Seoul Noodles (加連威老道)

營業中

休息中

Blingbling美食推介✨ 🍜 Seoul Noodles ✨ 超韓風高質韓國菜 💠💠💠💠💠💠💠💠 尖沙咀出咗名多韓國嘢，今日就嚟到呢一間裝潢非常韓國風嘅韓國餐廳～ 💠 辣拌麵 辣拌麵配料有雞絲，蛋絲同泡菜～配搭特製嘅辣醬，同配料好夾，而且佢哋嘅韓式刀削麵亦都好煙靭，每一條麵都沾到醬汁，好好味～ 💠 韓式傳統餃子估唔到韓式嘅傳統餃子超級大粒，真係低估咗佢啊！！個餡超級滿，如果細食嘅可能食一隻已經飽😛💠鷄湯麵雞湯麵嘅雞份量非常多，而且啲雞一啲都唔嚡，仲非常之嫩滑🥰而且湯底仲有淡淡的人蔘味，呢排天氣凍飲一啖真係成個人都暖哂☺️ ✨無限添加泡菜‼最後提提大家，鍾意食泡菜嘅千祈唔好錯過❤️因為佢哋嘅泡菜係任食㗎🥰不過最緊要唔好浪費食物啊✨ 餐廳環境：💎💎💎💎💎/5 服務質素：🌸🌸🌸🌸🌸/5 食物味道：😋😋😋😋😋/5 性價比：💰💰💰💰💰/5 Seoul Noodles 📍 尖沙咀加連威老道23號地舖

呢間韓國餐廳好多人排隊，今次就第一次同親戚過黎試試。我地分別叫左2個combo set,就一款小食+主食。我地就叫左辣牛肉湯麵同雞湯麵。雞湯麵同牛肉湯麵係要加多10蚊。首先雞湯麵set,就揀左一件既泡菜餃子，泡菜餃子就係平時係超市買到既個款大泡菜餃子，一般般。雞湯麵set會有2款拌菜，仲包一碗飯，份量係超級足。成隻雞既份量，超大，肉質少少柴，湯底唔係淡淡既清湯，係帶有雞肉鹹香既味道。牛肉湯麵set配紫菜包飯，都有2款拌菜。牛肉湯麵係有驚艷到，牛肉份量超級多，食極都仲有，而且牛肉好腍，最好係個牛肉湯，好甜帶有牛肉既油香，連埋刀削麵一齊食，刀削麵既煙韌帶上牛肉軟腍既質感，個口感好好。總結，以呢個價錢黎講，有咁既份量同味道，我同親戚都覺得係香港既韓國菜黎講係好高質

正宗韓食之《Seoul Noodles》餐廳裝修不算豪華，餐具採用韓國傳統既特色，韓風up，溫馨一提餐廳不設午餐/下午茶餐/晚餐, 餐牌一個全日適用，牛肉湯麵、冷白肉、無限添加泡菜：熱辣辣香噴噴既牛肉湯麵，上台已香氣僕鼻，而牛骨湯係用了十幾個鐘頭敖製，所以顏色呈奶白色，咁精華既牛骨湯香濃幼滑，真係要飲多幾啖湯麵亦係用自家製，口感煙韌彈牙，而牛肉片算份量多，每片厚薄肥瘦平均，肉味香，但入口不肥膩，配上泡菜一齊食，係最好配搭，而泡菜好入味，適合香港人口味，唔會太辣，好開胃辣拌麵、傳統韓國餃子：配料有雞絲、蛋絲、泡菜、蔥花、大蔥，將韓式辣醬撈勻，味道香濃，麵係刀削麵，份量多，比較粗身，口感煙韌有彈性，味道香辣惹味，而傳統韓國餃子原來係平常食開既餃子大，蒸籠熱辣辣仲出梗煙，兩個自家製大餃子皮薄餡多👍，每口都啖啖肉總結：餐廳不算大，店鋪客人多，價錢絕對抵食👍🏻。

