Y Pasta

嚟到沙田一定要試吓呢一間手工意粉店，唔止佢嘅嘢食好食，而佢嘅環境都非常之靚！佢門面係用Cafe嘅裝修，非常之柔和舒服，但係經過一條小小嘅走廊，行入去之後，就會有一種西餐廳風格，好寫意！坐低之後梗係叫碗湯嚟飲吓啦，佢嘅忌廉黑松露野菌湯好高質。湯好濃郁，啖啖都係黑松露同野菌嘅味道，我推介額外再加佢嘅酥皮，因為佢嘅酥皮整得啱啱好，好好食！然後我哋仲叫咗一個芝士牛肉醬千層麵，千層麵會擺喺個碟度，等你慢慢切開佢，真係好有儀式感！而味道都唔錯，芝士同牛肉醬相輔相成，配埋個麵就更加好食！之後小食係香辣水牛城雞塊，都好有有特色！感覺就好似韓式炸雞，佢嘅水牛城醬酸酸辣辣唔錯，佢同時好貼心隔離配咗一個忌廉味嘅醬汁，如果你唔太鍾意水牛城嘅重口味嘅話，你點一點佢嘅醬汁，就可以令到成件令到個炸雞清新好多😋😋最後到飲品，完全冇諗到佢飲品方面居然有牛油果提供，真係勁驚喜。我哋叫咗一個牛油果乳酪沙冰，味道好飲，唔會太甜，可以當甜品咁食🤣🤣，另外我仲叫咗一杯抹茶牛奶拿鐵，今年會有一隻動物嘅拉花，好可愛🥰🥰

Y Pasta既手工意粉有幾出色？之前喺銅鑼灣已經食過，知道佢哋搬咗去沙田，特登都要嚟朝聖，Y Pasta意粉每日新鮮製作的採用意大利入口的蛋黃、麵粉和小麥粉炮製而成，製作時跳過風乾過程以保留豐富澱粉質和營養，而且帶有濃厚的蛋糕👍🏻不同形狀的Y Pasta 意粉具備不同的口感，有些順滑煙靭，有些則更具咬勁，而不論何種意粉均保證能為您帶來滿口蛋香，揀選咗款式口味之後，就可以自行選擇自己喜歡嘅意粉，包括有天使麵、意粉、扁意粉、長通粉、手工絲帶麵、手工寬帶麵、手製戎指粉、手製薯團，坊間少有餐廳能做到👍🏻🍝▪️意式豬面肉卡邦尼蛋汁意粉 $ 148最傳統的卡邦尼就最能代表餐廳做意粉嘅功架，首先見到醬汁呈接近金黃顏色狀態，就知道一定係用最正宗嘅做法，只用蛋黃和芝士造成醬汁，掛滿每一條意粉，意粉入口非常煙靭有彈性，而且充滿蛋香，再配合脆脆嘅豬面肉，我覺得呢碟卡邦尼係頂級美味🍕▪️巴馬火腿火箭菜薄餅 $ 138最喜歡這個口味，薄餅底係薄脆好香口，配合蕃茄醬和融化咗嘅芝士，已經非常好食，每片pizza上放著肥美既Parma Ham 和大量火箭菜，完美的組合🍗▪️意式香草焗雞翼 $ 78簡單嘅雞翼，竟然能做到如

