Seoul Noodles (軒尼詩道)

營業中

休息中

灣仔新開的韓式刀削麵店裝潢有種韓國古色古香的風味🇰🇷厲害的是這裡的麵條和水餃都是自家製！有一邊座位可以直接看著oppa製麵和包水餃🥟 #根本搖滾區餐牌雖然只簡單寫主食名稱但其實單點就已經包👉🏼醃蘿蔔+泡菜+拌飯 而所有套餐都只是$88😍😍套餐就多了一份韓國飯卷或者韓式水餃🤩 #兩樣都值得吃整個套餐真係超大一份CP值滿滿👍🏼蘿蔔仔冷麵看菜單以為是素食 但其實有一點肉絲 冷麵湯底好喝 在夏天吃很解暑 而且麵條十份彈牙😋~辣牛肉蔬菜湯飯湯底濃厚 牛肉香氣十足🐮而且只是輕微辣度 不吃辣的也可以放心食用~雞湯麵不吝嗇地下了半隻雞 配上清甜雞湯太厲害了🐓紅豆湯麵就是比較傳統的韓式食品 鹹甜風味的麵食就不算很習慣～不過冬天吃會很暖胃～

之前聽親戚講話有間新韓國麵店開左，話好抵食，麵多飯卷好食，於是約朋友晚上去試，排隊排左45分鐘，見裡面d位超迫，不過姨姨好好，見出面排甘耐隊每人俾左杯凍飲解渴。入到去係冇位擺袋，全程用腳夾住……落單係用QR code，叫個combo但冇晒飯卷，非常可惜，唯一選擇得餃子，配菜份泡菜幾好味，仲有碗飯，如果全部食晒其實都超飽，建議唔叫combo都可以。但問題係碗牛骨麵同我想像中既味道有出入，裡面d牛全部係肥膏，成碗湯冇牛味得油味，非常失望，平時我一定飲個湯，但依個湯飲左幾啖都唔對路放棄。麵係ok既，有彈性夠煙韌，但d牛堅唔得，又冇味又肥。泡菜餃子個底唔知點解冇晒底果塊皮，睇過又唔係痴住個底紙，搞到d汁漏晒出黎……感覺上係名過於實，多人食唔等如好食……希望將來改善下座位安排同味道。

最近一嘢新開咗兩間韓國刀削麵專門店 另一間喺尖沙咀網上討論度都好高 睇過啲cm之後決定試呢間！佢哋1130開始營業 我哋1145到 已經要排隊😵‍💫但好彩翻枱速度都快 我哋等咗15分鐘就入得🤍辣牛肉湯麵+迷你紫菜包飯Combo($88) | Rating: 7/10呢款喺menu到應該算最重口味嘅湯麵 食落都真係幾濃郁 辣度都有翻咁上下湯底主要係食到辣椒粉嘅香 麵質煙韌 掛湯能力ok素菜配料較多 牛肉切絲 存在感就唔係特別高 個紫菜包飯就十分普通 嫌唔夠香麻油味🤍牛骨湯麵+泡菜餃子Combo($88) | Rating: 7/10呢款湯麵睇個樣都知係比較清淡 而實際上佢都真係幾淡其實佢嘅牛脂香好出 但又唔係濃湯鮮甜嘅感覺最後自己落咗幾粒枱頭嘅鹽就會啱啱好 呢款嘅肉就有誠意好多 有牛肉片+牛腩位 都有成6-7件我就用枱頭另一樽似自家製嘅洋蔥辣油醬汁嚟點牛肉個汁我幾鍾意! 覺得用嚟點餐廳所賣嘅肉類都會好食整體如果個湯鹹翻少少 連埋配料嘅話呢碗會贏上面嗰碗泡菜餃子包得有啲鬆散 餡料有啲碎 味道都係正常發揮總結會話佢個性價比其實幾高 $88嘅set 湯麵份量好大碗仲要有埋兩個前菜 一款小食 一

