The Place

Macron，生蚝，龙蝦加movenpick 雪糕，再加上openrice 65折優惠，實在太吸引。雪糕我冇影相，但重要冇人同爭，有人招呼你，結果在武漢肺炎疫情下，我也食得安心滿意

武漢肺炎期間， 市道蕭條，勿說是普通餐廳生意衰落，酒店buffet 應該更加是重災區， 不但少遊客入住， 連港人生意都大減!抗炎期間剛好是女兒生日， 本來都無特別計劃點樣慶祝， 只是係openrice search 下搵間餐廳食飯。俾我見到 The place 做65折， 重可以即訂即有優惠， 就試一試!原以為呢個時勢，會無咩人去食buffet, 12點去到， 都有4~5枱人， 再過多一陣， 全場約有20枱人， 比想像中多人添!坐低無耐， 剛除口罩時， 就有侍應遞上4個信封用黎載口罩， 貼心!而食物方面， 基本上全部都變成獨立包裝(用保鮮紙包著)， 連湯都有人幫你裝埋， 感覺衞生足夠!生蠔海鮮全部都有人service, 要咩同要幾多有專人即時係雪櫃攞俾你， 份外新鮮!👍甜品bar 都用透明膠板封隔住， 都係有專人幫你攞!book 枱時有註明係同女兒慶祝生日， 餐廳安排左1件精美朱古力cake 寫上生日牌給我女兒 !👍雖然係呢個時候食buffet 好似有d高危， 但要一讚餐廳安排， 加強衞生外還特別安排餐擺方式， 個人感覺食得安心，而且食物變得份外精美! 👍

I’ve been to this buffet many times now, and whether lunch or dinner their great selection is the reason why I go often. Other places often reserve oysters for only dinner buffet but The Place usually has them at lunch time as well. It’s an excellent value for the cost and always has man great food options and themes. I also go for breakfast when I’m awake that early on a day off. Lol

非常時期好多酒店都暫停供應自助餐＇估吾到這裡正常營業，午餐經openrice訂位仲有65折真好～去到酒店餐廳門口要量體温仲有要你即時用酒精初手液清潔雙手，保障大家的健康衛生good入到去＇龍蝦鉗， 白灼蝦， 大蜆， 龍蝦仔， 生蠔都正常供應，只係無得自己 夾，同職員需要食幾多佢就即時在雪櫃攞比你～生蠔洗得好乾淨無碎殼只是太瘦＇蝦正常有Ｄ癡殼＇龍蝦鉗新鮮結實好味＇蜆咸鮮正＇無食龍蝦仔熱食吾多，但大多好食＇每個餸分成好多一小碟＇冇夾同匙，有職員在旁替你取碟＇最好食是牛肋條夠冧夠入味＇每小碟在２塊肉份量剛好＇刺身同壽司在２個師傅即時切同做比你幾好＇另外沙律同水果分一碗碗用保鮮紙包好放在雪櫃比人自己攞。最後甜品也是同職員講要那件佢就汁比你＇全部用透明膠板隔住，你只可以用手指指＇ 一啲都頂唔到好衛生，估吾到甜品九成好食＇仲有豆腐花同雞蛋仔好正＇雪糕係Ｍ字頭貴野我每樣要了一球＇另外每位包一杯飲品好滿足

今晚一行四人 (生日飯局), 決定去 The Place食自助餐，初時都有點兒擔心，怕食自助餐，人人都自己拎食物， 會有衛生問題，始終而家武漢肺炎流行， 人人對食自助餐都都避之不及， 怕交叉感染， 但今次自助餐真的非常非常驚喜， 佢哋改變咗以前嘅食物安排， 而家全部都係獨立碟上， 有保鮮紙包住，唔會有機會畀你夾食物， 全部有專人企響食物區幫你，你要湯佢會幫你潷湯， 沙律全部一兜兜， 海鮮會有廚師響雪櫃即刻拎出嚟 俾你， 生蠔係真真正正嘅 即開生蠔，食物枱前面， 有啲板隔住， 咁大個女未試過食嘢有專人服侍 ， 我覺得自己簡直係公主 ，見到酒店真係好用心做呢個安排， 而且入座嘅時候，亦需要探熱才可以進入餐廳，高度戒備， 門口位置亦有消毒搓手液畀客人使用，餐廳所有員工都有戴口罩， 而且最緊要係 👉性價比高 ， 佢哋長期有快閃優惠65折，唔使$500一個人頭， 抵到爛！🤭🤭

