Quattro's Kitchen (已搬遷) 新店位置

太古康怡廣場Aeon超市好大，而且賣的貨品種類多，很好逛。買到累了，發現旁邊的這間。吃的是西餐類，店面設計開揚，挺大的，座位也舒適~中午時分有不少附近工作的白領一族，三五成群來到這裡用餐。我兩人點了一份黑松菌紅酒燴牛肋條和高湯烚德國鹹豬手配蘋果燒汁~先說餐湯，入面超多蔬菜呀!!!!附上的小餅乾好好味，配著湯吃正正~黑松菌紅酒燴牛肋條可以嚐到濃濃的黑松露味道，如果喜歡松露味道的人，應該會喜歡。牛肋炆得剛好，軟硬度適中，紅酒的味道溶入牛肋之中，當中的菌類同時吸收到肉香，這道用來配飯吃非常不錯~而高湯烚德國鹹豬手配蘋果燒汁的豬手非常軟，入口即化，味道不錯，豬皮的脂肪比例好重，非常香，但吃多了就開始擔心會吃胖XD午餐時間能有這樣一個舒適環境吃一頓美味西餐，有一點小浪漫~ 吃完繼續Aeon血拼去~~~~XD

今日嚟到太古城很大型嘅商場， 行到攰當然要搵一間坐得舒服又好味嘅舖頭食下下午茶，入到餐廳裝修格局有個開房式嘅餐廳，環境寬敞舒服。一坐低都有幾款下午茶餐，我哋就揀咗「黑松露醬牛柳絲意大利粉」，賣相好靚好吸引 ， 有唔同種類嘅配料，分別係牛柳絲、洋蔥同埋青椒等一齊炒， 而且牛柳絲係用安格拉斯牛肉切條而成的，加上好惹味嘅黑松露醬，食落去唔多油，麵身好乾爽，好惹味嘅牛柳絲炒意粉。第二樣叫咗一個「吉列大蝦配薯條」，吉列大蝦有五隻， 廚師炸得好香口， 外面炸到脆卜卜，不會太厚身，而且恰到好處，食落去不會太熱氣，仲有鮮蝦味，再配埋佢特製嘅「他他醬」，非常滋味。薯條係一條條好粗身嘅形狀， 食得到薯條表面有一點點的准鹽， 再加上茄汁，熱辣辣食相當惹味吸引。之後再叫咗一份「火腿扒芝士三文治」， 三文治切開咗四件， 麵包仲有烘底，所以食落去好脆口，而且濃郁的芝士慢慢流出來，再加埋三文治入面嘅火腿扒，食落去有外脆內軟嘅感覺，味道好Match！是一份好好味好出色嘅三文治。最後我哋叫咗兩杯嘢飲，一杯係特製嘅「凍檸檬茶」，同埋一杯特濃嘅「凍朱古力」，凍檸茶嘅茶好新鮮，再加埋新鮮檸檬片，飲落去好爽。而「特濃既凍朱古力

小學果陣成日出太古城影貼紙相🤣大個之後就登特出黎食章魚燒，今次朋友約出黎到附近修眉～修眉前決定填一填包個肚再繼續😇 點知行行下發現左呢間新開既餐廳入面仲有set lunch & afternoon tea ~ 決定一試。係set lunch and afternoon tea 諗左好耐，因為野食好吸引！最後要左afternoon tea 既 tea set ( ﾟ▽ﾟ)/ 我係港女～ 食物CLASSIC AFTERNOON TEA SET 分喇有三層～美中不足既係最尾果一層既甜品原來係隨機放架，因此件數係單數｢(ﾟﾍﾟ) SAD ..第一層係三文治有蕃茄夾青蘋果口味同埋芝士火腿口味，前者食落都幾清新，而且兩款三文治都會塗上小量既沙律醬以免太過dry啦得料～～第二層係吐司上加上三文魚、鵝肝醬、蝦同蟹肉，都不錯🙂第三層係甜品～馬卡龍食落好甜ahh但不同顏色有不同味道～英式鬆餅😋😋勁好食～再塗上中間既cream cheese ?_? 一流～最後我地兩個加錢轉左野飲～呢杯飲落不似平時既chochlate咁甜😋剛剛好的味道另一杯是朋友點的～～🤣下次會再黎食下其他熱食哦！