放工後去，點知大排長龍，等左起碼三十分鐘，唔知係咪因為星期五嘅關係。餐廳冷氣壞咗，不過可以問店家拎風扇仔吹，都唔算好熱，只係有d焗。食物方面，主打韓式刀削麵，但係口感好似同中國刀削麵差唔多，唔算入味。我地兩個人，叫咗牛肉湯底同埋蜆肉湯底。湯底味道的話都算唔錯，可以話不過不失啦。飯糰都正正常常。而小菜就得一個，比起其他韓國餐廳黎講真係少好多。值得一提嘅係，服務態度都算幾好。總結，如果要排隊就唔值得嘗試啦。

間餐廳新到openrice 同google review 都好少評論但已經有好多人排隊食有心理準備平日收工早d 去到都要等30-45分鐘先入到入到去既職員同老闆都係韓國人都算多位 但有d 逼叫左二人餐 包兩個主菜同兩個小食 加一個肉食只係$298 雞湯麵想食但賣哂😭 牛骨刀削麵都幾好食主要既牛骨湯都有濃牛味 牛腩又腍身單點都係$68 仲包醃泡菜同蘿蔔 仲有辣拌飯辣牛肉刀削麵就不過不失蒸餃 肉質有d dry 如果有湯汁會更好個菜夾肉幾驚喜 雖然係蒸 但用左糊椒醃 加埋韭菜 口感幾豐富overall 黎講 值得推介希望佢keep 到水準同keep到唔好加價😂

看到網上有人吹捧韓國人即製餃子和麵條，加上每天大排長龍的盛況，終於抽到一天時間提早放lunch，排了45分鐘終於入座。韓食一般消費近百元，這裡單點連加一只要七十多元，相對之下便宜不少，但上菜的牛肉如湯渣剪成絲般，聲稱大邱但與當地牛肉辣湯飯的水準相距甚遠。另外櫥窗位置有兩名男士即製麵條和餃子，當中手包餃子那位男士中長頭髮，連髮網都沒有帶，就這樣光明正大地包餃子，真搞不懂這是賣點還是什麼？但明顯衛生感欠奉（雖然我知道帶了髮網也不代表什麼但起碼整體觀感較佳），看到有些所謂網紅在吹捧這位男生實在是本末倒置。加上整間餐廳給人的感覺十分促趕，那些服務員除了上菜和加滿水壺之外也不知道做了什麼，點餐也是自己用QR code點，這樣也可以收一加服務費，這就是今天光怪陸離的香港。

🎈 建議場合：#普通拍拖 #普通食飯👤 建議人數：2人（最多可容納6人檯）💸 人均消費：$50-100【2個人食咗啲咩？】- 辣牛肉湯麵Combo 配迷你紫菜包飯- 辣牛肉湯麵Combo 配泡菜餃子⭐⭐️⭐️「有啲失望，希望下次試會好食啲」見其他人review講到咁好食，又係韓國人主理，搞到我都好想試下。見其他人影嘅相好吸引，未食已經先流曬口水。去左三次以上都排曬長龍同打曬蛇餅，結果第四次朝早11點去到終於唔洗排隊入到去食！岩岩去到個陣，無咩人，食食下越黎越多韓國人幫襯，睇黎間餐廳係韓國人community都幾出名。講真灣仔$88一個lunch set，有前菜、配菜、薏米飯、主食加無限添飲檸檬水真係算係幾抵食。我同朋友叫左個combo食，個迷你紫菜包飯好好食！足料、有淡淡嘅麻油香味，又有豐富嘅口感，係一個100分嘅前菜。至於泡菜餃子亦好好食，外皮煙韌，內餡豐富，調味剛剛好。薏米飯都好特別，加少少辣醬幾開胃，都幾鍾意薏米加波菜嘅養生組合。前菜都已經咁高質，令我地不禁對主菜提高左期望。上完呢啲前菜後，正餐同配菜終於到啦，可能因為岩岩開門，所以都等得比較耐。好鐘意食泡菜同蘿蔔嘅我本身以為韓國人開

