Vision 8

營業中

休息中

好多人都比$80超優惠燒豬鞍扒吸引入黎，星期二都好爆場。👉🏻蘋果木燒西班牙黑毛豬鞍扒擺盤有心思，豬鞍扒厚厚一塊，配菜有紅蘿蔔蘿、西蘭花、焗芝士薯塊。$80真係抵食～揀左配芥末醬，切開有肉汁，邊位既脂肪燒得好香，肉質都鬆軟易咬。👉🏻雜菜湯熱到燙口好有誠意，湯料有好有多豆類，有咬口感覺特別，大大碗幾抵飲。👉🏻辣肉腸蘑菇pizza即叫即焗嘅pizza真係特別好食，芝士拉絲，配辣肉腸非常滋味，芝麻菜有獨特香味。👉🏻蘋果金寶配雪糕即叫即焗嘅apple crumble，冰火兩重天，好好食。

今日同老公去左呢間Vision 8西餐廳撐枱腳🤗。地點近地鐵站，又近千色，食完飯行街真方便。暖笠笠餐包真係唔錯，有三款包，兩款鬆軟一款脆口，配埋黑松露牛油，好正好開胃。酥炸小食拼盤有雞翼，魷魚圈，炸魚柳同薯條，即炸熱辣辣，最驚喜係炸魚柳，食得到新鮮魚的味道，誇張！雞翼咸道剛剛好，魷魚圈同薯條都炸到金黃香脆，好惹味呢。西班牙海鮮飯，賣相同味道都很出色。海鮮豐富，有帶子，大蝦，蜆肉同青口，飯底還有濃郁蝦湯味道，好食。蘋果木燒西班牙黑毛豬鞍扒，上桌已聞到烤香噗鼻，有煙燻炭燒嘅味道，切落去已經知道肉質好軟身，食落好juicy肥瘦適中，配上老闆推介的芥末籽汁，味道一流。最後緊係壓軸的甜品，心太軟♥️，流心的朱古力醬加雲呢拿雪糕好好食，好滿足。整體來說餐廳環境舒適，食物質素優質性價比高，老闆同職員都好有禮貌，支持小店👍

🩵餐包 & 餐湯欣賞呢到既餐包係熱辣辣，焗得外脆內軟，配埋自家製既牛油，更香口！🩵香煎蟹餅伴沙律配油醋汁蟹餅煎完再焗，外層薄薄既木糠碎包住滿滿既蟹肉，真材實料，一絲絲蟹肉，做得幾出色～🩵蘑菇配意式辣肉腸薄餅 & 煙三文魚千島醬薄餅呢到既食客有3成都係外國人，坐我地隔離枱既外國食客好熱情，仲話share大家既pizza，可以試曬2種味🤣 Pizza皮超薄，少少似餅乾既口感，幾脆口😆🩵蘋果木燒西班牙黑毛豬鞍扒配紅酒汁豬鞍扒好軟淋，唔洗點汁，肉本身既調味都好夠～

荃灣大街小巷都充滿住平民價又高質嘅餐廳 今次發掘到呢間西餐 入面坐得舒服，menu上又見有啲公仔插畫幾得意，而且人情味滿滿！見老闆同大部分客人有講有笑！😙lunchset $98起包餐湯🌽//沙律配意式油醋汁＆餐包必須大力讚賞佢哋嘅包 新鮮烘起仲要好好食應該係軟包（？）店員見我哋掛住影相仲細心提我哋趁熱食烤安格斯西冷配 芥末籽汁 $148鍾意吃肉！呢份肉扒肯定滿足到你🥩配菜除了薯菜外還可以選意粉白飯～選擇了medium rare ，切開裡面仍然是紅色的.ᐟ蔬菜調味掌控得很好🥕🥦🥔upgrade 特飲+$10榛子咖啡☕️一出場，就已經吸引到我！濃郁嘅咖啡香配上淡淡榛子味🌰，真係飲落去好滑順，仲有種暖心嘅感覺甜品試咗蘋果金寶，真係驚喜！🍏 金寶(牛油+麵粉+糖混合物)鋪面，蘋果味道鮮甜，配上雪糕一口咬落去係滿滿的幸福感！🍴Vision 8荃灣兆和街34號永安樓地舖

