之前係香港餐廳周book左一間想食好耐既餐廳 - 松露館，果然餐廳既設計+完整既海景+食物既質素，超出左我既想像，呢間餐廳係一個約會好地方之一😍👍🏻👫 。Dinner Set (Discount Price$498, Original$588) 頭盤 + 湯 + 主菜 + 甜品 Starter 頭盤 - 松露凱撒沙律 - 松露牛肉韃靼 (+$48) 牛肉雖然生，但完全無腥味，而且牛味夠重又夠爽滑，再配埋松露片一齊食，味道更加近上一層樓。 Soup 湯 - 松露牛肝菌濃湯 - 松露龍蝦濃湯 (+$38) 兩個湯都十分濃郁，係表面聞都好吸引😍龍蝦湯鮮味十足，而且好滑身; 牛肝菌湯俾龍蝦湯更加濃味，而且當中有少少牛肝菌碎，唔止有口感，更加有少少木味。 Main 主菜 可以見到侍應即時係面前刨黑松露到主菜，完全有齊視覺同味覺既享受 - 松露香烤三黃雞 冇諗過係原隻雞髀上🙈唔單止好大隻，而且雞皮外脆內既肉質好嫩滑，食起嚟有淡淡的雞油香，而配合埋松露一齊食，可以中和返油膩既感覺。 - 松露香烤澳洲M6和牛西冷 (+$98) 目標要五成熟，餐廳唔止做到之外，亦可以見到和牛西冷外圍，完全有脂肪包住中間既肉，食起嚟幾嫩口，而且表面有炭燒味，有入口即溶既感覺。 Dessert 甜品 - 檸檬芝士撻 唔只有焦糖醬汁，更加係檸檬芝士撻表面有燒左焦糖面，食起嚟好甜好香，完全唔酸。 Drinks House Wine (+$98/2 glasses) 回頭指數: ⭐️⭐️⭐️⭐️ 食物質素: 🌮🌮🌮🌮 服務質素: ☺️☺️☺️☺️ 消費指數: 💰💰💰(TTL $1405.8，人均消費$702.9) 環境質素: ☘️☘️☘️🍀 * 松藝館 (尖沙咀) 尖沙咀廣東道3-27號海港城海運大廈3樓OTE303號舖 同類餐廳 #cocofood_french 同區餐廳 #cocofood_尖沙咀 如果你鍾意我既分享，按右上角🔔，就可以睇到我所有既update

Weekend難得終於唔使返工，緊係約姊妹飲個早茶傾傾近況。餐廳主打潮州菜，室內設計有舒服家既感覺，而且有個好精緻既Bar係門口旁邊，唔飲茶，去飲杯酒都得👍🏻 。茶位 (HK$38/位) 有5款茶款可以選擇(鴨屎香單叢茶、陳皮普洱、精選胎菊、西瑚龍井、瑰荔堂皇) 而我揀左瑰荔堂皇，因為比較少見，而味係甜甜甘甘，幾易入口。 。普寧炸豆腐 ($108) 皮好薄，一啲都唔油膩，而且豆腐好滑身。 。沙嗲和牛崧煎腸粉 ($68) 好香既腸粉配埋旁邊既汁，一個好好既開胃菜。 。筍尖蝦餃皇 ($78) 原隻蝦係蝦餃裹面，皮薄餡靚。 。笑口叉燒包 ($68) 相比起平時酒樓既叉燒包，呢個甜少少，而且包好 。潮州粉粿($48) 正常發揮 。松露野菌晶瑩餃 ($78) 呢個黑松露味好夠，餡料好多，味道唔錯 。濃湯浸時蔬 ($88) 白菜仔完全掛住淡淡既濃湯，食起嚟可以消減左飽滯 。燕麥一口薯 ($68) 呢款中式甜品好少見，而我係第一次食 外面佈滿左燕麥碎片+糖粉，而裏面係紫薯，食起嚟幾有咬口，而味道甜甜地，十分唔錯 回頭指數: ⭐️⭐️⭐️ 食物質素: 🌮🌮🌮 服務質素: ☺️☺️☺️ 消費指數: 💰💰(TTL $748，人均消費$374) 環境質素: ☘️☘️☘️ * 潮藝館 (尖沙咀) 尖沙咀彌敦道63號iSQUARE國際廣場6樓602號舖 同類餐廳 #cocofood_潮州菜 同區餐廳 #cocofood_尖沙咀 如果你鍾意我既分享，按右上角🔔，就可以睇到我所有既update

