Seoul Noodles (加連威老道)

營業中

休息中

談及「刀削麵」，相信絕大部份人首先都會聯想到中國著名五大麵食之一——山西刀削麵，雖然曾經嘗過無數間韓國餐廳，主打韓式刀削麵的卻是前所未聞。Seoul Noodles正正以韓式刀削麵打響名堂，餐牌上主要只有各款湯麵及湯飯，名副其實「貴精不貴多」，然而至今分店已遍及中環、灣仔、銅鑼灣、旺角等多地，而且每次經過都依然大排長龍，人氣不容小覷。排骨辣湯麵 ($98)刀削麵每日新鮮人手製作，將麵團以低溫發酵24小時後再反覆搓揉而成，較山西刀削麵幼身故口感亦相對軟滑，但同時亦保留恰如其份的彈性；排骨肉量多之餘燜煮得軟腍鬆化，湯底香辣惹味。配菜方面除了有兩款泡菜之外更有一小碗拌飯，加上紫菜、芽菜、粟米、辣椒粉及麻油，簡單但滋味。蜆湯麵 ($78)相對之下蜆湯麵風格截然不同，蜆份量十足惟部分帶沙可再改善，湯底既清而鮮，帶有陣陣胡椒香氣，感覺上更加輕盈。豬肉餃子 ($38)餃子皮透薄而餡料飽滿，豬肉混合韭菜及粉絲肉汁豐富。泡菜餃子 ($38)泡菜餃子同樣皮薄餡多，加上泡菜酸辣惹味。冷白肉 ($128)五花肉肥瘦相間，肉質軟嫩並富彈性，只有鹽及黑椒調味但毫不帶絲毫臊味，配上包飯醬及蒜香醬油，肥而不膩。菜包肉

餐廳裝潢簡樸, 採用韓式餐具, 韓風滿滿。入到店內, 聽到店員說的均是韓語, 感覺置身韓國的餐廳。雖然店員大多為韓國人, 但懂英語, 即使溝通也不成問題。小店不設午餐, 下午茶餐和晚餐, 餐牌只有一個, 全日適用。湯飯套餐 $108 + 10%1) 大邱辣牛肉蔬菜湯飯 (含牛肉絲)2) 豬肉餃子 (1隻)隨餐附有飯饌兩款, 可 refill。蘿蔔爽中帶甜, 辣度輕微。泡菜爽口, 辣, 尚可接受。豬肉餃子大大一隻, 溫熱。餃子皮乾身, 黏著底紙筷子, 有點難纏。餡料豐滿, 啖啖菜肉。醬汁酸甜, 為餃子增添層次。大邱辣牛肉蔬菜湯飯是我猶豫後決定點的, 韓國人吃的辣不是一般的辣, 即使與店員確認過, 他們的 a little spicy 對我來說也可能有一段距離, 不過我還是決定一試。呷了一口湯, 對我來說, 這種辣是可以接受的, 只是嘴唇口腔持續熱燙, 胃沒有不適。不過只要喝過一口湯, 即使吃其他食物也感到是辣的, 冬天吃有助暖身。湯料豐富, 有肉絲, 冬菇絲, 蔬菜等, 伴飯不錯。

第二次嚟食，啲麵好煙韌連帶個湯好飲，餃子皮薄餡靚，仲要好似小籠包咁大粒，好飽肚，隨麵會跟好幾碟小菜，好有韓國食飯嘅feel，食完已經期待下次再食！！！！！！！！

最近俾我發現尖沙咀中心有間傳統韓國麵館，有別於一般喺香港嘅韓國菜，呢度嘅招牌菜係雞湯麵同排骨辣湯麵。最近天氣比較乾燥，所以我都好想食啲比較濕潤啲嘅嘢，呢間真係好合我味道！餐廳更加係每日新鮮即整啲麵，所以認真覺得比較有口感，真係好正！呢個人氣真係超旺，平日夜晚出邊都排晒長龍，難怪佢又每人限咗時間50分鐘，不過其實食上嚟都係有足夠時間，因為上菜都想得好快。排骨辣湯麵真係經典中嘅經典，完全係我喺韓國食到嘅味道，食得出麵條有煙靭嘅口感，真係每日人手製造，而且湯真係好有層次感，完全唔會死甜，另外同胡椒粉都係按自己喜好咁樣落落去，真心好食！辣拌麵有牛肉絲喺夏天食都係一個幾好嘅選擇，清涼之餘都覺得幾健康，而且牛肉絲份量都絕對唔少！首爾牛肉醬油湯飯真係好好食，個湯好清甜，牛肉都真係好厚一塊 ，加埋個菇味同啲蔬菜味都真係好出，成件事好健康！豬肉餃子同迷你紫菜包飯都好好食，餃子係大size，紫菜包飯就係迷你size，但係兩個作為小食都真係好滿足，兩個都係包得好紮實，實實在在嘅口感，食完之後真係好開心，呢間餐廳咁多人排隊真係有佢嘅原因！