餐廳採用灰色水泥牆為主環境舒適 設計簡約帶點格調餐枱面積唔大 每次只可放一碟😂店員會留意用餐進度逐一上菜見到推廣黑毛豬鞍優惠價只需$80超抵食🫢但今次就想試餐牌上的廚師推介👨🏻‍🍳🤭餐包🍞有3款唔同口感的麵包，有軟有脆口，搽上黑松露牛油一齊食好香好好味巴馬火腿凱撒沙律🥗好足料用上5大片巴馬火腿🥓充滿鹹香味，加上大大塊芝士片味道濃郁及香脆麵包粒，大量清新爽脆的沙律菜🥗，配上凱撒醬汁風味十足，作為前菜令人胃口大開又健康😋西班牙海鮮飯🍛擺盤有心思❤️，舖滿6隻青口🦪，6隻蜆，帶子及大蝦🦐，海鮮份量足料，香煎帶子及蝦入口鮮甜爽彈，蜆肉鮮甜無沙，米飯粒粒分明，加入肉粒，洋蔥粒及青椒粒，食到番茄味酸酸地幾開胃😋烤咸豬手配酸椰菜🍖上菜時店員比我影完相之後先將豬手切成9件好貼心🤣，好大隻咸豬手🍖烤到皮脆肉嫩，啖啖肉得來唔算太肥，酸椰菜混入肉碎，提升口感層次豐富，有黑醋汁沙律菜🥗伴碟，食完豬手再食酸椰菜即時解膩，如果識飲酒的朋友仔配返杯酒一齊食簡直一流👍😆

眾所周知，荃灣有很多美食可供選擇。這家餐廳的裝潢簡約，採用工業風格。臨近節日，餐廳已掛上了滿滿的聖誕裝飾🎄氣氛相當之好✨在食物方面，每一道菜品都十分出色，從餐湯到主菜，都能感受到廚師對食材的用心🥓🥩。餐包配黑松露牛油醬🧈小編十分之喜歡脆多士，配上黑松露醬，香氣撲鼻。餐湯 🍲薯蓉忌廉湯，味道濃郁，裡面還有細小的煎香煙肉 🥓，既能暖胃，又十分可口！🍎蘋果木燒西班牙黑毛豬鞍扒原價 $268，現在餐廳活動三折，僅需 $80，性價比非常高。豬鞍扒燒得金黃誘人，配有薯蓉🥔和紅蘿蔔🥕，配上菇菌汁，口感一流。黑松露薯條🍟薯條的粗細介於粗薯條與幼薯條之間，薯仔的味道香濃，香脆度適中，不會過於硬脆。以黑松露調味，將簡單的薯條提升至另一個層次，散發出黑松露的芳香🥰。主菜香煎比目魚搭配菠菜忌廉汁天使面。比目魚🐟外脆內嫩，與菠菜忌廉汁搭配，口感順滑，令人欲罷不能。天使面的爽彈與醬汁的融合，為整道菜增添了層次，是我最喜愛的主菜❣️#荃灣美食 #平民美食 #平民西餐 #西餐廳 #埾誕快樂

之前試過既Vision 8覺得佢地係荃灣開小店黎講幾高質,連住開大西北嘅同事都同我講有機會到荃灣都想食下😂今次點左三款菜式:✅香煎帶子配牛肝菌意大利麵✅巴馬火腿凱撤沙律✅蘋果木燒西班行黑毛豬鞍扒:食落口有淡淡既燻香味~過左一年幾再食,水準都仲Keep到!!另外,有朋友推薦我下次要試埋佢地既威靈頓牛扒~🥩另外佢地都有套餐同生蠔🤭幾岩一大班朋友黎叫埋Share黎食~以宜家餐廳早收既狀態8點黎到都仲有一半場坐滿客人都算幾受歡迎🤭

