Seoul Noodles (軒尼詩道)

營業中

休息中

成日經過見到好多人排隊，今日放工終於可以試到，湯底好味牛骨入味，麵條煙靭，泡菜好正宗，蘿蔔好入味，非常之好味有驚喜！下次會繼續試，見到個個都食雞湯拉麵，仲有好大隻嘅豬肉餃子

我連續兩日食Seoul Noodles, 兩日都係叫雞麵，第一日係灣仔店，第二日係北角店。 北角店整體較灣仔店優勝，無論在賣相，泡菜和醃白蘿蔔的份量都比灣仔店靚和多，兩日食完雞麵，我都有飲埋湯，都無口乾，所以我覺得無咩味精。

裝修夠夠地道，好似去左韓小店。唔太食辣嘅我，選擇左呢個雞麵，因為加小小錢就變套餐，我好鍾意食紫菜飯卷，如唔要套餐，我都叫個飯卷試。亦因為叫左套餐，我叫左個餃子小食。貲菜飯卷無令我失望，麻油，配飯整體感覺平衡，細細粒一口一粒，滿足。呢個餃子，見到左飽左3分。估唔到咁大隻，個菜份量夠多，豬肉餃多菜係my favour枱上面，仲會教點食薏米飯，加泡菜同小許湯紫菜， 撈勻，都好食。佢聲稱可減慢吸收。anyway,總之試。個雞麵有半隻春雞，個湯夠清，麵條都算 彈牙，大家路過附近，真係可以幫襯下，回味下韓國地道風味嘅麵食。備註：我見大部份都叫麵食。

夜晚行完會展展覽想喺灣仔食dinner, 差唔多9點，唔少食肆準備收工，在open rice 搜尋，發現有間韓國餐廳，灣仔難得有我鍾意嘅地道韓國菜，價錢親民，於是試吓。去到唔洗等位，大長木枱，自己任坐、掃碼落單，有多款湯飯和湯麵選擇，（見餐牌），小食種類不多，有大大粒餃子。亦有二人套餐，最平$160起。雖然像韓式快餐定食，但味道不錯，點了韓式牛肉湯飯和蜆肉麵。附2小碟前菜。主菜份量適中，女士剛剛好，男士可能嫌少左D D！味道同係韓國食差唔多，基本上係韓國間間都一樣味！湯飯連湯飲曬；蜆肉麵值得推介👍，多蜆肉，鹹鹹地入味、冇乜沙，刀削麵好彈牙，仲配一碗仔紫菜白飯，好香軟！店員看似韓國人，感覺很正宗，好似去咗韓國咁！原來佢開到凌晨4點，之後夜咗都有野食！😊在google review 寫評價送飲品，記得做功課呀！🐵🐵評分：味道：環境：性價比：

呢間韓式拉麵店位於繁忙嘅市中心，一入門口就感受到濃厚嘅韓國氛圍。店內裝潢簡約而不失時尚，韓國流行音樂輕輕飄揚，為食客提供一個舒適嘅用餐環境。主打嘅拉麵非常值得推薦，湯底濃郁香醇，帶有獨特嘅韓式風味，配料豐富，份量十足。辣味拉麵辣度適中，令人食指大動，而原味拉麵亦唔失美味，湯頭清甜。整體而言，呢間拉麵店無論係味道、環境定服務都相當不錯，非常值得一試👍👍👍

Seoul Noodles 在香港多處設有分店。最近趁午飯時間到訪了位於灣仔的分店，雖然抱著期待而來，但整體體驗卻稍顯失望，特別是主菜表現平平，未能達到預期 🥹餐廳的裝潢走木系風格，帶有韓式小餐館的氛圍。窗口座位可以直接看到廚師忙碌的烹飪過程。當天午市時段人流不少，等候約十多分鐘才入座 🙈這次點了「釜山白肉湯飯」（$88加一）。作為主菜，湯底的味道讓人失望，感覺過於平淡、需要我另加胡椒粉作調味。白肉的份量算是足夠，味道中規中矩 🤔配菜方面附有泡菜和醃蘿蔔，味道算是正宗，酸辣恰到好處，但份量極少，幾乎只夠象徵性地試吃一下 🥹 此外，若白飯能另上會更好、能避免在湯內過度泡漲 🥲整體而言，這次用餐的體驗一般。主菜的味道中規中矩而配菜的份量又過於吝嗇，再加上餐廳需要支付加一服務費，總體性價比偏低，應該較難吸引回頭客 😪

下就入去食冇咩人 得一枱自己坐底 職員見到都無特別招呼 冇咩反應紙巾同水都係自助落單見到要收10% 覺得無語唔知服務左啲咩如果話服務嗰個位係遞餐 咁我寧願自己遞算問佢問題 語言關係都唔係好答到有啲無助叫左個辣牛肉菜湯飯小食泡菜同羅白食落幾正宗但湯飯冇咩特別野令人深刻純粹飽肚 湯飯既肉唔係特別多 而且好碎食落都係雞蛋比較多本身覺得一般也沒有感受到服務食一次就算