約左朋友去沙田行街，喺好運中心發現一間唔錯嘅西餐廳Y Pasta。餐廳環境雅緻舒適，燈光柔和，裝潢典雅，營造出輕鬆愉悅嘅氛圍，讓人感覺放鬆舒適。店員親切有禮上前招呼我地，態度友善，值得一讚。食物種類豐富多樣，有不同小食、pizza、意粉、豬肋骨、牛肋肉、特式飲品同自家製甜品等等，我地叫左brunch set，同樣豐富。order左一個香濃野菌湯，濃郁香滑嘅忌廉湯入面除左帶有野菌嘅香氣外，亦咬到一粒一粒嘅野菌碎，入口順滑有口感。另外係黑松露野菌湯，同樣香濃，黑松露嘅香氣令人著迷。黃金軟殼蟹意式軟包，軟包軟糯可口，包住金黃酥脆嘅軟殼蟹同沙律菜，加埋餐廳獨門製作嘅黃金鹹蛋黃醬，鹹蛋黃香，味道鹹香調較得宜，口感流沙滑溜，整個軟包搭配得非常出色，十分美味。配菜係炸薯條，份量足，薯條炸至外脆內軟，表面撒滿鹽同香料，散發出誘人香味。純牛肉手製寬帶麵煮得剛好，新鮮製作嘅手工意粉採用意大利入口蛋黃、麵粉同小麥粉炮製而成，麵條Q彈有嚼勁，並帶有蛋香味道。肉醬中嘅牛肉碎鮮嫩多汁，與麪條咬勁形成了完美對比，肉醬香氣撲鼻而來，混合番茄、洋蔥、大蒜同香料嘅香味，味道濃厚，令人回味。飲品選擇多，除咖啡外有果汁同梳打

Y Pasta位於沙田橫壆街的好運中心，是一間以西餐為主打的餐廳。我和朋友想找一個地方安靜地聊天和用餐，經過餐廳門口，發現環境不錯，所以打算一試，結果令我有驚喜👍。首先，我們點了溶漿芝士小龍蝦手製戒指粉。戒指粉為手工製作，口感煙靭，十分特別，每一口咬下去，都能感受到戒指粉的彈性和嚼勁。更令人驚喜的是，裡面的溶漿芝士與戒指粉完美融合，形成了一種奇妙的口感和味道。作為一個芝士控🧀，我們很快就把它清碟🍽️。另一個菜我們點的是紅酒🍷燴美國牛肋肉配香滑薯蓉。牛肋肉的肉質嫩滑，入口即化，散發著濃郁的肉味。紅酒的燴煮使肉質更加柔軟，並為其帶來了豐富的味道。搭配香滑的薯蓉，口感更加豐富。這道菜絕對是肉食愛好者的天堂，每一口都令人陶醉。除了美味的食物，Y Pasta的環境也非常值得一提。餐廳的裝修風格簡約而精緻，給人一種優雅的感覺。舒適的座椅和寬敞的用餐區域讓人感到放鬆和舒適，非常適合和閨蜜一同聚會和聊天。此外，店員的服務態度也非常好，他們總是熱情地迎接客人，並提供周到的服務，讓整個用餐體驗更加愉快。總結來說，Y Pasta提供了美味的主菜、舒適優雅的環境和出色的服務，是一家值得一試的西餐廳。無論是品味那

好味抵食，環境舒適👍🏻，依家仲有三送一優惠，CP值高，regular跟的野菌湯已經香濃好味又creamy(下次可能試吓加酥皮)，主菜試咗四款，意式豬面肉卡邦尼意粉同牛油蒜香蜆肉扁意粉合乎水準，而黑松露野菌醬薄餅，夠薄夠脆上面有啲松籽又好有口感。另外，水牛城辣鷄意式軟包，辣度適中惹味，鷄扒肉質嫩滑，比傳統burger好，最後加配自家制甜品焙茶巴斯克芝士蛋糕，焙茶味濃郁，芝士唔太濃厚同死實，加埋杯美式咖啡，perfect👍🏻

