The Place

近期又再來食自助餐，因為見openrice 有7折優惠。今次遲左少少到，但侍應都好有禮貌同幫我預留位置。2個人好彩坐到卡位，可以舒服地食。鵝肝一如既往十分肥美，而且會煎好一堆，唔使排隊。生蠔都算新鮮。刺身方面帶子唔錯，十分甜美，其他就正常水準。甜品有Mövenpick 雪糕，亦有其他不同選擇，值得一讚。惟一可惜今次自助餐冇左麵包蟹同小龍蝦。另外侍應幫手清碟速度好快手，服務十分好。價錢方面今次約每人600，價錢合理。如果平日搶5折的話就更加抵食了。

與中學同學相聚，本來想放題，點知無位。咁啱見到The place，之前都想試，撞啱有快閃優惠5折（得呢兩日），注定要試試佢。總結係物超所值，飲品有罐裝、有DIY cocktail、有紅白酒、果汁咖啡，海鮮有生蠔，我唔食唔知好唔好，龍蝦，蟹腳，蝦，青口，瀨尿蝦仔等，有味既！冷盤有沙律、菌類、hams、等；熱食有牛扒、豬、鵝肝、中西湯、煎品、蒸餃、中西湯、煮水餃等，從蝦子粉可見其detail；有雜芝士、魚生，樣樣都有。甜品有疏乎厘、蛋糕、撻、Movinpick雪糕、雞蛋仔等。食完飽到一個點

已經係第四五次嚟呢度食雖然今次發現lunch冇咗生蠔但係整體仲係好抵食！甜品冇得輸長腳蟹都有海水味😋雪糕一定要試雪葩味！開心果嗰個蛋糕超好食呀 超濃開心果味勁surprise ！

上年9月中，朋友同我慶祝生日，去咗食午餐自助餐。有致愛的長腳蟹，夠新鮮，食咗三碟，仲有其他海鮮，例如蝦，青口，螺。熱食唔太多，個牛肋骨好味，其他一般。最好似汽水任飲任扲，沙津都好新鮮。餐廳唔算好大，坐得都舒服嘅。希望下次能夠發掘到性價比高嘅自助餐。

康得思酒店嘅中午自助餐個選擇其實都幾多，有串燒，魚生，牛扒，凍鎮青口和長腳蟹，炸物，避風塘炒蝦，可惜食材質素和煮功一般。不過自助餐包果汁和汽水，Movenpick 雪糕有好幾款口味可揀，切餅都唔錯。

上年朋友生日的時候，買了推廣的買二送二優惠。當時有無限供應凍龍蝦同鵝肝。兩者的味道也非常不錯，還推蔫朋友去試。現在鹅肝還有供應，但不是一開餐時供應。 龍蝦則變了每人只有半隻青龍，蒜蓉蒸。喜歡食龍蝦的，可以卻步了。另外罕見地、見到餐廳有幾隻飛蚊。 再可怕的是，當天的魷魚串盤上竟有好幾隻小飛蚊在散步。其實食物不過不失。有一點可讚的是增加了Aperol Spritz，可以自己調校一杯雞尾酒特飲。

公司今年係 The Place 搞自助餐。晚上6:30開始。單單看Buffet Line 好多野食。Buffet Line 有海鮮有蟹、蝦、生蠔及刺身。成人價$688。第一道菜，先飲返個蘑菇湯。好足料。一飲已知唔係鑵頭湯。鮮甜。泰式八爪魚串，好美味。新鮮食材。第二道菜，日式壽司。賣相滿分。美味。第三道菜，雞肉串燒，好重大馬風味。天婦羅甘香爽口。德國腸即煎即食。彈牙多肉汁。第四道菜，青口青甜。蟹肉唔太好食。似發水食品。長腳蟹好甜。第五道菜，熟凡立貝，彈牙好味。清蒸雞肉鮮嫩，爽夾滑。冬蟲草湯，清甜好飲。第六道菜，雲吞麵，雲吞粒粒都有鮮蝦肉。鮮甜。第七道菜，馬卡龍好食。紅慕絲蛋糕，入口即溶。果凍杯唔錯。第八道菜，Strawberry 雪糕 & 焦糖雪糕，香滑。清甜。