康怡廣場呢度有好多大大細細嘅食肆，而Quattro's Kitchen就喺正地下，即係Aeon超市嗰層。Quattro's Kitchen六月先開張，門口個廣告牌有張大大張嘅牛扒相，仲寫住澳洲M5和牛斧頭牛扒，有 1200-1300克，真係大得驚人。身為牛魔王嘅我真係流晒口水，睇吓餐牌先知＄688一份。同朋友喺門口徘徊左陣，兩個人真係食唔到1200-1300克喎，唯有下次班多幾個人嚟食。但我哋最終都係入咗去食，因為見到餐牌有美國西冷、加拿大安格斯牛小排、香煎鵝肝拼美國穀飼牛柳、扒波士頓龍蝦拼無骨牛小排……煙三文魚多士、松露蘑菇醬多士、自家製鵝肝醬多士$78，多士底好脆口。煙三文魚多士擺成花型，賣相都幾靚。松露蘑菇醬多士，松露味好突出。自家製鵝肝醬多士，用士多啤梨同藍莓點綴，味道似豬潤，口感更細緻幼滑，味道都更香。但我更鍾意煎鵝肝多士，更香口，外皮微脆，食完滿口油香。白酒藍青口配蒜蓉包＄108，一大碗藍青口配兩片即焗蒜蓉包。好多白酒汁，仲要好濃味。藍青口吸收晒啲汁，每隻青口肉都煮得好幼嫩，好滑，係啱啱熟嗰隻。我同朋友旋風式搶住食，一陣就食晒，佢仲連汁都撈埋。呢個係我食過最好食嘅青口，我推

三文魚柳伴帶子野菌鮮蝦野米飯 $148三文魚柳夠大塊 香脆新鮮肉質實淨帶子同大蝦鮮嫩彈牙 野菌配搭清新野米飯保留住米飯外殻營養 非常健康仲增加米飯咬口 食材配搭得宜澳洲M5斧頭牛扒(1200g-1300g) $688斧頭扒岀面好少食到 而且價錢唔平最特別就係有條好太舊嘅骨係邊一開頭以為咁大塊扒 會整得好熟但原來係好嫩 肉味濃餐湯 黑松露蘑菇湯 加$45蘑菇味好重 而且好濃郁飲到啖啖蘑菇蓉係口 加上有黑松露香落足材 無花假絶對係真材實料

今日約左一位耐無見嘅大學同學，知道佢最近找到新工作仲喺附近番工，當然要約出黎食個lunch 傾喝下。入到Aeon發現有間新開的西餐廳，我諗開左個幾月左右，坐位好似幾舒服幾闊落咁，就決定入去試下。座位好有空間感，適合我地食完野可以傾下計輕鬆下呢個就係午餐餐牌，都幾多款式，睇完就決定點以下食物今日嘅餐湯係甘筍南瓜湯味道濃仲有煙肉添，有誠意！賣相已經攞滿分，一見到已經覺得好靚好吸引足料，龍蝦汁又夠，唔會食到是尾乾爭爭正體味道不錯，值得推介呢款同樣地個presentation好吸晴，不過如果男仕食的話就未必夠飽，不過味道係唔錯嘅最後，餐飲我就加$15點意大利泡沫咖啡。作為咖啡愛好者，去到邊都會試下餐廳的咖啡呢杯咖啡夠大杯，香濃咖啡味如果有脫脂奶就無咁肥囉總結: 今日又比我發現美味新餐廳，不過佢價錢唔平，但有好味嘅食物舒適嘅環境，最重要係有好嘅服務已經難得。會推介比朋友下一次會同同事來