今日和朋友快閃在尖沙咀見面，去了食韓國菜。餐廳裝修風格簡約而溫馨，大量使用木質元素，營造出一種自然舒適的氛圍。燈光柔和，空間寬敞明亮，讓人感到放鬆自在。牆上的裝飾和桌上的擺設細緻用心，增添了不少韓式風情。辣牛肉湯麵：湯頭濃郁香辣，牛肉鮮嫩多汁，搭配上細滑的麵條，口感極佳。辣椒的辛辣與牛肉的鮮美相互融合，撒上的蔥花增添了層次感，入口後餘韻悠長。辣拌麵 冷白肉 無限添加泡菜：湯頭鮮美，帶有濃郁的香辣味，牛肉細嫩多汁，搭配滑順的麵條，口感極佳。冷白肉清爽不膩，肉質鮮嫩，入口即化。無限添加的泡菜酸辣開胃，整體味道豐富。

唔經唔覺原來已經開咗7間分店。今次同朋友黎到尖沙咀新分店，環境幾舒服~🥢排骨辣湯麵凍凍地食番碗熱辣辣湯麵真係好正~ 濃郁辣湯底夠晒開胃，入面加有非常軟熟嘅排骨同埋彈牙麵條，鍾意食辣嘅必食🥢冷白肉應該係選用新鮮嘅豬五花~ 入口鮮嫩清爽不油膩~ 配埋自家製醬汁，好好味~ 非常韓式傳統正宗吃法⁡🥢雞湯面雞嘅份量有差唔多半隻咁大份，其實大部分都算夠嫩，有骨有皮，有啲似人蔘雞。湯底都算濃郁，搭配蔬菜同麵質煙韌彈口有嚼勁，配搭好好味。朋友覺得既暖胃又滋補

之前上網見到介紹開左間成日要排隊既韓式刀削麵店，咁岩同朋友去尖沙咀行街經過餐廳，12:00個陣仲未有人排隊，雖然係早左d食lunch, 但可以直接入餐坐低就早d食都唔緊要啦。餐廳職員基本都係韓國人，用簡單英文溝通，枱面有餐牌，自己用QR code落單就得。餐廳係刀削麵同湯飯為主，我同朋友都揀左佢既刀削面套餐，套餐跟左一份泡菜，泡菜蘿蔔，一碗自選刀削麵，一份6件既紫菜包飯，仲跟左一碗細既紫菜白飯。排骨辣湯麵：排骨好大舊，但肉唔多，辣度岩岩好，麵條煙靱Q彈。牛骨湯麵：奶白色既湯底有好濃既牛香味，清得黎又鮮味，牛肉夠嫩，肥而不膩。泡菜：偏咸，唔算辣。泡菜蘿蔔：酸辣口味，蘿蔔夠爽脆。紫菜包飯：岩岩好一啖一舊，加左醃蘿蔔，所以食落好爽脆，上面落左芝麻令到個飯卷好香口。食完之後埋單發現門口已經開始有人排隊，如果唔想等位既話就要早d去食啦～

本身諗住見到呢間餐廳新新地又有人排隊就想試吓，點知就有一個好失望嘅食物體驗。入到餐廳諗住觀望吓人哋食啲乜嘢。嗌咗一個大邱辣牛肉蔬菜湯飯，同一個辣湯麵，另加左蜆肉同餃子。一嚟到個餃子都還好，味道不過不失。但嚟到個湯飯真係好失望，本身我個人麻麻哋飯撈埋落去個湯度，我會比較prefer飯另上，所以個湯飯變到一pat pat，而且個湯完全冇其他鮮味，只有辣粉味同淡味，完全唔吸引，再加上另外個辣湯麵嚟到，其實都係一樣味道一樣湯底冇分別，所以其實都冇食到好多。再試埋個蜆肉每一粒都好多沙，基本上你食每一粒都會點都有少少，有幾粒直程係成口沙，所以都唔推薦。會覺得有更加好嘅韓國餐廳選擇，除咗餃子之外，其他都唔推薦。

同事想食韓國菜，於是去咗食韓國麵，佢話有得任食泡菜哈哈哈排骨辣湯麵：將排骨嘅鮮美同辣湯嘅濃郁結合埋一齊，湯底辛辣香濃，排骨肉質鮮嫩，每一口都可以感受到豐富嘅層次同美味。再加上無限添加嘅泡菜，酸辣開胃，絕對係一道令人欲罷不能嘅美味。 🍜🌶️可以雹埋 無限添加泡菜一流~~雞湯麵：雞湯麵嘅湯底以雞肉熬製，清淡而鮮美，搭配上勁道嘅麵條同嫩滑嘅雞肉，每一口都可以感受到溫暖同滿足。雞湯嘅香氣撲鼻，係一道非常適合寒冷天氣嘅美食。 🍜🍗迷你紫菜包飯：紫菜包飯係一道經典嘅韓式小食，迷你版嘅紫菜包飯更加精緻可愛。紫菜包裹住米飯、蔬菜、肉類等各種餡料，每一口都可以感受到豐富嘅口感同多樣嘅味道。 🍙