難得年初五未開工，拉咗阿媽去The Place食lunch buffet，因為有即開生蠔任拎任食，響官網訂係最抵有75折，新春期間做呢個promotion確實抵食，食物種類都算幾多選擇，不過整體食後感係好麻麻，唔會再幫襯！唯一想讚係服務一流👍🏻。🍴海鮮：生蠔、小龍蝦、龍蝦鉗、青口、蜆、凍蝦🍴冷盤：沙律、芝士、多款凍火腿、煙三文魚🍴刺身：三文魚、吞拿魚、𩶘魚、八爪魚🍴熱盤：肉骨茶、蘑菇湯、蒸魚、燒牛肉、海南雞飯、咖喱什菜、咖喱羊腩、燒牛肋骨、印度烤餅、香煎蝦碌、賀年齋菜、車仔麵、燒賣、粉果、叉燒包🍴甜品：生果、黑芝麻芝士蛋糕、蜜柑蛋糕、梳乎厘、青蘋果梨肉蛋糕、梨撻、蜜柑布甸、士多啤梨奶凍、紫薯蛋糕、雞蛋仔、豆腐花、Movenpick 雪糕二人消費：$313(成人)，$245(長者)

朋友生日臨急訂嘅buffet前一晚突然上OpenRice 想博下訂枱點知唔止訂到，仲有7折想食嘅朋友得閒留意下上黎有冇訂座優惠啦呢間酒店野食水準一直都普普通通過得去咁啦我都朝係佢地常客，由lunch buffet tea buffet到dinner buffet都係成日食嘅如果鍾意食生蠔佢地嘅lunch buffet就好抵食啦食物種類都過得去要有嘅都有，重點係生蠔新鮮好食其他凍海鮮都係鮮甜爽口嘅熟食、沙律、刺身就唔多講，度度都咁上下但想lunch time舒舒服服食好啲嘅話黎呢度就啱哂幫人慶祝又冇預備嘅人仲可以喺甜品區自己揀好哂甜品砌個生日陣再問reception拎生日牌用添

今日慶祝生日黎左旺角the place食buffet
首先環境方面算幾好坐落唔會太逼食得太飽想行下可以行出去出面個花園散下步入黎再食過食物方面我幾滿意佢比較高級既野都有得食有生蠔 蟹腳 鵝肝 龍蝦 刺身 羊架等等質素唔算話好高
但有得食都開心既
尤其我覺得鵝肝煎得相當唔錯我自己一個都食左半打另外比較特別既係有蛇羡食！味道相當唔錯
好濃郁，只係每碗都唔算好多但是可以任拎的最後不能不提既就係甜品啦
我個人都幾鍾意食甜品唔同既蛋糕，奶凍就一定有最重要係有movenpick 雪糕！！
真係要最尾啪多幾舊整體而言我覺得都係一個唔錯既體驗
想食多d唔同種類既野食可以一試

半價早餐百幾蚊 ，同飲早茶差唔多， 呢度有鮮榨果汁，蘋果、青蘋果、 西芹汁都有 ，有不同選擇嘅中式茶，又有港式奶茶、印度茶， 飲品選擇非常多。不過熱食就選擇 有限， 環境都舒服嘅。

有大節日又好 得閑諗唔到食嘜又好我同另一半都會選擇食嘅自助餐一來 成日有優惠好抵食二來 有另一半好喜歡嘅燒大大件牛 仲要有我可以一氣過食30隻嘅小龍蝦仲有仲有 佢嘅凍食龍蝦 都好爽口彈牙另外 我同另一半雖然唔係「蠔」愛好者但都會都食嘅 哩度嘅蠔係無限開 見住師傅密密手開 仲要都ok新鮮 食到蠔嘅鮮甜 有時遇到啲好肥美嘅蠔添哩度除咗食物質素ok之外佢地嘅服務態度都好值得客人欣賞好老實 如果食飯好高質 但員工態度差 我都唔會去😅