自從上次發掘佐荃灣呢間西餐之後，念念不忘，美食質素、環境、燈光音樂都超出期待。今次提前book位，再來多次。☝️送嘅餐包，超好食，三款都唔同，有鬆脆口感嘅、有外脆內軟嘅，搭配靈魂醬料「黑松露黃油🧈」，連送嘅餐包都可以做到咁高質！膠原蛋白爆燈嘅烤鹹豬手，仲可以幫我地切開好入口，夠曬窩心☺️豬皮烤到好脆，入面嘅肉膠質飽滿嫩滑，今晚最佳。肉桂風味嘅焗蘋果➕雲呢啦雪糕球，二選一甜品，上次來試佐另一款心太軟，今次試呢個焗蘋果再次驚喜。肉桂味同蘋果好夾，加埋面頭嘅曲奇，口感同味道好豐富。

今晚到荃灣意大利餐廳，好想食威靈頓牛柳，先點西湯意大利麵田園雜菜湯先點田園雜菜湯，好多蔬菜，還配有各款麵包加松露牛油，麵包特別好味道香煎帶子牛肝菌配意大利麵🍝好creamy 嘅意大利麵好多汁，還有牛肝菌加大大隻帶子，煎香帶子外面脆香，入面好爽口威靈頓牛柳選擇5成熟牛柳，美味威靈頓牛柳，配磨菇餡料，再在外面有一層層酥皮，做得好鬆脆，牛柳肉質軟淋又juicy 6:00pm 後二人食還可以用優惠價3折 $80享用

對荃灣區餐廳嘅認知除咗米線同甜品咖啡外其他一概為零Gym後一個人食可以話係極隨意喺地鐵站附近揾間西餐廳据塊扒補充最優質嘅蛋白質小店唔算話好顯眼外貌就係一間普通嘅居民小店環境乾淨座位都算舒適午餐價錢幾經濟選擇亦多元化有意大利粉、risotto、豬扒同牛扒等五個選擇另外仲有午市特惠小食可追加！優質蛋白揀咗個西冷牛扒叫五成熟火候控制得宜肉質幾好唔會un 同鞋Set lunch 包湯/沙律而塊扒On side 亦有少少蔬菜拌碟再加多個芝麻雞翼兩隻都焗得幾香口整體唔錯CP值高，幾滿意！

今日同朋友約左荃灣食飯，朋友話想食西餐，我就即刻諗到呢間❤️，Encore餐廳🍴是日餐包精髓係個醬🤩，充滿黑松露香是日餐湯蕃茄味極度濃郁🤣，鮮甜酸爽，好開胃廚師精選👍🏻烤紐西蘭羊仔架 羊架羊味好濃厚😍，一咬入口好有驚喜🤩，肉質勁軟嫩，超級好食😋，配菜薯仔片都好好食煙三文魚千島醬薄餅🍕薄餅餅底好薄脆，上面既千島醬好juicy，煙三文魚大大塊，口感嫩滑，味道鮮香，火箭菜嘅獨有香氣令成個Pizza味道都更加有層次最後當然要叫個甜品做收尾❤️，次次都會叫呢個😏心太軟 配 雲呢拿雪糕心太軟外皮脆身，搵匙羹一拮入去，濃郁既朱古力就好似熔岩咁傾瀉出黎，朱古力味勁濃郁，配埋雲呢拿雪糕，完美ending

Vision 8荃灣兆和街34號永安樓地舖回頭指數：⭐️⭐️⭐️食物質素：🌮🌮🌮服務質素：☺️☺️☺️消費指數：💰💰（TTL $788，人均消費$394）環境質素：☘️☘️☘️隱世西餐在荃灣，冇諗過餐廳設計十分簡約，但平日未到7點，就坐滿哂人，而且食物款式多籮籮。。是日餐湯 ($55/位 )係周打海鮮湯，鮮味十足。湯質感順滑creamy，而好足料，有蜆、番茄粒、洋蔥粒和香草等等，口感有層次。。黑松露威靈頓牛柳 ($368)此终製作需時，所以都等左一段時間威靈頓牛柳先尼😗威靈頓牛柳將牛肉、黑松露和酥皮結合，好獨特既風味。外層酥皮烤到金黃色，而口感酥脆，同裹面柔嫩既牛肉大成對比。。西班牙海鮮飯 ($238)超級超級多海鮮係表面，而飯吸收哂海鮮既鮮味和湯汁，煮得剛好熟透又唔會太硬，保持左柔嫩既口感，所以每一啖都充滿驚喜。同類餐廳 #cocofood_意大利菜同區餐廳 #cocofood_荃灣如果你鍾意我既分享，按右上角🔔，就可以睇到我所有既 update

