TOSS 蘇媽.蘇媽 (已結業)

Toss蘇媽•蘇媽（屯門）有時各類日式、韓式、快餐嘅餐廳入面，馬拉菜的確未必係一般人嘅首選。不過蘇媽·蘇媽嘅馬拉菜真係好有質素，還原到正宗嘅馬拉嘢食。不過未食之前一坐低都已經幾舒服，可能開張未算好耐，所以特別乾淨企履，幾吸引人來食。至於食物堅係高汁！招牌肉骨茶 - 一字骨 $168佢嘅肉骨茶有濃濃嘅香味，湯本身嘅辣會刺激你嘅味蕾，但唔係令人難受嘅辣，你好正宗嘅肉骨茶湯底。而佢嘅一字骨件件都好大件，肥瘦適中一啲都唔腬，佢好有肉骨茶嘅味道，食得出係浸到好入味，但又唔會浸到腍晒，口感非常之飽滿。必叫呀！椰香咖喱豬頸肉叻沙 - 滲滲 $88因為有椰香，同樣有濃郁嘅香味。啲湯調較得適中，唔會辣或甜得濟，令人一啖麵又一啖湯，而且我哋嗌咗滲滲 即係油麵同米粉各半，可以食到湯配兩款麵呢兩種配搭，真心正。豬頸肉份量唔少幾煙靭，一啲都唔失禮。辣死你嗎（椰漿飯）配仁當牛肋條 $83不得不說個牛肋條真係好腍，配埋佢個汁真係好搭個椰漿飯，一甜一咸十分有趣，個飯充滿椰香味，仲有碟辣椒油，加落啖飯到真係多多都食得落。如果唔係肚仔空間有限，真係想嗌多幾款，不過佢樣樣都份量充足，真好抵食，建議大家一定要試試佢。

今日想食個豐富啲嘅午餐，經過見到蘇媽有好多款選擇，環境又大又靚，一於試吓😋首先點咗 鮮魚片魚湯河粉$78🍜，河粉湯底鮮美，非常濃郁嘅胡椒味，清淡得嚟又惹味😆 魚片新鮮滑嫩，搭配上彈牙的河粉，每啖都好滑溜😋😋另外我加了 蜜糖燒雞翼（2隻）$25🍗 勁高質😍 燒得外脆內嫩，蜜糖的甜味與雞肉的鮮味完美融合，食到停唔到口😋最後我仲試咗個甜品斑蘭椰絲卷（3條）$25🌿 外皮好脆口，帶有斑蘭嘅芳香，裡面嘅椰絲好香甜，口感非常豐富，有驚喜

利申左先, 今次唔係餐廳現場食, 而係叫外賣返屋企食既檳城福建蝦麵味道唔錯既, 個粉份量都正常, 不過個湯實在太少, 大概得5份1個膠碗,個粉放左落去幾乎見唔到湯, 仲要好快吸乾晒, 以呢個價錢嚟講顯得有啲孤寒🥹椰香咖哩豬頸肉喇沙味道都係正常發揮, 但個問題同樣係少湯, 本身叫湯麵就係想要碗湯, 唔係既話叫炒麵就得啦椰香咖央多士唔知係咪外賣嘅關係, 食落個麵包皮已經開始淋, 雖然未到淋曬, 但一啲都唔脆口, 醬料就正正常常不過不失🤔

近排同親一齊去咗 「TOSS 蘇媽，蘇馬」，馬來西亞菜餐廳，就只係係屯門市廣場，位置好方便！環境又舒適又乾淨，真心適合同長輩一齊食。啲職員都好nice，服務超快，感覺好好！同親試咗幾樣菜，真係唔錯！「一字骨」，一上枱就見到啲骨頭切得靚靚地，賣相好吸引！肉質嫩滑，炆得勁淋，又夠入味，外面嘅醬汁有啲甜，配上啲香料，真係好開胃！送飯一流！「椰香咖喱豬頸肉叻沙」。勁期待！咖喱散發著濃郁嘅椰香味，豬頸肉切得啱啱好，肉質新鮮，唔會油膩。叻沙嘅湯底好濃，啲香料味道真係好足，配埋米粉，真係好過癮！勁有馬來西亞嘅味道！最後就係「辣死你嗎」椰漿飯，個名好正，配牛肋條。個飯真係好特別，椰漿味香香，飯粒鬆軟，搭配仁當牛肋條，牛肉超入味，咬落去好軟滑，真係好滿足！整體味道唔會過辣，啱晒我哋呢啲唔太耐辣嘅人。講真，呢間餐廳嘅食材新鮮，冇添加味精，份量多得嚇人，保證夠飽！而且屯門呢個價位能有咁嘅質素，真係唔多見，超值! 下次再有機會，我哋一定會再嚟！