係好運中心翻新後新開嘅西餐店，價錢當然親民過新城市廣場嘅店，係沙田西餐好選擇。我哋openrice book左7點，去到即刻入得，都唔滿唔洗排隊，環境舒服，每張枱相距遠，唔會好逼，基本上都唔會太聽到其他客人傾計講乜，而且有位嘅話都會比客人隔住枱坐，冇咁擠逼。掃qr code自助落單，意粉好多款應該有差唔多20款，可話咩味道都有，肉醬千層麵、冬蔭公意粉、檸檬意粉、墨汁意粉都有，仲有pizza、小食、好多飲品。我哋3個人，每人叫1個意粉，再share個pizza同薯條，佢啲意粉都幾大碟幾多，每個人都好飽。枱面仲有盞燈比大家，個氛圍特別好，影啲食物相都有feel啲意粉可以自選想要天使麵、意粉、扁意粉定係長通粉，意粉選擇多，乳酪 川味 伏特加 黑松露 明太子 海膽忌廉味都有，仲有戒指粉同寬帶麵，難怪店名都叫pasta。意式豬面肉卡邦尼蛋汁意粉 $148意粉份量都好多，加上卡邦尼同蛋汁，好飽，不過豬肉唔算多刁草檸檬煙三文魚意粉 $138檸檬意粉原來幾fresh幾好食，一啲都唔怪，煙三文魚都好嫩芝士牛肉醬千層麵 $148要用刀好似鋸扒咁食嘅千層麵真係第一次見，份量好大，一個人食晒真係未必得，入面超

Lunch set抵食，這間在沙田好運中心新開的Y pasta意粉店，每次經過都看到清新原野feel佈置，玻璃透視看到座位寬敞，甚有格調！這次和同事二人分別叫了兩個午餐一嚐意式意粉午餐啊！意式豬面肉卡邦尼蛋汁意粉$108：Y pasta 以新鮮製作的手工意粉出名，完全跳過風乾過程已保留豐富，澱粉質和營養。這個卡邦尼蛋汁意粉，尤其醬汁完全融合更濃郁的奶油口感。口感流沙滑溜，真材實料豬面肉非常香口，我自己最喜歡吃濃濃醬汁掛在意粉上的感覺。刁草檸檬煙三文魚意粉$98：這款意粉上枱賣相一流，意粉順滑煙靭，有些咬勁，配合刁草檸檬更加吃到三文魚的鮮味，份外醒胃。最重要的是份量十足，基本上吃了已經飽飽的！香濃野菌湯：幾時都話即場將新鮮野菌打成湯好飲過罐頭湯千百萬倍！這裏的野菌湯非常Creamy，入口即感到很多菌類滑下喉嚨，好正！忌廉龍蝦湯：這個龍蝦湯除了真材實料之外，不知道怎樣形容，加上一些忌廉份外滑溜！龍蝦湯帶點鹹味，不算太濃郁，但是味道很足！如果加上酥皮的話味道就剛剛好了！有興趣可以加$15有意式香草焗雞翼兩隻／鼠尾草雞軟骨肉丸三粒／自家製甜品，我哋兩個女仔午餐來說份量較大，沒有空間再叫小食和甜

仲係農曆正月既時間，當然要去車公廟參拜一下啦，去完就去沙田食埋晚餐先返屋企。煙肉忌廉白酒煮藍青口（⭐⭐⭐⭐⭐）青口賣相十分靚，每隻都係開晒口，唔會有唔新鮮死左閉口既，而且每隻仲係連住個殼，唔會甩皮甩骨既狀態，證明食材同烹煮都十分優質，配上精緻既翠綠香草，未食都知道好味。青口既醬汁十分惹味，煙肉配搭令到醬汁更加香濃，白酒就中和左忌廉既油膩，加埋青口既海洋鮮味，正。QB明太子帆立貝意粉（⭐⭐⭐⭐⭐）筆者一直都好中二明太子醬，但每間餐廳既明太子醬都會有分別，有D偏咸，有D就奶油味偏重，呢間餐廳就恰度好處，有明太子本來既咸香，奶油比例亦都剛剛好，令醬汁香濃之餘又唔會太膩。另外十分欣賞帆立貝，煎得外脈內軟，保留到鮮味。意粉則煮得十分煙靱，有驚喜。酥炸啤酒豬手配椰菜絲沙津（⭐⭐⭐⭐⭐）近年唔少餐廳都有豬手食，但筆者好喜歡呢間餐廳既豬手，上菜時見到已經全部切好既，十分適合無從入手唔知點切既客人。另外，豬手份量亦都剛剛好，大約適合2-4人食，2人知己食又得，幾個朋友每人淺嘗又得。而且餐廳好細心配上椰菜絲沙津，剛好可以解到豬手既油膩感。~~~~~~~~~~~~~~~~~~~~~~~~~~Y Pasta

