Via Tokyo

營業中

休息中

我仲記得嗰日落雨我哋四個人一齊等位, 好好彩去到嗰陣我哋係第一個排隊, 加上夏天又熱又濕濕粒粒好想食雪糕… 我哋等多10分鐘到, 點知開門有個金色頭髮嘅男仔叫我哋分開枱座。。 我哋問返佢嗰兩張枱係咪隔離㗎？係都唔緊要啦！點知佢同我哋講因為太多人呀，嗰兩張枱要瞓到好開😮‍💨 你唔想做生意就早啲同我哋講啦！等咗一陣，你明知我哋四位，你而家先講？！都算啦我哋再等！之後就例牌叫咗啲甜品咁啦。。。點知食到一半有個年紀大少少嘅姐姐係咁行過嚟我哋張枱度！我哋都諗緊究竟佢望乜，原來係咁望我哋食晒啲雪糕未，好想收我哋啲嘢食！佢望左三次，佢忍唔住終於開聲問我哋食晒未？喂大佬呀你都見到我哋未食完喇！你仲問咩啫？你問咗係咪代表我哋要快啲食咗佢？完全冇禮貌囉！成間舖頭都搞唔掂囉！加上你哋啲雪糕又唔係特別好食，我哋係唔會再幫襯！簡直係貼錢買難受！就算你哋啲雪糕再好食都好，咁嘅服務態度實在太趕客！

外賣自取抹茶芝士蛋糕,店員沖完其他客人飲品後直接用一直帶著的手套徒手將蛋糕拿起放入外賣紙盒中間眼見帶著那對手套已接觸很多地方隨後要求換過一件 他們才利用廚具砌另一件

今日下午路經，見到店內好多位，入去叫咗個套餐，好食抵食。所以就買兩件抹茶蛋糕外賣返屋企食，見到店員帶着對藍色工作手套，隨即用手攞起件蛋糕放入盒包裝俾我，佢帶住對手套工作，接觸過其他碗碟及物品，然後再攞蛋糕俾我，我覺得好唔衛生，係咪應該用個鉗夾蛋糕會衛生啲！

銅鑼灣Via Tokyo有個短頭髮、戴圓眼鏡嘅中年女士店員，態度極之唔友善，幫人落單唔講嘢，直接西面兩隻手攤開望住我，示意我開聲先。之後亦聽到佢呼喝其他員工及客人。而且杯雪糕求其吱，又唔好食，同以前嘅質素完全兩回事。建議管理層改善下員工服務態度以及食物質素問題，否則好趕客。

要了一個雪糕蛋糕茶set,抹茶卷，牛奶雪糕，雪糕有麻署及紅豆伴，質素中等，抹茶卷還可以，可以再鬆軟新鮮一點更好，唯茶不錯，感覺這個價格,份量和質素可以更好呢！❤️

銅鑼灣呢間甜品舖新出左日本甘酒酒粕軟雪糕，作為Via Tokyo嘅粉絲，一定要試啦！🍦 日本甘酒酒粕軟雪糕 $58 (9/10)使用天之粒酒粕製造，聽落好似好高級好犀利咁🤣甘酒味道好香濃，好純粹嘅酒香，一啲都唔會苦，唔會太甜，有回甘嘅感覺，就算唔太鍾意飲酒嘅人都會覺得好香好好食！隔離一粒粒嘅方形質感偏硬身，都係帶少少煙韌，冇乜味，脆米增加左雪糕嘅口感！鍾意飲酒嘅人一定要試啊！推薦指數: 10/10真心超級高質嘅日式甜品，超級推薦大家去食😆