今年新年前，經過屯門市廣場2期，才得知 <TOSS 蘇媽.蘇媽> 進駐屯門，趁今年5 月中佛誕假期當日，我要朝早走出去屯門新墟照超聲波，一於放假食早餐啦！不過，最近睇醫生早上經過，營業時間：11:30 開，現時暫停供應早餐嘞！早餐 $36~$58供應時間： 8:00~11:30餐牌以 QR code 電子落單舖位鄰近杯渡站，也有少部份餐桌可看到室外環境！ 早餐椰香咖央多士 $42多士烘至金黃香脆，薄薄一層的咖央醬，配上少少牛油，份量恰到好處！ 一咬下去，甜美的咖央醬咇出來！食完整份都不覺得膩滯！熱奶茶 (多奶)先上熱奶茶，可能是店方太忙，或者缺乏熱飲杯的關係；竟然堂食用上紙杯！相對保溫程度比較瓷杯稍遜！由於要求多奶，所以香滑程度令我滿意！ 相對茶味不會太濃烈！抹茶榴槤糯米糍 $68/4粒等候期間，見到餐牌有這款甜品，好奇兩者配搭是什麼味道？！但是，電子落單要 11:30 後才可落到單！湯丸 size，比預期細粒！並非坊間糯米糍那麼大粒，雪到凍冰冰！入口榴槤味濃，猶如食榴槤雪糕雪米糍，糯米糍煙韌，抹茶唔多覺， 完全被突出的榴槤味蓋過！平日早上，大約5枱客；所以，我用 QR

都好耐冇返蘇爸蘇媽餐廳食嘢 呢排同friend去開屯門市中心 知道有間分店 又有啲掛住馬拉嘢食 就決定去食👍🏼👍🏼👍🏼呢間分店都好大 坐得好舒服 即刻點返個招牌椰香叻沙 鍾意佢有好多海鮮配料 仲有最愛入味嘅豆卜 加埋陣陣椰香嘅咖哩 真係冇得輸跟住點咗個最愛嘅咖央多士 佢呢個 咖央醬唔算好甜 椰子味好香濃 同埋個麵包都整得好香 正呢排做緊特價十蚊有六串馬拉燒蝦係海蝦嚟雖然唔算好大隻但係好鮮甜好好味 十蚊絕對抵食😋😋😋😋😋😋

心很累，想搵間好坐啲嘅餐廳食晚飯，到左屯市的蘇媽蘇媽，貪佢店面大有卡座。八點多來到，全店八成滿座好不熱鬧。坐低後，店員好快送上水同qr code，睇下食咩好先。⭐高佬麵配炸豬扒點了一客撈麵，有炸豬扒一塊，一堆小魚乾、花生，仲有一隻蛋，賣相不錯，上枱時都幾香添呀🤤麵條彈牙醬汁帶甜，個人嚐辣，張伴碟的辣醬拌勻後更好食。⭐椰汁班蘭冰累嘛當然要吸收點甜，點了椰汁班蘭冰，又香又甜好好飲，唯不滿係無粗飲管又無長匙羹，聚底的班蘭珠珠吃不到😂不經不覺坐到last order，食客不多了，趕緊埋單回家去啦😌