經過中環見到有個$298既tea set，而平時其他high tea set價錢更加貴，決定同妹妹即興chill chill + girls talk 👩🏼‍🤝‍👩🏽 餐廳有室外&室內，室內設計好有空間感，而且感覺好舒服。牆上面仲會project住pop song music，既放鬆又可以慢慢享受住咁傾計。最surprised 係tea set既價錢包埋飲品，平時其他餐廳都要額外加錢，唔錯唔錯👍🏻 。下午茶Tea Set ($298/2人 or $158/1人) 咸點+甜點+飲品 第一層 ~咸點 日本三文魚籽撻 👉🏻 口感豐富，而且三文魚子好新鮮彈牙 澳洲M8和牛他他 👉🏻烘底多士配和牛他他，完全唔腥，而且牛味幾重 日式照燒雞三文治 👉🏻中間夾住唔少葱，食起嚟好香 第二層~咸點 巴馬火腿配艾曼塔芝士 油漬車厘茄配巴馬臣芝士 香豬肉串 👉🏻味道較辣，但食起嚟幾香 最底嗰層~甜品 馬卡龍 👉🏻 係Raspberry & Caramel，水準幾高 鮮果芝士撻 👉🏻 士多啤梨好甜，而且撻既吉士味好夠 拿破崙 👉🏻 芒果肉好甜，而拿破崙每層食起嚟都好脆 朱古力蛋糕 👉🏻 好重朱古力味既Brownie Drinks Breakfast tea Latte 回頭指數: ⭐️⭐️⭐️⭐️ 食物質素: 🌮🌮🌮🌮 服務質素: ☺️☺️☺️☺️ 消費指數: 💰💰(TTL $327.8，人均消費$163.9) 環境質素: ☘️☘️☘️ * 紅館 (中環) 中環干諾道中50號地下B號舖 同類餐廳 #cocofood_hightea 同區餐廳 #cocofood_中環 如果你鍾意我既分享，按右上角🔔，就可以睇到我所有既update

經過長沙灣，見到一個特色波希米亞嘅餐廳，就即刻吸引左我入去😍一入門口，已經有個好靚既打咭位，而且座位都闊落，overall餐廳感覺幾舒服，一班人尼就最正了。 。三重特濃芝士火煱 (HK$188) 係餐廳其中一個廚師推介，凍凍地嘅天氣食呢個最適合👍🏻 裏面有豬肉、蝦、薯菜&麵包，豬肉好淋身，口感有少少似豬手，而芝士好香，點起嚟味道都幾creamy。 。白酒百里香醉香牛油澳洲新鮮藍青口配蒜香包 (HK$158) 青口完全充滿哂白酒&牛油味，而且一D都唔油膩，而旁邊既蒜蓉包真係不得了😍唔單止脆口，而且蒜味好夠，浸落青口既汁裹面食更加正。 。香濃蟹膏新鮮手捲意大利麵配香焗明太子手拆蟹肉 (HK$218) 係每日限量供應，而係餐廳highly recommend 第一次食手捲意麵，口感好特別🙈感覺似厚身既義大利雲吞皮捲成，食落幾有咬牙，而且意粉幾掛汁。 最欣賞係上面裝滿蟹肉嘅蟹殼，上面有層薄薄嘅芝士鋪住一齊焗，芝士完全深入蟹肉，芝士味道微甜，而蟹肉就充滿鮮味。 回頭指數: ⭐️⭐️⭐️ 食物質素: 🌮🌮🌮 服務質素: ☺️☺️☺️ 消費指數: 💰💰💰(TTL $620.4，人均消費$310.2) 環境質素: ☘️☘️☘️ * Boholic (長沙灣) 長沙灣福華街561號君凱豪庭地舖及1樓 同類餐廳 #cocofood_西餐 同區餐廳 #cocofood_長沙灣 如果你鍾意我既分享，按右上角🔔，就可以睇到我所有既update