📍灣仔新開業刀削麵‼️· 清甜人蔘雞湯😆 — Seoul Noodles🍜·Follow @pigfoodiexhk for more food!🐷#pigfoodiexhk_灣仔#pigfoodiexhk_韓國菜=============================最近灣仔開咗一間主打韓國刀削麵嘅餐廳，剛開業已經好受歡迎，成日都要排長龍🙈前幾日諗住下午茶時段去冇乜人，都估唔到坐咗九成人！🫨聽人講繁忙時間要等成個鐘添，認真誇張🫨—————————————————————-⭐️雞湯麵 $68湯麵好大碗！人參雞湯香濃清甜，麵條非常煙韌😍‼️餸方面有一大隻雞髀，肉質正正常常，有一個部位幾腍身，但有一個部位就好柴口🥹另外個麵仲跟咗一碗辣醬糙米飯，飯粒惹味有咬口👍—————————————————————-整體嚟講幾鍾意佢嘅湯底同麵條，但係隻雞髀就普通，個人覺得未至於要排大隊食🫢另外座位好逼，冷氣又唔夠，食到流晒汗🥲—————————————————————-賣相：3.5/5味道：4.4/5 for the 湯底 & 麵👍3.5/5 for the 雞髀🥹性價比：3.5/5推介度：3/5—————

星期五晚6:30 去到已經有30人等緊。隔離就係巴士站，人多車多再打晒蛇餅既35分鐘等候時間唔係太舒服。🙈坐低即刻由QR code自助落單，食物5-10分鐘內上齊。$68雞湯麵：好足料，唔錯既韓式湯底，清清甜甜。Combo set $88 辣拌麵+泡菜餃子：係個唔太辣既冷拌麵，泡菜餃子唔好食。😪壞冷氣。食住熱野又咁焗都幾辛苦，個員工都忍唔住熱到講‘好X熱’….聽聞5月1日會整冷氣，可以睇番佢地告示。👌🏻有大玻璃睇住兩位oppa製作手打刀削麵，食落麵質都彈牙唔錯，不過見住佢地有講有笑但無戴口罩，就有點唔衞生。🫶🏻要讚既係員工不斷有添水，亦有行出去問等候緊既人有無需要。總括黎講le個價錢加埋一，食到set韓國餐係性價比高，但值得排半小時（或以上）嗎？🤭

新開但好多人排隊1215嚟到 等咗差唔多50分鐘先有得食🫠實在係太抵食 唔加小食 $68就有一碗麵 🍜仲要唔係hea 又有埋前菜 味道各樣都中上質素有得睇住師傅整麵 但店內就坐得比較逼Noodle Combo $88(麵+小食)麵：牛骨湯麵湯底有淡淡嘅肉味 真係淡淡 唔多🤏🏻就咁飲個湯都幾清甜 但配麵嘅話 就略嫌清淡咗啲 無乜味牛肉就好有驚喜 份量好多+每片都好厚切 而且係高質好有口感之餘 肉味又濃郁至於個麵就有啲似烏冬 正正常常啦小食：迷你紫菜包飯有蟹柳、火腿、蛋、醃蘿蔔 幾多餡 食落都幾香 係有誠意嘅小食辣牛肉湯麵 $68湯底都幾惹味 酸酸辣辣咁 仲有好多配料(係無乜肉🤫每個麵仲會配一個飯(?) 菜包肉 $128以為係平時韓式餐廳 一大盤肉 隔離有菜咁 但完全唔係嗰回事😂係其他嘢咁抵食嘅情況下 依個忽然顯得無乜誠意$128得10片肉左右 份量有啲少🫠味道又唔特別好食 唔會再嗌成餐飯最令我Surprised個位係咁多人咁忙碌之際 餐廳入面個個嘅服務態度都好好🥺respect 🫡

