影片
更多
2019-12-13
22150 瀏覽
之前嚟好似係2011年嗰陣，嗰陣覺得環境唔錯但食物普通，相隔8年後再嚟，名改咗，食物質素亦大大提升。準時六點半到，環境都係唔錯，已經有聖誕嘅佈置，枱有啲密，大概七點差唔多坐滿。食物方面選擇唔算多，但質素唔錯，Refill得好快，服務幾好，經Openrice訂枱有78折，大概$600左右一位，今年嘅生日自助餐幾滿意。即開生蠔，肉質Creamy，開得好快，完全唔使等，無限拎幾多隻，呢個係賣點。即煎鵝肝，全場最多人排，起碼六至七人，到大概8:45分就無咩人排我哋先拎，我覺得煎得太乾無嗰種油潤感。蟹腳有少少碎，水份較多，鹹味適中。其他凍海鮮都可以㗎。刺身新鮮，三文魚同希靈魚最好味。壽司質素都幾好，細細件，料好足。火腿盤有切好嘅哈蜜瓜粒，好細心。自製魚生飯，自製可以多配料少飯，正。芝士焗龍蝦，我覺得比普通嘅凍龍蝦出色，芝士無搶龍蝦鮮味，雖然唔係生猛即劏龍蝦咁新鮮，都好唔錯，肉質好彈牙。焗魚柳同鹹豬手都好味。燒安格斯牛扒有牛味不過有啲難，火雞都都唔係咁欣賞。加咗喺焗薯上面嘅係即場燒溶嘅芝士，好味。仲有唔記得影相嘅羊架亦唔錯。龍蝦湯過鹹有啲苦同太杰。青紅蘿蔔湯有味精味。燉湯Ok。好多甜品都係聖誕造型
即開生蠔，肉質Creamy，開得好快，完全唔使等，無限拎幾多隻，呢個係賣點。
即煎鵝肝，全場最多人排，起碼六至七人，到大概8:45分就無咩人排我哋先拎，我覺得煎得太乾無嗰種油潤感。
蟹腳有少少碎，水份較多，鹹味適中。
其他凍海鮮都可以㗎。
刺身新鮮，三文魚同希靈魚最好味。
壽司質素都幾好，細細件，料好足。
火腿盤有切好嘅哈蜜瓜粒，好細心。
自製魚生飯，自製可以多配料少飯，正。
芝士焗龍蝦，我覺得比普通嘅凍龍蝦出色，芝士無搶龍蝦鮮味，雖然唔係生猛即劏龍蝦咁新鮮，都好唔錯，肉質好彈牙。
焗魚柳同鹹豬手都好味。
燒安格斯牛扒有牛味不過有啲難，火雞都都唔係咁欣賞。
加咗喺焗薯上面嘅係即場燒溶嘅芝士，好味。
仲有唔記得影相嘅羊架亦唔錯。
龍蝦湯過鹹有啲苦同太杰。
青紅蘿蔔湯有味精味。
燉湯Ok。
好多甜品都係聖誕造型，部份有啲漏。
豆腐花好碎。
八款Movenpick雪糕，每一球都好完整。
水果及每人一杯餐飲。
張貼