將軍澳海邊餐廳好多，但想避下人流之下，去左將軍澳市中心附近搵搵野食。我諗呢間餐廳大家都唔陌生，因為區區都有佢既分店，餐廳設計得體，而且好夠空間感，最重要係餐牌有好多食物既選擇。 。UFO 芝士火鍋（無骨) (HK$288) 可以係6款口味(果味醬油蒜香/三重芝士/甜辣/蜜糖/火山/蜜糖蒜香)既無骨炸雞裹面揀2款口味。 再配埋馬蘇里拉芝士、車打芝士和巴馬臣芝混合成既芝士火鍋，芝士味勁香，而且炸雞沾落去，芝士完全掛住炸雞，更加有拉絲效果。 炸雞叫左下面兩隻口味，雞肉大件，而且好嫩滑，真係外脆內軟 蜜糖蒜香 - 好夠蒜香味，而且成件雞肉沾滿哂蜜糖，好甜好滋味 三重芝士 - 係個完全沾滿芝士粉既炸雞，外皮酥脆，非常惹味 。炸醬炒年糕 (HK$145) 係餐自家製鹹甜適中既炸醬，而且裏面有唔少既軟年糕&彈牙魚糕，食炸醬點少得麵🙈麵既份量都好多，而且幾掛汁，同一味道韓國傳統炸醬麵類近 Drinks 。香桃韓式米酒 (HK$150) 酒精濃度有0.7%，冇諗過韓式米酒都會有戰鬥碗咁樣飲🙈 呢個係成Jar咁叫，可以同幾個人一齊share 米酒&香桃互相配合，飲起尼甜甜地，完全冇強烈既米酒味👍🏻 回頭指數: ⭐️⭐️⭐️⭐️ 食物質素: 🌮🌮🌮🌮 服務質素: ☺️☺️☺️ 消費指數: 💰💰(TTL $641.3，人均消費$320.65) 環境質素: ☘️☘️☘️ * Goobne Chicken (天晉匯2) (將軍澳) 將軍澳唐賢街19號天晉匯2 1樓119A號舖 同類餐廳 #cocofood_韓國菜 同區餐廳 #cocofood_將軍澳 如果你鍾意我既分享，按右上角🔔，就可以睇到我所有既update

返工好攰，收工緊係要好好享受下。 行開中環，見到呢間酒吧人頭湧湧，感覺應該唔錯，決定入去試下。原來酒吧日頭係一間咖啡店，夜晚嘅時間就係酒吧，餐廳陳列左好多唔同特色&少見嘅酒出嚟，如果客人有興趣都可以喺到買。 Signature menu嘅Cocktail濃度由上至下漸漸變得更加濃，可以因應自己嘅程度揀適合嘅Cocktail，或者叫Bartender介紹亦得，因為佢哋講解得好詳細，令我即刻揀到自己心儀嘅一杯😍忍唔住飲多幾杯 我recommend ⭐️ 。SALTED LIME HIGHBALL (HK$128) ⭐️⭐️ 係鹹檸七味，上面係一個鹹檸，唔建議食，但如果覺得唔夠味，可以浸落去加強鹹味。Base係由陳皮加Whisky做底，加柑桔Soda，飲落嘅味道都幾獨特，而酒精濃度屬於中高。 。KEUNG SOUR (HK$128) ⭐️ 係最低酒精濃度嘅一杯Cocktail，用咗八珍甜醋+新鮮嘅薑汁，配合埋經典嘅薑糖一齊飲，少少嘅辣味，但帶有丁點嘅甜甜酸酸，好醒胃。 。JASMINE DREAM (HK$128) 茉莉花茶+Vodka做底，加左少少Old Tom Gin，飲起嚟甜甜地，但酒精濃度超級高🙈飲兩啖就快暈低咁😂 。