-𝐓𝐡𝐞 𝐏𝐥𝐚𝐜𝐞 🦞最近康得思酒店自助餐餐廳 The Place 推出全新自助餐體驗— 「Seafood Feastopia 海鮮饌嚐」自助晚餐重點係性價比極高 — 除左菜式升級奢華海鮮外 🌟成人/長者客人有蒜香蒸鮮波士頓龍蝦半邊一份/位🌟個人覺得今次重點要捕住既係：🦀海鮮區 — 海水味勁濃既生蠔、鮮味重啖啖肉既鱈場蟹🔥即席烹調美食專區 — 每晚輪流供應既鐵板香煎鵝肝（當日係8點左右開始整鐵板香煎鵝肝 勁香勁多人排隊好邪惡但好味 值得早10分鐘排隊捕住😆）🥢港式大排檔 — XO 小炒王 （勁惹味！但好快冇晒！）🔥即席烹調美食專區—香口彈牙既蒜蓉粉絲蒸扇貝🍰甜品— 不時出爐既開心果麻糬蛋撻、自製芋圓！只要係朗廷卓逸會Brilliant by Langham 會員 惠顧自助晚餐亦可獲「味蕾昇華通行卡」一張 🤩獨家尊享額外限定隱藏美食一客 我地今次就抽中左：🎁鮑魚燉雞湯🎁火炙日本鹿兒島 A4 和牛壽司🐟重量級冰鎮環球海鮮及日式刺身一直以黎康得思自助餐出名有多不勝數同來自世界各地既時令海鮮同前菜冷盤 — 每日會輪流呈獻5款冷盤海鮮包括生蠔、加拿大鱈蟹腳、麵包蟹、海蝦、新西蘭青口等刺身壽司區

朋友聚會先揀地點 , 方便大家最緊要 ◦ 最後大家揀 佐旺角市中心朗豪坊康得思酒店 。 四星級酒店下午茶自助餐每位都係二百幾蚊 ,呢度 甜品最出名 , 淨係食甜品雪糕飲咖啡都回到本 。 另外 ,海鮮 : 有蟹腳青口蝦同龍蝦仔都任擺任食 o 熱薫我最鍾意街頭小食 ; 燒排骨 `燒賣 、咖喱魚 蛋 ; 蘿蔔豬皮 `瑞士雞翼 `多士等等 。 除此之外 ,仲有沙律菜`炒飯 `壽司。等等 o 位置方便 `食物好味 `服務好 、價錢平絕對係 聚會之選 ◦ 价格超值 ◦ 食物的味道超赞 。 可提 前预约用餐时间 。

餐廳客人都相當多很熱鬧，食物補充速度都不過不失，食物水準都幾好味道唔錯。我同太太兩個人都各自找到自己喜歡嘅，食了1小時已經有少少飽，甜品方面都幾多味道都很好令人滿意。

臨时订咗这间自助餐，六点半已进场，坐低当然第一时间拿生蚝啦，这裏比较特别每人限取三小隻，蚝也不觉特别好食，他属于黏口哪种，我喜欢食蚝也食不了一打，跟着我去拿刺身，那只虾也不觉得很新鲜，肉质有点霉，这裏除咗虾刺身之外，还有几款寿司，跟着我行了一圈，法国没有什么可以选，鹅肝原来是七点半后至有提供，于是我選了几串烧烤，肠仔，嗱点牛肉，及烧猪腩，牛肉做不过不失，跟其他自助餐那的一样，那个烧猪腩我不知他想怎样，皮不脆，另外他有一个云吞麵档，我之后拿了一碗云吞麵吃，怎不知道原来他们包云吞是全部用肥猪肉的，这样的云吞是我所吃过的最差，另外这间自助餐的款式极度小，前面有四个小菜类再加一个蒸鱼那些，但是那个不是放蒸鱼，是放了白灼虾，我再看另外那四个盘，他们比客人拿了，差不多半个钟有多也不会自动加回，另外这裏每位客人送半隻龙虾，但是我觉得那些龙虾整得不太熟，他们也有面包蟹，但感觉他放了很久，蟹裏面已没有多余的水分，总括这次用餐体验，感觉是贴钱买难受，两个人总数1600元，感觉极度不值，唯一觉得许可的，便是哪些服务员，收碟及其他服务也不错

