Y Pasta

嚟到沙田一定要試吓呢一間手工意粉店，唔止佢嘅嘢食好食，而佢嘅環境都非常之靚！佢門面係用Cafe嘅裝修，非常之柔和舒服，但係經過一條小小嘅走廊，行入去之後，就會有一種西餐廳風格，好寫意！坐低之後梗係叫碗湯嚟飲吓啦，佢嘅忌廉黑松露野菌湯好高質。湯好濃郁，啖啖都係黑松露同野菌嘅味道，我推介額外再加佢嘅酥皮，因為佢嘅酥皮整得啱啱好，好好食！然後我哋仲叫咗一個芝士牛肉醬千層麵，千層麵會擺喺個碟度，等你慢慢切開佢，真係好有儀式感！而味道都唔錯，芝士同牛肉醬相輔相成，配埋個麵就更加好食！之後小食係香辣水牛城雞塊，都好有有特色！感覺就好似韓式炸雞，佢嘅水牛城醬酸酸辣辣唔錯，佢同時好貼心隔離配咗一個忌廉味嘅醬汁，如果你唔太鍾意水牛城嘅重口味嘅話，你點一點佢嘅醬汁，就可以令到成件令到個炸雞清新好多😋😋最後到飲品，完全冇諗到佢飲品方面居然有牛油果提供，真係勁驚喜。我哋叫咗一個牛油果乳酪沙冰，味道好飲，唔會太甜，可以當甜品咁食🤣🤣，另外我仲叫咗一杯抹茶牛奶拿鐵，今年會有一隻動物嘅拉花，好可愛🥰🥰