Seoul Noodles

營業中

休息中

Lunch時間長期有人排隊 打算一試睇吓係咪咁值得排隊食 中伏排隊等咗15分 位置很窄 同隔離位的手臂0距離接觸 冷氣大到有停屍間嘅feel QR code落單後25分鐘都未有上菜 隔離四個遲過落單嘅都已經嚟咗 同店員講之後 等多5分鐘就有得食個面正常 蜆肉很多 雖然偶爾又未開同埋有沙 湯底有點渾濁 小菜有泡菜蘿蔔和拌飯 加了一個兩個豬肉餃子 豬肉很粉有點粉紅色 總括而言 成個套餐都很正常普通 食完大概10秒店員就收了餐盤 店外冇人排隊 樓面2個店員態度都很好落單也是我自己落 也沒有什麼服務 加一服務費後 $97 成舊水 性價比頗低 如果係想食麵 附近很多車仔麵 價錢味道都吊打依間

牛骨湯面配餃子$88湯底白色，飲湯會有淡淡嘅牛味，但食麵嘅時候就唔會食到味道十分清淡，牛肉份量唔多，但刀削麵就有好多，一定夠一個男仔食飽蜆湯麵配餃子$88蜆份量相當多，鋪滿晒成個碗，冇死咗開唔到嘅蜆，賣相相當突出湯底係清湯，冇乜調味，只有淡淡嘅鹹味，比起牛骨湯底更加清淡泡菜餃子雖然係泡菜餡，但唔辣，食落冇乜特別豬肉餃子同平時喺超市買返尼既韓國餃子差唔多味，冇特別跟餐配菜有一小碟泡菜同埋一小碟辣拌飯，泡菜唔似喺韓國食嗰啲咁辣，只有少少嘅微辣，辣拌飯幾好食，但係個賣相十分之麻麻🫣整體嚟講，如果平時食開濃味食物嘅朋友應該唔太啱食依間韓國刀削麵，因為味道真係十分之清淡，係勝在唔貴同份量多未試過嘅朋友可以一試，試過就真係唔再值得排隊去食。

今日跟朋友食午餐，佢話每次經過都多人排隊，想去試下如何？今日約兩點到，可能剛過lunch time，僅等兩、三分鐘就入得。我揀了牛肉湯麵餐，加了泡菜餃子，套餐價$88。但上枱時，還附上兩款（泡菜、白蘿蔔）前菜，及一份紫菜飯（免費）。因為碗麵份量都多，我食晒啲餃子和麵都好飽，個湯麵啲牛肉都多，好淋，而湯的顏色較淺，其實品道濃郁，味道不俗。至於個紫菜飯，我就外賣盒拎走。其實餐牌食品款式唔多，但我見其他食客的食品，一樣份量十足！我覺得食過就算，正常，可能我不是韓式食品狂熱者。但若要排太耐，我就唔會考慮😊總體乜都有，算抵食😀

先來評價一下食物質素：我點咗雞湯麵combo,先試下啖湯，哇，個湯好似鹽水咁，得嗰鹹。豬肉餃子的皮算薄，不會太厚，餡的味道不太濃，沾少少餃子醬汁，味道都可以。但最最估唔到的是，我同朋友用完膳，檯面最後食剩的食物也被收走了，只留下2杯水，那麼我同朋友傾計之餘就慢慢飲埋杯水啦，過咗片刻，有位女職員突然走過嚟同我地講埋單，我感到愕然！因為我地都未叫埋單，且環顧四周見到當時室內還有好多未入座的位兼且外面無人等位！點解要我地埋單先！？ 難以理解！總之不會再光顧，失望😞

成日見好多人排隊，今日特登早啲食lunch 12點就過嚟，點知都係要排15分鐘。今日有啲熱，店員都好細心拎啲傳單出嚟俾我哋當扇用😂。我地叫咗個雞湯拉麵同埋辣牛肉拉麵。雞湯拉麵正正常常唔會覺得好驚艷，但係可以一試。反而辣牛肉拉麵幾好味又夠辣，鍾意食辣嘅人可以一試，完全唔係泡菜鍋嗰啲辣👍🏻👍🏻

勁差！環境衛生惡劣，地板有上枱客人遺留的麵條卻無人收拾。枱上紙杯有橙色疑似泡菜汁的痕跡食物味道差，餃子皮厚，招牌麵條質感沒有特別，湯底亦一般，整體差！沒有下次差到第一次寫食評

平時見咁多人排隊，今日見有啲時間就試下。首先叫咗個餃子同牛骨湯麵，我從未食過咁難食嘅餃子，啲肉質係梅梅地、鬆散。而牛骨湯麵我食咗兩啖就放低咗…….完全係令人大失所望。 而食緊途中，見到有食客同職員嘈，應該係原本有位職員叫食客入去坐，個位職員就抹緊枱。但第二個職員無啦啦勁惡咁叫返個食客出去企，個職員仲要大罵個食客。咁恐怖又無禮貌嘅職員，唔係太理解到點解仲有咁多人排隊….如果大家想試一間又難食，服務又極差嘅餐廳，歡迎大家一試😀😀