最近天氣凍得好厲害，無論如何都要搵一碗熱辣辣的湯麵來暖身。今次我去咗一間專門做韓國湯麵嘅餐廳，菜單上每一樣嘢都好吸引，尤其是韓國傳統餃子、辣牛肉湯麵，仲有無限添加嘅泡菜同雞湯麵。首先上場嘅係韓國傳統餃子。呢啲餃子外皮薄薄、韌韌，裡面包住新鮮嘅碎肉同埋蔬菜，口感真係鮮嫩。煮得好好，咬落去嗰陣，肉汁同蔬菜嘅香甜感就爆出嚟，真係好食到令人停唔落口！搭配醬油同醋，味道更加絕配。餃子嘅份量唔算多，但正好可以暖暖身，為接下來嘅主菜鋪好基礎。呢道餃子唔單止係前菜，仲帶出咗韓國飲食文化嘅溫暖感。跟住就係辣牛肉湯麵。當熱氣騰騰嘅湯麵端上嚟，濃郁嘅香味真係令人忍唔住想深吸一口。湯底用牛骨熬製，顏色紅亮，散發住誘人嘅辣香味。牛肉切片厚實，炖得咁入味，肉質軟嫩，簡直可以用筷子輕輕撕開。麵條好有彈性，吸住濃郁嘅湯汁，每一口都充滿香辣嘅滋味。湯麵入面仲加咗新鮮嘅蔬菜，增添咗口感層次同埋顏色。最後，雞湯麵都唔可以錯過。呢道湯麵嘅特色就係湯底清淡又鮮香。雞肉嘅鮮味完全融入湯裡，飲一啖就好似被溫暖包圍住。湯面上漂浮住幾片蔥花同香菜，增添咗幾分香氣同清新感。雞湯麵嘅麵條一樣彈牙，配合清淡嘅湯，真係好有平衡感。每一啖都令人

呢間韓國餐廳喺香港開咗好多間分店，之間經過灣仔同中環分店見到大排長龍，真係好受歡迎，所以未有機會試。是日見到尖沙咀都開左分店，咁岩唔洗等位，一於試下先。😍我地叫左個noodle combo, 揀左雞湯麵，湯底清淡，但係好香雞湯味，而且雞肉分量十足好抵食🤣 小食就揀左迷你紫菜包飯，入面既醃蘿蔔好爽口唔會太鹹。我好鍾意食佢地既泡菜，平時出街食既泡菜好多時都太辣或者太軟身，但呢個餐廳好爽口，味道又唔會太辣，好開胃！👍🏻我地仲試咗排骨辣湯麵，湯底煮得好入味，辣味適中，係一種舒服嘅微辣，呢排天氣凍就最岩食。排骨非常軟嫩，充滿肉汁，而且分量又係好足🤣 麵既質感都唔錯，好爽滑，真係好正宗韓國風味😍

最近過尖沙咀，路過這家韓式刀削麵，好像很不錯，知道原來是韓國人主理，就覺得更正宗了。辣拌麵 $68配料有雞絲／蛋絲／泡菜……，將韓式辣醬撈勻，刀削麵比較粗壯，口感煙韌，一啖入口香辣爽口。雞湯麵 $79份量大得過份，有半隻雞，雞肉淋滑，離骨，清雞湯湯底，撒上胡椒粉更鮮味。冷白肉 $128用上湯煮熟，肉色雪白，薄切五花肉，連脂肪位都是脆口的，所以完全不油膩。迷你紙菜包飯 $28看價錢已經覺得好抵，雖然配料比較簡單，但份量一點不少。這家還可以無限添加泡菜，泡菜口感爽脆，不太辣，如果喜歡食泡菜的不要錯過。如果下次過這邊，應該會回訪。