雨過天晴的午後，據朋友推介後，我們特地前來到此康怡廣場南座商場，商場內真的許多食肆的，我們來到超市旁的西餐廳，一眼望去，此是寬敞明亮及座位都是挻舒適的，現還是客人如雲的，我們稍是等了一會兒的，店員便有禮地安排好座位讓我們享樂美食的呀！😁😁😁是曰餐湯中間的那點就是黑松露，內里有多種多樣的菌類而又是被磨碎而制成的餐湯，營養豐富兼好味的！😁黑松露紅酒燴美國牛肋條 E餐 138圓肉貭是那麼的嫩嫩兼Juicy，超軟綿綿的，好有口感，有土豆，大白菜及小番茄的配襯著，如此般非同凡響的白肉！😜扒帆立貝靈枝菇青瓜扁面配波士頓龍蝦汁 B餐$125圓極大粒肉厚厚肥肥味道又是美美的帶子！👍👍👍有青瓜，洋蔥，三色椒及火箭菜的混在一起的，顏色五彩繽紛的同時健康又好味呀！👍👍😁餐後還有即磨精選意大利咖啡贈送的！😁我也喜歡喝黑咖啡，苦中帶著香氣的同時也隨意可加進淡奶同飲的，香帶滑的口感！😁😁😁享樂美食後，還可Shopping再樂樂的呀！快樂又一天！😁😁😁

 黃雨訊號下，最好的節目便是到附近的商場閒逛，行累了便在商場內的食肆吃過晚飯才回家。上一次到來，記得這位置是賣pizza的，但現在已變成一間西餐廳，太座在門外看過餐牌，合她眼緣，而我只好配合。星期一，一般的食肆都較淡靜，但這店卻坐滿了一半，難道又是天雨關係？太座對龍蝦的套餐很有興趣，點了了龍蝦米多配黑毛豬扒，我主菜點了加拿大安格斯牛小排，龍蝦餐包括有田園沙律和干邑龍蝦湯，田園沙律配油醋，清新清爽，龍蝦湯味道濃郁，還有一隻大蝦在內。我的套餐只有南瓜忌廉湯，橙色的湯，當中還有牛脷粒，增添香味和口感。龍蝦米多賣相很好，太座垂涎欲滴，半隻波士頓龍蝦起肉加洋蔥，蘑菇，芥末，白汁等炒過放回入龍蝦殼內焗至焦黃，肉爽甘甜，吃得出是新鮮龍蝦，黑毛豬扒，肉質幼嫩，肉汁豐盈，水準之作。我的加拿大安格斯牛排，烤得很香，刀下之處，肉質軟綿之餘，帶些少嚼勁，肉汁充沛，伴碟之薯菜竟有六，七款之多，顯出主廚非是是旦旦之輩。飲品可在餐牌自行選擇，太座選了意大利熱朱古力，濃郁的味道喝後定能睡得好，我選了果香味的晨曦之旅，有一堆不知名的 花草香料泡浸在內，顏色是深粉紅，香氣誘人，喝過喉嚨勁舒服。看見大廚從廚房走出來與熟客交

日資超市近來夏曰祭，多數貨品半價，約了亞靚太掃貨。放工後即趕去了太古，咪執輸丫嘛。搶購了大大小小一包兩包，逛了成個鐘，有點疲累。亞靚太提議順道食個晚餐才回家吧！超市週邊有好多食店餐廳，我們選擇了一間光亮潔淨的，有潮派風的裝潢。坐下來了，一位店員前來招呼，推介了幾款人氣之選，剛好為我解決了選擇困難症。相信他是老闆，非常親切，見入來的食客跟他聊個不停。白酒藍青囗配蒜茸飽青口的骰好可愛，煮的時間恰到好處，又嫰又鮮。白酒忌廉汁好濃郁，還有粒粒洋蔥非常惹味，醮麵飽一流。磨菇湯濃稠不膩，磨菇粒有口感。香煎鵝肝拼美國牛柳配紅酒汁鵝肝煎得外脆內軟，內裡綿綿，不油不膩好滋味！最初有點有猶豫要點這個嗎？因坊間好多都好臊。果然冇介紹錯。牛柳要求的六成熟還差一點點，外層過熟，好彩裡面仍保持肉汁，肉質方面非常軟腍。配菜亦不遜色，五顔六色，有營的配搭。即磨咖啡，香醇回甘，品質不錯。今晚真係食得豐足，買得開心