WINTER BLAZER (HK$128) ⭐️⭐️ 好少何飲到熱嘅酒🙈呢個係洛神花+酒吧特製嘅蜜糖薑茶，配埋酒釀丸子，一邊飲一邊食浸滿酒嘅小丸子，滋味十足。整體味道少少辣，但甜甜地，飲完成個身好暖。 。DRUNKEN CHICKEN (HK$128) ⭐️⭐️⭐️ 呢個超級特別，完全同我哋喺中餐廳食嘅醉雞 味道一樣，好有酒香，而旁邊嘅青瓜可以當作中和返酒精嘅濃度之外，亦可以當平時點汁咁樣邊食邊飲，第一次飲到咁有特色嘅Cocktail。 。VIETNAM DIRTY (HK$128) ⭐️⭐️⭐️ 呢個超級精彩，製作嘅時候會經過火燒嘅過程，成杯Cocktail更加香。表面係Dark Rum，依個係咖啡嘅dirty底，飲嘅時候記住飲大啖啲，咁先可以酒連咖啡一齊飲，感覺都幾夠咖啡嘅果酸香，值得一試。 回頭指數: ⭐️⭐️⭐️⭐️ 食物質素: 🌮🌮🌮🌮 服務質素: ☺️☺️☺️☺️ 消費指數: 💰💰💰(TTL $844.8，人均消費$422.4) 環境質素: ☘️☘️☘️ * Dio Store (中環) 中環鴨巴甸街8號新中環大廈地舖 同類餐廳 #cocofood_酒吧 同區餐廳 #cocofood_中環 如果你鍾意我既分享，按右上角🔔，就可以睇到我所有既update

食Burger最緊要包要烘底&肉夠juicy同足料。 經過銅鑼灣，發現呢間臥虎藏龍既Burger鋪。餐廳設計有少少似係古堡既感覺，餐牌有好幾款burger選擇，可以因應自己份量要求尼揀Original, Combo & Tasting。 。古代漢堡 Cauldron Burger - Original (HK$119) Burger size都幾大，同平時嘅漢堡包相近，但佢有有特色係溶溶嘅芝士面有阿根廷青汁，味道酸酸地、好開胃 。麵包都有烘底，仲搽滿左牛油& 蛋黃醬，所以食起嚟都幾香脆，而且overall都幾juicy，牛肉都幾夠牛味😍果然唔錯，值得試試。 。超芝士漢堡 Exotica Cheesy Burger - Combo (HK$149) 麵包都係有烘底，仲搽滿左牛油& 蛋黃醬，所以食起嚟一樣香脆。有兩款芝士係牛肉面，溶溶地既狀態不得了😍而且好香好滑。而旁邊係幼身嘅薯條，足夠嘅鹽味，食起嚟都好爽脆。 回頭指數: ⭐️⭐️⭐️⭐️ 食物質素: 🌮🌮🌮🌮 服務質素: ☺️☺️☺️ 消費指數: 💰💰(TTL $294.8，人均消費$147.4) 環境質素: ☘️☘️☘️ * Exotica Gelatea (銅鑼灣) 銅鑼灣霎東街49號地舖 同類餐廳 #cocofood_西餐 同區餐廳 #cocofood_銅鑼灣 如果你鍾意我既分享，按右上角🔔，就可以睇到我所有既update

比利時菜係香港已經唔多見到，仲要係一個既有室內、又有室外而且好好feel既比利時餐廳就更加少之有少😍餐廳簡約嘅設計，但充滿着外國嘅氣息 ~ has its own unique vibe 👍🏻 。Moules Marinieres (HK$260) 係呢間餐廳其中一個signature，而且有好多唔同嘅味道選擇 (有白酒、啤酒、蕃茄汁、冬陰功、辣椒&黑松露煮法)。 我就選擇最簡單嘅白酒煮法，咁先可以試清楚佢哋嘅手勢。