一直都想試吓呢間馬來西亞餐廳🍴今次就去咗食下午茶整體都很不錯👍🏻🔸椰香咖央多士 $42呢個係下午茶set💦班蘭味加牛油本身感覺好簡單但食落又層次幾多🥰加上班蘭味好香配埋多士脆脆地真係幾好食🤭🔸輕盈椰香咖喱喇沙 +$20下午茶set加購嘅麵,麵底就揀咗河粉🙌🏻湯底十分濃郁偏傑身一點,重口味人士十分適合🤤而且帶有少少辣好惹味個人大愛❣️配料有魚片頭,豆卜同魚條🔸檳城福建蝦麵 $78麵底就揀咗滲滲姐係油麵加米糊🍜湯底蝦味頗濃的有點似蝦子麵相對清淡少少🤲🏻餸有蝦,五花肉,魚片頭,雞蛋同蔬菜🥬個人就麻麻呢個~🔸涷美綠恐龍🦖 +$11超濃美綠加上美綠脆脆同大量美綠粉真係超正🥰不過就偏甜少少螞蟻人士應該超愛🐜🔸凍白咖啡 +$5 正正常常~🤤好味度 : 8/10🔙回頭率 : 8/10

檳城福建蝦麵份量蠻大份，湯底散發著淡淡的蝦味。配料方面，有兩片厚實的魚片頭、三隻大蝦和五花肉。蝦的是屬於普通的冷凍蝦，五花肉入口時微微的鹹香味，而魚片頭十分彈牙。椰香咖央多士多士夾著薄薄一層的咖央醬和牛油，如果多士能再熱一點，味道會更加理想。斑斕椰絲卷淡綠色的外觀，斑斕的味道並不明顯。但椰絲的香氣卻十分濃郁。拉茶茶味略淡，甜度適中。小總結❤️❤️❤️❤️📌午市套餐價格優惠📌檳城蝦麵份量足📌椰香多士椰香味濃

兩個人去食晏，1345咁上下時間，唔駛排隊，眼見應該仲有一兩張吉枱，一個高佬麵配牛助條，一個豬頸肉kaya.但最後只係一個人食完就離開，因為等左半個鐘.牛助條果個都未到，問都費事..直接等老婆食完 就走..（因為QR CODE 落單，照道理唔會有漏單情況.唯有當係叫我試都唔好試啦），只食左個豬頸肉kaya，評價係.唔似係用心煮製既湯底.豬頸肉都係果啲，預製好難難食。明就明，唔明就去俾錢受下氣.平均加埋1 100左右一位（不連飲）

成日聽到好多人介紹蘇媽蘇媽，最近知道佢係屯門開左新分店，即刻約埋朋友一齊去食🤪屯門店裝修都幾靚，好多卡位，座位都算闊落，牆身仲掛左佢地啲招牌菜菜名🤩份量超多，好足料😚😚🍜椰香咖哩豬頸肉叻沙配滲滲 $88椰香味勁香，完全聞到都覺得爽，佢個湯底只係小小辣，我平時好少食辣既都接受到😌豬頸肉大塊又厚肉，滲滲其實係油麵+米粉兩樣mix左😝啲麵索哂啲汁好正，唔會話太鹹或太流🤓🍝高佬麵配炸豬扒 $79啲麵係加左佢地既秘製汁，食落去有少少甜同有少少辣，幾開胃😋而豬扒都好厚肉，炸得外脆肉嫩，外層酥脆，但有少少乾身，點返個醬就好好多🥰🍞椰香咖央多士 $42咖央醬加埋牛油好邪惡😱不過如果牛油少返少少會好啲，搶左咖央醬既味😢但整體唔錯呢🫢☕(熱)馬來西亞拉茶 $29個杯係好岩打卡，唔會太甜，茶味都幾出🫢🧋(凍)滲滲 $32係拉茶加咖啡，就好似香港版既鴛鴦咁，但味道唔會好啖，都仲好濃味🤤下次再試埋其他分店先~~TOSS 蘇媽.蘇媽 (屯門)📍屯門屯門屯隆街3號屯門市廣場2期UG樓19-20/21-22號舖

肉骨茶一字骨呢個肉骨茶味道醇厚濃郁，裡面有四大舊一字骨，肉質非常腍身，啖啖都係肉，食得好滿足！仲有冬菇和豆卜點綴，真係好味到令人忍唔住飲晒碗湯，食咗啲肉之後已經飽咗一半。辣死你嗎配烤雞髀呢碗椰醬飯綠綠地色，好吸引影相又靚，椰奶味香濃，配埋小魚和花生，餸飯真係一流！雞髀又大又嫩滑，食落去口感一流。馬拉沙嗲串燒呢個串燒有豬、牛、雞各三串，味道香辣，燒得啱啱好，肉質鮮嫩，食落去真係停唔到口！整體來講，呢幾道主食都好正，食得好開心！下次再來一定要試其他菜式！