間中都會去太古行下街，貪佢人唔多又多野行。今日同男朋友係康怡見到有新開西餐，仲有set dinner揀。Quattro's kitchen 用上開放式廚房，感覺比較開揚。我地一人叫咗一個set，有餐湯或沙律，包埋野飲。我地兩個都要咗湯，係紅菜頭湯嚟。好少會飲到紅菜頭嘅西湯，店員話係好健康嘅配搭嚟。紅菜頭味好清新，湯入面加咗辣肉腸成個湯帶小小辣令味道香口。香煎鵝肝拼殼飼牛柳配紅酒汁牛柳要咗五成熟，鵝肝鋪咗喺牛柳嘅上面鵝肝煎得外香內軟，油脂香濃牛柳非常厚切，肉汁juicy！牛味幾濃，但就厚咗小小燒紐西蘭羊扒配薄荷香草燒汁羊扒好出色，叫咗七成熟肉質粉嫩，亦都唔會好SO店員好體貼拎咗三種醬比我揀我就試咗芥末青醬，加小小同羊一齊食整體味道更加青新，非常之夾餐後梗係飲杯咖啡醒醒晨！意大利凍鮮奶咖啡 意大利泡沫咖啡大大杯，奶香又滑！咖啡香而不酸，唔錯服務好細心，太古食飯又多一個新選擇了！

太古康怡有很多食肆，剛開了新的扒房就孖同事去試下。環境cozy，以木色和植物點綴，空間感不錯，feel comfy。晚餐menu。三文魚凱撒沙律($78)沙律菜fresh 又crispy，仲有Bacon碎、麵包粒、芝士，簡單的美味。是日餐湯/沙律和餐飲可加$45。Daily soup係Minestrone，湯味道不錯，新鮮烹調的，有西芹、蘿蔔、洋蔥、cabbage和肉碎。麵包條好脆。燒紐西蘭羊架配薄荷香草燒汁($188)香噴噴的肉味，但係完全唔so，廚師將羊肉處理得很好。厚切的羊架肥瘦適中，五分熟已經足夠，食一口已感受到很有quality，texture嫩滑又juicy，點少少薄荷醬，加倍美味。擺盤十分精美，都幾大份，完全沒有將貨就價，優質的食材令到性價比非常高。加拿大安格斯牛小排伴紅酒汁($198)Angus short rib，係boneless的，可以啖啖肉。切開後肉呈漂亮的粉紅色，試一口便已愛上了，肉質鮮嫩而扎實，口感十分好，可見時間和火喉都控制得非常精準，簡單的pepper & salt已經足夠，醬汁都可以skip。配菜也很豐富，有車厘茄、青豆、菜、甘荀和薯仔，好enjoy的

太古城Aeon 裡面一向多野食，見新開左呢間西餐廳，就入去試下啦環境都幾modern ，水吧係開放式，幾有歐陸風晚市餐牌，望落去感覺食材高級，決定同媽咪叫兩個唔同既dinner set share黎食，可以試多d~我地都加左$45要埋餐湯同飲品餐湯係雜菜湯，上抬已經聞到好濃郁既雜菜味同香草味，仲有一條餅乾配湯食，好香脆，而且麥味幾重個湯好足料，滿滿既雜菜同蘿蔔令到個湯充滿著蔬菜既甜味，酸酸甜甜都幾開胃白酒藍青口配蒜蓉包，蒜蓉包焗得好脆，而且好濃蒜蓉牛油味，藍青口份量好多，想有成十幾隻，青口鮮甜而且彈牙，仲食到陣陣既白酒味，令青口更香，而且底下既忌廉汁唔會好漏，反而更提升左青口既鮮味，點蒜蓉包好夾香煎鵝肝拼美國穀飼牛柳配紅酒汁， 鵝肝好肥美，外脆內軟，食落油香得黎唔會覺得漏。而牛柳肉質好腍，煎得岩岩好唔會過熟，仲有肉汁，牛味好濃，配上紅酒汁真係好夾法國春雞仔伴薑絲蘑菇飯配燒汁，春雞外皮燒到好脆，個裡面肉質嫩滑，好香香草味，點埋燒汁幾正。而蘑菇食好濃忌廉味，好creamy，蘑菇食落好爽口新鮮最後叫埋熱檸茶同凍奶茶做結束，兩者都好有茶香味整體黎講，食物質素唔錯，而且店員服務態度很好，會常再次

