The Salted Pig (新城市廣場一期)

營業中

休息中

唔知點解次次去親新城市廣場7樓食嘢，搭完長扶手電梯一定會轉咗去右邊，原來左邊有間餐廳好出色㗎！Pulled Pork Cheesy Nachos $158必食推介！Unexpected 咁大份！本身諗住嗌個小食開吓，點知嚟咗一座山🙈Toppings勁豐富，有芝士、牛油果醬、sour cream、醃青瓜、蕃茄粒粒、手撕豬肉、洋蔥同橄欖，沾到醬嘅粟米片酸辣惹味，底下無沾到醬嘅就脆卜卜，兩種口感味道都令人食到停唔到口。Skinny Pig Salad $113沙律入面有菠菜葉、藜麥、西柚、紅菜頭粒、杏仁片，dressing 係橘子汁，非常健康，味道好Fresh!Grilled Pork Tomahawk $252嚟到食豬嘅專門店，又點可以唔試下豬肉Main course?斧頭豬扒大舊又厚身，肉味濃郁，表面煎得好香，口感紮實。餐廳仲配咗個酸酸甜甜嘅果醬，但我覺得就咁食已經好好味。Pan-Seared Whole Sea Bass Filet(Half) $198湯頭好鮮味，除咗半條去咗骨啖啖肉嘅海鱸魚仲有蝦同蜆，鐘意海鮮嘅朋友一定要試下！冇諗過Nachos咁大碟，我覺得兩個人食嘅話可以嗌少一個

同一個超耐冇見嘅朋友聚會啦😇😇德國鹹豬手💚💚💚💚 💚差不多每一台都係叫呢個招牌菜佢份量set左for 二人不過我覺得三個人都夠食超級多肉配埋紅蘿蔔🥕好淋好甜仲有薯仔同埋酸菜仲會有一兜Mastard跟埋豬手皮脆肉滑 唔會好鹹😝😝goodSeafood paella 🥘 💚💚💚💚 西班牙海鮮飯有蝦、魷魚🦑、蜆肉、青口同煙肉飯又有少少辣好惹味再落返少少檸檬汁中和油膩感🥰Passion apple🍎 💚💚💚💚 💚朋友仲餵緊人奶就唔可以陪我飲酒啦佢叫咗杯士多啤梨做膽嘅mocktail 酸酸甜甜個底有好多果肉係真果汁🤣🤣Apple gin mile💚💚💚💚 💚 之前去exchange超鍾意飲ginger ale見到有杯薑汁、Gin 、百里香、檸檬somersby 諗都唔使諗就點咗啦佢都好易醉🤣飲咗七成到已經開始有啲唔清醒haha係好味嘅 如果鍾意飲薑汁嘅人😜

黎到沙田同屋企人食飯，再訪呢間豬豬專門店，鍾意佢呢度啲嘢大大份，啱晒大家share嚟食🥰，平日嘅夜晚都幾多人，大家一定要book定位自家精釀生啤🍺 （$48）食豬手一定要配埋生啤❤️白西班牙水果酒🍹 （$52）有大量嘅生果，甜甜地好易入口，帶有少少酒精度👍🏻薄荷提子梳打🌿 （$62）有好香嘅薄荷葉味，提子梳打微甜，成個味道好清新👍🏻慢煮醬燒豬肋骨🍖 （$288）有大量BBQ醬，夠晒惹味，而且醃製得夠時間啲肉都入味，D肉夠淋，輕易可以咬開，仲有大量薯條🍟，超級美式風格招牌德國豬手🍖 （$308）期待食呢隻豬手好耐，有1公斤重，啱晒同朋友share👯‍♂️，好貼心已經預先幫你切開🔪，食起上黎會更加方便，做得都香脆，肉質都夠淋身，膠原感滿滿又啖啖肉，啱晒食肉獸，仲有酸菜先，超級正宗，酸酸鹹鹹👍🏻，仲要有薯仔蘿蔔做配菜🥔🥕