剛去完韓國返嚟想食返韓國牛骨湯麵，於是嚟呢間試吓，點知大失所望。牛骨湯嘅濃度同韓國正宗嘅相差好遠，麵質唔覺得有特別，套餐嘅泡菜少得可憐，仲有一碟類似飯嘅只得一啖，不如唔好比啦，最差係餃子，又貴又唔好食。第一次留食評係因為真係好失望。

因為見到有Foodie介紹呢間韓國餐廳，一直好想食刀削麵就專登過咗嚟食，叫咗一碗辣牛肉湯麵，一碗釜山豬肉湯飯，豬肉湯飯完全冇豬味得個鹹字，辣牛肉湯麵就係得個辣字😩水要自己斟，埋單仲要出去埋，竟然再收我服務費？坐到勁迫膊頭貼膊頭好似食車仔麵咁⋯重點係我朋友未到，而且唔係坐咗好耐，又係咁俾佢吹我朋友係唔係唔會到🫣我同佢講佢幾步路就到，佢就俾個😒眼神我？？我寧願你同我講人齊先可以入座，我係六點幾見你間嘢冇人排隊先提早入去👀唔會再食呢間餐廳，超級伏，尖沙咀其他韓國餐廳好似俾佢更加好食😮‍💨

中午12:30到，排左20分鐘左右入去。嗌左個辣牛肉湯面同泡菜餃子set。睇落幾賣相ok麵普通，餃子好似係佢地自己包唔算得上好食，唔係平時韓國食到好飽滿既餃子。重點係，食到一半，撈到個好似蝦頭既物體，再望真啲，係原隻小強，仲要係大隻個種：）大圖唔放了，右下細圖好似樹葉咁啡色個隻就係：）望翻都想嘔當日下午有輕微食物中毒既feel，唔知係心理作用定點，touchwood唔嚴重，第二日冇乜野，但我唔會再去，依家食蝦都唔太敢：）

I ordered Yukgaejang Noodle combo with pork dumpling, one of the staffs told me they are out of beef. It’s shocking because it was a beef broth and was just lunch hour. I asked if they could give me chicken instead, but the staff doesn’t seem to understand. When the food came, it was just broth with veggie, there was NO meat in it. Unbelievable.If anyone wanna go and try, ask before you place order, though you only pay after, but it was such waste of time especially if you need to queue for it.

作為一名鍾意韓國料理既食客,我特地去咗灣仔嘅Seoul Noodle一嚐韓式風味，入座需要排半個鐘隊，但最終嘅體驗都只係不過不失。我點咗牛骨湯麵同蜆麵兩個套餐。牛骨湯麵嘅湯頭濃郁醇厚,帶有牛肉鮮甜嘅香氣,非常入味。配上紫菜包飯同餃子,整體口感十分協調。至於蜆麵,湯底鮮甜可口,加上酸酸辣辣嘅泡菜餃子,好開胃。總括來說,Seoul Noodle嘅韓式料理雖然未算驚艷,但都係一次唔錯嘅用餐體驗。對於鍾意韓國美食既食客嚟講,呢度值得一試。

社交媒體網站經常都有foodie推介呢間韓國刀削麵，睇啲相幾吸引好似幾好味，所以就去咗試。當時傍晚六點左右唔需要排隊直接入，冇幾耐就超多人排隊，因為好多人食，餐廳到門係咁開係咁閂走晒啲冷氣。本身間餐廳冷氣已經開得唔夠唔通風，啲位又迫，基本上同隔離嘅人冇咩距離，就連斟水都要好小心，成餐飯就同人逼住好辛苦咁樣食，夏天去食會熱到爆。嘢食方面，我哋叫咗兩個套餐，牛骨湯麵同雞湯麵，牛骨湯麵係冇咩味，雞湯麵會比較好食，起碼有雞湯嘅鮮味。餐廳嘅配菜都一般，只係得泡菜同蘿蔔，本身以為韓國人開嘅餐廳泡菜應該都唔會難食，呢間泡菜係我食過最難食嘅泡菜，味道有啲怪，成餐飯最正常就係紫菜飯卷。唔會推薦呢間餐廳亦都唔會回頭，如果唔洗排隊都可以試吓，要排隊就不了。

點解咁難食都咁多人推介🤢呢間餐廳係灣仔，真係好多人排隊！今日排左近30分鐘，排排下排最後個阿叔突然同店員講佢一個人可唔可以坐邊邊個空位，點知店員真係比佢入座🤯但其實我前面都有幾個係單人黎食，點解唔問一問排前面既客人先，個個都排左咁耐，所以第一印象已經好扣分其次13:30入座，已經冇哂迷你紫菜飯卷，唯有叫豬肉餃子，咁就出事😵‍💫兩隻餃子好明顯蒸左好耐好耐，皮已經裂開，超濕潤，一咬成pat野，都唔知係皮定餡，一隻係咁，比多次機會另一隻，點知一樣！一樣咁難食！用餐環境勁窄，冇掛鉤，紙巾又係配給制，要加一，但都唔知服務係邊😂打尖個個好值得比加一

Walking in it was bustling and had that noodle house feel. The big glass windows with the chefs kneading and cutting the noodles and making the dumplings. Ordering was done scanning qr code and I ordered the spicy beef noodle. The noodles came out promptly with 2 kimchi side dishes and a small mouthful of sesame oil rice. The noodles were kinda more like Chinese noodles but lacking the al dente feel. The spicy soup had std shin ramen feel and the toppings of been sprouts mushrooms and leek with