喺元朗同朋友食飯一個想食串燒，一個想食日本嘢，一個想食拉麵熟食，上網睇吓見到呢間餐廳發覺咩款式嘅嘢都有啲，種類選擇好多，應有盡有，可以不愧為元朗人嘅飯堂😀 好彩星期六夜晚6:00都仲有位，如果唔係晏少少都可能要等🥲 🔎 牛肉壽喜燒 連埋Gas爐咁樣一齊上，可以享受吓自己DIY嘅過程，牛肉份量好多，性價比非常唔錯，配上嘅娃娃菜同埋豆腐喺佢個壽喜燒汁之下食到舔舔脷🤓 🔎 南瓜天婦羅（4件） 天婦羅即叫即炸，$36食到四嚿南瓜，食落去炸粉嘅比例唔算好多，邪惡得黎又帶啲健康，冇咁有罪惡感🫶🏻 🔎 汁燒極上和牛拉麵 佢啲牛唔係普通肥牛，而係類似牛肩肉嗰種質感，厚厚咁食落去又唔會韌，好爽口，面底煮落比較硬身，本身鍾意食硬少少，所以覺得個質感好好；另外佢有幾款湯底可以揀，我哋就叫咗地獄湯底，但係又可以少辣，辣嘅程度可以接受，鍾意食辣嘅朋友可以試吓叫普通辣味應該好過癮😃 🔎 Corona Extra 利賓納＋薑啤酒 (330ml) 食串燒梗係要飲凍野，呢個Corona飲落去加咗啲利賓納甜甜地，仲加咗啲薑絲喺杯嘢飲入面，飲落去甜甜地辣辣地好過癮🍻 🔎 芒果沙冰＋草莓醬＋蘋果酒 呢杯特飲就互相相對地甜啲，芒果沙冰同埋Somersby 出奇地都match，同辣嘢配合一流😗 🔎 燒扇貝 （芝士燒/ 蒜蓉燒） 蒜蓉味嗰個味道食落去更加濃郁，扇貝大大粒，食落去都冇咩冰鮮嘅味道😆 🔎 燒豬頸串1串 🔎 厚燒牛舌 1串 🔎 吉列蠔（4隻）（分享價） 燒物等嘅時間相對會可能耐少少，即叫即燒/炸，特別係個牛舌好出色，配埋啲檸檬汁同埋佢燒嘅醬料，少少酸味更加突出佢燒得岩岩好，食落去好爽口，高質推介🫶🏻 另外鍾意食炸蠔嘅一定要試吓，性價比都係十分之高，唔會話好多炸粉，蠔既size都算係咁😉🦪 🔎 火焰三文魚壽司🍣 太多嘢食揀都叫唔到好多壽司，試咗呢個火焰三文魚都唔錯，重點真係好抵食，元朗呢個價錢冇得輸🤨 - 📍野川拉麵の深燒食堂 (元朗) 元朗又新街40-48號榮豐大廈地下B號舖

去元朗大馬路行開街竟然見到間裝飾好精緻嘅西餐廳，同朋友忍唔住入去試吓🤓 睇吓有冇市區嘅水準🤪 🔎 Dinner set 🔎 Appetiser 前菜佢有沙律或者巴瑪火腿配蜜瓜俾你二揀一，咁我哋就揀咗後者，佢份量以一人量嚟講算大份，有4塊parma ham配蜜瓜，食落去清甜，但有少少醋既味，用來做前菜一流，食落去好開胃 🔎 是日餐湯 - 忌廉粟米濃湯 飲落去忌廉味好重，唔會好稀，比較得意嘅係佢有啲爆谷喺上面甜甜地鹹鹹地口感好特別😀 🔎 慢煮西班牙黑毛豬鞍. 南乳忌廉汁 $378 賣相用嚟打卡一流，份量配埋薯菜都尚算足夠，最特別嘅係佢配嘅南乳忌廉汁出奇地同豬鞍配搭，好有中西fusion嘅感覺😀，食落去唔會食中式既南乳豬手咁肥膩油膩嘅感覺，相反甜甜地個醬汁令人食指大動😗 另外佢嘅薯菜都好好食，肉都唔會話好靭，係會 encore 既main🤓 🔎 雙重芝士松露野菌薄餅 $158 係令人喜出望外嘅菜式，食落去首先個批好鬆脆，薄批嚟講算係整得唔錯；上面嘅配料芝士勁足料，再配上海量嘅白玉菇，聞落去同食落去都好香好好味，鍾意食芝士嘅一定要叫呢，超級邪惡🫶🏻 🔎 是日甜品 平時最主要有兩款，分別係朱古力蛋糕同埋Apple Combo，今日佢係雜果朱古力嘅芝士蛋糕，擺盤有花心思，同時最尾嘅甜品有啲水果食下會有啲 fresh既感覺，唔會太肥膩😉 - 📍Couple's Kitchen (元朗) 元朗教育路63-69號福照樓地下2-3號舖

