之前聽親戚講話有間新韓國麵店開左，話好抵食，麵多飯卷好食，於是約朋友晚上去試，排隊排左45分鐘，見裡面d位超迫，不過姨姨好好，見出面排甘耐隊每人俾左杯凍飲解渴。 入到去係冇位擺袋，全程用腳夾住……落單係用QR code，叫個combo但冇晒飯卷，非常可惜，唯一選擇得餃子，配菜份泡菜幾好味，仲有碗飯，如果全部食晒其實都超飽，建議唔叫combo都可以。 但問題係碗牛骨麵同我想像中既味道有出入，裡面d牛全部係肥膏，成碗湯冇牛味得油味，非常失望，平時我一定飲個湯，但依個湯飲左幾啖都唔對路放棄。麵係ok既，有彈性夠煙韌，但d牛堅唔得，又冇味又肥。泡菜餃子個底唔知點解冇晒底果塊皮，睇過又唔係痴住個底紙，搞到d汁漏晒出黎…… 感覺上係名過於實，多人食唔等如好食…… 希望將來改善下座位安排同味道。

因為近又諗唔到食咩，所以依間野我都幫襯左好多次，初頭叫大碗飯，d肉同飯多到食唔晒，之後就改食自選米線，其他養生湯其實都好好味，但我唔鐘意食雞所以唔叫果d餐，自選就淨係丸，揀2款，再配個蕃茄湯底，大大碗，不過最抵都係杯飲品，超大杯，每次都食到好飽。

落大雨搵個地方食野，如果唔係去澳門其實都好少會去信德搵食，居然發現有間新野，之前去九龍灣德福食過一次晚餐幾正，今次試下個下午茶，又唔錯喎。 雖然下午茶選擇好少，叫左個豬扒雞湯同牛肉粉，初頭都驚雞湯好油，好彩又冇咩油，不過都係牛肉湯好味d，連埋野飲小食，可揀魚餅或紫薯春卷，夠熱夠脆，份量都夠，如果有咖哩就好，上次食過好味

年初二去官塘拜完年緊係順便行下街，最近就係apm，都預左好多食肆未開，有開都排晒長龍。 口痕又想食甜品就見到鮮芋仙，之前係旺角食左幾次，依間第一次食，位係勁少同勁迫，行出行入都驚撞倒瀉隔離檯碗野。 冬天緊係要食冰先爽，d冰切到好高，大碗過旺角好多，起馬高一半，d料仲好足，一d都冇偷工減料，食到騰騰震，正～ 依碗野3-4個人食都夠，見d人一個人食剩晒，根本冇咩可能一個人食得晒。

又到lunch time要諗食d咩，今次外賣叫雞扒肉躁便當配凍綠茶，用app買$53 雖然外賣速遞遲左d，但d飯都仲保持暖溫。 同事叫鹽酥雞外皮都仲脆，但我盒雞扒肉躁便當呢就味道一般，主要雞皮太厚好肥好油，肉躁好多肥肉，可能有人鐘意肥肉食落香口d，但我自己覺得太肥膩，雞扒份量係多既，肉躁d汁都好味，但豆腐同蛋就偏咸，應該浸左好耐豉油，變到好咸，綠茶正常。 每個人口味唔同，本身唔太好肥膩野，可能岩其他人口味都唔奇。

平時lunch超多人排隊一次都未食過，今次晚上6點來到，唔洗等就直接坐低食。 打開menu，拉麵好似唔太岩我口味，見到龍蝦汁海鮮鍋飯好似幾吸引，就依個啦～ 黎到個鍋熱辣辣，龍蝦汁都幾濃味，海鮮有蝦，蟹柳，芝士，鮑螺片同帶子但全部都係冇味，主要係靠個龍蝦汁撈埋d飯一齊食先ok，個鍋睇落去細細地都幾多飯，不過味道就一般。

經常幫襯韓樂既lunch，因為夠抵食，仲有我至愛既石頭鍋飯，每次都例牌食石鍋飯。 雖然依間野叫韓樂，但感覺上同實際上都唔係正宗韓國餐廳，所以味道都唔夠韓式，例如拌飯係冇辣椒醬撈，又冇泡菜拌碟要俾錢另叫。 餐廳上菜速度算快，石鍋飯係超熱同起到飯焦，雖然冇辣椒醬同泡菜好似差甘d，但佢本身都有個辣汁同燒汁都幾好味既，冬天食真係一流，食極都食唔完，因為好熱要慢慢細細啖甘食。 已經試過晒全部石鍋飯，上次食過三文魚係切粒粒得好少但今次係一塊塊超多肉。而雞扒好嫩唔鞋，撈埋紫菜粟米係我至愛。八爪魚都好多舖滿飯，相反牛肉同豬肉泡菜就反而相對比較失色。 我見都好多客叫石鍋飯，所以應該都幾受歡迎，至於其他就未試過，因為我太專一唔想揀其他黎食。

今日同同事一齊用app叫外賣，套餐都幾經濟實惠，最正係送到去門口唔洗行，天寒地凍完全唔想郁。 落單半個鐘都唔洗就到左，同事大讚烏冬話好好味，而我就叫左個炭燒雞肉丼飯，仲配一塊炸蕃薯同可樂，連運費都係49蚊，仲熱熱地，算係甘啦。 雞肉連少量皮可接受，炭燒香口，雞肉都唔少，但飯就略少，舊蕃薯唔脆但都好味，可以encore。

對上一次食粢飯已經係孩童時期，今日經過依間豆漿舖見到有粢飯賣，雖然18蚊細細條但絕對足料，唔似以前果d飯多料少，油炸鬼同肉鬆由第一啖咬起去到尾啖都有，唔太咸又熱辣辣，好好味，好耐冇食過，d回憶返晒黎呀～

收工同阿媽撐檯腳，想食越南野，於是搵到依間錦麗，menu都好似幾吸引，由於太肚餓，見到個2人餐唔洗諗即叫，諗住食豐富d，估唔到份量都幾大。 先黎一個拼盤，咩都有d而且熱辣辣，早知個拼盤有豬扒我就唔叫咖哩豬扒飯啦，食唔晒d豬扒，個咖哩汁微辣有椰汁香，撈飯好開胃，我媽叫左碗牛肉湯粉，包埋2杯野飲，不過不失，唯一唔好座位好迫，仲要同人搭檯。