趁小朋友入咗camp 3日2夜2公婆當然要孖住出擊啦🥰第1晚就係嚟The Place食buffet我都好鍾意嚟呢間食因忘記預早訂枱，即晚打嚟問只剩返bar枱咁我地2個大人坐邊都無所謂啦咁就即時訂2位一開始就梗係食生蠔啦生蠔條隊客似雲來，師父做到無停手今晚啲生蠔又大隻又肥美yummy 😋我食咗1打超滿足🤗其他都係例牌食物啦不過有啲美中不足係龍蝦無膏有啲啲失望既，但都唔緊要蛋糕個賣相真係好靚明顯個師父好有心機去整但真係實在太甜臨走時同職員反映返啲蛋糕可以唔使咁甜食太甜都唔健康淡就少少就prefect 職員都好有禮又好耐心去聽仲話會同師父反映返希望下次嚟有改善☺️電話show返openrice 既優惠券＋碌卡就有折

26/12 見到OpenRice有78折就去食自助餐，比起我早兩日食三四星級嘅酒店差。款式選擇唔多、海鮮唔新鮮、甜品唔特別、沒有聖誕玩具給客人、服務員面口差。門面好頹嘅聖誕樹見到生蠔一早開好晒擺喺度，唔新鮮、入邊有蠔殼好正常嘅忌廉湯冇咩想食食碗河粉先

今年香港比較逆境不少公司連annual dinner 都擱下更甚至執笠悲觀說話不多說今年annual dinner 訂於12月中從來沒有試過這家酒店的自助餐機會來了吃自助餐通常都不吃熱盤為免多吃 我會順著平常吃西餐的次序熱湯Standard 的一中一西我選了龍蝦湯有點鮮味 還是可以麵包有幾款 選一片小小的沙律吧有不同種類的蔬菜而且是新鮮的不是菜乾類魚生就一般我拎左返黎講左10分鐘電話之後就見佢自我解體咁款然後食左8隻生蠔左右少少creamy 幾鮮味蟹腳都好好肉地Li 個自助餐主攻海鮮就可以了然後燉湯好好飲豆腐花亦好滑甜品賣相一般 冇乜點食而movenpick 雪糕有8種味我食左6款😆一人包一杯飲品要左杯奶茶 奶同茶分開上茶係有茶香ge水飲落冇味整體質素可以性價比尚可

有蠔、蟹腳、青口等。但蠔完全沒有海水味。蟹腳也不是特別新鮮熟食不吸引，選擇很少，最好吃是那個辣子雞丁。口水雞做得很難吃。甜品直情是差，選擇少，造形不吸引。很失望！雖然有75折，為返每人約$360。本以為五星酒店差極有譜，我敢說食物質素只有三星！帝苑實在好太多！而且這餐廳樓面侍應態度也不太好，座位也很逼。大家不要浪費金錢。屋企人也一致同意，呢個自助餐好唔掂！環境食物服務都不合格！浪費了我的quota! Book時講了是生日，說會有cupcake送，結果無送來，我們也忘記了！ will not come back again

之前嚟好似係2011年嗰陣，嗰陣覺得環境唔錯但食物普通，相隔8年後再嚟，名改咗，食物質素亦大大提升。準時六點半到，環境都係唔錯，已經有聖誕嘅佈置，枱有啲密，大概七點差唔多坐滿。食物方面選擇唔算多，但質素唔錯，Refill得好快，服務幾好，經Openrice訂枱有78折，大概$600左右一位，今年嘅生日自助餐幾滿意。即開生蠔，肉質Creamy，開得好快，完全唔使等，無限拎幾多隻，呢個係賣點。即煎鵝肝，全場最多人排，起碼六至七人，到大概8:45分就無咩人排我哋先拎，我覺得煎得太乾無嗰種油潤感。蟹腳有少少碎，水份較多，鹹味適中。其他凍海鮮都可以㗎。刺身新鮮，三文魚同希靈魚最好味。壽司質素都幾好，細細件，料好足。火腿盤有切好嘅哈蜜瓜粒，好細心。自製魚生飯，自製可以多配料少飯，正。芝士焗龍蝦，我覺得比普通嘅凍龍蝦出色，芝士無搶龍蝦鮮味，雖然唔係生猛即劏龍蝦咁新鮮，都好唔錯，肉質好彈牙。焗魚柳同鹹豬手都好味。燒安格斯牛扒有牛味不過有啲難，火雞都都唔係咁欣賞。加咗喺焗薯上面嘅係即場燒溶嘅芝士，好味。仲有唔記得影相嘅羊架亦唔錯。龍蝦湯過鹹有啲苦同太杰。青紅蘿蔔湯有味精味。燉湯Ok。好多甜品都係聖誕造型