嘩~嘩~嘩~呢間叫做Seoul Noodles嘅韓式餐廳晚晚都超爆場， 我哋喺門口等咗一陣先有位!餐廳主打韓式風味,位於尖沙咀中心地帶,以地道嘅韓式麵條、湯品同小食聞名!我哋嚟到一定要叫佢哋嘅招牌菜式🍜排骨辣湯麵 $98- 以韓式辣醬同辣椒粉為基底,加入牛骨或豬骨熬製,濃郁辛香,帶有微微甜味。燉煮至軟嫩嘅排骨,肉質鬆化又夠入味!🍜雞湯麵 $88- 選用左嫩滑雞腿肉,肉質不柴,飽吸湯汁精華。清淡鮮甜,係韓式傳統嘅滋補湯底!🍛首爾牛肉醬油湯飯 $88- 用薄切牛肉燉至軟嫩,肉質keep住軟身，仲吸曬湯汁嘅精華，每啖飯都好入味!🥟泡菜餃子 $38🥟豬肉餃子 $38- 係正宗韓式餃子，一份有兩隻，用料十足!🥓菜包肉 $128- 用「蔥薑蒜+清酒」冷水慢煮去腥再，冰鎮後手工薄切，直接蘸韓式蝦醬超好食🥓菜包肉 $128- 採用左濟州島黑毛豬帶骨五花肉, 食落一啲都唔腥，仲keep住肉汁🥤凍梅子茶 $20🥤甜米露 $20整體上餐速度好快，而且由韓國人主理，非常有韓國風味，唔怪之得成日都咁爆場啦!

今次嚟到尖沙咀呢間傳統韓國刀削麵館，呢間Seoul noodles雖然有唔少分店，但間間都長期見人龍，今次黎到Tst,雖然要等咗一陣，但絕對值得。試咗佢哋嘅招牌雞湯麵，真係無得輸！雞湯麵一碗入面有半隻雞，浸喺清甜唔油膩嘅湯底，味道好舒服。刀削麵又煙韌，吸咗湯汁之後更加好味！而且餐點仲有泡菜前菜、小食同細碗紫菜白飯，食到我好飽！另外，我仲試咗佢哋嘅韓式餃子，真係夠大粒！包住泡菜同豬肉，咬落去好實心，汁多味美，食到我好滿足。總括來講，呢間韓國刀削麵館無論食物質素、環境定服務都好值得推薦！無論你係韓食迷定第一次試，都可以來呢度食下！我一定會再嚟，再試其他菜式！

尖沙咀韓國人開的美食Seoul Noodles最近我來到尖沙咀的一家韓國餐廳「Seoul Noodles」，環境與裝修都非常吸引，讓人感受到濃厚的韓式風情。店內的佈置簡潔而不失特色，韓式餐具與色彩搭配讓整個用餐氛圍更加活潑。餐廳位於交通便利的地點，步行從尖沙咀或尖東站出來大約只需四分鐘，非常方便。#美食推薦這裡的招牌菜包括牛骨湯麵和雞湯麵，都是用心熬製的美味。牛骨湯麵的湯頭濃郁，喝上一口就讓人感受到肉骨的鮮香，而雞湯麵則清爽可口，十分適合想要輕食的朋友。此外，店內還有迷你紫菜包飯，口味獨特，絕對值得嘗試。😍😍 無限添加的泡菜特別值得一提的是，這裡的泡菜可以無限添加，讓我在用餐過程中不斷享受到那種酸爽的口感，為整頓飯增添了不少風味。店內的服務態度非常好，讓人感到親切。無論是點餐還是需要幫助，他們都很樂意提供協助，讓用餐體驗更加愉快。總的來說，「Seoul Noodles」是一家非常值得推薦的韓國餐廳，無論是環境、食物還是服務，都讓我感到滿意。如果你想品嚐正宗的韓國料理，不妨來這裡一試！s