去到葵廣掃完街梗係要飲番杯野飲解渴，今次就揀左主打清新 Fresh d 既 nuttea，佢主打用堅果奶，就算係患有乳糖不耐症嘅人都可以一試飲奶茶既樂趣🤓 🔎 伯爵朱古力堅果奶蓋茶 $48 未攬勻第一淡飲落去係好 fresh既伯爵茶味，之後可以用匙羹刮啲奶蓋出黎食，食落去唔會太甜，而且朱古力味極度濃郁🍫，另外食落去個奶蓋好似食mousse 咁，份量都好足夠；有時候食到有啲滯既話又可以撈埋啲伯爵茶一齊飲，滿滿嘅朱古力味😉 🔎 粉紅莓好堅果奶 $47 飲落去甜甜地，但係唔係果隻藥水士多啤梨味🍓😌 叫左半糖我覺得岩岩好，唔太好飲奶蓋茶既朋友都可以試下依個，相對無咁膩但係同樣地飲落去都係咁 fresh 😃 - 📍NUTTEA (葵涌廣場) (葵芳) 葵芳葵富路7-11號葵涌廣場1樓潮流廊B號舖

喺大埔呢條食街開咗間新嘅點心舖，呢間嘢同一般傳統點心鋪唔同，主打精緻、一啲特色嘅點心😋 舖頭創辦人係香港幾間知名酒店嘅點心主廚，食完發覺真係冇令人失望，原來大埔都有啲咁正食點心嘅地方🤓 🔎 送既甜品 一開始佢會送一個甜品俾你，當係開胃菜咁樣，係一塊甜甜地烘熱左嘅曲奇🍪，同埋一舊紅豆糕，食落去清清甜甜咁，令人食指大動🫶🏻 🔎 燒汁牛柳南瓜球 $32 當你一咬落去嘅時候，南瓜球入面燒汁醬、同埋入面嘅牛柳融為一體，佢有一種瀨尿牛丸嘅感覺爆出嚟，食落去既有南瓜球嘅甜，同時都有牛柳燒汁少少鹹，食落去嘅質感同埋味道都好豐富👍🏻 🔎 流沙豬仔包 $22 賣相超級精緻，係好得意嘅豬仔🐷，食落去流心豬仔包係名副其實既奶皇包，食落去有淡淡豐富嘅奶黃流心咁樣流出嚟，食落熱辣辣，即叫即整，非常用心😆 極度推介依個😝 🔎 避風塘蘿蔔糕 $36 食落去有啲似XO醬蘿蔔糕，但係多咗一陣避風塘嘅風味，連埋啲炸粉一齊食更加邪惡😉👍🏻 🔎 酥皮焗叉燒餐包 $26 而家越來越少地方有焗叉燒餐包食，呢度除咗有精緻點心之外，亦都有一啲傳統嘅包點，食落去佢個酥皮整得好有誠意，一咬落去仲係好鬆脆，叉燒包都好足料，係誠意之作😙😙 🔎 招牌酥皮鮑魚糯米雞 $52 又係一個好靚靚可以用嚟打卡嘅點心，入面仲有細細隻鮑魚，可以一嘗土豪嘅感覺😀 🔎 上湯金魚餃 $32 金魚餃錫落去入面有啲菜，有啲蝦；賣相亦都好精緻，好靚，擺盤亦都有花過心思，錫落去一口咬落去大滿足😋😋 🔎 楊枝甘露 $36 唔同一般傳統嘅酒樓，佢嘅楊枝甘露好方便咁俾你可以用飲管dook落去飲，楊枝甘露都好足料，除咗淡淡既芒果肉同埋西袖之外，佢仲加咗少少爆珠，成個口感更加豐富好味🫢 - 📍 型點特色點心專門店 (大埔) 大埔安慈路1號海寶花園地下15號舖

