成日係深水埗唔知食咩好。 最後見到呢間燒味店都幾燈火通明同埋都好乾淨 就吸引咗我行入去試下佢。 店內整潔同光猛嘅，冷氣都好夠 真係分分鐘吹到你頭痛個隻🤣 咁我地order咗 燒鵝脾叉燒飯 咁個燒鵝脾份量都okge 起碼唔係柴皮鵝脾 但係個皮就個人黎講可以好dd，佢唔係過硬 但係就係無左燒鵝應該個款的個種，個皮可以咬開的質感。 肉質都唔錯嘅，食得個脾，至少唔會整到/放到d肉都鞋又或者梅左個隻，我覺得個肉質同味道相當唔錯。 叉燒反而好突出，咁岩係有dd燶嘅叉燒， 我估上枱前上面好似搽左dd蜜汁係上面 所以咬落口會食到個叉燒有dd甜甜地嘅感覺 肉質都係唔錯，你以為佢係好鞋好柴 但絕對唔係，佢係整到相當軟嫩，好好味🤣 另外就叫左 碌鵝叉燒瀨粉 碗瀨粉堅係大碗💜，同埋想試下碌鵝 我個人覺得碌鵝感覺似係鹵水鵝咁，但係佢又唔係個d好鞋好難入口個隻。 我覺得食鵝類嘅野，都係要配瀨粉呢d濕濕地嘅野先好食。 咁我呢碟叉燒就係半肥瘦（影個舊唔係🫣），個面頭都係有d蜜汁搽左咁，但真係唔錯，亦真係好好食。 如果以單單係深水埗黎講，呢度個叉燒我反而覺得係幾突出同埋出奇地係好食。真係睇相以為好鞋，入口係軟嫩好食。 咁加5蚊就有凍/熱飲，咁我覺得都幾超值 至少唔係成百蚊但食好難食嘅燒味先。 另外晚市係會有例湯嘅，佢地下午茶就無送嘅 例湯不過不失啦。 其實仲有好多野揀，佢仲有桶仔油雞，下次可以再黎試下。至少黎深水埗又多一個選擇😳

終於有時間去呢間CAFE啦~ 聽人講話呢度係好抵食同食完會好滿足咁走~  咁就梗係黎試下啦~入到去~ 裝修好簡約~ 而且呢度係動物友善餐廳~ 相當歡迎帶毛孩前來~
而且周圍環境都係比芒草包圍住咁~好好坐好舒服~ 咁佢野食都唔少野既~ 咁我自己覺得唔會話好難先揀到野食野飲既~ 咁佢地採用半自助形式 + QR CODE落單~ 
水，餐具就係餐廳中間自助形式~ 我覺得咁樣反而好過等人SERVE~ 同埋佢地呢度係無加一服務費既

咁我就ORDER左一個涼拌麻麻雞絲BAGEL同埋一杯抹茶椰椰LATTE (熱)首先野飲梗係到左先啦~ 咁飲左一啖~ 唔知點解，我覺得係唔夠熱定係杯野凍左?
因為杯野個溫度真係只係得輕微暖，你放多一陣其實凍晒LU~ 
不過抹茶同椰椰個味，個人黎講，我就覺得唔係好夾~ 或者可能關個抹茶事
同呢個椰味合埋一齊就唔係個種新奇的感覺，而係我真係覺得將2樣唔關事既野放埋左一齊
變左杯野好似同時飲左2個味，即係又有抹茶個份輕輕苦味+椰子個份香甜? 我都唔識形容係乜
但我諗，可能呢杯野其實凍飲應該會係好D~ 或者係我唔應該叫呢杯熱野~
ANYWAY，未話去到好難飲既~ 涼拌麻麻雞絲BAGEL ， 呢份野相當大碟，
我無諗過佢仲比左咁多番薯條伴碟~ 番薯條唔洗講啦~ 好好味XD

雞肉方面，呢個真係超正!!! 佢係麻辣青瓜絲加雞脾肉塊去整成，入口輕麻輕辣
如果有得揀辣度就好了~ BAGEL方面都軟軟熟熟~ 但如果可以加熱返個BAGEL，咁就可以外暖內冷
個味道應該會再突出D ~ 雞脾肉入口相當滑嫩~ 真係好正~ 但呢個包真係好難一口咁咬~XD
結果我攪到D肉跌晒出黎XD 不過無論佢分開食同一齊食都係咁好食
呢個真心推介~!!!
//
總括黎講，如無意外~ 咁岩去開呢頭我都會黎呢度食下~ 同埋當日咁岩無蛋糕~ 所以應該會再返黎食過XD

