Y Pasta

【一句總結： 估唔到咁好食！味道、環境、氣氛全部在線，絕對會encore！】今晚同朋友撐枱腳，揀咗呢間YPASTA，真係由頭滿意到尾！呢間餐廳位於沙田好運中心，裝修好有格調，柔和燈光配搭木系傢俬，感覺好舒服同relax，一入去已經覺得自己chill咗。環境唔會太嘈，傾計一流，目測全場都有唔少女仔朋友聚會，亦都有幾對情侶甜蜜蜜，氣氛真係好啱。我哋兩個人一共叫咗三個菜式，樣樣都冇伏，仲有驚喜！🥘 香辣水牛城雞塊一上碟已經聞到好香嘅辣香同醋香，正宗水牛城風味！雞塊炸得外皮香脆，入面肉汁鎖得住，一啲都唔乾。個辣度係大眾都接受到嘅微辣至中辣，好開胃，食到停唔到口！作為前菜簡直係滿分。🍝 QB 明太子帆立貝意粉必食推薦！ 意粉嘅軟硬度煮得啱啱好，al dente有咬口，我自己就好中意。明太子醬汁超級creamy，每一條意粉都掛滿濃郁嘅醬汁，鹹香鮮味喺口腔入面爆發出嚟。帆立貝大大粒，煎到表面金黃微焦，內裡保持嫩滑，好鮮甜！成個組合無可挑剔，明太子控絕對不能錯過啊。🍕 黑松露野菌薄餅黑松露嘅香氣真係無得輸，一上枱已經成枱都係松露香！薄餅係薄脆底，餅邊烘到脆卜卜，口感滿分。上面鋪滿咗各式野菌同拉絲芝士，每一啖都係濃郁嘅松露同菌香，好滿足。就算放涼少少，個餅底都依然保持到脆度，好出色。今晚餐飯兩個人埋單400幾蚊，以餐廳食物質素而言， 係非常之抵食！ 侍應服務都係好好，上菜同換碟都快， 但又唔會令人反感，仍然好有禮貌，仲會主動為客人加水。總結嚟講，今餐真係食得好開心，絕對係真心話！食無論係想同姊妹們嚟個靚靚gathering，定係同另一半嚟個浪漫晚餐，呢間餐廳都係一個穩陣又出色嘅選擇。已經同朋友約定，下次要再嚟試埋新鮮手製意粉同埋甜品！…查看更多

臨近中秋，陪家人都沙田取月餅禮盒送禮，故順便到沙田用餐~來到餐廳已是下午2時，午市的人潮漸散，店員安排我們坐4人桌，空間濶落，唯獨坐位缺少自然光~午市套餐包括: 餐湯、主食及餐飲，也可加配小食& 甜品~意式香草雞翼一客兩隻的雞翼，外皮焗得香脆，雞肉嫩滑，很juicy!酥皮忌廉龍蝦湯酥皮焗得金黃香脆，龍蝦湯熱度十足，質感creamy，相當好喝~脆炸魚柳意式軟包配自家製他他醬意式軟包內是炸得香脆嫩滑的魚柳，配上新鮮爽脆的沙律菜，感覺清新滋味; 跟餐薯條炸得金黃香脆，令一向喜歡吃炸物的我，吃不停口呢~鯷魚醬雜錦海鮮意粉面層舖滿大量芝士碎的鹹香鯷魚醬配海鮮原來很夾的，加上有嚼勁的意粉，除了味道出色外，賣相亦很吸引😊檸檬玫瑰開心果巴斯克芝士蛋糕 (跟餐加配)面層灑上玫瑰花瓣及開心果碎，底下是軟滑的芝士蛋糕，甜度適中又軟滑，作為甜品剛剛好!雜莓乳酪沙冰紫色的雜莓乳酪沙冰，賣相相當悅目; 入口酸酸甜甜又透心涼，餐後一杯更有解膩作用!芒果乳酪沙冰喜歡味道偏甜的朋友，選這杯芒果乳酪沙冰就最適合不過了! 同樣是相當透心涼，不過這款有淡淡的芒果清香，也很不錯~…查看更多