新年當然要吃新年大餐過！肥！年！人多又選不定新年大餐吃什麼菜式的話一頓自助餐絕對可以解決所有煩惱 !人氣酒店 ᴄᴏʀᴅɪs 自助餐餐廳 ᴛʜᴇ ᴘʟᴀᴄᴇ最近革新了自助晚餐體驗 以奢華海鮮作主題你說出的海鮮幾乎全都出現在自助餐裡以不同料理的方式呈現 絕對是個超滿足的美食盛宴| sᴇᴀғᴏᴏᴅ ғᴇᴀsᴛᴏᴘɪᴀ 海鮮饌嚐 自助晚餐 |晚市每位成人或長者客人可獲蒜香蒸鮮龍蝦 (半邊) 一份以蒸籠上桌新鮮又滋味 超易起肉 肉質結實再來有重量級冰鎮海鮮及日式刺身每日會輪流供應五款時令海鮮當天有生蠔 加拿大鱈蟹腳 麵包蟹 小龍蝦 青口刺身區則有數款高級刺身 有三文魚 帶子 甜蝦等 海鮮迷一定吃不停口除了豐富冷盤 當然還有必吃矜貴熱葷即席烹調的法式馬賽魚湯 湯頭濃郁鮮味喜愛中菜可選擇籠仔清蒸海蝦還有果皮蒸原隻鮑魚 原汁原味每晚輪流供應的香煎鵝肝及澳洲安格斯牛舌也是人氣排隊餐點之一餐點也增添港式大排檔風味 像是鹹蛋黃炒蝦球 避風塘炒蟹 都相當地道又惹味自助餐最不能錯過 當然是精緻甜品環節 有蘋果卷 超人氣榴蓮千層蛋糕 跟小份的雞蛋仔開心果麻糬蛋撻 開心果梳乎厘也相當緊貼潮流！自助餐還有任添配料的台

今日訂咗朗豪坊康得思酒店下午茶，當團年過節。喺平台預訂，每人都係二百幾蚊。3:15 pm開始自助餐，都算多嘢食。海鮮有雪場蟹腳、青口、龍蝦仔同凍蝦。熱葷有各樣小食，好似魚蛋、燒賣，瑞士雞翼、珍珠雞、燒排骨、炸豬扒、蝦多士等等。康得思嘅甜品出名好味，多款精緻甜品，仲有雞蛋仔同窩夫；Movenpick雪糕任食；自助飲品任飲。食到飽飽晚餐都慳返。

個人喜好：食自助餐必定要有龍蝦🦞，除非性價比超高會再取捨，所以揀自助餐時自然見到有龍蝦就會優先考慮。龍蝦🦞大隻，肉質鮮嫩；麵包蟹好多蟹膏，肉質飽滿；鵝肝好大件；其他食種類都中規中矩。整晚最驚喜係生蠔🦪，雖然要排隊攞，而平時一般都係每排一次攞2隻，但呢間每次可以攞4隻，真好！生蠔又大隻又鮮甜，肉質爽口，好有驚喜！對於唔係特別好食生蠔嘅我，最後一共排左3次攞生蠔，大滿足😇。雖然自助餐區唔算好大，但地理位置放便，係一個唔錯嘅選擇。

最近我去咗Cordis酒店嘅The Place，試吓佢哋嘅自助餐，真係非常值得推介！一入到餐廳，首先就被佈置吸引咗，環境優雅，燈光柔和，令我感到好放鬆。餐廳嘅設計現代又時尚，無論係同朋友聚會定係慶祝特別日子，都好啱。自助餐嘅選擇非常豐富，從海鮮到日式刺身，再到熱食，重有甜品，應有盡有。首先，我去咗海鮮區，呢度有新鮮嘅生蠔、蟹腳、蝦、龍蝦，同埋麵包蝦，全部食落好新鮮，味道好鮮甜。我尤其鍾意生蠔，搭配一啲醋，簡直係一流，口感滑嫩，令人回味無窮。之後我就去咗日式刺身區，入邊都有好多款式揀，我自己比較鍾意嘅就係三文魚同埋鯛魚，兩個都好有魚味，同埋口感都好嫩滑。接住去熱食區，呢度有好多唔同嘅菜式，例如中式、燒烤同扒類。我食咗佢哋嘅威靈頓牛扒，肉質嫩滑，皮脆口感，真係好好味！佢哋個鵝肝口感細膩，加埋個果醬10分好食。另外，The Place嘅沙律吧都係一個唔可以錯過嘅地方，新鮮嘅蔬菜同埋多款醬汁，令每一口都有唔同嘅驚喜。我特別鍾意佢哋嘅凱薩沙律，搭配啲香脆嘅麵包粒，真係好好味。最後，當然要試下甜品啦！The Place嘅甜品區就好似一個夢幻世界，五顏六色，令人眼花繚亂。我試咗幾款，特別推薦佢哋嘅焦