📍 Vision8-荃灣聖誕節當然要食一隻豬手嚟慶祝！經朋友介紹就嚟到呢一間荃灣地舖🥢以西餐地舖嘅質素嚟講，都算係高質👍連最頭盤嘅餐包都比黑松露醬！忌廉湯亦都好cream🥄✨烤鹹豬手配酸椰菜豬皮咬落咔嚓咔嚓好鬆脆，唔會過硬，豬手肥瘦適中，補充下豐富嘅骨膠原，鹹香岩岩好，彈牙嫩滑，配埋酸椰菜，剛好可以解除豬手嘅油膩感，一食落去好高質😍✨ 酥炸魷魚圈炸既時間岩岩好 唔會炸到太乾身炸魷魚圈好香脆，沾上甜甜既醬，惹味☺️✨ 鮮菇•蜆•茄醬燴意大利麵已經舖頭嘅意粉最特別既係，材料夠晒新鮮，連個醬汁都係用最新鮮嘅菇類黎整，所以個醬汁好creamy，每條長通粉都沾滿蕃茄既醬料，好滋味，蜆肉好鮮甜又飽滿☺️

平民區荃灣小店高質西餐🫶🏻 朋友推介返工附近呢度有間西餐廳, 係平民區入邊一樣有高質好野食✌🏻收工收得早一開始得1,2榙客, 但好快就差唔多坐滿啦~所以要襯早黎食呀 😼餐前包都好出色✨凱撒沙律(巴馬ham)嘩唔知係咪老闆傻左 🤣d巴馬ham塊塊都勁大塊,好有驚喜鹹度適中、咸香味會有陣陣既餘香配埋芝士真係好夾沙律菜好新鮮, 塊塊都凱撒汁👍🏻有作為一個頭盤好適合~ ✨蘑菇意式辣肉腸薄餅食西餐邊少得食個pizza呢~ 呢度餅底係薄底偏脆, 比既料都比得好足 面頭放左火箭菜中和成個口感辣肉腸好惹味我最鐘意🤪 亦都好夠芝士🌟✨炸咸豬手配酸椰菜🍖豬手拎到出黎店員會係你面前比你睇再拎返入去斬的~切開左一舊舊方便食, 唔洗自己咁狼狽, 呢個位好貼心~ 💯豬皮燒到好香脆,係比廣式燒豬既豬皮更酥脆, 無肥膩既豬皮口感啖啖醃製左既肉香👍🏻✨apple crumble with vanilla ice cream 我相信係即叫即整嫁~ 煮過既蘋果好香玉桂味 金寶粒粒好香 好脆, 食既時候仲係暖暖地, 好岩天氣凍凍地既時候食~😚配埋新鮮生果粒, 同好香雲呢拿味雪糕🤩

這家位於荃灣兆和街的西餐廳，原來味道很不錯。忌廉南瓜湯伴餐包湯底濃郁香滑，南瓜的甜味完美融入其中，搭配鬆軟的餐包，絕對是美妙的開始。酥炸芝麻雞翼雞翼外脆內嫩，芝麻香味四溢，好食。香煎比目魚配菠菜忌廉汁和天使麵比目魚煎得恰到好處，嫩滑的魚肉配上香濃的菠菜忌廉汁，再加上細緻的天使麵，讓人一試難忘。烤鹹豬手配酸椰菜豬手外皮酥脆，肉質鮮嫩多汁，配上酸椰菜的酸爽，喜歡吃豬手的人不容錯過。