去到登龍街，發現最近開咗間新嘅日本野，喺鬧市之中上到去睇吓果然冇令到我失望，環境靜靜哋好舒服好啱兩個人或者一班人傾偈食日本野🫶🏻😀 🔎 明太子芝士玉子燒 $78 性價比極高嘅一個小食，咬落去淡淡嘅明太子，配埋芝士同埋千島醬，入面嘅芝士可以拉埋絲勁邪惡🤓 蛋味都好重大推依個👍🏻 🔎 醬燒三文魚炸蝦卷 $58 梗係要試吓佢啲燒物既壽司，食落去三文魚唔會燒得太熟，配埋脆嘅炸蝦，一脆一嫩，食落口感好豐富😗 🔎 究極炎之丼 $138 呢個係佢主打既其中一個丼飯，有時唔想食刺身想食啲燒物呢個係一個好好嘅選擇，丼表面有一陣陣啱啱用火燒後之後出嘅碳爐味，而佢入面都好豐富，有燒三文魚、燒虎蝦、帶子、三文魚蓉，食落去帶子好鮮甜，醋飯嘅份量都好足夠😆 🔎 炙燒鰻魚壽司 $14@ 🔎 花之戀壽司 $24@ 🔎 灸燒明大子醬燒三文魚壽司 $16@ 🔎 灸燒七味姜燒帆立貝壽司 $22@ 試咗呢幾件壽司感覺到非常唔錯，當中花之戀食落去沙律醬、同埋飛魚籽、三文魚嘅比例啱啱好，飛魚籽都勁足料；另外佢啲火灸壽司賣相都好靚，食落去都新鮮唔錯😌 🔎 牛油帆立貝（粟米汁）配蒜蓉法包 $88 小食黎講呢個法日既fusion小食有驚喜，大大粒既帆立貝，勁重牛油粟米汁嘅味道，再加埋啲芝士配蒜蓉包，令人食指大動☺️😉 - 📍 究極堂 (銅鑼灣) 銅鑼灣登龍街28號永光中心11樓

返工嘅時候路過發現原來元朗呢度開咗間新嘅茶飲店係正公司樓下，位置喺千色附近，地點可以話極度方便，而且門面裝修都好靚，整潔而且新派嘅感覺，最好嘅係仲有位置俾人坐同埋打卡添🤓 爆檸蒼穹蘭花🍋 $36 見到呢個好特別嘅名，諗咗好耐係咩嚟🤣 簡單啲來講係類似檸檬茶嘅感覺，茶味香之餘，新鮮篤完嘅檸檬酸度啱啱好，唔會太酸又唔會太甜👍🏻 百香鮮橙綠🍊 $38 呢杯百香鮮橙綠可以話係分量十足，飲落去仲咬到淡淡的百香果粒🤓 蜜桃乳酪🍑 $38 好fresh嘅蜜桃乳酪，飲落去好開胃，蜜桃味又唔會話好假，甜度啱啱好 - 茶愉凡逅 (元朗) 元朗西菁街23號富達廣場地下8號舖