本身去到呢度附近，係想食隔離間餐廳嘅，但因為太多人，見到呢間餐廳裝修環境OK，又唔使等位，所以決定入去試吓。見到餐廳同埋食評網好多人推介呢個芝士瀑布薯條，所以嗌咗來一試，芝士係流質倒到入去薯條係會鋪滿晒全部薯條嘅。賣相OK，但係味道一般，而且價錢唔平。所以想打卡嘅可以嗌，如果着重味道嘅話就未必需要試。另外芝士菠蘿小龍蝦pizza ，Pizza嘅餅底夠薄夠趣口，但係上面嘅料同埋組合就有少少失望。佢嘅味道就正如Pizza個名一樣，就係芝士菠蘿小龍蝦加埋一齊，各個食材嘅味道唔算突出。意粉就嗌咗帆立貝蟹籽意粉，帆立貝夠大粒，手工意粉嘅軟硬度質感好好，而且汁醬調味OK。係呢間餐廳果然係要食返意粉。

沙田Y Pasta,新店地方大, 裝修靚,傾計又舒服👍🏻酥皮龍蝦湯-龍蝦肉鮮嫩,濃湯濃郁,酥皮入口酥脆,與湯形成好配合,令人回味無窮,蘑菇湯-每一口都是磨菇碎,足料,味道好,熱度十足,口感CREAM但不油膩熱浪代特加脆煙肉長通粉-合酒,店員先倒上伏特加,火焰有氣勢,長通粉夠彈牙,加上香口煙肉同酒香,都會愛上這特別醫汁.,檸檬玫瑰開心果巴斯克芝士蛋糕-檸檬加玫瑰香味各不搶味,口感滑,芝士蛋糕夠CREAM,飯後甜品之選,整體不錯,每款都好味, 地方大傾計好地方

今晚同朋友去沙田搵嘢食，發覺有間新開的餐廳，主打手工意粉。環境走清新簡約風，以木系加綠色植物元素為主調，空間寬敞，光線柔和，令人有種舒服感覺。千島夏威夷薄餅新鮮焗起熱辣辣，餅底是傳統薄皮的，食落鬆化香脆，揀咗夏威夷風味，菠蘿Juice 加火腿做材料。刁草檸檬煙三文魚意粉果然係手工制意粉，意粉軟硬適中，煙三文魚新鮮，加咗檸檬和香草類調味，用咗牛油來煮特別香濃。蘋果金寶配雪糕份量十足，蘋果加肉桂，外層脆脆配以內裏軟綿綿的蘋果肉，口感豐富。

上回光顧, 除了慢煮雞肉意式白醬扁意粉不太符合我的預期外, 其他食物均美味可口, 是次試其薄餅, 看看味道如何。上回光顧的食評:https://www.openrice.com/zh/hongkong/review/%E6%9C%89%E8%B3%AA%E7%B4%A0%E7%9A%84%E8%A5%BF%E9%A4%90%E5%BB%B3-e5237506Lunch Set1) 西班牙辣肉腸薄餅 $882) 香濃野菌湯加酥皮 $103) 柚子蜜 (凍)4) 自家製甜品: 焙茶栗子巴斯克芝士蛋糕 $155) all + 10%餐湯依然選了香濃野菌湯再追加酥皮, 經過上次經驗, 雖然今次放久了才享用, 但湯還是很燙口。酥皮酥脆, 野菌湯口感豐富, 味道濃郁, 美味可口, 值得再回味。西班牙辣肉腸薄餅已預先1開8件, 薄餅邊烤得微微焦香, 脆口如餅乾, 面層佈滿芝士, 味道濃郁惹味, 辣肉腸雖然不辣, 但鹹香, 整體味道口感不俗。柚子蜜以高杯盛著, 感覺比上回光顧時大杯了, 其酸甜有助減膩滯感, 是不錯的選擇。是日的自家製甜品依然是焙茶栗子巴斯克芝士蛋糕, 蛋糕質感creamy幼滑, 焙茶