Via Tokyo (銅鑼灣) @viatokyocafe 🙈每次吃完正餐後去 @sharishari_hk 但若太多人就會帶朋友去了附近的抹茶甜品店🍵但其實質素都不錯！［套餐$96 +$8 轉焙茶巴斯克芝士蛋糕］（7/10）本來的蛋糕是抹茶/焙茶卷蛋+$8轉焙茶巴斯克芝士蛋糕🍰🤎😋雙味軟雪糕🍦我要了抹茶🍵和牛奶味🍼，普通吧🤣不是特別濃😆焙茶巴斯克芝士蛋糕超濃焙茶、芝士味！🤎🧀值得+$8😍日本煎茶可以無限添熱水！很好喝🥰回頭率：✅✅✅（3/5）#銅鑼灣foodhealsme #港島foodhealsme #甜品foodhealsme 📍Via Tokyo (銅鑼灣)銅鑼灣禮頓道106-126號禮信大廈地下1A-1B號舖

今日晚上七點左右，我本來滿心歡喜去買甜品。我入到counter，想問邊啲嘢食可以半價，但counter三個職員職員都冇回應我。於是，我等咗一陣，有一個短頭髮、戴圓形眼鏡嘅女職員用極唔友善嘅語氣回應我。我本來想要抹茶蛋糕，但我未講完，嗰個女職員已經打斷我，用唔耐煩嘅語氣答我：「冇晒抹茶」由於佢冇講清楚冇晒邊樣抹茶嘅產品，所以我再問多一次係冇邊一樣，但係佢依然用好唔友善嘅語氣答我：「全部抹茶都冇。」我明白當日職員比較忙，但我作為客人全程都用好有禮貌嘅語氣問佢，我唔明白點解佢可以每一句都用咁差態度回應我，簡直係俾錢買難受，令我全程無故有hard feeling。最好笑係，當我點雪糕時，佢就話有抹茶味。咁即係話由此至終係佢表達唔清楚😧啲間鋪嘅甜品非常好食，我好欣賞，其他員工態度都好好。但啲個短髮女員工嘅態度完成破壞哂以上所有野，所以我唔推薦啲間甜品店🥲

多年前席捲香港既抹茶風延續到今時今日，Via Tokyo都算係始祖。記憶中既抹茶雪糕係好濃郁香滑，過左咁多年再食雖然茶味稍遜，但仍然奶香滿滿亦非常軟滑抹茶卷整體欠缺茶香，蛋糕本體尚算濕潤，甜道剛好。抹茶芝士蛋糕茶味同芝士味相配合下並無一方特別突出，好似同時失去左雙方既特質，不過～就唔係難食，都可以體驗一次既🙊

這一間出名主打抹茶甜品的人氣店，每一次經過都大排長龍，今天經過見到只有兩個人排隊，馬上要去朝聖一下。店內主打抹茶，大致可以分為雪糕、芭菲、蛋糕、窩夫及飲品。選用了京都抹茶粉，以及北海道3.6牛乳製成的雪糕，味道帶有非常香濃的抹茶味，比普通雪糕更為香滑濃厚，簡直是抹茶控的最愛。除了抹茶雪糕是必點單品，估不到抹茶蛋糕更加驚喜， 感覺抹茶味更加濃郁。加上日本煎茶🍵不但能夠增加口感的層次，更能激發出獨有的甘甜。另外叫了一個期間限定的 日本甘酒酒粕軟雪糕🍦，淡淡的酒味，感覺很特別，很清新，可以一試。果然係人起甜品店，質素有一定的保障。但遺憾的是店內位置太少，枱與枱之間相距比較近。

位於銅鑼灣希雲街街口，一間小小的甜品店，主打抹茶、培茶和北海道牛乳口味的雪糕。不定時更會有一些期間限定的口味，茶控和甜品控一定不會失望 😋。今次點了日本甘酒酒粕軟雪糕、糯米糍抹茶牛奶雪糕和朱古力新地。當中以糯米糍抹茶牛奶雪糕最為好味，果然是主打 😊。