13-7-2025（Sun）晏晝，同老公搵地方食晏，荃灣開始食到厭，要去第二區食，記起沙田有研香，於是同老公先嚟mark咗好耐，一直冇機會嚟食嘅呢間，我哋嚟到時，啱啱剩低最後一張好啲嘅二人枱，聽到店員好似話75分鐘用餐時間，同呢日精選甜品係檸檬巴斯克蛋糕。睇完menu掃QR code落單，我哋要咗兩個同樣$148.00嘅brunch。落完單冇耐，先嚟老公嘅凍檸水走甜，然後係兩個餐湯：2. 加$20.00嘅法式芝士浮台洋蔥湯放低時，女店員俾一小樽白蘭地，話滴幾滴落洋蔥湯喥會好飲啲。估唔到會咁講究，我哋先唔滴飲吓先，有好多洋蔥，湯嘅味道好濃，滴咗白蘭地後，味道更提升。法式芝士浮台係芝士多士，正常嘅脆口。5分5. 香濃野菌湯飲落亦係濃郁好味，同之前帶爸爸去Marka House（ https://www.openrice.com/zh/hongkong/r-marka-house-%E8%8D%83%E7%81%A3-%E6%84%8F%E5%A4%A7%E5%88%A9%E8%8F%9C-all-day-breakfast-r649481）飲過嘅一樣（食評係2020年6月22日提交嘅呢篇：https://www.openrice.com/zh/hongkong/review/%E9%9B%99%E7%AF%80%E9%A3%AF-e3756839）。兩個湯都熱騰騰。5分6. 加$20.00嘅牛油果沙冰味覺得呢個味道淡啲，亦好快被我飲完。3分4. 意式豬面肉卡邦尼蛋汁意粉我轉咗好耐冇見過嘅天使麵，要腍啲。呢個好快就到，見到份量唔算多，但咪睇少啲汁，汁夠杰身，豬面肉似鹹脆煙肉。3分1. 純牛肉醬手製寬帶麵個麵真係超闊，呢個味道同口感都正常。3分7. 加$25.00嘅精選甜品～檸檬巴斯克蛋糕上到枱睇唔係大件，食落，佢係完全軟腍腍，可惜檸檬味濃到麻麻。2分服務：超有禮，我坐梳化椅，店員為我老公拉開張凳，同俾個籃佢擺低個袋。環境：都幾闊落，重有空間俾單車客擺單車。價錢：連加一係$397.00。…查看更多

今次去咗沙田一間西餐廳，點咗紅酒燴美國牛肋條同埋龍蝦扁意粉。紅酒燴美國牛肋條色，牛肋條煮得軟腍入味，紅酒嘅香氣渗透，搭配香滑嘅薯蓉同薯菜，口感非常好。薯蓉滑而不膩，薯菜清新爽口，即使係紅肉搭配，食完後都唔會覺得太重，但係啲汁都有啲食滯。至於龍蝦扁意粉，雖然唔算特別驚喜，但龍蝦肉新鮮，口感細膩，意粉煮得恰到好處，整體味道清淡，適合喜歡海鮮嘅朋友。份量上，兩個人分享完全足夠，不會覺得過飽，適合輕鬆嘅聚餐。整體來講，呢間餐廳提供嘅菜式唔錯，適合想輕鬆享受美食嘅朋友。…查看更多

燒烤醬慢烤美國豬肋骨（💰298）切開有5條豬肋骨 肉質軟淋😁醬汁唔會太甜 好易拉開一絲絲同骨分離仲有沙律椰菜 絕對唔馬虎 😌熔漿芝士小龍蝦手製戒指粉（💰148）芝士🧀醬好多 但唔會好膩 戒指粉有咬口 好掛汁 配上少少彈牙嘅小龍蝦 🦞純牛肉醬手製寬帶麵（💰148）寬帶麵食落更有咬口同煙韌 滿足感更勁 😚牛肉醬份量都好多 醬料酸甜平均 蘋果金寶配雪糕 （💰88）睇落唔算好大份 但2-3個人分好夠 凍冰冰嘅雪糕配埋下面熱辣辣嘅蘋果金寶一入口冰火交融嘅感覺🥰 金寶脆口 蘋果粒酸甜軟淋 加埋雲呢拿醬 整體偏甜 share 啱啱好 👍味道 4/5性價比 4/5 環境 4/5服務態度4/5整體4/5…查看更多