同朋友去尖沙咀行街買嘢，行到攰又肚餓想搵間韓國餐廳食嘢，喺尖沙咀The One商場附近有一間，"Seoul Noodles"加連威老道23號地舖韓國傳統餃子🥟比一般中國餃子大，用竹製嘅蒸籠載上,熱辣辣兩個大餃子，自家製韓國傳統餃子皮薄餡靚👍，餡料係用上大量半肥瘦豬肉/菜一同製成，肉質鮮味而不膩.😋牛骨湯麵🍜熱辣辣嘅牛骨湯麵，白色嘅牛骨湯係用咗十幾個鐘頭敖製,飲多幾啖牛骨湯香濃而不膩👍，湯麵係用自家製作，手製麵煙韌而有彈性，仲有好多牛肉片肥瘦適中，牛肉片軟綿而肉味香濃.😋辣拌麵🌶️/冷白肉/無限添加泡菜辣拌麵用咗大量韓國製造嘅辣醬，辣醬香甜惹味而微辣🌶️,大量配料有雞肉絲/雞蛋絲/香蔥粒/京蔥粒/韓國泡菜,拌麵係自家製作，麵質煙韌而有彈性，將所有食材混合一齊，真係完美嘅配搭😋冷白肉用竹製嘅蒸籠奉上，冷白肉肥瘦適中，肉質鮮味而不肥膩，仲有無限添加嘅泡菜一齊食🥰，真係令人非常滿足😋

話說呢間韓國刀削麵開到分店嘅速度嘭嘭聲，終於有機會試一試，結果。。。我自己覺得咪就係一碗普通嘅湯麵。。。並冇咩特別今次喺尖沙咀嘅分店食，隔離嗰台係韓國人，所以我諗佢味道都算係正宗？叫咗辣排骨湯麵，湯底都幾濃郁，唔會好辣，可能符合返香港人口味？但係排骨份量唔算多。。。個面嘅質地唔覺得特別彈牙或者有咬口，就係正正常常。。。成件事冇咩特別，唔明點解人哋吹捧得咁犀利，好老實講其實任何一間韓國餐廳都做到呢個質素

最近開左好多間韓式麵店，前排係山林道食過間覺得一般，今日食埋呢間😎▪️牛骨湯麵（含牛肉塊） 💲78 明明我係叫麵，上檯見有碗飯真係嚇親🤣原來將紫菜、芽菜、泡菜、麻油、薏米飯撈埋一齊，係食麵前食有助降低血糖，就係紫菜包飯陣味，酸酸辣辣幾香口喎衰鬼🙂‍↕️長型既牛腩條肉質軟腍，麵條一開始帶點嚼勁，不過越浸越軟，湯底偏向清淡，但起碼有牛骨熬過，同埋香菇既香氣，又未至於太寡😳🔎 整體評分（7/10）

Seoul noodles價錢: $92好味程度: 3.4/5服務🍴: 3.7/5環境🗾: 3.7/5性價比🥢: 3.7/5回頭率😚: 3/5-都算係人氣大熱的韓國刀削麵店，一係香港無耐已經開左幾間分店！中環、灣仔、旺角、尖沙咀，一定有一間係旺區。尖沙咀呢間分店，平日都要排小小隊，仲見到佢哋係開足24小時，好癲😂 menu都係得幾款湯，豬牛雞選擇，辣同唔辣，麵定飯，跟餐可以要餃子/紫菜包飯。-✅✅泡菜餃子。超大隻，皮係煙煙韌韌，唔乾🤓 入面泡菜好多，微微辣，餡料飽滿，係好食的韓國餃子🥟-🆗牛骨湯麵。牛骨湯麵湯底確實好濃牛骨味道，係唔騷但有骨香而奶白色的湯。可惜好似無落鹽咁，完全0調味，好淡😵‍💫 麵質係闊闊地，好滑，帶d煙韌的，幾好食，但唔吸湯。入面牛肉好多，好似牛腩部分咁，有d軟腍有肥膏，有d就柴的🤨 除左麵質，湯底同肉都一般般。-但跟餐的拌菜好好食！泡菜同醃辣蘿蔔都夠酸夠辣，好彩有佢哋，如果唔係個清湯真係好似病人食咁😳 紫菜飯入面有d薏仁，口感好過一般白飯😆 -性價比係算係咁既，但如果唔係叫辣湯，呢間適合淡口味人士來🤔 如果想要滿滿蛋白質，叫雞湯麵/牛骨湯入面都會有好多柴柴的肉…