Vision 8

營業中

休息中

雖然呢間西餐主打意大利菜但居然比佢個鹹豬手surprised到 🥹呢味德國名菜最忌太鹹 / overcooked導致皮太硬 / 焗得太乾身（下刪一百字⋯）但呢到既🍖焗得超酥脆 食落有咔滋卡滋聲入面仲係又嫩又juicy 💦 唔死咸之餘 仲有超開胃既酸椰菜平衡油膩感切開都有8-9 pcs 性價比幾高 值得encore 🤤(侍應好貼心地先原隻上菜 比你相機食先 然後再請廚房切開😆)-另外仲叫左garden salad 🥗 同牛肝菌帶子意粉 🍄‍🟫沙律有無花果 + 🥑 + 車厘茄 + 自家製蜜糖柚子醋 🍯 全部食材新鮮好味又開胃 🌿 意粉方面牛肝菌味超濃郁 3粒帶子煎完仲係大大粒 完全無欺場 不過意粉太熟 唔係al dente口感 扣左少少分 🤏🏼-從好多小細節都感受到餐廳有心做無論係食材 環境佈置 定員工態度有heart小店值得大家多多支持 🙌🏻未食就記得影 // #相機有得食先⚡️

琴晚同朋友去左荃灣呢間義大利餐廳食晚餐，餐廳環境舒適，座位闊落，坐得舒服。食物亦都好水準。烤紐西蘭羊仔架羊肉嫩得嚟唔羶，表面煎得微焦，內裡肉質嫩滑juicy，拌碟仲有蒜香芝士薯蓉同椰菜仔。煙三文魚千島薄餅餅底薄脆，煙三文魚份量足，不過芝士拉絲效果滿分，仲有芝麻葉可以解膩。是日餐湯（羅宋湯）、餐包配黑松露牛油普通穩陣款，酸度適中，有足料，好多蔬菜粒同火腿粒。餐包有烘熱，脆脆地配埋黑松露牛油食，好味😋酥炸芝麻雞翼即炸超香脆！雞翼外層灑滿芝麻增加香氣，咬開肉汁keep到，4件唔夠喉。必點小食！ 羊架同雞翼都出色，想食海鮮之外嘅好選擇，可以試吓！

呢間餐廳真係好正，食物同服務都一流！鮮菇蜆茄醬燴意大利麵，醬汁濃郁，菇香四溢，蜆肉鮮甜，意大利麵又 al dente，食落去超滿足！再嚟個 V8田園沙律，色彩繽紛，搭配新鮮蔬菜，清新又爽口，真係好適合夏天。蘋果木燒西班牙黑毛豬鞍扒，肉質嫩滑，燒得恰到好處，帶有淡淡煙燻味，食得一口接一口。而法國生蠔（Le Petits 和 Lambert）無得輸，鮮甜多汁，搭埋檸檬汁，簡直係享受。隔籬枱對情侶應該都係常客，佢哋不停講上次食啲乜嘢好好食 。感覺好有趣。

一行兩人，嗌咗一個白酒忌廉煮藍青口配薄餅，比目魚忌廉菠菜天使麵同埋蘋果木燒豬鞍。餐包配黑松露牛油，麵包鬆軟，黑松露好香，非常好食。青口一般，有少少雪藏味同埋肉質好削，略嫌忌廉太重手，遮蓋咗湯底海鮮嘅味道。比目魚冇乜味道，但煎得幾好。天使麵有少少Overcooked。餐廳做緊優惠，豬鞍只係賣$80，好抵食，但係我哋由入座起計足足等咗成個鐘個豬鞍先至上菜。隔籬枱明明遲過我哋入座但係佢哋個豬鞍嚟先過我哋🤔整體嚟講呢間餐廳唔錯嘅，職員態度都好好。不過食完之後冇乜記憶點去令我想返轉頭再食多次。

