Seoul Noodles (加連威老道)

營業中

休息中

今日經過加連威老道見到有間新嘢食韓國麵，見門面都幾韓國🇰🇷feel 就試吓，入到去原來係韓國人主理韓國料理，主打韓式手製刀削麵同手工餃子🥟。自助掃code 下單，今次叫咗排骨辣湯麵🍜連一隻餃子套餐，套餐有餃子🥟 - 泡菜豬肉餃子/豬肉餃子同迷你紫菜包飯 （$118/套餐）比你揀。熱辣辣排骨辣湯麵上枱，排骨真係幾大塊同唔少架，肉質軟嫩，辣湯的辣度適中又不是很辣，韓式手製刀削麵幾滑又煙靭，麵份量都唔小，試咗泡菜餃子，餃子皮薄又多餡料，泡菜的酸辣味又恰到好處好食。每份麵都會跟了細碗薏米飯、泡菜同埋醃蘿蔔，蘿蔔同埋泡菜辣辣地又惹味。店內裝修幾韓國feel，覺得呢度都幾地道韓國小堂風味。食完18:45 門口已經排長龍等位，好彩早一點就不用等位。