏻今日又係滿足的一晚，母親大人十分滿意，仲叫我下個月再嚟食多次😆

一入到舖頭，要讚一讚抽風系統，唔覺得好大浸燒肉味！黑毛和牛大判燒盛合大盤燒超級大塊，而且店員會幫忙燒配上打好嘅滑蛋，油脂香濃！送飯一流！盛盒入面仲有鹿兒島A4和牛西冷，牛裹腹小排同埋牛背末脊肉，每款既牛味都算幾重！唔會低質！牛舌盛盒鹽味相牛舌同埋蔥鹽味牛舌個人比較鍾意厚身嘅牛舌，而且食落去唔會煙靭！都算好高質呢！每個午餐都包咗白飯同埋沙律🥗前菜仲有一碗海帶湯，食落去加埋嘢飲絕對好飽🫢🫢最後仲會有杏仁甜品同埋糯米糍