🎀荃灣。拍拖約會一流浪漫小店西餐🎀🪄店名* #Vision8🔮地址* 荃灣兆和街34號永安樓地舖🔮🗾分店地區🗾 沒有分店💰價錢$451 已加一 (2人)➖➖➖➖➖➖➖➖➖➖➖➖➖想睇更多同區推介🗾👉地區搜尋🔍🗾#pickyme_荃灣剩系食呢一類👉食物類型搜尋🔍🍜#pickyme_西餐➖➖➖➖➖➖➖➖➖➖➖➖➖🎵餐廳環境🎵餐廳藏身荃灣街角，沉穩藍色門面配復古百葉窗，在鬧市中格外搶眼💙店內走工業風混搭溫馨感，深木紋地板映襯灰黑牆身，黃燈泡下掛滿手寫餐牌與懷舊車牌更有貼滿客人笑臉的「回憶牆」半開放水吧飄來料理香氣 空間小巧但人情味濃，晚市常座無虛席，建議提早到場或留座！ 🍽️食物質素🍽️ 主打手工意式料理，招牌自家製現擀薄脆Pizza、濃郁海鮮意粉水準穩定現在還有三折優惠的而，$80豬鞍扒 厚切多汁CP值爆高🥩！所有擺盤都很好看，生蠔拼盤配香檳慶祝一流，生日更免切餅費。份量慷慨適合分享，人均$200享高質西餐，很適合約會慶祝節日這個價位在荃灣很難找不到第二間性價比更高的西餐廳👀評分💖💖💖💖💖🪄是日餐湯+蒜蓉包$42@1驚艷度爆錶！比目魚煎到金黃脆皮「咔嚓」作響，魚肉嫩滑到筷子一夾即散🐟。菠菜忌

餐包配黑松露牛油黑松露牛油質感綿滑，夾喺微暖嘅餐包上，牛油半融嘅感覺好治癒，仲凸顯咗黑松露嘅濃郁香氣。炸有皮粗薯條配黑松露醬新鮮炸出，外脆內軟，仲帶有少少薯仔皮嘅香味。灑咗唔少黑松露醬喺面，每條薯條都掛滿醬，黑松露沙律醬微酸又香濃，配埋特別調製過嘅茄汁，一啖落去層次感即刻提升。香煎比目魚配菠菜忌廉汁燴天使麵比目魚煎得外層焦香脆口，但內裡嘅魚肉仲保持嫩滑，每一口都充滿鮮味。配埋菠菜忌廉汁嘅天使麵，濃郁但唔膩，麵條吸晒忌廉汁嘅香味。蘋果木燒西班牙黑毛豬鞍扒近排做緊優惠淨係$80，豬鞍扒厚身又充滿肉汁，燒好之後仲帶有淡淡嘅蘋果木煙熏香。豬扒肉質細嫩，完全唔會乾柴，仲只係$80，性價比高到冇得輸。餐飲朱古力呢杯朱古力同坊間普通朱古力飲品完全唔同，入口係濃郁嘅可可甘香，無甜膩感。

中size 餐廳 ～十多張枱環境舒服😌店員仲好nice一入去就有免費嘅前菜，軟包熱辣辣鬆軟得嚟仲配有黑松露醬，味道出色！🥖✨主菜方面西班牙海鮮飯$238裡面有青口、蝦、帶子同蜆，幾新鮮飯粒吸收咗鮮味，口感軟軟！🍚🦐烤咸豬手配酸椰菜$258外皮脆脆，肉質夠軟熟帶有適中的鹹香，酸椰菜又酸又開胃🥓🥬法國生蠔Le Petits Special Lambert$62隻仲有Buy 3 get 1 free嘅優惠，完全唔腥，口感滑溜，超推介！🦪💕

「田園雜菜湯」「鮮菇•蜆•茄醬燴意大利麵」「炸有皮粗薯條配黑松露菌醬」「烤咸豬手配酸椰菜」🤯——成年人唔使揀，我全部都要！雜菜湯濃稠鮮甜，好似飲緊大自然精華🧃；意大利麵掛滿茄醬，鮮菇蜆肉鮮到眉毛飛走。粗薯條外脆內軟，黑松露醬直接將佢昇華成高級貨😋！烤咸豬手表皮金黃酥脆，肉汁滿瀉，配埋解膩酸椰菜，根本停唔到口！🫶🏻食完呢餐，捧住個圓碌碌嘅肚出門🚪Vision 8 (荃灣)荃灣兆和街34號永安樓地舖