見到好多人排隊，所以一支公排隊試下，結果只可以講，大伏無下次。完全理解唔到點解會出名。味道方面，野食係臭，我懷疑岩岩轉夏天，佢地鋪頭新開冷氣又壞，然後D野放太耐，一路流汗，一路食個臭麵。服務方面，標準香港服務，顧客慘過做奴棣，一張6人檯無人坐，硬係要推D人去另一張已經坐滿6人既6人檯，結果一張4個人，一張8個人，有客人即刻提出呢個情況，結果都係唔理，我懷疑個4個係老闆。總之講到尾，香港人北上唔係無原因

已經冇喺正正lunchtime去，而係2pm，去到問口已經排咗10人左右，而且仲貼咗張告示close 3pm。但又唔見截人，於是就繼續排啦。太約等咗15分鐘才入座。店內像飯堂一樣，正中位置一張大長枱，旁邊全面壁吧枱，適合1-2人，大班人就可能要分開坐，因為店主應該好難搵到位比大家集中坐。店員大部份係韓國人，都能英語簡單對答，但都有2-3位係香港人（我估咋）。而且由我在門外等至我入座，食埋走人。店都係full house，無停過人來人住。蜆麵套餐(麵，伴菜，紫菜包飯）蜆麵：有少少失望，因心目中湯應該鮮甜，但真係清湯無味的，蜆份量都多，但都係無蜆味，但麵條就唯一可以，有咬口，唔會overcook太淋。另外有伴菜三小碟，都係泡菜，蘿蔔，但個飯有驚喜，好味喎。但最驚喜係紫菜包飯，反而仲搶鏡喎主角，佢同一般嘅紫菜包飯唔同味，好特別。

黃昏黎到坐位係面壁一排無間隔。左邊一對夫婦已下單，我後到然後大家都落左1個麵加小食。上左2個小食1個麵比夫婦，我只有1個麵。15分鐘到夫婦追另1個麵時發現原來佢地只落左1個餐，職員無睇單號就上晒2個小食佢地。佢地再落1個麵時示意小食已上唔洗比，旁邊我同時提出漏左個小食不過職員無聽到。之後搵其他職員表示小食未上同我示意ok。（不過無下文）過左十分鐘心想不如cut單時職員想收餐盤，我再講第3次先即刻上番個小食。食物黎講牛骨湯麵都唔錯牛腩份量不少，水餃大粒。但坐位好逼剛坐低就被太太批左兩次踭。上菜混亂就真係有待改進。

今日同朋友試呢間無中文店名既店， 4點幾入去， 第一個感覺，好熱！問店員佢話係落場後再開， 所以冷氣岩岩開未夠涼。 咁好啦， 繼續order， 我同朋友一樣叫雞湯麵，黎到湯麵有半隻雞， 湯都幾好味，但食完同朋友傾開先知原來佢果半隻係有翼， 但我果半隻無，咁樣出品未免有點那個。。。。座位似日式拉麵店， 但坐位下面無籃，枱底亦無鈎，如果你有手袋再有買嘢奉勸不要去，因為真係無地方放野，除咗放在地下。另外仲要收加一，唔會推薦也不會回頭

新開第一次食要排好長隊，入到去環境都唔錯，老闆娘服務都幾好，配菜都ok係酸左啲，但主食嗌左個蜆湯麵就出事。一上枱就聞到個湯好臭，唔係腥味係食物壞左嘅味，見到啲蜆唔新鮮，有啲都冇開口，有啲仲要發黑。個麵都還好但個湯真係好臭，同侍應反映想轉做雞湯麵，佢話冇得轉只可以再整過，但再整過另外一碗都係臭，啲蜆都係有一半發黑，雖然價錢唔係貴，但係見到啲蜆嘅樣真係唔敢食，其他食物都應該還可以，要食嘅話千祈唔好嗌蜆湯麵。