本身之前已經嚟過一次食lunch，當時已經覺得幾好食，不過上次試嘅係牛骨湯麵，今次就打算試吓雞湯麵，點知個雞湯麵俾咗好大嘅surprise我，估唔到有半隻雞咁多出現係碗麵到一個set超豐富，有泡菜酸蘿蔔仲有碗迷你飯真係超級大隻雞好surprise 牛骨湯麵上次已經食過，依然保持到水準雖然整體嚟講價錢唔算好平，但其實都幾抵食，因為多咗個飯同埋個雞咁大隻已經好滿足，都難得食到一啲比較正宗嘅韓國菜。另外個泡菜唔算好酸又唔係好辣，都好適合香港人口味

🔹️尖沙咀“Seoul Noodles ” 環境簡約衛生🌿 食物有水準👍 由韓國人主理, 店員細心、有禮🧑‍💼👩🏻‍💼價錢親民💰🔸️前菜🧆前菜以開胃酸蘿蔔和辛辣爽脆泡菜🥗泡菜可無限添加🌶👍✌️🔸️牛骨湯麵🐮🍜湯底以牛骨餚製成奶白色, 味道香濃鮮味, 牛骨入味, 充滿肉香, 湯麵以主打刀削麵, 口感幼滑👍🔸️韓國傳統餃子🥟餃子以鮮嫩豬肉、鮮香韭菜、幼滑粉絲餡料, 皮薄餡多, 肉汁滿滿、啖啖鮮香😋🔸️辣拌麵🍝材料以肉絲、蛋絲、榨菜、香蔥和辣醬配煙煙韌韌刀削麵Yummy☺️迷你紫菜包飯🍙份量小巧精緻, 一口一件, 十分滋味🥢

平時好少留言， 真係忍唔住。叫咗辣牛肉湯麵， 個麵又軟又爛， 筷子又重， 夾都夾唔起個麵， 我用湯匙食麵都無問題。湯底其實係好， 但麵真係靈魂， 竟然同食梗壽桃牌上海麵一樣，真係好失望。

最鍾意去嘅泡菜餃子，皮薄餡多！完全係韓國正宗餃子！即刻想去返韓國一轉！牛肉麵麵質偏扁身～我中意煙靭厚身嗰隻多啲～另外伴菜好多！咩都好好食！下次會再嚟食～會試冷麵！

今日經過加連威老道見到有間新嘢食韓國麵，見門面都幾韓國🇰🇷feel 就試吓，入到去原來係韓國人主理韓國料理，主打韓式手製刀削麵同手工餃子🥟。自助掃code 下單，今次叫咗排骨辣湯麵🍜連一隻餃子套餐，套餐有餃子🥟 - 泡菜豬肉餃子/豬肉餃子同迷你紫菜包飯 （$118/套餐）比你揀。熱辣辣排骨辣湯麵上枱，排骨真係幾大塊同唔少架，肉質軟嫩，辣湯的辣度適中又不是很辣，韓式手製刀削麵幾滑又煙靭，麵份量都唔小，試咗泡菜餃子，餃子皮薄又多餡料，泡菜的酸辣味又恰到好處好食。每份麵都會跟了細碗薏米飯、泡菜同埋醃蘿蔔，蘿蔔同埋泡菜辣辣地又惹味。店內裝修幾韓國feel，覺得呢度都幾地道韓國小堂風味。食完18:45 門口已經排長龍等位，好彩早一點就不用等位。

第一次食 食飯時間 排隊都唔洗好 上菜都好快 唔洗等好耐 大約5分鐘 餃子大隻 賣相靚 味道都幾岩口味 而且服務員都係韓國人 服務都幾好 店內環境都幾乾淨唔錯 唯一覺得係可能開住大門 冷氣唔夠

這間韓國麵舖真是太好吃了！每一碗麵都充滿了濃郁的湯頭，入口滑順，彈性十足。配料新鮮，特別是那厚切的肉片和新鮮蔬菜，讓人欲罷不能。服務態度也非常親切，環境乾淨舒適，讓人感到賓至如歸。無論是與朋友聚餐還是獨自享受，這裡都是最佳選擇！一定會再來光顧！

環境衛生一流店舖乾淨企理，唔會太逼食物質素一流叫set包小食，抵食今次試下雞湯麵有半隻雞 好飽肚仲有豬肉餃子 值得推介麵質爽 唔會一pat pat坐得舒服 唔會好辛苦好值得黎試下