🎀屯門。新分店半開放設計馬來西亞菜⚜️🎀🪄店名* #蘇媽蘇媽 #Toss蘇媽🔮地址* 屯門屯門屯隆街3號屯門市廣場2期UG樓🔮🗾分店地區🗾 沙田,屯門💰價錢$242.7 已加一 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_屯門剩系食呢一類👉食物類型搜尋🔍🍜#pickyme_馬來西亞菜➖➖➖➖➖➖➖➖➖➖➖➖➖🎵餐廳環境🎵屯門最近開左新分店 竟然有得試馬來西亞菜 呢間餐廳設計都幾靚 以半開放式設計 空間好寬敞 顏色以米色為主 並設有多個門框 整體都坐得幾舒服～🍽️食物質素🍽️餐廳主要食馬拉西亞菜 QRcode落單有曬圖文參考 食物地道多選擇 價錢中上 餐名用左馬來西亞譯音做名 幾搞笑 可以融入香港廣東話～👀評分💖💖💖💖🪄高佬麵配炸豬扒$79份量都幾多 豬扒以吉列麵糠裹上 炸至金黃色 脆卜卜 口感略為乾身 加上麻油味香濃既撈麵 鹹鹹地幾惹味 仲有配埋香煎荷包蛋 口感更豐富👀評分💖💖💖💖🪄辣死你嗎(椰漿飯)配烤雞脾 $83原來辣死你嗎系椰漿飯既譯音 本身以為系辣野😂椰漿飯呈綠色 味道淡淡地可接受 雞脾比較似系炸多啲略為乾身 想增加香味可以連炸魚粒及花生一齊食用

話說我呢D屯門友~ 😋經常係屯門覓食~ 之前得知蘇媽係屯市開分店開心到我不得之了~ 🤭因為我次次都要出去市區先食到~ 而家屯市有分店~ 相當就腳~ 同埋呢間蘇媽裝修好靚~ 座位都好多~ 卡位又闊落又舒服~😳🔽我同友人今次點了以下東東~ 🔽⚪️椰香咖哩🐷豬頸肉叻沙 (滲滲) HK$88⚪️- 呢個一上枱就知真材實料~ 真係陣陣椰香撲鼻，食落口唔係會勁辣~ 辣到食唔到個種湯底夠晒味配埋厚切豬頸肉🐷~ 份量相當十足~ 🍲今次我地點了呢個叻沙配滲滲~滲滲即係油麵加米粉兩溝~ 食落口，所有麵條掛滿晒汁~ 🍲相當好吃~ 而且口感好滿足~ 啖啖大滿足 !!! ⚪️高佬麵配炸豬扒 HK$79⚪️呢份高佬麵多到癲~ 🍜有點甜感~ 但沒有話相當過甜~ 加上佢地個秘製嘅醬汁帶有微微辣味，開胃又惹味~真係又係食到停唔到口~ 炸豬扒就肉厚外皮又蘇脆~ 🥢但就可能太厚~ 🍴變了炸完有一點點乾身~ 但就係加埋佢地個秘製醬汁 令到個豬扒食落口就唔會話好柴咁樣~ 反而醬汁幫豬扒加返分⚪️椰香咖央多士🍞 HK$42⚪️- 呢個簡直係呢度招牌~ 唔叫一份點算得上完整的一餐~ 咖央醬同牛油🧈一齊夾埋~ 真係邪惡中的邪惡~ 但我和友人覺得

其實我都唔止食過一次蘇媽蘇媽，去其他分店食肉骨茶都可以無限續添咁我作為一個消費者當然會假設同一品牌既standard/policy 都係一樣，會提供相關既服務啦，但原來屯門呢間分店係特別d, 無。得。續。添!!!!睇返食評係無人講呢樣野，所以大家去食既時候就要考慮清楚，唔好好似我咁傻仔🤷‍♂️呢間真係無下次，都決定唔會再食蘇媽蘇媽。希望鋪頭會考慮下係店鋪當眼處張貼下告示，等其他人唔會再同我一樣中伏。