寒冷的天氣讓我特別想吃一碗熱乎乎的麵🍜。我點了牛骨湯麵套麵，套餐可選擇跟迷你紫菜飯卷、豬肉餃子或泡菜餃子。因為肚子太餓，我選擇了紫菜飯卷。到的時候才發現，套餐還附送了一碗薏米飯！據說在吃麵之前，先吃低糖高纖維的薏米飯有助降低血糖🤣。除了薏米飯，套餐裡還有泡菜和蘿蔔。1) 泡菜和蘿蔔這些不會太辣，口感爽脆，醃得非常入味。2) 薏米飯看似普通，但米飯有一點咬口，加了紫菜和麻油，味道非常香。3) 迷你紫菜飯卷裡面包著蟹柳和醃蘿蔔，整體口感非常新鮮。4) 牛骨湯麵麵條是粗面，非常有嚼勁，自家製的麵條果然不同凡響。牛骨湯香濃，裡面還有幾片牛肉和香菇，真是暖心又美味！

今日中午兩個人諗住試吓呢一間，坐低咗未夠兩分鐘，未點餐就俾咗一張$200幾蚊嘅單我，黑人問號❓️咁就問個店員點解啦，以為係最低消費，第2個店員先答到我係俾錯單🙄12:55落單，1:20都未有嘢食上台，但係見隔離兩台遲過我嚟嘅人，都已經上左餐，叫個店員幫我跟跟張單，幾分鐘後個店員都冇再出現，忍唔住起身走人，去隔離食好過，浪費時間！臨走前都有同店員講等太耐唔要啦，店員都只係‘哦’咗一聲，呢間店冇服務！冇態度！👎👎但係要收10%服務費！👎

晚饭时间看到有人排队，也跟着排队试试，结果一试就踩雷了。味道很难吃，不值得排队，特别是那个饺子，难吃到一定程度。。排骨面有点辣味，但是总体不咋入味，只有面有嚼劲，不会再吃第二次了。。

今日第一次去食已經吾會再有下一次，叫左個牛肉泡飯，牛肉只係牛肉𢇃甘幼，同侍應講完，佢話呢啲牙籤甘幼係牛肉，當埸嚇一跳！吾建議去食，心唸牛肉吾係甘貴啫，加一埋單$97，痴線

星期五夜晚去到唔洗等位就即刻有位雖然全場full house 但turnover 得好快電話自助落單之後好快就送到叫左個雞麵加餃子 黎到先知有埋個飯朋友食蜆味味 都有唔少蜆份量都好多 食唔晒🤣🤣雞麵同飯都好食 但個餃子還好 唔一定要食overall 都不錯👍🏻

咁岩係附近上堂，lunch time經過見好多人排隊，作為土生土長既香港人🤣一定要排埋一份啦😚好彩大概等左15分鐘左右就已經入得☺️😋Noodle combo 蜆湯麵+迷你紫菜包飯套餐一上枱都好豐富下🤣有本身我揀既紫菜包飯同埋蜆麵之餘，仲有泡菜同泡菜蘿蔔😍仲有一碗仔紫菜拌飯🤭講下個麵先，蜆量比我想像中多而且仲要冇沙😚個麵質不錯唔會太淋，掛到湯，個湯都好清甜😉而紫菜包飯都係一般韓國傳統飯卷，反而最吸引到我嘅係隔籬枱嘅雞湯麵🙃因為有成大半隻雞😛下次我一定要試吓佢🤭舔舔脷指數👉🏻6😋/10😋滿分 可以一試😋

之前喺銅鑼灣經過幾次都排晒長龍，今次喺灣仔啱啱開，即刻試吓先。😆餐牌上面有好多唔同種類嘅湯麵，今次試咗牛骨湯麵，叫咗set，入邊跟咗韓國泡菜，韓式蘿蔔，仲有紫菜卷，賣相好之餘非常豐富，唔知食邊樣先好。😋Presentation好好，味道都唔錯，牛骨湯麵嘅質地係煙靭有咬口嘅手工面，湯都好足料，非常有味，而且肉嘅份量都唔少，平時嗰個set呢就揀咗韓式餃子，餃子皮都夠薄餡料好充足，lunch set 嚟講呢個價錢幾抵食，不過就真係排晒長龍，要早少少12點去攞位。

每次經過都見到間舖係排哂長龍，所以一直都好想試下係味真係咁值得排咁岩晏就喺附近做完野，又見陣間冇節目，所以就決定試下排一次～條人龍係一直都冇短過，但餐廳職員都好好，一直都企喺門口到安排位置，所以見到單人去用餐嘅都可以好快入到去，就係因為安排妥當，所以就算人龍幾長都冇人有怨言.我同友人最後大約等左45分鐘，大家可以參考下💪💪本來我想食飯，但見到呢間餐廳出名係拉麵，所以最後我同友人都係揀咗食麵.雞湯拉麵：有成半隻雞喺入面，見到都覺開心雞肉嫰滑且湯頭鮮美，隨餐亦會附送一小碗嘅薏米飯，泡菜偏甜，所以成個午餐都真係好飽肚.辣排骨拉麵：碗入面總共有三舊大嘅豬脊骨，肉質早已被燉到入口即化，確係唔錯！我有喺張單度寫咗加辣，但我都係嫌唔夠辣🤣不過友人係覺得辣嘅，呢度可以俾大家參考吓個辣度🌶同樣都係有一小碗薏米飯附送，所以大家可以根據自己胃口再決定加唔加小食～我哋見到小食都幾多人嗌，但可惜我哋個胃容量有限🥲.總結嚟講個拉麵係唔錯嘅，但至於需唔需要咁樣排法呢，其實同區都有其他選擇。再者，後續我哋行行吓街都發現有啲口渴，所以覺得試過一次就好啦，我哋就未必會回頭，呢度可以俾大家參考吓，祝大家用餐愉快