呢間野你唔係BOOK枱真係唔會有機會食到 成間店入面得14個位度，全間野真係有限地做到2人一枱 講真，坐得舒服就唔好諗啦~ 雖然用餐時間有90分鐘~ 但我估都唔洗90分鐘就可以閃人個隻XD 蛋包飯水準都叫幾好，茄汁飯底個酸度都夠，唔係一味死甜(即係落左茄汁炒但加大量糖個隻)
咁我覺得已經叫好好，飯粒屬於乾身系列既
飯就係日本米定台灣米? 因為我自己就覺得個飯粒唔似珍珠米咁圓身 咁我地叫左個經典日式牛肉醬汁蛋包飯 + 咖哩蛋包飯  2個都加左錢配餐湯 + 前菜 + 飲品
另外叫左份南蠻炸雞 經典日式牛肉醬汁蛋包飯
個醬汁真係幾好味，我自己覺得係好岩配呢個蛋包飯
但唔知係咪影相影耐左，個蛋包飯個蛋切落去就無自己分開2邊咁囉
呢下有DD失望既。 咖哩蛋包飯  我開頭諗住佢係甜甜地的日式咖哩~ 原來又唔係，咁我就只係覺得咸左DD
配呢個同樣既茄汁底飯就有DD怪怪地咁 反而最驚喜係個餐湯，個麵豉湯做得相當出色
咸味夠，又足料，有海帶，本菇同埋豆腐粒，個味真心唔錯~ 日本蜜瓜梳打 / 日本波子汽水味梳打
反而蜜瓜個個出奇地好好飲~XDD 南蠻炸雞
就真係好咸，但肉質方面所以就乾身啦~ 但如果下次黎就未必會再叫
總括黎講，由於太難BOOK的關係同埋加上未去到到話想再食個份衝動囉真係

其實由佢開個下都已經想黎，但好癲既係，我聽朋友講佢成日平日都無開
今日都係咁岩行經個頭，點知佢竟然15:15PM有一LOG係出爐
開心死我，咁於是就係個頭等左30分鐘等佢準時開門買啦~
其實所有味道都有得賣，其實就只可以每人買4款 (可選同款)
咁岩到到我個時，我就係買得到既最後一個人客
咁岩店員話其實都係得返少量，於是我就一次過買晒XD
而店員就可以收工XD 所以我好明白，點解平日買唔到XDDD 
(不過可能店員聽見我由大西北出黎買啦XD 話晒難得去咁遠)
咁今次我買左肉桂波波，原味牛油同埋鮮士多啤梨。
反而我對佢地其他味道都唔係太過吸引我XD

肉桂波波 (一盒6粒)
呢個我反而覺得肉桂味幾夠，個冬甩波波咬落去就唔係空氣感好重既
個粉糰方面都實在既，咬落就唔話算好煙韌個隻
每粒SIZE大約都係兵乓波咁大度，一啖一粒，我自己就幾鐘意呢個既
原味牛油
呢個個味道好有趣，我竟然覺得似雞尾包既味
但我自己覺得呢個反而幾好食，呢個咬落就真係想接住食
唔錯唔錯~

鮮士多啤梨
就真心勁勁勁士多啤梨!!!真係有士多啤梨個份酸甜
酸多過甜呢個我自己覺得幾好，同埋咬落去個個汁都有d士多啤梨粒
無偷工減料
呢間野就正正對我黎講真係太遠，有機會咁岩過開黎先去啦!

有驚喜的一間小店 ~ 好耐都無出街既我，一下子就由大西北去左呢個炮台山
其實我都唔知呢間野到底係炮台山定係北角XD ANYWAY，我唔知係咪杯啡有改善到，之前覺得荔枝角麻麻
但今次杯ICE DRIP的確有驚喜 今次同兩位友人一齊去呢度CHILL下
呢度真心冷氣好夠，但位子唔多架，店面細細，但係都坐得幾舒服 而且仲好歡迎小動物~ 真心GOOD GOOD 咁今次我叫左杯BLUE MONDAY
佢係杯ICE DRIP + TONIC ，個人黎講，個啡底幾好飲，個味道就係正正唔會係NUTTY野，咁先至係最好XD 哈~