今日去左沙田搵食，18:30 walkin去到剛好有位唔駛等，遲多15分鐘就要開始排長龍，建議大家都係book咗位先嚟到Salted Pig 就當然要叫豬,呢度最出名就係豬手，但因為食過好多次，今次就試吓新嘢，職員都10分熱心，主動介紹餐牌上的美食😊慢煮醬燒豬助骨份量都唔小，足夠二人份量，好多肉汁好Juicy，口感一流😋蒜蓉辣橄欖油大蜆意粉必須要大讚蜆肉十分肥美，好鮮甜又大粒，意粉軟硬度適中，配合埋啲炒蒜片，10分惹味🔥甜品叫咗心太軟賣相不錯，外冷內熱，食完想再嚟一個🤣

個個星期都會响沙田出現，個個星期都要諗吓食乜先。今日嚟呢度，其實唔係第一次嚟呢度，耐無幫襯，今日再食又覺唔錯噃。餐牌上有小食，之前未試過，睇相幾靚，今次點了辣肉腸炒蝦配多士。好好味呀⋯⋯蝦大大隻，蒜片辣肉腸味道香濃，件多士唔係求其白方包，軟得嚟又脆得啱啱好。掛住佢哋隻德國豬手，以前成隻上，而家斬件serve，其實斬咗件係方便啲嘅。哇，咬第一啖，皮脆，肉滑，唔會死鹹👍🏻。配菜有紅蘿蔔薯仔，唔知焗定grill,定係焗完grill，紅蘿蔔好焾好甜👍🏻👍🏻，薯仔好粉👍🏻，嗰啲德國鹹酸菜用咗少少煙肉炒，幾醒胃嘅。另點了份炸魚薯條，兩件炸魚屬厚身，有炸漿，炸漿係脆無麵包糠嗰種，即係非吉列類別，開心咗一半，食落口外脆係屬高分的，內裡件魚塊，肉厚，滑口👍🏻，無雪味無泥味，所以係屬好味㗎！薯條粗切，無乜大驚喜，有部分炸得過了少少火，仲有沙律菜，個dressing 酸酸咪咪，好幫到無油膩感。雖然成碟嘢以炸為主，但無一陣陣油味，所以整體來說，唔錯👍🏻同行人士點了杯飲品，賣相幾靚，材料有桃熱情果，好似仲有士多啤梨，味道方面係ok，但我個人唔鍾意食好杰又好凍嘅飲品，因為飲得快會整到個鼻竇好痛，所以無得comme

今日約左朋友係沙田慶祝生日，擇左呢間西餐廳，一早訂好位，黎到入座就可以，估唔到平日晚上都咁full House。.呢間出名食豬🐷，咁我地當然會叫個豬既main course「烤斧頭豬扒、煙肉椰菜仔、薯條 $252」價錢咁抵食，以為份量會好少，點知原來咁大舊🤭🤭🤭烤斧頭豬扒首先焗左6-7成，再拎出黎煎香4邊，做到鎖著肉汁，又唔會太硬，配菜既椰菜仔同薯條都好味。.「煎原條海鱸魚柳海鮮燴、鮮蝦、蜆、辣肉腸、麵包粒 Half $198，另一個main就擇左呢間，好豐富口感既煎原條海鱸魚mix左海鮮個感覺好fresh，海鱸魚只加左少少鹽調味，個汁調得好好食，如果可以配埋pasta應該更加一絕。.題外話，呢間happy hour紅酒只係$48/杯，好抵飲呀。

之前在此餐廳食過午餐，也食過下午茶，食物有水準的。 所以今次想來吃晚餐。時間是周六七時前入座。 但小食拼盤已經沒有。 首先是炸豬皮，上次吃很不錯，但今次有部分是沒炸好，或是說沒處理好，不熱，而且又硬又靭，食不到的。 之後是炸魚薯條，非常惡劣。 外皮是《林》的，完全不香脆， 不是熱的，魚肉薄，肉質差。 這個價位，這個是我食過最差的炸魚。 薯條也不夠熱，也不脆。 豬肉三文治，非常多水，味道一段。 牛肉漢堡ok , 保持水準。