今次係第二次到訪，特登帶個朋友過嚟再食佢嘅威靈頓牛扒，店員好有禮貌又熱情招呼，值得一讚。餐湯麵包餐湯似係蕃茄湯，飲落比較creamy。配既麵包熱辣辣既，佢嘅黑松露牛油真係好正，好香黑松露味，我揸左勁多，好邪惡。西班牙風乾火腿薄餅佢係薄脆既餅底，鋪滿左好鹹香既西班牙火腿，應該係巴馬火腿，中間似係有啲芝士同醬汁，上面仲有好多新鮮嘅火箭菜，餡料口感好夾，記得趁熱食。威靈頓牛扒呢個真係推介，個酥皮好香脆，入邊包咗好多蘑菇醬，入邊嘅牛柳都好軟嫩，又唔會煮得太熟，成個口感非常好，必食推介。

餐廳喺千色店附近，地鐵站行幾分鐘就到，冇諗過大街小巷都有咁高質嘅西餐廳，價錢合理，餐廳面積唔大，但係座位坐得舒服，六點倒去到餐廳，餐廳已經坐咗幾台人威靈頓牛扒🥩呢個係心思菜，唔係好多餐廳有得食，外面包住酥皮，裏面係五成熟嘅牛扒，牛好有香味，外面包住黑松露醬，酥皮好香脆，一齊食好有口感，半碟仲有芝士薯蓉同椰菜仔，可以解牛扒嘅油膩帶子意大利粉帶子好大粒，奶油汁好Creamy，意大利粉處理得好好，食到舔舔脷多士配青口青口好新鮮，啲汁好惹味，配埋多士，好味

經過附近又再嚟做下回頭客，其實早兩個月都同朋友嚟過，不過當時唔記得咗影相，而計埋之前嗰兩次，呢一間餐廳嘅食物質素真係一如以往嘅好今次我哋就食咗個 #香煎蟹餅伴沙律配油醋汁 ，我本身係因為好鍾意食蟹嘅人，所以見到今次有新Menu立即叫咗呢個嚟試吓，佢嘅蟹肉真係不得了，完全啖啖肉，一啲殼都冇，令我哋真係食到好滿足Pizza 方面我哋就再翻撻咗 #煙三文魚配千島醬薄餅 ，因為真係大件夾抵食，而當然佢個味道係冇得輸，啲芝士仲要可以拉絲，正呀🤤而主菜方面我哋就叫咗 #烤美國極佳級肩胛牛扒 ，今次就簡咗最大路嘅黑椒汁，首先個擺盤係冇得輸，而當中嘅菜同蘿蔔都好甜，睇得出本身嘅蔬菜係好高質素，而主角牛扒都唔執輸，肉質軟淋得嚟又有牛味，食呢碟菜真係一種享受❤️以小店嚟講呢一間真係好高質，地址又近地鐵站，如果大家過嚟荃灣你都去試吓❤️❤️

次次經過都以為呢間餐廳只係酒吧，今日咁啱見到佢嘅Menu，原來除咗飲酒之外佢都有嘢食嘅，咁就同朋友嚟試吓啦。呢度嘅食物種類唔係太多，但係見到好多人都食緊，而且賣相比較精緻，非常吸引。我哋就叫咗呢個煙三文魚凱撒沙律，估唔到佢嘅賣相咁大，煙三文魚都有好多塊，食落好適合夏天，因為唔會調味太重，生菜亦都好開胃。今日呢個安排做緊優惠，非常平嘅價錢可以食到$1好大嘅豬扒，而且仲係用蘋果木燒嘅黑毛豬安扒。一上枱已經好有驚喜，因為好大塊，而且佢嘅豬食落唔會硬，烹調自己啱啱好，而且調味都好出色，好適合夏天食嘅味道。因為朋友仲未食飯，所以我哋就叫多咗個西班牙海鮮飯，又係好多材料，好多唔同嘅海鮮食落都好新鮮，我最鍾意呢個大蝦，因為好大隻之餘同個飯都好夾。呢間餐廳原來除咗飲酒之外仲有咁多嘢食，非常推薦大家朋友聚會或者直接嚟飲酒約會呀。