朋友就叫左S.O CAFFE LATTE同DIRTY，佢地都話有驚喜
佢地所選的啡豆都係唔錯的選擇~ 所以都好值得黎~ 而且咁岩呢間野就正正係我想買DOUNT店隔離
買杯野，坐住等DOUNT~ 真心GOOD GOOD~// 下次會買支拎走飲XDD

元朗咁多食店，竟然就係正正口一間唔洗等位。入到去，地方光猛整潔，每枱食完都有消毒清潔先比下一枱使用，相當衛生。餐牌試都有好多唔同類型的酸菜魚可供選擇
咁今次我地叫左個酸菜魚套餐 咁我地都有ORDER呢個麻辣牛舌，但我自己就覺得唔夠辣~ 
因為第1次黎食唔敢叫太辣XD 麻就OKGE~ 但係我自己覺得愈食愈咸就真既~  主菜~ 酸菜魚~ 
超超超超大碟~ 份量十足~ 料頭同魚都有好多~ 底層仲有大量薯粉~ 夠晒酸同辣味都OK! 真係一啖接一啖~ 料頭真係多到喊XD 仲要個湯都唔錯~XD 

魚方面都夠厚身同埋都好多下~
呢間小店我一定會再黎XD

終於都出呢個POST ! 事關呢間近期大熱的打卡店真係氣勢好勁
聽聞今日出POST，而家已經BOOKING去到10月~ 打卡熱相當勁 不過間野真係幾正~ 同埋真係好好影~ 不過如果成日店都係同一個燈光的色溫
相信應該會仲有FEEL~ 哈哈 其實呢間店入面所有的傢俱都係店主精心挑選~  當然如果咁岩睇中想買既~ 都可以向店主查詢價格同購買詳情啦~ 食物同飲品方面選擇唔多既~ 但都一定會揀到心水既
咁我同友人去到揀好打卡位置一放低野就去落ORDER叫野食 之後就可以周圍去影下相啦~ 1. Ceylon Handmade Milk Tea (Ice Bottle)   呢個奶茶好滑，奶香茶濃，唔會係淡口淡口個款! 勁正~
真心推介~  
2. Lemon Tart 呢個檸檬tart都幾酸~ 但酸得黎都幾正~ 一啖接一啖
都幾清新~ 但我個人黎講都係推介個Caramel Tart  多d~ 哈哈

3. Latte (Nutty)  友人覺得呢度Latte入口都係唔錯既，而且影左咁耐相
個奶泡都唔係好沉~ 就知道真材實料啦XD

4. Caramel Tart    呢個TART!!! 真心正! 個陣焦糖味真係相當出色~ 同埋唔會過甜
味道絕對超出預期咁正囉真心 Anyway，其實每個section都係得3組客人左右，所以其實個環境靜靜地都幾舒服~ 

估唔到花墟附近，原來都幾多正野食
今次去咗呢間「大馬館」
見佢地主打係海南雞飯，喇沙，椰汁辣飯同大馬咖哩。
睇個menu都算多選擇嘅
1. 馬拉肉骨茶
呢個肉骨茶個湯底真係好濃得黎但唔會係個d藥材味過重，
同埋無過咸嘅情況，然後入面用咗豬軟骨，肉質鮮嫩，味道真心唔錯，呢個真心推介🤤

2. 大馬去骨海南雞 （半隻）
呢度嘅海南雞真係好出色，滑得黎，
而且唔會係過度肥的雞肉，我覺得個雞唔錯。

3. 大馬椰汁辣飯配脆香雞腿
呢度的椰汁飯好地道，每粒飯都有微微椰漿味同埋好香，
雞件炸得都幾外脆內軟，味道幾好。汁醬亦係唔算好辣，都係幾正。

4. 香煎豬頸肉喇沙 配烏冬
呢碗豬頸肉真係好多，個喇沙都係好正宗，真係唔錯，豬頸肉係岩岩好，唔係柴皮肉，都係好有咬口，唔錯。

所有麵飯食都可以自由加少少錢配飲品
我地就揀左好耐無飲嘅清涼爽同馬蹄爽
真係爽
重點在於個汽水蓋
唔知大家留唔留意到？🤣

又係一個落大雨的早上
黎到大圍，試下呢度另一間小店，估唔到有驚喜的~入到去，環境都幾舒服，冷氣好夠之餘，坐的位子都多架一坐低，呢度註場的台灣餅師立馬送上兩件小甜點比我地試吃
分別係費南雪 Financier 同 瑪德蓮Madeleines (配以白朱古力)費南雪 Financier 味道相當唔錯，濃厚的杏仁味，
就算唔係好食到杏仁味的我都唔會抗拒到呢個小蛋糕
味道淡，質地都濕潤，口感同味道加上微微的朱古力點綴，
令到成個費南雪 Financier 昇華左一個層次