青口有大約500g，份量都幾多、幾入味，而且仲有麵包同薯條送作配菜。青口唔洗加任何調味已經夠鮮味，再加埋麵包蘸汁一齊吃，真係滋味無窮。 。Cheesebomb Burger (HK$168) 呢個等候時間有少少耐，但都值得等😍 因為超級適合打卡，而且味道唔錯，鍾意芝士嘅你，切勿錯過！ 因為呢個係一個完全佈滿芝士醬嘅漢堡包，中間嘅牛肉份量都幾多，略為少少鹹，但比芝士醬包圍着，口感好滑，而且帶有少少奶味，將漢堡包嘅味道完全中和返。 。Seafood Fideua (HK$198) 係一個海鮮茄汁飯，其實係由orzo pasta做底，口感煙韌，有少少似risotto，要比較用多少少牙力先食到，但蕃茄汁完完全全佈滿晒喺飯。而且上面放滿咗好多海鮮，有蝦、蜆肉同埋青口，全部都好鮮味彈牙。 Drinks 。Stella (HK$70) 。Hoegaarden (HK$85) 回頭指數: ⭐️⭐️⭐️ 食物質素: 🌮🌮🌮🌮 服務質素: ☺️☺️☺️ 消費指數: 💰💰💰(TTL $859，人均消費$429.5) 環境質素: ☘️☘️☘️ * Belgos (銅鑼灣) 銅鑼灣新寧道1號利園三期地下G11-G15號舖 同類餐廳 #cocofood_比利時菜 同區餐廳 #cocofood_銅鑼灣 如果你鍾意我既分享，按右上角🔔，就可以睇到我所有既update

新年就到，聽好多人都有推介Grand Hyatt既Grissini既食物&氣氛，決定book尼試試，同屋企人提早食一個西式團年飯。🧧 果然名不虛傳，餐廳暗暗既燈光+意式既裝修，再加埋個無敵大海景😍真係好好feel，唔只屋企人好享受，呢到更加適合情侶約會既好地方。 我recommend ⭐️ 。Grissini ⭐️ 餐廳最出名嘅長麵包，即焗即送出，食完之後再可以向職員申請再要👍🏻口感軟綿綿，同傳統嘅意大利麵包棒味道一樣 。24months aged Prosciutto di Parma(HK$180)⭐️ 份量好多，而且每塊火腿肉質都好柔軟，味道唔會太鹹，而且好香嫩 。VITELLO TONNATO (HK$260)⭐️ 小牛肉薄片+吞拿魚醬，食落味道幾濃郁、好香，係一個唔錯嘅前菜 。POLLO PIEMONTESE COTTO IN PENTOLA D’ARGILLA (HK$720) ⭐️⭐️ 呢個係for share，而且每日有限的！！ 超級surprise，廚房一焗好隻雞，侍應就即刻拎出嚟俾我哋睇😍超級大隻、超級香，之後再拎返入廚房炆煮。 再送出嚟嘅時候，已經係一個完整嘅炆雞，裏面有唔少嘅薯仔同埋菇，配菜全部都好淋身、好入味; 而全隻雞焗到金黃色，本身好怕雞肉好乾身，但冇諗到佢食起嚟完全好嫩滑，同旁邊嘅汁係一個好好嘅配搭。 。BOTTONI DI BUFALA (HK$260)⭐️ 充滿芝士餡嘅意大利雲吞，皮薄餡靚，而且旁邊有少少薄荷汁配合埋，食起嚟好清新，一啲漏嘅感覺都冇。 。SPAGHETTI ALL' ASTICE (HK$390) 唔好以為係普通嘅茄汁意粉，其實上面放左Atlantic龍蝦，茄味好夠，而且意粉煮得好彈牙。 Dessert 。