👉🏼喺康怡AEON行完超市攰攰地，比我地見到呢間新開既西餐廳，一於入去食返個tea先！👉🏼西餐廳地方闊落舒適清潔，座位約80個，坐得好舒服，見到有張好大約十人的台，岩曬成班朋友共聚！我同老公好肚餓，所以叫左個二人下午茶，再加多個意粉😋‼️黑松露牛柳絲意大利粉。$68牛柳一食就知靚貨，香濃牛肉味，好軟嫩，完全唔會難咬，加上用黑椒去炒，絕配，配上三色椒洋蔥菇等配菜，頓時味道層次加以提升👍🏻主角意粉煮得剛好，皆因我最怕食d淋既粉，浪費食材‼️精選下午茶 二人份。$188⭐️蕃茄青蘋果三文治：好特別呢，勁fresh，呢個配搭真係第一次試，青蘋果既微酸爽口既口感，配上多汁既甜蕃茄，原來可以咁match👍🏻消下濟幾好！⭐️三文魚、鵝肝、蝦、魚多士，全部都好入味嫩滑，多士烘得香脆，配搭沙律菜，超正⭐️tiramisu滑流咖啡酒味香香的、cheese cake原來係soft cream cake唔會好濟好膩、macaron有粒係我最愛既檸檬味、scone配忌廉最佳組合🤗全部甜品細細件，完全唔會有好甜好膩既感覺！‼️coffee & mocha 幾香濃幼滑👐🏻嘆完個TEA，真係好滿足喔😝下次要試埋dinner先，相

坐落喺康怡廣場超市對出既西餐廳一直見到佢哋難得有斧扒供應 今次到你試一試是日餐湯係黑松露野菌湯調味得宜 而且蘑菇味香濃 白酒藍青口配蒜蓉包 $108青口份量雖然唔算多但係粒粒都好大隻而且非常新鮮全部開晒口 白酒汁同青口互相配合鮮味十足蒜蓉包亦都好香脆 點汁食一流澳洲M5和牛斧頭牛扒 $688終於到咗萬眾期待嘅主菜呢度嘅斧頭牛扒每塊都平均有1200至1300g真係份量十足幾個人share都好夠飽餐廳有提供可以比顧客自行調味好細心雖然牛扒有返咁上下厚但係要做都好靚嘅五成熟效果睇吓幾粉嫩 真係令人垂涎欲滴而且牛扒夠厚身可以鎖住肉汁在點餐廚師自家製嘅紅酒醬汁真係好好食 令人回味出邊食一個斧頭閒閒地都過千呢一道真係好抵食

今日同男朋友行過aeon嘅時候，見地下層開左一間新嘅西餐廳，價錢唔算貴，裝修style以木為主，行簡約風格。店員招待熱情而且好nice，好細心咁同我地講解menu。餐湯。黑松露野菌忌廉湯聞到好香嘅黑松露味，湯上面淋左黑松露汁、蕃茜同奶。將野菌打碎加入湯到煮，啖啖湯都食到菌蓉嘅味，口感好豐富。黑松露味唔突出，反而有好香嘅野菌味。店員超級熱情，會不時過黎同我地介紹下點嘅菜式。扒美國牛肩胛肉配紅酒汁。牛肩胛肉肉質細嫩，生熟雖然由廚師控制，最後牛肉無令我失望，約五成熟。肉質有彈性，咬落唔會老。紅酒汁味道唔太重酒味，一向唔太愛酒嘅我都接受到。份量亦都岩岩好，唔會太多食唔曬。扒紐西蘭羊扒伴燒蒜頭配香草燒汁。六成熟羊扒六成熟岩岩好，上面有黑椒同香草調味。切開有小小紅色，食落外脆內軟，肉質鮮嫩，唔會有羊so味。值得一贊嘅係個汁，香草味十足，有小小嘅薯蓉味，同羊肉好夾。晨曦之旅。我比佢個名吸引到而叫，顔色淡紅黃橙，似係太陽升起雲霞嘅色彩。聞落有淡淡嘅酸味，男朋友話好似康鈣C。飲落酸酸地，好消膩嘅感覺。