平日去到旺角，又想舒舒服服打個邊爐唔想同人迫，經過瓊華中心，想食得養生少少就揀咗呢間馬祖台灣養生涮涮鍋😗 好彩平日冇乜人唔使排隊，但係我諗假日最好就預訂定穩陣啲😎 🔎 湯底：台灣藥膳養生雞涮涮鍋 佢個湯底本身已經好足料，飲落去味道好濃郁，如果嫌唔夠豐富嘅話可以自選加啲配料例如蟲草花、粟米🌽、白蘿蔔一齊滾，打邊爐得黎都健康啲🙈 🔎 黃金地瓜條 另配左呢個黃金地瓜都冇令人失望，上碟果陣熱辣辣，相當脆口，另外食食下發覺原來餐廳係有提供類似shake shake粉，有四隻味俾你揀咁樣撈埋黎食，除咗大路海苔粉之外，仲有麻辣、話梅同埋蕃茄味可以揀😀 🔎 肉類：Prime Grade 美國安格斯牛肉，西班牙無激素豬肉片 牛肉肥牛唔會話特別好肥，任叫咁樣食食得特別爽快🙊 相對地豬肉片會更加瘦更加少肥膏，都係一個健康小小嘅選擇🫢 🔎 丸類：手工黑松露墨魚滑、足八吋長蟹棒 喺放題嚟講佢手工黑松露墨魚滑好出色，通常出面食都係見到啲黑色一點點但係冇咩黑松露味，呢個即使六熟完之後陣黑松露味都勁香，可以叫多啲🫶🏻 另外佢個蟹棒打卡有哂 gimmick一流😉 🔎 是日精選海鮮，生猛海蝦🦞 我哋嗰日食嘅係蜆同埋聖子，食落去都冇咩沙，但係唔會話好大隻咁，可以叫黎試下👍🏻 另外蝦佢每次比嘅份量都好爽手，每一碟有三隻，蝦嘅味道鮮甜，唔會腥😙 🔎 甜品：Dreyer's焙茶扭紋脆筒，Haagen-Dazs士多啤梨味雪糕 食到勁飽，都要食甜品，佢甜品只限每人一份，但係有勁多選擇，除咗呢兩種牌子之外仲有 mövenpick 🤓 佢滿足晒唔同人對雪糕嘅期望😋😋 整體黎講個環境好舒服，嘢飲亦都好多選擇，當中特別推薦自家製嘅芒果紅茶同埋冬瓜檸檬茶，除咗自家製嘅一啲茶飲之外，叫埋唔同牌子嘅嘢飲佢都有，大路既解茶，韓國製嘅罐裝飲品都應有盡有；仲勁貼心有啲熱飲😎 除咗野飲之外抽風系統都出色，唔會話好大浸油煙味😌 - 📍 馬祖無限時台灣養生涮涮鍋 (旺角) 旺角彌敦道628號瓊華中心11樓

估唔到馬鞍山入面都有間隱世正宗韓國菜！無論熱食定炸雞都好有韓式風味👍🏻 而且佢仲收夜晚23:30！喺馬鞍山睇完夜場電影，咁啱可以過去食返個宵夜👍🏻 🔎 無骨炸雞 （甜辣/ 蜜糖芥末醬）$219 佢可以俾你選擇有骨或者無骨，無骨就啱晒我呢啲懶人可以唔使帶手套，用筷子食都可以，餐廳好好有提供埋即棄嘅手套，炸雞個醬除咗甜辣同埋蜜糖芥末之外，我見仲有蒜香醬油同埋芝士都好似好唔錯，食落去炸雞嘅份量超多，雞同埋炸粉嘅比例，啱啱好，呢個份量其實可以夠三至四個人食，個醬汁邪惡好好味😋 🔎 辣牛肉湯（配白飯）$78 辣牛肉湯好足料👍🏻 有陣陣辣味，但又唔會太辣，除咗牛肉仲有菜同埋菇，配埋個飯夠晒飽肚！特別食韓國嘢成日食炸雞，配啲湯類感覺冇咁熱氣🤓 🔎 香烤牛肩肉 （配生菜）$158 牛肩肉分量十足，如果係三四個人嘅話攞嚟share啱啱好，配埋生菜又唔會太肥膩🤓 🔎 烤牛肉飯卷 $48 呢個午時定食嘅推介，加$7就可以有杯提子汁飲，可能係因為午時限定嘅關係，佢上菜都會好快，但係飯卷嘅份量都足夠，整出嚟到相當正宗，平時食 lunch 快靚正🫶🏻 🔎 水蜜桃氣泡酒 $38 呢個係韓國都有得飲嘅水蜜桃酒🍑！飲落去完全唔似飲酒咁樣，水果味勁重，中和返炸雞嘅油膩係最好嘅配搭，必叫🤓 - 📍 釜山炸雞批薩 (馬鞍山) 馬鞍山鞍祿街18號MOSTown Street 新港城中心大街(2期)地下23-26號舖