TIRAMISÙ ALL’AMARETTO (HK$120)⭐️ 呢度嘅signature之一，侍應即時係面前拎左一大匙落碟，完全唔吝嗇，Tiramisu好香好滑，而且幾夠咖啡味。 Drinks 。L’APERITIVO (HK$140) 有Homemade balsamic vinegar ，飲起嚟少少提子汁嘅感覺 。LIMONATA SICILIANA SALATA (HK$110) NON-ALCOHOLIC ，甜甜酸酸嘅，幾清新 。CREMA LIQOURE ALLE MANDORLE (HK$110) NON-ALCOHOLIC ，幾有桃味，都好清新 回頭指數: ⭐️⭐️⭐️⭐️ 食物質素: 🌮🌮🌮🌮 服務質素: ☺️☺️☺️☺️ 消費指數: 💰💰💰(TTL $2519，人均消費$839.7) 環境質素: ☘️☘️☘️🍀 * Grissini 意大利餐廳 (灣仔) 灣仔港灣道1號君悅酒店2樓 同類餐廳 #cocofood_意大利菜 同區餐廳 #cocofood_灣仔 如果你鍾意我既分享，按右上角🔔，就可以睇到我所有既update

餐廳設計好有日本風味，而且全程播住日文歌，即刻好有身處係日本居酒屋感覺。服務員全部都好friendly，增加咗食野時候嘅享受，更加係食緊嘅過程中，可以睇到職員即時燒海鮮嘅表演😍😍😍即使今日得自己一個嚟食，都完全有齊視覺同聽覺嘅享受，一啲都唔寂寞！ 如果唔想諗叫咩嘢食好，餐牌有齊幾款一、二人餐可以選擇，咁就唔洗煩惱了。 。磯野昼食 C (HK$538) 一人set包含沙律、先付四點、蒸蛋、浜燒海鮮 x 2、主食 x 2、湯 & 甜品，好豐富好飽肚。 。前菜 由沙甸魚製成嘅醬，配合埋青瓜、紅蘿蔔、沙葛條，全程會由蠟燭熱住保暖，味道鹹鹹地配合埋爽口嘅果瓜，食起嚟好醒胃。 。火炙三色沙律 表面有火炙三文魚、左口魚、蝦，海鮮嘅油脂滲入沙律，食起嚟更加香 。先付四點 有三文魚&油甘魚刺身，既厚身又鮮味 。海鮮蒸蛋 表面有蟹籽&魚肉，蒸蛋口感好滑身 。浜燒蘇格蘭蟶子 & 北海道活帆立貝 職員會先拎盆海鮮比客人睇睇，之後會係面前既長枱即時燒海鮮，有用清酒 or 黑松露先煮一煮，等海鮮入味之後再燒。 蟶子食起爽口彈牙; 而帆立貝就完全滲入清酒，裙邊好爽口，而帆立貝肉好淋身，同一個海鮮有唔同嘅口感。 。塩燒美國牛小排 & 香煎日式野菜 牛小排大約五成熟，肉質仲係好粉嫩，而且外脆內軟，食起嚟仲好夠牛味，好夠油脂，一啲都唔鞋口。而旁邊嘅野菜，全部都煎香左，甜甜地完全唔油膩。 。松葉蟹丼 呢個不得了😍😍😍唔止蟹膏好多，松葉蟹鉗裏面嘅蟹肉好鮮甜，成個飯食起甘香濃郁，好想encore多一碗！ 。海鮮味噌湯 海鮮份量好夠(有蜆&蝦)，令味噌湯變得更鮮味 。雪糕蛋捲 有香蕉朱古力&巨峰提子口味，完全好似食緊日本當地嘅手信咁😍 回頭指數: ⭐️⭐️⭐️⭐️ 食物質素: 🌮🌮🌮🌮 服務質素: ☺️☺️☺️☺️ 消費指數: 💰💰💰(TTL $591.8，人均消費$591.8) 環境質素: ☘️☘️☘️ * 磯野水產 (銅鑼灣) 銅鑼灣軒尼詩道525號澳門逸園中心19樓 同類餐廳 #cocofood_日本菜 同區餐廳 #cocofood_銅鑼灣 如果你鍾意我既分享，按右上角🔔，就可以睇到我所有既update