另外~ 瑪德蓮Madeleines (配以白朱古力)同樣仲係好大熱的瑪德蓮蛋糕 (配以白朱古力)
都好出色，佢唔再係一件普通的法國小蛋糕~
成日覺得呢件蛋糕的骰得黎又好有法式個種「浪漫感覺」
味道濃厚蛋香，白朱古力唔會令到成件蛋糕過甜，反而加左一份法式甜蜜入去
都係唔錯~ 
其實呢兩款小甜點~ 係可以外賣額外買走既~ 而且仲有其他蛋糕可以選擇~ 下次要買XD (因為今日行程較趕) //
咁我地一行三人叫左3款甜品
首先係呢度的打卡甜品 - HIT ME !! 佢由頂層係朱古力(內有白古力漿)
第2層係咖啡蛋糕 ，第3層雲呢嗱雪糕，最後第4層係Brownie 組成
成個組合幾得意~ 賣相都真係相當唔錯
加上仲ON TOP再加朱古力漿，都真係幾IG ABLE~咁HIT ME~ 就梗係要HIT啦~ 點知友人太大力，彈到成枱都係白朱古力漿~XD(見唔見到D漿出左碟XD)

但友人呢款甜品真係要好鐘意白朱古力都真係幾OK~ 味道係夾既~ 不過有D膩~
唔錯的都係~ 冰火蘋果批 
唔知點解，明明就係有個好似雲既野係上面，但而家無左
咁我地一行3人又無人記得，所以個批就變成咁啦~咁佢呢個批係用薄薄酥皮，上面加上用咗肉桂糖醃製嘅蘋果片，同埋金寶蘋果碎
再配上雲呢拿雪糕~ 味道真係夠冰火，而且出乎意料，我覺得都幾好食我就點左件細細件的香蕉蛋糕，蛋糕夠挺物，
咬落去有口感~ 內有果仁，成個蛋糕加熱左dd更加好食
微微濕潤度帶香蕉的香味，我覺得都幾唔錯~ 

下次想黎試下佢地的主食，因為今日行程較趕，所以無時間試到太多XD

係一個非常大雨的早晨，
黎左呢個田心村搵呢間呢排大HIT的CAFE
為左見到大大狗店長的一面XD一入門口已經見到佢，好可愛啊~ 問問店主原來毛孩叫BEAR BEAR (POLAR BEAR)
得意又不得之了，同埋好乖，每當有客人入內，都會落到門口同客人見一見面XD玩到累又識自己係一邊休息，絕對唔會阻到人XD

店內需要先點食物才上樓食用食物種類唔算多，
亦因為小店係一人工作模式，
所以點左餐之後要等一陣，但會CALL MIC叫NUMBER叫你落黎拎野食的~店內位置不大，容納到10人左右
有自助加水，同埋好多書可以睇，都幾舒服，如果好天的話應該都幾正~咁我地ORDER左3杯啡飲同3款食物咁友人就點左CAPPUCCINO ， LATTE。佢地都話唔錯
咁我自己就叫左杯熱的AMERCIANO，佢地的啡選料都唔錯，唔係過份深炒個隻
所以唔太好NUTTY的我，呢隻豆沖出黎既AMERICANO 係可以接受的

食物方面，
1.  韓式窩夫配藍莓果肉   $32 呢個窩夫唔錯，同樣都係唔會有過硬的情況，微軟微熱狀態，
加上新鮮藍莓，賣相幾好，味道都唔錯~ 正常水準不過不失~

2.  挪威卷    HK$48佢係由煙三文魚，牛油果，乳酪加沙律菜組成友人話呢個個味都幾夾，份量都可以，味道都係唔錯的

3.  摩洛哥卷   HK$48 呢個就由雞胸肉，牛油果，酸忌廉及沙律菜組成
友人都係覺得正常發揮~ 都係唔錯的選擇~ 至少幾樣味道係MATCH的~

呢度呢排真係大熱，相信陽光普照日子應該真係勁多人XD不過呢個位置我都花左DD時間去搵，落住雨搵路都真係幾難XD
但大家認到個門口都唔難搵的~ 我相信XD