係銅鑼灣收工想去間Cafe同朋友食個飯又想去間有 style d 既 cafe同朋友吹下水，發覺唔使去啲樓上鋪，地下嘅 fashion walk都有間滿滿工業風 style既 cafe，好彩係平日夜晚唔算好多人🤓 🔎 手打安格斯牛肉漢堡配薯條 $168 Happy hour Set 可配指定啤酒 🍻 1664/ Asahi. 非常厚身足料的一個漢堡， 牛肉漢堡成隻手公咁厚，但係厚得黎都多汁鬆軟， 而且個牛味香濃， 再配埋厚切薯條🍟， 好American Cafe style 我鐘意😚。 🔎 卡邦尼煙豬腩意粉 $138 除左burger仲點左另外一個意粉share食。賣相還好，豬腩燒到剛好不會太老，搭配上卡邦尼蛋黃醬汁和少量的黑椒全都鎖在意份上，另外啲豬腩細細粒咁食亦都唔會太油膩，佢 carbonara黎講醬汁同蛋味都算唔錯😃 🔎 Uji macha latte $50 綠茶味夠晒濃，又唔會太甜。如果怕訓唔著唔叫coffee, 呢個係不二之選。 🔎 Chicken Wings w/ Yuzu Sauce $88 即叫即整得黎個皮一啲燶都冇，脆卜卜，再加埋雞翼上面仲有d炸蒜，配合埋肉汁同埋柚子係面嘅味道，唔會過甜又唔會太肥膩，高度推薦嘅小食😀 - 📍 Urban Coffee Roaster (Fashion Walk) (銅鑼灣) 銅鑼灣京士頓街9號Fashion Walk地下D號舖

嚟到荃灣呢個天橋之城，通常商場入面都冇咩好嘅Cafe可以坐住一路食一路傾偈，荃灣廣場入面原來有間Cafe 成個環境裝修都好舒服，Homeland令到我對大商場只係得連鎖店嘅概念改觀左🫢 ✨Homeland精選晚餐Dinner Set 🔎「雪糕」氣泡焙茶 呢個係佢新出嘅特色飲品，除咗平時有嘅手工啤之外，佢呢個茶飲落去都好特別，飲落去陣陣嘅雲呢拿雪糕味道同埋個芳香出哂黎，配埋個焙茶飲落去好清新清甜，夏天解暑又唔飲得酒嘅朋友一流🤫 🔎 秘製法式龍蝦濃湯 +$18 用心製作嘅西式龍蝦湯，飲落去一啲都唔稀🥰 🔎 煙三文魚凱撒沙律 一人分量嘅前菜黎講佢個煙三文魚嘅比例好足料，有成3塊咁樣配埋麵包粒同埋不多不少嘅沙律醬，食落去非常開胃🤓 🔎 冬蔭功赤蝦闊條麵 兩隻赤蝦大大隻，食落去隻蝦好鮮甜，啲蝦殼亦都好容易剝出黎，酸酸辣辣嘅冬陰功再加埋半個青檸，再配埋自己啲手工整嘅闊條麵，依個高質😆 🔎 伊比利亞豬肩肉配薯菜八成熟 去扒嘅比例唔會好多肥肉，食落去都軟身，配埋靚靚嘅擺盤係cafe打卡都一流😉 睇得又食得 📸 🔎 精選甜品(朱古力脆片蛋糕) 意猶未盡嘅話仲可以加個甜品蛋糕食，佢呢度用嚟慶祝生日，紀念日嗰啲都一流，因為佢可以幫你寫埋慶生字句咁😉 - 📍 Homeland (荃灣廣場) (荃灣) 荃灣大壩街4-30號荃灣廣場B1樓B109-B110號舖