荃灣不嬲多餐廳，今日嚟到一間小店食西餐本身都係隨便搵，見佢有非常多好評果然質素真係唔錯😆首先一嚟係免費餐包🍞餐包配左黑松露牛油 好味好味😋❣️V8田園沙律 （$138）本身覺得138一兜沙律都幾貴但上到枱就發覺其實份量質素都起返到沙律菜好新鮮，沙律菜都唔係普通嘅生菜仲有落咗大量牛油果、無花果同蕃茄仔簡單以醋調味，開胃又健康🩷❣️椰菜花龍蝦汁燴意大利飯 （$258）呢個意大利飯都好好味😍首先佢個汁好濃郁有龍蝦味亦都有芝士 但又唔會好滯😙個飯仲可以拉絲仲有一大嚿龍蝦肉😍😍❣️蘋果木燒西班牙黑毛豬鞍扒 （$80）全晚嘅重頭戲就係呢塊扒！做緊優惠只係$80‼️豬扒勁好味！有燒出嚟嘅木香味，肉質彈牙配埋隔離嘅薯仔洋蔥（餅）都好好食食到有啲牛油香同埋忌廉 個皮仲係脆脆的餐廳推介芥末籽汁，好似仲有紅酒燒肉汁可以選擇～配菜仲係甘筍而唔係紅蘿蔔！全晚餐廳服務非常好，時不時都會幫手斟水食完都唔會俾人趕走，侍應都笑容滿面☺️回頭率：4.5/5

呢晚同朋友一齊嚟咗呢間喺荃灣嘅西餐🍽️餐廳食晚餐🤣有非常鬆軟兼熱熱哋嘅麵包，仲有一小兜黑松露牛油🧈，好食喎🤣$138「凱撒沙律配巴馬火腿」：沙律菜🥗新鮮夠爽脆，撈埋凱撒沙律醬汁就惹味啲啲🤣；仲配有意大利🇮🇹巴馬火腿，Prosciutto 肉質軟熟有啲啲鹹香🤣$188「香煎帶子配牛肝菌忌廉汁燴意大利麵」：帶子煎得幾香口，意大利麵煮得軟腍腍，口味大眾化🤣；牛肝菌忌廉汁 夠 creamy 幾惹味🤣$258「烤鹹豬手配酸椰菜🥬」：鹹豬手皮脆脆哋，鹹豬手肉肉質夠軟熟有啲鹹香🤣；仲有酸椰菜 酸酸哋幾開胃🤣

情人節唔知係邊度過好？我揀咗位於荃灣西餐廳過今年嘅情人節～早幾日已經book咗Vision8!入到去座位舒適闊落～裝修以復古高級感～❤️食物質素都唔錯👍🏻😋推薦俾大家！美食⭐️⭐️⭐️⭐️⭐️🩵烤美國極佳級肩胛牛扒送到上枱牛扒已經切好！擺盤好靚，外層焦香，牛味香濃，帶有微微的炭烤煙燻感。內裡多汁柔嫩，有嚼勁！一定要點埋特製醬野菌汁一齊食，超級惹味👍🏻🤤🩵西班牙風乾火腿薄餅Pizza選用薄脆型義大利餅底，邊緣焦脆，滿滿起司的奶香，與火腿的鹹鮮形成對比！🩵煙三文魚凱撤沙律生菜非常爽脆、三文魚嫩、麵包丁的酥，形成多層咀嚼感。煙燻的深沉、醬汁的鹹鮮、檸檬的酸亮，加上起司的醇厚，複雜卻不衝突。🩵心太軟心太軟配上香草冰淇淋，冷冽的奶香中和巧克力的濃烈，同時融化後形成奶油巧克力醬🤤上桌時散發濃鬱的可可香氣，夾雜微微的奶油烘焙香。外脆內流心，從蛋糕的綿密到熔岩的絲綢感，再到冰淇淋的綿滑👍🏻必點推薦😍