一家人慶祝媽媽生日之前朋友推介過the salted pig媽媽又喜歡食肉一於帶佢嚟食比個驚喜她最終大家都好滿意主角都食得好開心Book左6:30pm限時90分鐘今日重陽節，可能紅月日關係，全場爆滿侍應都有禮貌還主動推薦左幾款食物我地最後食到超時都冇催我地侍應還幫我們拍生日照值得一讚Pork Tomahawk $252斧頭豬扒配有蜜桃汁 厚厚的斧頭扒 無諗過咁厚都可以夠軟熟 配有薯條 BBQ Ribs $288慢煮豬筋骨，肉質夠淋 醬汁好好味配有粟米 沙律 薯條 正Knuckle$308招牌德國咸豬手皮好鬆脆，肉身嫩滑 配芥末籽忌廉汁 超級推介有驚喜sea bass Whole$328煎海鱸魚柳海鮮燴魚煎香脆 伴有蜆，蝦仁，魷魚 海鮮汁不錯Prawn Piggy $162牛油果香芒大蝦沙律推介大蝦爽口 沙津汁酸甜帶辣 配搭一流Lava cake $88熔岩朱古力蛋糕，不過不失Pink Piggy $62飮品叫左小甜 好飲Tango $62📸環境指數🌕🌕🌕🌕🌑🤵🏻‍♀️服務指數🌕🌕🌕🌕🌕👅味道指數🌕🌕🌕🌕🌕💰抵食指數🌕🌕🌕🌗🌑⭐️推介指數🌕🌕🌕🌕🌗

今次有機會試吓呢間只提供豬嘅食店，上網睇食評都話唔錯，重要係如果生日點選甜品會係碟上寫上happy birthday等字眼。今晚係我哋嘅週年紀念，先生一早去等，不過原來要人齊先可以入座。當晚點咗有食店自家生啤、沙律同豬手…果然唔錯，唔怪之得咁多人等位，不過之後想點個甜品希望可以寫少少字就問侍應，佢都好有禮貌咁話可以幫我寫俾廚房，但唔知廚房會唔會寫，一個唔肯定嘅回答，令人感覺有少少被騙，我就係係食評度睇到有，先至揀呢間食店，雖然係有啲失望，不過食物係唔錯嘅。

The Salted Pig (Shatin) -位於沙田新城市廣場嘅The Salted Pig，地點方便，今日嚟到沙田新城市行街🛍 經過見到Salted Pig出咗新餐牌，又有lunch set, 當然要試吓！Set Lunch Lunch set除咗主食，亦會包是日餐湯/沙拉 🥗、餐飲；亦可+$20 是日甜品🍴🔍 Breaded crispy Pork Parmigiana (脆焗芝士豬扒）$158脆焗芝士豬扒咬落外皮脆口，外皮夠薄，唔會食到滿口炸漿，入面肉質鮮嫩，而且上面配有芝士同埋茄汁，夠晒滋味，再配搭薯條同埋沙律🔍 Grilled ribeye steak (燒精選肉眼扒）$238肉眼扒厚度適中，今次叫medium, 生熟程度剛剛好，加上新鮮即炸嘅薯條，係滿足豐富嘅lunch😋🔍 朱古力心太軟 $88係好突出嘅亮點位🤩 朱古力心太軟外脆內軟，外面薄薄嘅一層，絕對唔會係太厚蛋糕，加上入面嘅流心做得好出色，想要影相打卡嘅效果絕對冇難度，睇得又食得😍 配搭雲呢拿雪糕，冰火交融嘅口感令人眼前一亮，而且配搭亦中和返朱古力心太軟嘅甜度，就算食完主食再加甜品都唔會覺得太膩，絕對推薦一定要

女友人WK之前約我食生日飯,由於佢因腳患暫時住喺沙田,而且約我喺沙田食,所以我揀前日(9-9-2022 Fri)食晏,佢哥哥話半年前嚟過呢間食,覺得唔錯,於是我哋揀呢間.我預先book咗位,而我哋係遲到嘅,不過唔緊要,因為佢重有大把位,但WK嘅電子針咭已冇效,唔可以堂食,女店主話出面有位置可以坐喺嗰喥食,但由於嗰個位熱,所以我哋唔坐得.幸好商場內有啲位俾人坐,於是坐喺嗰喥,我哋就買外賣,我哋睇完menu,決定要同樣$158.00嘅脆焗芝士豬扒,羅勒,番茄醬,雜菜沙律同薯條;同紅咖哩油封鴨腿配脆麵,但後者係外賣唔到,於是轉要$98.00嘅手撕燒烤豬肉漢堡,椰菜沙律同薯條.由於礙於環境,我哋唔叫餐廳自己做嘅飲品,因為佢哋冇外賣嘅杯,所以我哋要汽水,同埋唔加$20.00要甜品喇.而呢日嘅餐湯好似係白椰菜花忌廉湯?個湯係半個紙碗咁多,飲落,味道同普通白湯好唔同,質地好杰.味道:2.8分打開睇兩個主菜.嘩!有好多薯條,影完相,我哋就share兩隻豬.我嘅豬扒厚道適中,口感彈牙,但味道就幾淡,就連芝士都唔鹹.味道:3分薯條係有調過味,唔係只係落鹽.雜菜沙律正常冇問題.薯條:味道:4分, 雜菜沙律:

the salted pig不嬲都係肥雞最鍾意去嘅西餐廳之一,新城市廣場嘅分店就因為地方就腳同埋環境衛生都唔錯，所以肥雞都好鍾意去 。肥雞今次就嗌咗佢嘅厚切豬髀 ,佢嘅小菜肥雞非常之欣賞，用牛油煎得香脆嘅露筍配上香甜嘅紅蘿蔔仔 ，再加上一啲迷迭香嘅香味，配上啖啖肉汁香濃嘅豬髀肉，實屬唔錯 。而佢嘅fish and chips都非常之出色，用啤酒調嘅炸粉漿，配上深海嘅魚柳，魚肉香味非常之龍，香脆可口嘅炸衣，嫩滑嘅魚肉，配埋他他醬食真係好好味。最後都嗌咗佢嘅小食拼盤，入面有佢嘅burger，炸豬皮，炸魷魚等小食,用一份價錢就享受到唔同嘅美食，啱曬肥雞。

每個月，我地一定要黎沙田食一次德國豬手🐷試過無數咁多間之後，依然係覺得呢間係最好味😋😋沙田分店最正既地方係，隔離就係snoopy land，小朋友係隔離喪跑放電一個鐘，就肯乖乖坐定定食飯，唔洗追住黎餵🥰脆皮烤咸豬手 🍖🐷 係餐廳最最最推介嘅經典菜式，份量超級多‼️豬手皮脆肉嫩，個皮好酥脆，一啲都唔會硬。豬手上面仲有一層邪惡肥膏，入口即溶🥹啲肉仲係好Juicy，鹹鹹香香咁。調味岩岩好，唔會死鹹，好難得🤩配菜有酸菜，食多幾舊肉都唔會膩🥰烤斧頭豬扒🪓🐷食肉獸必點‼️豬扒係非常非常厚切，但佢仍然可以做到岩岩好熟，外皮焦脆，但肉質仲好冧身同好多肉汁，唔會韌。呢個調味較淡，但配埋旁邊酸酸地帶果香嘅醬，鮮味十足😋

環境比較迫，但都算welcome帶小朋友去食嘅餐廳！食物質素唔錯，都算多種類可以選擇，但係價錢偏貴！我最鍾意嘅就係佢呢間餐廳唔洗點等位，服務態度都算唔錯，都算食得開心

早幾日約咗朋友去咗沙田新城市廣場嘅”The Salted Pig”食dinner🙌 記得去之前要book位啊，如果唔係就要排隊🙈佢嘅裝修好有格調，而且座位好舒服，店員仲好有禮貌添👍🏻首先order咗佢嘅✨Sharing Snack Platter✨$278佢有八種唔同嘅小食，份量好多，超抵食！迷你牛肉漢堡嘅肉身好厚，而且配合埋茄汁同酸瓜，夠晒開胃～ 香料雞翼夠晒入味，同豬皮脆片一樣，十分香脆👍🏻 而佢嘅蕃茄芝士肉丸好juicy，加埋蕃茄醬，味道好突出～另外拼盤仲有脆豬肋骨，酥脆魷魚圈，薯條&酸麵包多士🤩主菜叫咗廚師推介嘅Seafood Paella $228🐙西班牙海鮮飯鋪滿不同嘅海鮮，有蝦、大蜆、青口、魷魚、魚柳、辣肉腸、煙雞肉，十分之豐富🤤 飯嘅口感好煙韌，乾身之餘吸收左海鮮嘅精華同埋湯汁，真係忍唔住食多幾啖👍🏻最後叫咗個甜品New York Cheesecake 🧀 $72因為有朋友生日，餐廳超好，幫我寫生日字同準備埋蠟燭🎂 佢嘅cheese cake軟硬程度啱啱好，好滑身嘅濃厚芝士味配合埋士多啤梨同藍莓，絕配😋