【沙田區】【Y Pasta】去到某個年紀，某個年紀相應嘅問題就會開始出現，好彩都有班年齡相若嘅同事，定時定候約啲聚餐，可以畀大家以「起碼知道自己講緊乜」嘅身份去互相扶持吓。今次嘅聚會夾埋四個人，就喺沙田好運中心呢間西餐食個飯啦。首先嚟嘅嘢有 $58 嘅「忌廉龍蝦湯」，我就冇飲到嘅，所以就講唔出佢究竟好唔好飲，不過聽返有飲嘅朋友講，佢都 okay 嘅。之後到 $78 嘅「芝士瀑布粗薯條」，佢個醬汁係另上，由客人自己淋落去，件事係有視覺享受嘅。跟住到啲主食喇，我哋叫嚟係 share 食嘅，首先係 $148 嘅「芝士牛肉醬千層麵」，我本身唔太好肉醬嘅嘢，但都覺得佢唔難食，可能其他人已經覺得好好食。跟住仲有 $148 嘅「溶漿芝士小龍蝦手製戒指粉」，都幾好。呢份主要係簡簡單單，鹹鹹哋，幾香芝士味，就夠了。最後到 $138 嘅「巴馬火腿火箭菜薄餅」，parma ham 鹹香豐盈，火箭菜又夠，大家都覺得幾好食。埋單夾埋 $627，四個人嚟講幾抵食嘅。。。（地址：沙田橫壆街1-15號好運中心3樓3080號舖）#1amfoodie #foodie #hkfoodie #thatfoodiething

餐廳位置不顯眼，平時行街唔會行到入去個位置。餐廳入面環境好靚，座位空間寬敞，地方感覺乾淨舒服。叫左幾款食物，樣樣都好味，只係軟殼蟹意粉乾身少少，但個人好喜歡個千島夏威夷pizza，菠蘿火腿芝士很簡單但味道最夾，餅底做得好脆又熱辣辣。龍蝦湯都好出色，可以配埋麵包就更好。最後甜品，甜度適中，好滑，一啖接一啖食晒。整體我覺得餐廳水準不錯的。

原先揸住張VIP卡去食和牛放題，突然朋友覺得太Heavy，旁邊一間文青小店吸引了我們的眼球，Y Pasta 打卡和美式共融。好運中心交通方便，位置寧靜，室內裝修白色主調，木系傢俬，清新自然優雅，充滿異國風情，情侶拍拖很有情調。黃金忌廉軟殼蟹意粉餐廳主打香港新鮮製造的手工意粉，多款選擇不同的意粉，天使麵、扁意粉，長通粉、手製介指粉、寬帶麵等。我還是喜歡意粉的口感，彈牙煙靭，有嚼勁，掛滿了黃金忌廉醬汁，增添滋味。香噴噴熱辣辣，黃金是鹹蛋黃醬汁，味道都幾濃，夠creamy。軟殼蟹份量好多，外脆內嫩，外層炸得香脆鬆化，蟹肉多汁很滑，有蟹膏，入口黃金加持，鹹香特別惹味。西班牙辣肉腸薄餅西班牙辣肉腸餡料豐富，配上拉絲芝士，味道更香濃，很惹味。薄餅烤得很脆口，內裏比較軟腍。雜莓乳酪沙冰喜歡雜莓比較健康，味道清新，酸酸甜甜較突出。乳酪沙冰入口很順滑，不會太甜，天氣悶熱飲非常涼爽。焦糖甜脆香蕉酥配雪糕餐廳推廣優惠，店長介紹凡惠顧任何正價意粉、薄餅、主菜一份，可以半價選購正價甜品一份，CP值非常高。焦糖甜脆香蕉酥，酥皮口感極為豐富，焦糖脆香蕉美味可口，質感很軟身很滑，小心燙口。配雪糕清爽不膩，整體味道濃厚