身為甜品愛好者對於Via Tokyo一定唔會陌生 ✧٩(ˊωˋ*)و✧ 三月中見Via Tokyo推出左沖繩系列期間限定, 作為佢地巴斯克芝士蛋糕既忠實fans, 第二日即刻去試!(拖延症患者趕喺期間限定完結前出post, 有興趣既朋友記得要 𝟒 月𝟏𝟎日前去試!)———沖繩紫薯雲尼拿巴斯克芝士蛋糕 ($58)沖繩黑糖北海道窩夫新地 ($58)Via Tokyo既雪糕一向係品質保證, 而黑糖味好香好濃郁, 兩者配埋一齊為軟雪糕錦上添花~ 唯一略嫌珍珠有少少生, 如果鐘意煙韌珍珠的話就大丈夫 ଘ(੭ˊ꒳​ˋ)੭✧另外沖繩紫薯好甜又冇渣, 配上芝士蛋糕既綿密, 同店內長駐既抹茶同焙茶味Basque Cheesecake一樣咁出色です!✨ 但作為紫薯愛好者覺得整體上紫薯味被芝士味小搶fo ~ 如果將紫薯打成汁整接同芝士mixture混埋一齊可能紫薯味會更加出 (?) 比較起上嚟抹茶同焙茶味仍然穩居ナンバー1! 👑———Via Tokyo needs no introduction if you are a dessert fanatic. And their recently introdu

我是忠實Fans,食品一如以往的好，水準甘多年都維持到👍🏻👍🏻👍🏻今天令我有驚喜的反而是一位店員 - Yan,出奇地趕，趕客落單，趕客scan 安心出行，多等一秒就話，"吾得，一定要scan 左先可以落單"完美演譯乜野叫無尾音服務技巧好彩吾full,吾係我估計可能會未到30分鐘就走過來比個warning 我叫我記得準時起身走人。看著最喜歡的雪糕店被人為原因影響服務質素，加上在紅豆蓉內找到一小張紙碎。。。。。確實婉惜希望店家可以間中和員工review 接待守則吧！祝雪糕店生意越來越好🍦

去到銅鑼灣一定要食呢間日式甜品，佢哋主打京都抹茶雪糕同埋牛乳雪糕，真係由中學食到而家，一直都咁好食，保持到高質素，四五點去到都超多人排隊！最近出咗表參道套餐，非常抵食，可以兩個人share，雪糕，蛋糕，蕨餅，嘢飲，一個套餐滿足你所有願望🫢點可以叫嚟試吓！🍵 表參道套餐 12 $118+$8 (10/10)套餐包括抹茶或焙茶卷+ 蕨餅+軟雪糕，日本煎茶或焙茶，加$8 可以轉抹茶/焙茶半熟焦香芝士蛋糕，芝士控梗係轉啦！抹茶雪糕有兩粒白玉，紅豆，底部仲有脆米，套餐雪糕份量比平時嘅少，抹茶雪糕超香濃抹茶味，微苦帶少少回甘，一啲都唔甜，好好食，白玉好煙韌，紅豆甜咗少少，脆米增加左口感！蕨餅配左黑糖紅黃豆粉，可以自己DIY黎食，蕨餅質感比較軟身非常煙韌，配埋香濃嘅黑糖同埋黃豆粉真係好香，好好食😋抹茶半熟焦香芝士蛋糕真心好驚喜，表面帶着一層焦香微苦，芝士蛋糕質感適中唔會太硬太淋，超級細滑，香濃抹茶味，抹茶味比較出，芝士味比較輕盈啲，但都好creamy好好食，直情停唔到口啊🥹🥹🥹焙茶即叫即沖，真係水滾茶靚XD 焙茶好香濃嘅烘焙味，唔會太苦，有少少回甘，配甜品食一流呀😆整體來講都係好好食好高質！推薦指數

🍦白玉抹茶牛奶雪糕 $44白玉唔會太軟爛 有咬口得嚟又唔會話太硬未煮透抹茶雪糕偏低糖微微帶苦 配埋甜甜嘅牛奶雪糕味道啱啱好 係幸福嘅感覺🥰🍵抹茶卷 $40抹茶卷蛋糕部份濕潤鬆軟 抹茶忌廉份量好足 茶味濃唔會太甜 亦都好滑